اضلاع کی خبریں 24.08.2013
Posted on August 24, 2013 By Geo Urdu سٹی نیوز
سندس فائونڈیشن کی زیر اہتمام متاثرین سیلاب کیلئے خصوصی لنگر قائم کر دیا گیا ہے
گوجرانوالہ(جی پی آئی) سندس فائونڈیشن کی زیر اہتمام متاثرین سیلاب کیلئے خصوصی لنگر قائم کر دیا گیا ہے۔ روزانہ چالیس دیگیں کھانا تیار کرکے سیلاب زدہ علاقوں میں متاثرہ افراد میں تقسیم کیا جاتا ہے محکمہ سوشل ویلفیئر کا عملہ اس کام میں بھرپور تعاون کر رہا ہے۔ گزشتہ روز سیلاب زدگان کیلئے قائم لنگر کا ایس پی سو ل لائن شعیب خرم جانباز ایم ایس ڈویژنل ہیڈ کوارٹر ہسپتال ڈاکٹر انور امان ‘ ڈپٹی ایم ایس ڈاکٹر سہیل انجم بٹ ‘ قومی امن کمیٹی کے رہنما سید صادق علی شاہ نے دورہ کیا اور سندس فائونڈیشن کے اس کام کو بے حد سراہا۔ سندس کے راہنما سرفراز خان نے انہیں امدادی لنگر کے بارے تفصیلی طور پرآگاہ کیا اور بتایا کہ اس کارخیر میں چیمبر کے سابق صدر حاجی شکیل کے صاحبزادے مصطفی شکیل ‘ رانا احسن ‘ میاں زبیر ‘ سہیل سرفراز ‘ حاجی شفیع ‘ یاسین کمبوہ ‘ عظیم بھٹی کا خصوصی تعاون ہے۔ انہوں نے کہا کہ محکمہ سوشل ویلفیئر کا عملہ بھی متاثرہ علاقوں میں لنگر لے جانے اور تقسیم کرنے کے کام میں بھرپور معاونت کر رہا ہے۔ انہوں نے بتایا کہ روزانہ 40 دیگیں بریانی اور پلائو تیار کرکے متاثرہ علاقوں میں بھیجی جا رہی ہیں اور اب متاثرہ علاقوں میں فری میڈیکل کیمپ بھی لگائے جائیں گے۔ ایس پی سول لائن شعیب خرم جانباز نے اس کارخیر میں حصہ لینے والوں کے جذبے کو سراہا اور کہا کہ مصیبت زدہ انسانوں کی خدمت کرنا ہی سب سے بڑی نیکی ہے اور ہمارا دین بھی ہمیں اس کی تاکید کرتا ہے۔ ایم ایس ڈاکٹر انور امان نے کہا کہ سندس فائونڈیشن کی طرف سے متاثرین سیلاب میں کھانا تقسیم کرنا مثالی نیکی کا کام ہے اور ہم سب کو ایسے نیکی کے کاموں میں بڑھ چڑھ کر حصہ لینا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ(ن)کے رہنما وامیدواربرائے کونسلر58/22ایم شہبازبیگ نے کہا ہے کہ قوم نے پھر میاں نواز شریف کے حق میں فیصلہ دے دیا ہے
گوجرانوالہ(جی پی آئی)پاکستان مسلم لیگ(ن)کے رہنما وامیدواربرائے کونسلر58/22ایم شہبازبیگ نے کہا ہے کہ قوم نے پھر میاں نواز شریف کے حق میں فیصلہ دے دیا ہے ضمنی انتخابات میں ن لیگ کی کامیابی مخالفین کیلئے ناقابل برداشت ہے قوم کے دلوں سے میاں نواز شریف کی محبت کو نکالنا ناممکن ہے انہوں نے کہا کہ مسلم لیگ ن کی حکومت جلد توانائی بحران سمیت دیگر مسائل کا خاتمہ کرے گی اور ملک کو ترقی کی شاہراہ پہ گامزن کرے گی عوام کو مہنگائی ،بیروزگاری ،کرپشن اور لاقانونیت جیسے مصائب سے نجات دلانا ہی مسلم لیگ ن کی قیادت کی اولین ترجیحات ہے ۔انہوں نے کہا کہ کامیاب ہوکرعلاقہ کے مسائل حل کروں گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہزادہ شہید کالونی کی گلیوں کی تعمیر پر ایکسین واسا طالب حسین اور سب انجینئر جہانزیب چٹھہ کے مشکور ہیں
گوجرانوالہ(جی پی آئی) شہزادہ شہید کالونی کی گلیوں کی تعمیر پر ایکسین واسا طالب حسین اور سب انجینئر جہانزیب چٹھہ کے مشکور ہیں معززین علاقہ رانا عارف ، سعید انصاری، آصف بٹ، لالہ وارث، شاہد انصاری دیگر نے گلیوں کی بروقت تعمیر مکمل کر کے عوام کا دیرینہ مسئلہ فوری حل کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے سینئر راہنما و سابق وفاقی وزیر غلام دستگیر خان نے کہا ہے کہ ضمنی الیکشن میں مسلم لیگ ن نے ایک بار پھر کامیابی کے جھنڈے گاڑد یئے
گوجرانوالہ(جی پی آئی)مسلم لیگ ن کے سینئر راہنما و سابق وفاقی وزیر غلام دستگیر خان نے کہا ہے کہ ضمنی الیکشن میں مسلم لیگ ن نے ایک بار پھر کامیابی کے جھنڈے گاڑد یئے، حکومت کی غیرمقبولیت کا جھوٹ پراپیگنڈہ کرنے والے مخالفین کے سارے نشانے خطا ہوگئے،عمران خان کی پھونکیں بھی مسلم لیگ ن کا کچھ نہیں بگاڑ سکیں،نواز شریف کی مستقل مزاجی ،ثابت قدمی اور حب الوطنی کی وجہ سے پوری قوم ان کی جانب دیکھ رہی ہے، حکومت نے دہشت گردی اور توانائی بحران سے نمٹنے کی حکمت عملی طے کرلی،آنے والے دنوں میںمہنگائی کی صورتحال بھی اعتدال پر لائی جائیگی،ان خیالات کا اظہار انہوں نے اپنی رہائش گاہ پر پارٹی کارکنوں سے خطاب کرتے ہوئے کیا۔انہوں نے کہا کہ عام انتخابات میں دھاندلی کا شور کرنے والے عمران خان کی جانب سے ضمنی الیکشن سے قبل وائٹ پیپر جاری کرنا انتخابی قواعد کی کھلی خلاف ورزی اور ضمنی الیکشن پر اثر انداز ہونے کی کوشش تھی لیکن نواز شریف اور مسلم لیگ ن کی محبت کی جڑیں عوام میں بہت گہرائی تک پھیلی ہوئی ہیں اور شریف برادران عوام کے دلوں پر راج کر رہے ہیںاس لئے عوام نے ضمنی الیکشن میں بھی میاں نواز شریف کی قیادت پر اپنے غیر متزلزل اعتمادکا اظہار کر کے عمران خان کی مصنوعی،غیرسنجیدہ اور دوسروں پر کیچڑ چھالنے کی سیاست کو ردکر دیا ہے عوام جانتے ہیں کہ تحریک انصاف کے پاس پاکستانی عوام کی فلاح کا کوئی پروگرام نہیں ہے ،خیبرپختونخواہ میں ہزاروں ووٹوں سے جیتی ہوئی سیٹ صرف دو ماہ بعد ہی بھاری مارجن سے ہارنے کے بعدعمران خان کے خدائی دعووئں کی حقیقت کھل کر سامنے آگئی ہے،انہوں نے کہا کہ آصف زرداری کے عوام پر ڈھائے جانے والے مظالم کی وجہ سے پیپلز پارٹی قصہء پارینہ بن گئی ہے،اللہ کی رحمت اور عوام کی طاقت سے نواز شریف ملک کواقتصادی قوت بنائیں گے اور ملک میں جاری دہشت گردی اور خلفشار پر قابو پالیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں مفاہمت اور ہم آہنگی کی سیاست کو فروغ دینا وقت کی اہم ضرورت ہے:عابد حسین صدیقی
لاہور(جی پی آئی) پیپلز پارٹی لاہور کے سیکرٹری اطلاعات عابد حسین صدیقی نے کہا ہے کہ ملک میں مفاہمت اور ہم آہنگی کی سیاست کو فروغ دینا وقت کی اہم ضرورت ہے۔ ایک بیان میں انہوں نے کہا کہ موجودہ حکومت کو قانون کی بالادستی ہر حال میں برقرار رکنی چاہئے اور کسی کو بھی عوام کے جان و مال سے کھیلنے کی اجازت نہیں دی جانی چاہیے، ضمنی انتخابات میں پنجاب میں حکومتی مشینری استعمال کرنے کے باوجود مسلم لیگ ن اپنے پسندیدہ نتائج نہیں لے سکی عوام دو ماہ میں ہی موجودہ حکومت کی پالیسیوں سے تنگ آ گئے ہیں انتخابی مہم میں لگائے گئے جھوٹے نعرے حکمرانوں کے زوال کا سبب بن رہے ہیں، پیپلز پارٹی ملکی مفادات میں اقدامات کی حمایت کرے گی لیکن جہاں ملکی سلامتی کو خطرات لاحق ہوں گے وہاں کسی بھی قربانی سے دریغ نہیں کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)صوبائی وزیر کوآپریٹو ملک اقبال چنڑ نے بہاولپور ڈویژن کی تمام ضلعی انتظامیہ کو ہدایت کرتے ہوئے کہا ہے کہ سیلاب سے متاثرہ علاقوں میں زندگی کو معمول پر لانے کے لئے وسیع پیمانے پر نشیبی علاقوں سے سیلابی پانی کی نکاسی کے لئے ڈسپوزل پمپس استعمال کئے جائیں تاکہ علاقے کے لوگوں کو ریلیف مل سکےـ صوبائی وزیر نے کہا کہ محکمہ ریونیو کی مدد سے بہاولپورڈویژن کے تمام اضلاع میں سیلاب سے متاثر ہونے والی زرعی اراضی بارے بھی تفصیلی رپورٹ بھی تیار کرے تاکہ کاشتکاروں کو ریلیف فراہم کرنے کے لئے اقدامات کئے جاسکیںـانہوں نے مقامی اراکین قومی و صوبائی اسمبلی اور ضلعی انتظامیہ کو ہدایت کی ہے کہ ریلیف کیمپوں میں متاثرین کو کھانے پینے اور طبی سہولیات کی فراہمی کے لئے ہرممکن اقدامات کئے جائیں اور اس سلسلے میں کسی قسم کی کوتاہی نہ برتی جائےـصوبائی وزیر نے کہا کہ متاثرہ علاقوں میں محکمہ صحت کی موبائل ٹیمیں کام کو مزید تیز کریں اس کے علاوہ تمام ریلیف کیمپوں میں ڈاکٹرز اور دیگر عملہ 24گھنٹے موجود رہےـ انہوں نے کہا کہ پی ڈی ایم اے کی طرف سے سکولوں میں قائم کردہ کیمپوں میں سیلاب متاثرین کو تیار کھانا بھی فراہم کیا جارہا ہے اس کے علاوہ خشک راشن اورمزید ٹینٹ بھی منگوائے جارہے ہیںـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دریاؤں ، نہروں اور نالوں میں کشتی رانی ، نہانے، پکنک کے لئے آنے پر پابندی عائد
لاہور(جی پی آئی)محکمہ داخلہ پنجاب نے ضابطہ فوجداری کی دفعہ 144کے تحت ضلع راجن پور کی ریونیو حدود میں دریائے سندھ، نادرا کینال، داجل کینال اور لنک III میں نہانے، کشتی رانی اور پکنک منانے پر پابندی عائد کردی ہے تاہم ریسکیو1122 یا ضلعی انتظامیہ راجن پور کی طرف سے جن کشتیوں کے پاس اجازت نامہ ہوگا کے علاوہ کوئی اور کشتی داخل نہیں ہوسکتیـیہ حکم فوری طورپر نافذ العمل ہو کر 17ستمبر2013 ء تک موثر رہے گاـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی بھی معاملہ کی درستگی کے لئے جب تک نیت ٹھیک نہیں ہو گی، مسئلہ حل نہیں ہو گا :میاں احمد علی ثانی
لاہور(جی پی آئی)عالمی انجمن خدام الدین کے مرکزی رہنما میاں احمد علی ثانی نے کہا کہ کسی بھی معاملہ کی درستگی کے لئے جب تک نیت ٹھیک نہیں ہو گی مسئلہ حل نہیں ہوگا،حکمرانوں کی اگر نیت ٹھیک ہو جائے تو نہ صرف تمام مسائل حل ہو جائیں گے بلکہ ملک میں خلافت کا نظام بھی رائج ہو سکتا ہے ۔ ان خیالات کا اظہار انہوں نے گذشتہ روز شیرانوالہ میں جمعہ کے خطبہ سے خطاب کرتے ہوئے کیا ، انہوں نے کہا کہ یہ ملک نظامصطفےۖ کے نفاذ کے لئے حاصل کیا گیا تھا لیکن حکمرانوں کی خراب نیت کی وجہ سے آج تک اسلام کا عادلانہ نظام رائج نہ ہو سکا یہی وجہ ہے کہ عوام بھی مسائل میں الجھی ہوئی ہے اور مشکلات کا شکار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ق لیگ پنجاب کی طرف سے اسمبلی سیکرٹریٹ میں قرارداد جمع
لاہور (جی پی آئی)ق لیگ کے اراکین صوبائی اسمبلی نے پنجاب اسمبلی میں ایک قرارداد جمع کروائی ہے جس میں کہا گیا ہے کہ “حالیہ سیلاب اور بارشوں کی تباہی کا شکار کسانوں کے نقصانات کے ازالہ کے لیے ان کے ذمہ سرکاری قرضے معاف کیے جائیں اور انہیں پھر سے پائوں پر کھڑا کرنے کے لیے نقد مالی امداد دی جائے”قرار داد ڈپٹی پارلیمانی لیڈر سردار حسن موکل، سردار آصف نکئی ،ڈاکٹر محمد افضل اور خاتون رکن صوبائی اسمبلی جیدہ ملک کی طرف سے جمع کروائی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آٹے کی قیمت میں مسلسل اضافہ، سستی روٹی کے خواب دھرے کے دھرے رہ گئے،بلال شیرازی
لاہور (جی پی آئی)پاکستان مسلم لیگ ق کے راہنما و مرکزی صدر مسلم لیگ یوتھ ونگ بلال مصطفی شیرازی نے کہا ہے کہ آٹے کی قیمت میں مسلسل اضافہ سے سستی روٹی کے خواب دھر ے کے دھرے رہ گئے ہیں سرکاری سطح پر روٹی کی قیمت 6روپے مقرر کرنے سے عوام سستی روٹی کو بھی ترس گئے ،مہنگائی میں اضافہ سے غریب کے منہ سے روٹی کا نوالہ چھیننے کی کوشش کی جارہی ہے ،حکمرانوں کے 2روپے کی روٹی کے نعرے کہاں گئے؟انہوں نے کہا کہ بجٹ میں آٹے کی قیمتوں کو کنٹرول کرنے کیلئے اربوں روپے مختص کیئے گئے ہیں لیکن اس کے باوجود آٹے کے قیمتوں میں مسلسل اضافہ تشویشناک ہے۔ان خیالات کا اظہار انہوں نے مسلم لیگ ہائوس میں یوتھ ونگ کے ایک وفد سے گفتگو کرتے ہوئے کیا۔انہوں نے کہا کہ صوبہ میں عوام کی اکثریت متوسط اور سفید پوش طبقہ سے تعلق رکھتی ہے، ہوشربا مہنگائی، آٹے اور روٹی کی قیمت میں اضافہ سے وہ براہ راست متاثر ہورہی ہے اور ان کا گھریلو بجٹ متاثر ہورہا ہے اس لیے حکومت فوری طور پر بجٹ میں رکھے گئے30ارب روپے آٹے کی قیمتوں کو کنٹرول کرنے کیلئے استعمال کرے ،آٹے اور روٹی کی قیمت میں اضافہ پرانی سطح پر واپس لایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ پنجاب میں بلدیاتی نظام 2013 کوپاس کرکے مسلم لیگ مجرم لیگ بن گئی ہے
لاہور(جی پی آئی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ پنجاب میں بلدیاتی نظام 2013 کوپاس کرکے مسلم لیگ مجرم لیگ بن گئی ہے، بلدیاتی نظام جمہوریت کی سیڑھی ہے لیکن بدقسمتی سے پاکستان میں بننے والی تمام حکومتیں بلدیاتی نظام کے ساتھ سنجیدہ نہیں رہیں۔ ایک بیان میں انہوں نے کہا کہ حکمرانوں کا مائنڈ سیٹ تبدیل نہیں ہوا اور فوجی آمروں سے زیادہ ہمارے پاس سیاسی آمر ہیں یہ سیاسی آمریت جمہوریت کے لئے نقصان دہ ہے۔ جمہوریت اس لئے کمزور ہے کہ جمہوری دور میں بلدیاتی ادارے بنے ہی نہیں۔ آمروں نے اپنی ضرورت سامنے رکھ کر بلدیاتی انتخابات کروائے۔ انہوں نے کہا کہ چار اہم کام صحت، صفائی، تعلیم اور مصالحت بلدیاتی اداروں کی ذمہ داری ہونی چاہیے، تحریک انصاف خیبر پختونخواہ میں مثالی بلدیاتی نظام رائج کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیلاب کی وجہ سے مشکلات کا شکار عوام حکمرانوں اور سیاستدانوں کی راہ تک رہی ہے:علامہ زبیر احمد ظہیر
لاہور(جی پی آئی)مرکزی جمعیت اہل حدیث پاکستان کے نائب صدر اور اسلامی نظریاتی کونسل کے ممبر علامہ زبیر احمد ظہیر نے کہا ہے کہ سیلاب کی وجہ سے مشکلات کا شکار عوام حکمرانوں اور سیاستدانوں کی راہ تک رہی ہے لیکن یہ حکمران اور سیاستدان کوئی الیکشن میں مصروف ہے اور کوئی اقیدار کے نشے میں ہیں ۔ان حالات میں سینیٹر ساجد میر کی طرف سے 2کروڑ روپے سے سیلا ب زدگان کی مددکا اعلان کرنا بہت بڑا جہاد ہے ۔انہوں نے کہا کہ سیلاب سے متاثرہ لوگ بے یارومددگار بھوکے پیاسے کھلے آسمان تلے بیٹھے ہیں ، حکمرانوں کو ان کی طرف توجہ دیہنی چاہیے ۔انہوں نے کہا کہ ریاست کا فرض ہے کہ ا حالات میں وہ اپنی عوام جان مال اور تحفظ کو یقینی بنائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملی مجلس شرعی نے بھارت کی جانب لائن آف کنٹرول پر اشتعال انگیز فائرنگ پر شدید مذمت کی ہے
لاہور(جی پی آئی) ملی مجلس شرعی نے بھارت کی جانب لائن آف کنٹرول پر اشتعال انگیز فائرنگ اور جنگ بندی کی مسلسل خلاف ورزی کو انتہائی تشویشناک قرار دیتے ہوئے اس کی شدید افاظ میں مذمت کی ہے۔ملی مجلس شرعی کے مرکزی صدر مفتی محمد خان قادری اور سیکرٹری جنرل ڈاکٹر پروفیسر محمد امین نے کہا کہ بھارت کی جانب سے عالمی قوانین کی خلاف ورزیوں کی صورت میں خطے میں امن کا قیام کسی بھی صورت ممکن نہیں۔ بھارت اوچھے ہتھکنڈوں سے باز رہے ورنہ پاکستانی فوجی جوان منہ توڑ جواب دینے کی ہمت رکھتے ہیں۔ انہوں نے کہا کہ بھارتی سول اور عسکری حکام یہ مت بھولیں کہ اسلام اور مسلمانوں کے خلاف اٹھنے والی ہر آواز کو دبانے اور بڑھنے والے ہر ہاتھ کو کاٹ ڈالنے کا جذبہ مسلمان جوانوں کے سینوں میں کوٹ کوٹ کر بھرا ہوا ہے۔ بھارت اشتعال انگیز کارروائیوں کی بجائے کشمیر اور پانی کی تقسیم سمیت دیگر معاملات کا حل مذاکرات کے ذریعے طے کرے۔ یہی صورت خطے میں موجود ہر دو فریق کیلئے بہتر اور مؤثر ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصری عوام سے اظہا ر یکجہتی کے لیے جما عت اسلامی شعبہ خواتین کا عظیم الشان مظاہر ہ 25اگست کو ہوگا
لا ہو ر (جی پی آئی) جما عت اسلامی لاہور کا اہم اجلاس میاں مقصوداحمد کی زیر صدارت دفتر جماعت اسلامی لٹن روڈ میں منعقد ہو ا ۔امیر جماعت اسلامی لاہور میاں مقصود احمد نے لا ہور جما عت اسلامی کے ذمہ داران سے خطاب کر تے ہوئے اعلا ن کیا کہ جما عت اسلامی لا ہور کی خواتین مصری عوام کے قتل عام کے خلا ف اور مصر ی عوام سے اظہا ر یکجہتی کے لیے ایک بہت بڑا مظاہر ہ اتوار 25اگست سہہ پہر تین بجے نا صر باغ مال روڑ پر کریں گی ۔جس میں لا ہو ر بھر سے ہزاروں کی تعداد میں خواتین اور بچے شرکت کر یں گے ۔میاں مقصوداحمد نے کہا کہ پا کستان کے غیو ر عوام آزما ئش کی اس گھڑی میں اپنے مصری بھا ئیوں کے ساتھ ہیں ۔انہوں نے کہا کہ آج مصر کے مظلوموں پر یزید مسلط ہو چکے ہیں لیکن ان یزیدوں کا عبرت نا ک انجا م قریب ہے ۔ میا ں مقصود احمد نے کہا کہ اللہ کی مدد اور نصرت مصر ی مظلوموں کے سا تھ ہے اور فتح انشااللہ مصری مسلمانو ں کے قدم چومے گی ۔میاں مقصو داحمد نے کہا کہ اقوام متحدہ ،او آئی سی تما م عر ب ممالک یک زبان ہو کر مصر میں فوجی مظالم کے خلا ف آواز احتجا ج بلند کر یں ۔میاں مقصوداحمد نے کہا کہ حکومت پا کستان فوری طور پر مصرکے مسلہ پر اقوام متحدہ کی سلامتی کونسل کا اجلا س طلب کر نے کا مطالبہ کر ے
