اضلاع کی خبریں 13.10.2013
Posted on October 14, 2013 By Tahir Webmaster سٹی نیوز
بہاولپور میں سولر انرجی پارک کا منصوبہ پاکستان مسلم لیگ (ن) کی حکومت کا ایک تاریخ ساز پراجیکٹ ہے :نواز چوہان
گوجرانوالہ (جی پی آئی)مسلم لیگ ن کے ممبر صوبائی اسمبلی حاجی محمد نواز چوہان نے کہا ہے کہ بہاولپور میں قائد اعظم سولر انرجی پارک کا منصوبہ پاکستان مسلم لیگ (ن) کی حکومت کا ایک تاریخ ساز پراجیکٹ ہے جو توانائی سیکٹرکی ٹھوس ترقی میں اہم کردار ادا کرے گا، اس منصوبے کی تکمیل سے ملک میں ترقی و خوشحالی کی نئی راہیں کھلیں گی۔ ان خیالات کا اظہار انہوں نے کلر آبادی حافظ آباد روڈ پر کارکنوں کے اجتماع سے خطاب کرتے ہوئے کیا۔ حاجی نواز چوہان کا کہنا تھا کہ اگر 12 اکتوبر کو پارلیمنٹ پر شب خون نہ مارا جاتا تو آج پاکستان ایشیئن ٹائیگر ہوتا۔ ان کا کہنا تھا کہ آج مسلم لیگ (ن) کی حکومت تمام درپیش مسائل سے عہدہ برآہ ہونے اور پاکستان کو دوبارہ ترقی اور خوشحالی کی راہ پر واپس لانے کے لئے جنگی بنیادوں پر دن رات مصروف عمل ہے۔ تقریب سے بیرسٹرعمر نواز چوہان، عبدالحفیظ چٹھہ، راشد جاوید ودیگر نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعظم نواز شریف پرعزم انداز میں قوم کو بحرانوں سے نکالنے میں کوشاں ہیں:خالد مغل
گوجرانوالہ (جی پی آئی)مسلم لیگ ن کے ضلعی نائب صدر حاجی خالد مغل نے کہا ہے کہ وزیر اعظم نواز شریف پرعزم انداز میں قوم کو بحرانوں سے نکالنے میں کوشاں ہیں، وہ دن دور نہیں جب پاکستان کا شمار دنیا کی مستحکم اور مضبوط معیشتوں میں ہو گا، سابقہ حکمرانوںنے قومی مسائل کے حل سے مجرمانہ چشم پوشی اختیار کر کے قدرتی وسائل سے مالا مال قوم کو در در کا بھکاری بنا دیا۔ ان خیالات کا اظہار انہوں نے لودھی ٹائون میں کارکنوں کے اجتماع سے خطاب کرتے ہوئے کیا۔ حاجی خالد مغل کا کہنا تھا کہ ملک و قوم کو اپنے پائوں پر کھڑا کرنے اور مہنگائی و بے روزگاری کے خاتمے کیلئے وزیر اعظم محمد نواز شریف اور ان کی اقتصادی ٹیم نے جامع حکمت عملی اپنائی ہے۔ ان کا کہنا تھا کہ حکومتی فیصلوں پر واویلا کرنے والوں کو شرم آنی چاہئے، تنقید برائے تنقید کی بجائے تنقید برائے اصلاح اپنانا ہوگی۔ تقریب سے حاجی افتخار پہلوان، فاروق مغل، دائود خالد ودیگر نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صو فی محمد یعقو ب چشتی المعرو ف کھو نڈی والی سرکا ر کا 17 وا ں سالا نہ عرس مبارک 17 اکتوبرکو ہو گا
گو جر انوالہ (جی پی اائی)صو فی محمد یعقو ب چشتی المعرو ف کھو نڈی والی سرکا ر کا 17 وا ں سالا نہ عرس مبارک مو ر خہ 17 اکتو بر بر و ز جمعرات شام 4 بجے انکی رہا ئش گا ہ 366 ای بلا ک سیٹلا ئیٹ ٹا ئون میں انعقاد پذ یر کیا جا ئے گا جس میں حضرت با با جی سید محمد کبیر شاہ چشتی سو ہا وہ شریف ، گد ی نشین صو فی عبد الرزاق مو ڑ ایمن آبا د ، را جہ عبد العزیز اور عابد عزیز کے لیے خصوصی دعائے مغفرت کی جا ئے گی دو ر نذ یک سے عز یزو اقا رب و مریدین بھر پو ر شرکت کریں گے خصوصی شرکت کرنے والوں میں شامل ہیں صا حبزادے سردار محمد طا ہر تبسم ، سردار محمد رضوان طا ہر ، سردار محمد عرفان طا ہر ، سردار محمد ذیشان طا ہر ، سردار فیصل تنویر ، را جہ عمر ظہو ر ، ہا رو ن شعیب ، سردار محمد ایو ب خان ، سردار محمد یعقو ب خان ، ملک محمد امین ، ملک محمد خالد ، سردار محمد نسیم خان ، را جہ محمد شعیب خان ، محمد اعظم جرال ، را جہ محمد طا رق ، اسلام ٹیلر ، محمد ریا ض ، پر و فیسر محمد اقبال جرال ، را جہ محمد جنید ، شہبا ز مغل ،عبد الر حمن ، محمد عمر مغل ، محمد شمعون ، صوفی محمد جا وید را ہوالی ، مرزا محمد عامر جرال ، حا فظ محمد جنید ، شیخ محمد نعیم الرحمن ، حا فظ محمد اشرف ،مرزا عا مربشیر جرال ، خو رشید احمد ، بلو بٹ ، محمد سلیم آرا ئیں ،عا طف بٹ ، کا شف بٹ ، یا سر بشیر ، محمد شعیب بشیر ، مو سیٰ یو نس اور حکیم عرفان علی قا دری ختم پاک کا آغاز تلا وت کلام پاک سے استا ذہ القراء قا ری خلیل الر حمن کر یں گے جبکہ دیگر مقامی نعت خواں مد ح سرائی کا شرف حاصل کریں گے قرآن و سنت کے دلا ئل پر مبنی خطاب ادارہ صراط مستقیم پا کستان کے مبلغ کریں گے اور اختتام میں خصوصی دعا کے ساتھ ساتھ لنگر بھی تقسیم کیا جا ئے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی کے دور میں گیس و بجلی کی بدترین چوری نے ملک میں توانائی کا سنگین بحران پیدا کیا:خرم دستگیر خان
گوجرانوالہ(جی پی آئی)وزیرمملکت برائے تجارت ،ٹیکسٹائل انڈسٹری و نجکاری انجینئر خرم دستگیر خان نے کہا ہے کہ پیپلز پارٹی کے دور میں گیس و بجلی کی بدترین چوری نے ملک میں توانائی کا سنگین بحران پیدا کیا،11مئی کو آصف زرداری اور انکے اتحادیوں کو 18، 18گھنٹے لوڈ شیڈنگ کرنے کی سزا ملی ،بجلی کے نرخوں میں حالیہ اضافے میں تمام صوبوں کے وزرائے اعلیٰ کی رضامندی اور منظوری شامل ہے مسلم لیگ ن کی حکومت فرنس آئل پر چلنے والے پاور پلانٹس کی کوئلے پر منتقلی کے منصوبوں پر کام کر رہی ہے ،اگلے ڈیڑھ سال میں سستی بجلی پیدا کرنے کے قابل ہو جائیں گے ان خیالات کا اظہار انہوں نے حیدر کالونی میں لیگی کارکن ماسٹر نیامت علی اور باغوالہ گرجاکھ
میں لیگی کارکنوںاشرف گجرلیاقت گجر اور اصغر گجر کی والدہ کے انتقال پر اظہار تعزیت اور فاتحہ خوانی کے بعد اہل حلقہ سے گفتگو کرتے ہوئے کیا،انہوں نے کہا کہ مسلم لیگ ن کی حکومت عوامی مشکلات سے پوری طرح آگاہ ہے لیکن عوام اچھی طرح جانتے ہیں کہ مسلم لیگ ن کو مسائل کے انبار سابق حکمرانوں سے ورثے میں ملے ہیں ،میاں نواز شریف اور انکی ٹیم ملک کو درپیش مسائل سے نمٹنے کے لئے سخت محنت کر رہی ہے مسلم لیگ ن کی صاف شفاف گورننس کے ثمرات اگلے ایک ڈیڑھ سال میں عوام کو منتقل ہو ناشروع ہوجائیں گے،انہوں نے کہا کہ وفاقی حکومت نے بجلی کے سنگین بحران کے پیش نظر تما م صوبوں کے وزرائے اعلیٰ سے مشاورت کی اور انکی منظوری کے بعد ہی بجلی کے نرخوںمیں حالیہ اضافہ کیا گیا ہے ،فرنس آئل پر چلنے والے پاور پلانٹس کی کوئلے پر منتقلی کے بعد حکومت عوام کو سستی بجلی فراہم کرنے کے قابل ہوجائے گی،خرم دستگیر خان نے کہا کہ 11مئی کو عوام نے 18،18گھنٹے لوڈشیدنگ کرنے والوں کو نشان عبرت بنا دیا، اگلے پانچ سال میںمسلم لیگ ن عوام کے ساتھ کئے گئے تمام وعدوں کی تکمیل کے بعد خودکو عوام کی عدالت میں پیش کرے گی،اس موقع پر ایم پی اے چوہدری اشرف علی انصاری بھی انکے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب ایجوکیشن فائونڈیشن اپنی تعلیمی منصوبوں کو توسیع دے رہی ہے ،راجہ انور
لاہور(جی پی آئی)پنجاب ایجوکیشن فائونڈیشن نے ضرورت مند بچوں کی تعلیم تک رسائی آسان بنانے کی غرض سے اپنے تعلیمی منصوبوں میں مزید توسیع کا فیصلہ کیا ہے ـاس حوالے سے پنجاب ایجوکیشن فائونڈیشن رواں مالی سال کے دوران دو سو نجی سکولوں سے پارٹنر شپ کرے گی ـ فائونڈیشن اسسٹڈ سکول پروگرام کے تحت الحاق شدہ ان سکولوں میں زیر تعلیم طالبعلموں کی ماہانہ فیس اور نصابی کتب پنجاب ایجوکیشن فائونڈیشن مہیا کرے گی ـیہ بات چیئر مین پنجاب ایجوکیشن فائونڈیشن راجہ انور نے مختلف نجی سکولوں کے مالکان اور پرنسپل حضرات کے 20رکنی وفد سے اپنی رہائش گاہ پر ملاقات کے دوران کہیـوفد سے گفتگو کرتے ہوئے راجہ انو رنے کہا کہ پنجاب ایجوکیشن فائونڈیشن نے فائونڈیشن اسسٹڈ سکول پروگرام کے ذریعے 12لاکھ مستحق طالبعلموں کو ان کے اضلاع میں مفت تعلیم کی سہولت مہیا کی ہےـ اس مقصد کیلئے2165نجی سکولوں سے پارٹنر شپ کی گئی ہے ـانہو ںنے کہا کہ پنجاب ایجوکیشن فائونڈیشن کا مفت تعلیم کا ماڈل انتہائی با کفایت اور مفید ہے جس کے ذریعے بے وسیلہ اور ضرورتمند طالبعلموں کو تعلیمی اخراجات سے نجات ملی ہے ـانہوں نے کہا کہ پنجاب ایجوکیشن فائونڈیشن نے چھوٹے نجی سکولوں کا معیار تعلیم بڑھانے کیلئے مختلف اقدامات کئے ہیں ـ ان سکولوں کے اساتذہ کی تعلیمی استعدادکار بہتر بنانے کے لئے مربوط تربیتی پروگرام پر عملدر آمد متواتر جاری ہے ـانہو ںنے مزیدکہا کہ پنجاب ایجوکیشن فائونڈیشن نے صوبے میں سکول ایجوکیشن کو بہتر بنانے میں اہم کردار ادا کیا ہے ـاسی طرح پنجاب ایجوکیشن فائونڈیشن نے غریب اور بے آسرا گھرانوں کے بچوں کو مفت تعلیم دلا کر انہیں اپنے پائوں پر کھڑا کیا ہے ـانہو ںنے نجی سکولوں سے کہا کہ وہ پنجاب ایجوکیشن فائونڈیشن کے پبلک پرائیویٹ پارٹنر شپ ماڈل سے فائدہ اٹھا کر اپنا معیار تعلیم بہتر بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں نظام مصطے صلی اللہ علیہ والہ وسلم کے نفاذ اور مقام مصطفےٰ صلی اللہ علیہ والہ وسلم کے تحفظ کو ہر صورت یقینی بنایا جائیگا:سید عرفان مشہدی
لاہور(جی پی آئی)مرکزی جماعت اہلسنت پاکستان کے مرکزی ناظم اعلیٰ سید عرفان مشہدی، موسوی نے کہا ہے کہ ملک میں نظام مصطے صلی اللہ علیہ والہ وسلم کے نفاذ اور مقام مصطفےٰ صلی اللہ علیہ والہ وسلم کے تحفظ کو ہر صورت یقینی بنایا جائیگا، طالبان سے مذارکرات ملکی مفاد میں ہیں لیکن پاکستان کے آئین اور پارلیمنٹ کو نہ ماننے والوں سے مذاکرات نہیں ہونے چاہئیں، پاکستان میں ہونیوالی دہشت گردی میں بیرونی ہاتھ بھی ملوث ہیں جن کو بے نقاب کرنے کیلئے حکومت کو اقوام متحدہ سمیت تمام عالمی فورمز پر بات کرنی چاہئے۔گذشتہ روز ہفتہ اور اتوار کی درمیان شب کاہنہ کاچھہ میں ایک پکانفرنس سے خطاب کرتے ہوئے انہوں نے کہا کہ کراچی میں جرائم
پیشہ عناصر نے سیاسی پشت پناہی سے منظم شکل اختیار کرلی ہے۔بھتہ خوری،ٹارگٹ کلنگ اور اغوا برائے تاوان کی وارداتیں بڑھتی چلی جارہی ہیں۔کراچی کو دوبارہ روشنیوں کا شہر بنانے کے لئے وفاقی و صوبائی حکومتیں سپریم کورٹ کے فیصلوں پر من و عن عمل کریںاور کراچی سمیت ملک بھر میں مستقل بنیادوں پر امن قائم کرنے کے لئے اسلامی نظام نافذ کیا جائے یہی مسائل کا واحد حل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ کے راستے میں جانور قربان کرنے کا فلسفہ یہ ہے کہ ہم اپنا سب کچھ اللہ کے لئے وقف کردیں:ڈاکٹر محمد امین
لاہور( جی پی آئی)ملی مجلس شرعی کے مرکزی صدر مفتی محمد خان قادری اور سیکرٹری جنرل پروفیسر ڈاکٹر محمد امین نے کہا ہے کہ اللہ کے راستے میں جانور قربان کرنے کا فلسفہ یہ ہے کہ ہم اپنا سب کچھ اللہ کے لئے وقف کردیں،ملک میں عمر فاروق کے نظام عدل کے نفاذ سے ہی دہشت گردی کا خاتمہ اور امن و امان کی صورتحال کنٹرول ہو سکتی ہے، حکو مت دہشت گر دی کے واقعات میں بیرو نی ہاتھ پر گہر ی نظر نظر رکھے یہ پا کستان کو عد م استحکام کر نے کی بڑی سازش کا حصہ لگتا ہے۔ان خیالات کا اظہار انہوںنے گذشتہ روز ایک اجلاس سے خطاب کرتے ہوئے کیا۔انہوں نے کہا ہے کہ بھارت مقبوضہ کشمیر میں سب سے بڑی دہشت گردی کر رہا ہے ‘ پوری قوم پاک افواج اور انٹیلی جنس اداروں کیساتھ کھڑی ہے ‘ ملک کی سالمیت اور خود مختاری کا مکمل تحفظ کیا جا ئیگا ‘ طالبان سے مذارکرات ملکی مفاد میں ہیں لیکن پاکستان کے آئین اور پارلیمنٹ کو نہ ماننے والوں سے مذاکرات نہیں ہونے چاہئیں’ پاکستان میں ہونیوالی دہشت گردی میں بیرونی ہاتھ بھی ملوث ہیں جن کو بے نقاب کرنے کیلئے حکومت کو اقوام متحدہ سمیت تمام عالمی فورمز پر بات کرنی چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حج ایک عبادت ہونے کے ساتھ ساتھ اسلامی تہذیب و تمدّن کی ایک عالمگیر کانفرنس ہے:اشرف آصف جلالی
لاہور(جی پی آئی)سربراہ ادارہ صراط مستقیم ڈاکٹر محمد اشرف آصف جلالی نے کہا ہے کہ حج ایک عبادت ہونے کے ساتھ ساتھ اسلامی تہذیب و تمدّن کی ایک عالمگیر کانفرنس ہے۔فرزندان اسلام کا یہ سالانہ اجتماع باطل قوتوں پر ہیبت طاری کر دیتا ہے کعبةاللہ اور گنبد خضریٰ پر حجاج کرام کی جمی ہوئی نگاہیں اس اَمر کو واضع کرتی ہیں کہ اُمت مسلمہ کو کہیں اور دیکھنے کی ضرورت نہیں ۔ان خیالات کا اظہار انہوں نے عرفات کے میدان میں حجاج کرام کے بہت بڑے اجتماع سے خطاب کرتے ہوئے کیا جس میں کئی ممالک کے علما ء ومشائخ نے شرکت کی ۔انہوں نے کہا کہ حج کے موقع پر مخصوص اوقات میںمخصوص مقامات پر ڈیرے ڈال لینا نام نہاد روشن خیالی کے خلاف ایک تربیتی کورس ہے ۔حج کا ماحول بندے کو حضوری کا درس دیتا ہے۔انہوں نے کہا میدان عرفات میں برسنے والی رحمتیں گنہگاروں کو بخشنے میں قلیدی کردار ادا کرتی ہیں۔ وادی عرفات میں بہنے والے آنسوانسان کے نامہ اعمال کی ہر سیاہی کو بہاکر لے جاتے ہیں۔جس کے نتیجے میں انسان کو ایک نئی زندگی میسر آتی ہے۔احرام سے لے کر طوافِ وداع حج ایک تبدیلی کا نام ہے۔ وہ تبدیلی حاجی کے اعدات ،کیفیات ،حالات او ر معاملات سے دیکھی جاسکتی ہے۔ انہوں نے کہا حج صبر،جدوجہد اور نظم وضبط کا سبق دیتاہے۔ مقبول حج کی علامت یہ ہے کہ بندہ حج کی ادائیگی کے بعد فوراً نئے عمل صالح کو شروع کرلے اور پھر اس میں کثرت اور تسلسل کو برقراررکھے۔انہوں نے حج کے موقع پرخطاب کرتے ہوئے مسلم ممالک میں جاری خانہ جنگی پر نہایت افسوس کا اظہار کیا اور اسے اغیار کی سازش کرار دیا ۔انہوں نے کہا کہ امریکہ مختلف اسلامی ممالک میں اپنے ایجنٹوں کے ذریعے ایسے حالات پیدا کرتا ہے جو امریکہ کی مداخلت کا جواز فراہم کرتے ہیں۔جس کے نتیجے میں امریکہ وہاں اپنے تسلط کو قائم کر لیتا ہے ۔چنانچہ عالم اسلام کو امریکہ کی اس سا زش کا ادراک کرتے ہوئے امن و یکجہتی کی فضاء پیدا کرنی چاہیے۔اجتماع کے اختتام پر انہوں نے پا کستان اور عالم اسلام کی بہتری کی دعا مانگی ۔انہوں نے اس اجتماع میں ادارہ صراط مستقیم پاکستان کے زیر اہتمام آئندہ سال 15مارچ کو مینار پاکستان پر ہونے والی تاریخی شان رسول ۖ کانفرنس کی مختلف ممالک کے وفود کو دعوت دی اور شرکاء کو اسے کامیاب بنانے کیلئے دِن رات دعوت دی اوراس کی تاریخی کامیابی کیلئے دُعا مانگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت کی طرف سے ڈرون حملے روکنے کے لیے ابھی تک کوئی سنجیدہ کوشش سامنے نہیں آئی:سید منور حسن
لاہور (جی پی آئی)امیر جماعت اسلامی پاکستان سید منورحسن نے کہاہے کہ حکومت کی طرف سے ڈرون حملے روکنے کے لیے ابھی تک کوئی سنجیدہ کوشش سامنے نہیں آئی جس سے ظاہر ہوتاہے کہ حکمران ڈرون حملے روکنا ہی نہیں چاہتے ۔ عالم اسلام کی فوجیں دشمن کے ساتھ مل کرمسلمانوں کا قتل عام کر رہی ہیں ۔ فاٹا اور وزیرستان کے قبائل سے بڑھ کر کوئی محب وطن نہیں ۔آزاد کشمیر پاک فوج نے نہیں بلکہ قبائلیوں نے بھارت کے پنجے سے آزاد کروایا تھا ۔ بندوق کی نوک پر کسی کو مذاکرات پر مجبور نہیں کیا جاسکتااور نہ کوئی کسی کے کہنے پر ہتھیار پھینکتا ہے ۔ کراچی کے حالات بلوچستان سے زیادہ ابتر ہو چکے ہیں جہان روزانہ درجنوں لاشیں گررہی ہیں ۔کراچی کے کسی حلقے میں بھی ووٹوں کی دوبارہ گنتی کرائی جائے تو آدھے سے زیادہ ووٹ جعلی نکلیں گے ۔جماعت اسلامی کے مرکزی میڈیا سیل سے جاری پریس ریلیز کے مطابق ان خیالات کااظہار انہوں نے اسلامک سنٹر گجرات میں اجتماع ارکان سے خطاب اور بعد ازاں سوالات کے جوابات دیتے ہوئے کیا ۔ اس موقع پر نائب امیر جماعت اسلامی پنجاب اظہر اقبال حسن ، امیر ضلع گجرات ڈاکٹر سید احسان اللہ شاہ ، ڈاکٹر عبیداللہ گوہر اور احسان اللہ بٹ بھی موجود تھے ۔ سیدمنورحسن نے کہاکہ امریکہ کے نیو ورلڈ آرڈر کے نفاذ کی راہ میں سب سے بڑی رکاوٹ مسلم ممالک کی اسلامی تحریکیں ہیں اسی لیے سوویت یونین کے بکھرنے کے بعد امریکی تھنک ٹینکس نے اسلام اور مسلمانوں کو امریکہ کا نمبر ایک دشمن قرار دیا اور دنیا میں اسلام کاراستہ روکنے کے لیے مسلمانوں کو دہشتگرد قرار دے دیا گیا ۔ امریکہ نے نیٹو کے چالیس ممالک کو ساتھ ملا کر دنیا بھر میں مسلمانوں کا قتل عام شروع کردیا۔ قرآن پاک کو نذر آتش کیا گیا اور نبی اکرم صلی اللہ علیہ وسلم کے خاکے بنانے کی اشتعال انگیز کاروائیاں کی گئیں جو اب تک جاری ہیں، امریکہ ان کارروائیوں کو دہشتگردی قرار نہیں دیتا لیکن دوسری جانب مسلم ممالک کے حکمران امریکی چوکھٹ پر سجدہ ریز ہیں اس کی ہاں میں ہاں ملاتے ہیں اور اسی کی پالیسیوں کو کامیاب کروانے کی کوشش کرتے ہیں ۔ سیدمنورحسن نے کہاکہ موت کی سزا کو وحشیانہ قرا ردے کر ختم کرنے کی کوششیں کرنے والے بنگلہ دیش میں جماعت اسلامی کے رہنمائوں کو دی جانے والی موت کی سزائوں کے خلاف زبان کھولنے کو تیار نہیں ۔سیدمنورحسن نے کہاکہ موجودہ انتخابات کے بعد اسٹیبلشمنٹ سخت پریشان ہے کہ انتخابات میں جن کو ہرانا تھاوہ ضرورت سے زیادہ ہارگئے اور جن کو کامیاب کروانا تھا وہ ضرورت سے زیادہ جیت گئے ۔ اب اسٹیبلشمنٹ کو ملک میں توازن رکھنا مشکل ہورہا ہے ۔حکمرانوں نے جمبو ساز کا کشکول اٹھا لیاہے اتنابڑا کشکول تاریخ میں پہلی بار دیکھنے میں آیاہے لیکن اس کے باوجود ملک میں ہر طرف غربت، بے روزگاری ، مہنگائی اور بجلی کی لوڈشیڈنگ نظر آتی ہے ۔ انہوں نے کہاکہ آئندہ بلدیاتی انتخابات میں حکمران سابقہ انتخابی تاریخ کو دہرانے کی کوشش کریں گے ۔اگر عوام چاہتے ہیں کہ مہنگائی اور بے روزگاری سے جان چھوٹ جائے اور انہیں صحت ، تعلیم ، روزگار کی سہولتیں مل جائیں تو انہیں حکمرانوں کی ان سازشوں کا توڑ کرنا ہوگا اور بلدیاتی انتخابات میں ان لوگوں کو کامیاب کروانا ہوگا جو امین اور دیانتدار اور ان کے مسائل اور مشکلات کا حل نکالنے کی صلاحیت رکھنے والے ہوں ۔ انہوں نے کہاکہ پاکستان سمیت بہت سے اسلامی ممالک مغربی پروپیگنڈے میں آ کرخود کو ترقی پسند ثابت کرنے کے لیے موت کی سزا کو ختم کرناچاہتے ہیں ۔ پاکستا ن میں یہ اقدام اٹھانے کی کوشش کی گئی تو اس کی سخت مزاحمت کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ کی سیاست پیپلز پارٹی کے جعلی وصیت نامے پر چل رہی ہے،:لیاقت بلوچ
لاہور(جی پی آئی)جماعت اسلامی پاکستان کے مرکزی جنرل سیکرٹری لیاقت بلوچ نے کہا ہے کہ سندھ کی سیاست پیپلز پارٹی کے جعلی وصیت نامے پر چل رہی ہے،عوام نے ہربار بھٹو کے نام پرووٹ دیا مگر بدلے میںپیپلزپارٹی کی قیادت نے سندھ کے عوام کو مہنگائی،بدامنی،بیروزگاری ،مایوسی،محرومیوں اوربوری بند لاشوں کے تحفوں کے سوا کچھ بھی نہیں دیا ہے۔سندھ کے عوام کواپنی قسمت بدلنے اورخوشحال سندھ کا خواب پورا کرنے کے لیئے نااہل و کرپٹ قیادت سے نجات اور دیانتدارقیادت کو آگے لانا ہو گا،جوسندھ کے حقوق کی حفاظت اورظلم و ناانصافیوں ،وڈیرانہ وجاگیردارانہ نظام کی چیرہ دستیوں کاشکارعوام کے دکھوں کا مداوا کرسکے،جو پارٹی اپنے پانچ سالہ دور اقتدار میں اپنی شہید قائد کے قاتلوں کو بے نقاب کرکے کیفر کردار تک نہ پہنچا سکے اس سے سندھ کے عوام کے مسائل حل کرنے کی کیاتوقع کی جاسکتی ہے ۔ جماعت اسلامی کے مرکزی میڈیا سیل کے مطابق ان خیالات کا اظہار انہوں نے جماعت اسلامی جیکب آباد کے تحت ٹائون ہال میں منعقدہ عظیم الشان جلسہ عام سے صدراتی خطاب کے دوران کیا۔قبل ازیں لیاقت بلوچ و دیگر قائدین کا جیکب آباد پہنچنے پر شاندار استقبال کیا گیا ۔ جلسہ سے صوبائی جنرل سیکرٹری ممتازحسین سہتو،ڈپٹی جنرل سیکرٹری عبد الحفیظ بجارانی،ضلعی امیر امداداللہ بجارانی ودیگر رہنماوں نے بھی خطاب کیا۔انہوں نے مزید کہا کہ ملک کے دستور پر عمل کرنے کاحلف لینے والے حکمرا ن اقتدار میں آنے کے بعد دستور کی دھجیاں اڑا رہے ہیں جن پر غداری کا مقدمہ چلایا جائے ،امریکہ انسانیت کا دشمن ہے حکمرانوں نے امریکہ کے مذموم مقاصد کی تکمیل کے لیے اپنے اثاثے بھی اس کے حوالے کردئیے، جیکب آباد کا شہباز ایئر بیس اپنے ہی کلمہ گوافغان بھائیوں کے خلاف استعمال ہوا۔ حکمرانوں نے ملک کی معیشت اور غیرت امریکہ کی دہلیز پر گروی رکھ دی ہے، ریمنڈڈیوس کی طرح ڈاکٹر آفریدی اور مشرف کو آزاد کرنے کے لیے حکمرانوں پر دبائو ہے اور وہ انہیں آزاد کرنے کے لیے تیار ہیں مگر قوم کی بیٹی ڈاکٹر عافیہ امریکہ کی قید میں ہے جس پر حکمرانوں کوکوئی غیرت نہیں آتی ۔ لیاقت بلوچ نے کہا کہ اس وقت سندھ بدامنی اور لاقانونیت کی آگ میں جل رہا ہے۔مفاد پرست حکمرانوں نے اندرون سندھ ڈاکوں اور شہری علاقوں کو دہشتگردوں کے حوالے کرکے عوام کی زندگی اجیرن بناکر رکھ دی گئی ہے۔صرف وزیر اعلیٰ سندھ کے آبائی ضلع خیرپور سے دس سے زائد افراد تا حال ڈاکوں کے چنگل میں قید اور ملک کا سب سے بڑا شہر ودارالحکومت کراچی آپریشن کے باوجود لہو لہاں ہے،مگر حکمرانوں کو اس کی کوئی فکر نہیں ہے۔انہوں نے کہا کہ سندھ میںمیرٹ کا قتل اور نوکریاں فروخت کرکے تعلیم کا بیڑہ غرق کیا گیا ہے۔انہوں نے کہا کہ ملک میں قرآن و سنت کی حکمرانی کے لیے عوام جماعت اسلامی کا ساتھ دیں،تاکہ ایک اسلامی ،فلاحی اور جمہوری ریاست کا خواب شرمندہ تعبیر ہوسکے۔میڈیا سے بات چیت کے دوران ایک سوال کے جواب میںلیاقت بلوچ نے کہا کہ عوام کی بڑی مشکل سے زرداری سے جان چھوٹی اور عوام کو امید تھی کہ نواز شریف اقتدار میں آکر معیشت کو ٹھیک کرینگے مگر موجودہ حکومت سابقہ حکومت سے بھی بدترین ثابت ہوئی حکومت میں باریاں لگیں تو پاکستان کا مستقبل کبھی ترقی نہیں کریگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر ہمارے مطالبات منظور نہ ہوئے تو ہزروں رکشہ ڈرائیور مال روڈ پر دھرنا دیں گے :مجید غوری
لاہور( جی پی آئی)عوامی رکشہ یونین کے مرکزی صدرمجید غوری نے کہا ہے کہ اگر ہمارے مطالبات منظور نہ ہوئے۔تو پنجاب اسمبلی کے اجلاس کے موقع پر ہزاروں رکشہ ڈرائیور رکشوں سمیت مال روڈ پنجاب اسمبلی کے سامنے دھرنا دیں گے ۔انتظامیہ نے پرامن احجاج روکنے کی کوشش کی تو پھر دما دم مست قلندر ہوگا۔سب جانتے ہیں کہ عوامی رکشہ یونین کی قیادت نہ ڈرنے والے ہے۔نہ بکنے اور نہ ہی جھکنے والی ہے۔وہ پر یس کلب کے سامنے پٹرولیم مصنوعات کی قیمتوں میں ہوشربا اضافے،سی این جی کی بندش،ایل ٹی سی کے ناجائز چالانوں اور پرچی ٹیکس کے نام پر بھتہ وصولی کے خلاف کفن بردار احتجاجی ریلی کے شرکاء سے خطاب کر رہے تھے ۔انہوں نے کہا کہ حکومت اس وقت سے ڈر ے جب غریب ، مظلوم اور پسہ ہوا طبقہ خود کشیاں کرنے کی بجائے سڑکوں پرآکر شہادتوں پر آمادہ ہوجائے۔حکومت اس بات کو ذہن میں رکھے کہ مہنگائی کی وجہ سے جرائم کی شرح میں خطر ناک حد تک اضافہ ہوچکا ہے۔نوجواں نسل ڈکیتی ، راہزنی اور غیر قانونی سرگرمیوں ملوث ہوچکی ہے۔غریب رکشہ ڈرائیور نہ گھر کا کرایہ ادا کرسکتا اور نہ ہی اپنے بچوں کو تعلیم دلوا سکتاہے۔ہم حکومت سے اپیل کرتے ہیں کہ خدارہمارے مطالبات پر ہمدردانہ غور کرے اور فوری طور پر ہمارے مطالبات تسلیم کرے ورنہ آنے والے اسمبلی اجلاس کے موقع پر ہزاروں رکشہ ڈرائیوررکشوں سمیت پنجاب اسمبلی کے باہر دھرنا دیں گے اگر انتطامیہ نے ہمارے پر امن مظاہرے کو روکنے کی کوشش کی تو دما دم مست قلندر ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب تک ملک میں اللہ اور رسول صلی اللہ علیہ والہ وسلم کا بنا یا نظام نافذ نہیں ہو گا: میاں مقصود احمد
لاہور(جی پی آئی) جمعیت اتحاد العما ء لاہور کا اہم اجلاس دفتر جما عت اسلامی لٹن روڈ میں منعقد ہوا، اجلاس میں مولانا افتخار احمد سوا تی، قاری عطا ء الرحمن پنجاب یونیو رسٹی اولڈ کیمپس اور شو کت خانم ہسپتال کے خطیب ،عبدالحفیظ احمد، محمد انور گو ندل، خا لد احمد بٹ اور فیض البا ری نے شر کت کی ۔اجلاس سے خطاب کر تے ہو ئے جمعیت اتحا د العما ء پاکستان %D
