اضلاع کی خبریں 25.08.2013
Posted on August 26, 2013 By Tahir Webmaster سٹی نیوز
حضرت پیر سید مہر علی شاہ گولڑوی کی خدمات ناقابل فراموش اور تاریخ اسلام کے ماتھے کا جھومر ہیں مولانا اکبر نقشبندی
گوجرانوالہ(جی پی آئی)صوبائی سیکرٹری اطلاعات مرکزی جمعیت علماء پاکستان الحاج مولانا محمد اکبر نقشبندی نے کہا ہے کہ تحفظ ناموس رسالت اور فتنہ قادیانیت کی سرکوبی کیلئے حضرت پیر سید مہر علی شاہ گولڑوی کی خدمات ناقابل فراموش اور تاریخ اسلام کے ماتھے کا جھومر ہیں۔آپ نے تحریروں اور تقریروں کے ذریعے ثابت کیا کہ مرزا غلام احمد قادیانی جھوٹا،کذاب ہے۔اس کے عقائد قرآن و حدیث،صحابہ کرام اور اجماع امت کے بلکلہ خلاف اور باطل ہیں۔اسی بنیاد ؛پر 7ستمبر 1974میں پاکستان کی پارلیمنٹ نے قادیانیوں،مرزائیوں کا غیر مسلم اقلیت قرار دے کر قابل تحسین کارنامہ سر انجام دیا۔جس میں علامہ مولانا شاہ احمد نورانی نے کلیدی کردار ادا کیا۔منکرین ختم نبوت کی ریشہ دیوانیاں اب بھی جاری ہیں وہ اسلام اور ملک کے خلاف سازشوں میں مصروف ہیں۔قادیانیوں کی غیر قانونی و غیر آئینی سر گرمیوں کو کسی صورت برداشت نہیں کیا جائے گا۔ حکمران امتناع قادیانیت آرڈنینس پر عمل درآمد یقنی بنائیں۔ان خیالات کا اظہار انہوں نے مرکزی جامع مسجد نور میں سنی اتحاد کونسل کے زیر اہتمام حضرت پیر سید مہر علی شاہ گولڑوی کی قیادت میں 25 اگست 1900 لاہور میں قادیانیوں کے خلاف تاریخ ساز فتح مبین کی یاد میں منعقدہ تاجدار ختم نبوت کانفرنس سے خطاب کرتے ہوئے کیا۔اس موقع پر صاحبزادہ پیر محمد دائود رضوی،پیر سید فدا حسین شاہ حافظ آبادی،الحاج سرفراز احمد تارڑ،مفتی محمد حسین صدیقی،مفتی غلام نبی جماعتی،صاحبزادہ عمار سعید سلیمانی،قاری غلام سرور حیدری،مفتی محمد سعید رضوی،قاری محمد اشرف شاکر، حافظ محمد رفیق قادری،مفتی محمد حسیب قادری، قاضی محمد یعقوب رضوی، مولانا محمد خالد حسن مجددی،ارشد جاوید مصطفائی اور محمد اکرم رضوی نے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہنامہ رضائے مصطفی کے چیف ایڈیٹر الحاج محمد حفیظ نیازی کی اہلیہ مرحومہ اور محمد حبیب الرحمن رضوی،محمد احمد رضا کی والدہ مرحومہ کے قل کا ختم شریف
گوجرانوالہ(جی پی آئی) ماہنامہ رضائے مصطفی کے چیف ایڈیٹر الحاج محمد حفیظ نیازی کی اہلیہ مرحومہ اور محمد حبیب الرحمن رضوی،محمد احمد رضا کی والدہ مرحومہ کے قل کا ختم شریف آج بروز پیر صبح 8بجے مرکز اہلسنت جامع مسجد زینت المساجد محلہ اسلام آباد میں ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنی اتحاد کونسل کے مرکزی چیئرمین صاحبزادہ حامد رضا ایک روزہ دورے پر آج گوجرانوالہ آئیں گے
گوجرانوالہ(جی پی آئی) سنی اتحاد کونسل کے مرکزی چیئرمین صاحبزادہ حامد رضا ایک روزہ دورے پر آج گوجرانوالہ آئیں گے۔وہ دیگر مصرفیات کے علاوہ سیلاب زدہ علاقوں کا دورہ اور متاثرین سیلاب کی امداد کریں گے۔سنی اتحاد کونسل کے مرکزی رہنما الحاج سرفراز احمد تارڑ کی طرف سے دیئے گئے استقبالیہ کے علاوہ الحاج محمد حفیظ نیازی کی اہلیہ مرحومہ کے قل میں بھی شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پا کستان سنی تحریک کے ضلعی صدر محمد اکرام بابر نے کہاکہ کراچی میں سنی تحریک کے کارکنان کے قتل
گوجرانوالہ(جی پی آئی) پا کستان سنی تحریک کے ضلعی صدر محمد اکرام بابر نے کہاکہ کراچی میں سنی تحریک کے کارکنان کے قتل کی ذمہ دار سندھ حکومت ہے۔MQMکا سر براہ الطاف حسین واجب القتل ہے۔چیف جسٹس افتخار محمد چوہدری ایک آنکھ سے دیکھتے ہیں۔ کراچی میں سنی تحریک کے کارکنان کو ہر روز زبح کیا جا رہا ہے مگر سپریم کورٹ سو رہی ہے ۔شہر میں ٹارگٹ کلرز ،بھتہ خوروں،لینڈ مافیا،فرقہ پرستوں ،لسانی گروہوں اور امن دشمنوں کا راج ہے۔ایم کیو ایم کو صرف سنی تحریک ہی لگام دے سکتی ہے۔کارکنان کے اغواء میں پولیس بھی ملوث ہے۔پرویز مشرف کے دور ء حکومت میں پولیس میں کی گی بھرتیوں کو کالعدم قرار نہ دیاگیا تو کراچی میں جاری قتل و غارت گری کسی صورت نہیں روکی جا سکتی ۔وسیم اختر اور عبد الرؤف صدیقی جب وزیر داخلہ سندھ تھے اس وقت7000پولیس اہلکار ایم کیو ایم کے ٹارگٹ کلرز ،ہمدرد،کارکنان اوربھتہ مافیا کے افرادکو پولیس میں بھرتی کیا گیا تھا۔ان خیالات کا اظہار انہوں نے گذشتہ روز رنچھوڑ لائن کے سیکٹر انچارج محمد جاوید قادری عرف کاکا بھائی اغواء کے بعد قتل کئے جانے پر اپنے مذمتی بیان میں کیا۔محمد اکرام بابر نے کہاکہ پیپلز پارٹی سندھ منافقوں اور ملک غداروں جبکہ MQMبھارت کی ایجنٹ اسلام اور پا کستان دشمن جماعت ہے۔پیپلز پارٹی سندھ دہشت گردوں،بھتہ خوروں اور ٹارگٹ کلرز کی غلامی کر کے اپنی زندگی کی بھیک مانگ رہی ہے۔قاتل جماعت کو ہمیشہ پیپلز پارٹی نے اپنی گود میں لیا۔آج محض اپنی سندھ حکوت بچانے کی غرض سے کراچی میں جاری قتل و گارت گری پر خاموش ہے۔قائدین اور مر کز اہلسنت سے اپیل کرتے ہوئے انہوں نے کہاکہ وہ کارکنان کو آزادی دیں قاتل اور بھتہ خور صرف 7دن میں اپنا قبلہ درست کر لیں گے۔ایم کیو ایم اورالطاف حسین کو لگام دئے بغیر کراچی کے حالات کو نارمل نہیں کیا جا سکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پا کستان سنی تحریک کے ڈویژنل صدر محمد زاہد حبیب قا دری کا ایس ایس پی آپریشن عطاء محمد کے ہمراہ سیلابی علاقوں کا دورہ
گوجرانوالہ(جی پی آئی) پا کستان سنی تحریک کے ڈویژنل صدر محمد زاہد حبیب قا دری کا ایس ایس پی آپریشن عطاء محمد کے ہمراہ سیلابی علاقوں کا دورہ۔اس مو قع پر محمد زاہد حبیب قا دری نے کہاکہ سیلاب سے متاثر ہونے والے کسانوں کو مرکزی اور صوبائی حکومت مالی امداد فراہم کرے۔ لاکھوں ایکٹ کھڑی فصلیں تباہ ہونے سے کسانوں کے پاس خود کشی کے سوا کوئی چارا باقی نہیں رہا۔حکومت کو چاہئے کہ وہ آئندہ فصل کاشت کرنے کیلئے کسانوں کو مفت بیج،بلا سود قرضے،بغیر ٹیکس کے ڈیزل،فصل کی ادویات مفت فراہم کرے۔حکومت کو چاہئے کہ وہ بین الا اقوامی فلاحی اداروں سے روابط قائم کر کلے سیلاب زدگان کی مدد کیلئے ان اداروں سے ٹیکنکل مدد لے تاکہ متاثرہ علاقوں میں تعمیرات کے کاموں میں آسانی اور تیزی لائی جا سکے۔سیلاب سے متاثر ہونے والوں کے ہونے والے نقصان کا فوری تخمینہ لگا کر متاثرین کو امداد فراہم کی جائے۔اس مو قع پر ضلعی صدر محمد اکرام بابر اور تحصیل صدر مو لانا محمد رضا احسن القادری و دیگر نے کہاکہ متاثرین کو مدد فراہم کرنے میں کوئی کسر باقی نہ چھوڑیں گے۔ سیلاب سے جانی نقصان گذشتہ سال آنے والے سیلا ب کی نسبت کم ہے مگر مالی نقصان گذشتہ سال سے کہیں زیادہ ہے۔پا کستان سنی تحریک کے رضا کاروں نے عوام کو محفوظ مقام پر پہنچانے کیلئے ان کی بھر پور مدد کی ۔یاد رہے کہ سیلاب ست متاثرہ علاقوں میں میڈیکل کیمپ بھی لگائے گئے ہیںجہاں 2ایم بی بی ایس ڈاکٹر اپنی خدمات پیش کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کا ہر شخص اگر ڈینگی کو اپنے بچوں کا ازلی دشمن سمجھ کر اسکے خلاف ہر ممکن اقدامات کرنا شروع کر دے
گوجرانوالہ (جی پی آئی)پاکستان کا ہر شخص اگر ڈینگی کو اپنے بچوں کا ازلی دشمن سمجھ کر اسکے خلاف ہر ممکن اقدامات کرنا شروع کر دے تو چند روز میں ہی ڈینگی کا ملک سے مکمل خاتمہ ہو سکتا ہے ان خیالات کا اظہار گورنمنٹ گلزار اسلام گرلز ہائی سکول سیٹلائیٹ ٹائون میں ڈینگی سے آگاہی مہم کے سلسلہ میں تقریب سے ہیڈ مسٹریس مسز گل رعناء نے خطاب کے دوران کیا اس موقع پر مسز صوبیہ ، مسز رومانیہ ، مسز سمرین نے بھی خطاب کیا ہید مسٹریس مسز گل رعنا نے کہا کہ ہر شخص اپنے گھر گلی محلہ متعلقہ سرکاری محکمے اہم سڑکوں جبکہ ہسپتالوں میں ڈاکٹرز اور دیگر عملہ کو پوری توجہ دینی پڑے گی اس سلسلہ میں ڈینگی مہموں کو کامیاب بنانے کیلئے اس مرتبہ خواتین کا کردار ناقابل فراموش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت فوری طور پر کنٹریکٹ ملازمین کی پے پروٹیکشن کی بحالی کنٹریکٹ اساتذہ کی مستقلی نجکاری اور خود مختاری کا خاتمہ
گوجرانوالہ(جی پی آئی) پنجاب پروفیسرز اینڈ لیکچرار ایسوسی ایشن کے مرکزی صدر ڈاکٹر زاہد احمد شیخ نے کہا ہے کہ حکومت فوری طور پر کنٹریکٹ ملازمین کی پے پروٹیکشن کی بحالی کنٹریکٹ اساتذہ کی مستقلی نجکاری اور خود مختاری کا خاتمہ اساتذہ کے انکم ٹیکس میں رعایت کی بحالی اور پی ڈی ایکٹ کے غلط استعمال کا فوری خاتمہ کرے انہوں نے کہا کہ حکومت نے اگر اب بھی اساتذہ کے ان مسائل کو حل کرنے میں مدد نہ کی تو اساتذہ بھر پور اقدامات کرنے پر مجبور ہونگے ان خیالات کا اظہار انہوں نے گورنمنٹ اسلامیہ کالج گوجرانوالہ میں پی پی ایل کے اجلاس سے خطاب کے دوران کیا جس کی صدارت ڈویژنل صدر رانا محمد عارف نے کی جبکہ اس موقع پر پروفیسرز وسیم رضا گرویزی ، افتخار احمد چیمہ ، حافظ عبدالستا ر ، ساجد رانا خالد محمود ، اویس ،چوہدری ڈاکٹر ناصر اور رضوان الحق نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوکاندار کی گاہک سے بدتمیزی ،موبائل واپس مانگنے پر دوکس نامعلوم آدمیوں کے ساتھ حملہ کر دیا
گوجرانوالہ (جی پی آئی)دوکاندار کی گاہک سے بدتمیزی ،موبائل واپس مانگنے پر دوکس نامعلوم آدمیوں کے ساتھ حملہ کر دیا ۔ لوگوں نے جان بچائی ، تفصیلات کے مطابق شعیب احمد نامی بندے نے اپنا موبائل بلیک بیری سافٹ ویئر کیلئے شیرانوالہ باغ کے قریب نوبل موبائل پر اپنا موبائل مرمت ہونے کیلئے ایک ہفتہ قبل دیا ۔ ہفتہ بھر چکر لگوانے کے بعد اتوار کے روز جب صارف نے اپنا موبائل واپس مانگا تو موصوف نے بند موبائل اسکے ہاتھ میں تھمادیا ۔ جب اس سے موبائل پرانی حالت میں مانگا تو پہلے ہیلے بہانوں سے ٹالتا رہا بعد میں بات نہ بننے پر ہاتھا پائی شروع کر دی ۔ اس کی دوکان پر کام کرنیوالے دو آدمی بھی اسکے ساتھ ملکر صارف پر تشدد کرنے لگے ۔قریب سے گزرنے والے لوگوں نے لڑائی کو رفعہ دفعہ کروایا۔ رش ہونے کی وجہ سے قریبی موبائل مارکیٹ سے بھی لوگ آگئے ، انکا کہنا تھا کہ یہ اکثر و بیشتر مہنگے موبائلوں کے پرزہ جات نکال کر خراب موبائل لوگوں کو تھما دیتا ہے ۔ اس کے خلاف قانونی کاروائی ہونی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ(ن) ہمیشہ مشکل گھڑی میں عوام کیساتھ ہوتی ہے’خواجہ طارق جاوید نائیک
گوجرانوالہ(جی پی آئی)راہنما پاکستان مسلم لیگ(ن)وسابقہ ڈپٹی میئر خواجہ طارق جاوید نائیک نے کہا ہے کہ سیلاب متاثرین کی بحالی حکومت کی اولین ترجیح ہے اور متاثرین کو ریلیف دینے کے لئے پنجاب حکومت تمام ضروری اقدامات کررہی ہے۔ اس مشکل گھڑی میں تمام پاکستانیوں کو سیلاب متاثرین کی مدد کرنی چاہئیے۔ ان خیالات کااظہار انہوں نے پارٹی کارکنوں کے ایک وفد سے گفتگو کے دوران کیا۔انہوں نے کہاکہ حالیہ سیلاب کی تباہ کاریوں سے نمٹنے کیلئے میاں برادران نے حکومتی مشنری کو حرکت میں لاکر صدقہ جاریہ کا کام کیا ہے۔ سیلاب زدگان کی آباد کاری اور متاثرین کی فلاح و بہبود کے کام اپنے عروج پر ہیں۔ مسلم لیگ(ن) ہمشیہ مشکل گھڑی میں عوام کے ساتھ ہوتی ہے موجودہ حالات میں بھی میاں شہباز شریف جس طرح سیلاب متاثرین کی بحالی کے لئے دن رات کوششیں کررہے ہیں وہ قابل تعریف ہیں۔ اس کے علاوہ کارکن بھی سیلاب زدہ علاقوں میں متاثرین کی بحالی کیلئے کام کررہے ہیں۔ انشاء اﷲ میاں برادران ملک پاکستان کے ڈوبتے جہاز کو سطح ترقی پر لاکر پوری دنیا میں اعلیٰ مقام دلائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چناب سول سوسائٹی نیٹ ورک گوجرانوالہ اور ادارہ استحکام شرکتی ترقی (SPO) لاہور کے تعاون سے مقامی ہوٹل میں تجاوزات سے پیدا ہونیوالے مسائل اور ان کے حل کے عنوان سے سیمینار منعقد ہوا
گوجرانوالہ (جی پی آئی) چناب سول سوسائٹی نیٹ ورک گوجرانوالہ اور ادارہ استحکام شرکتی ترقی (SPO) لاہور کے تعاون سے مقامی ہوٹل میں تجاوزات سے پیدا ہونیوالے مسائل اور ان کے حل کے عنوان سے سیمینار منعقد ہوا جس میں راشد بشیر چٹھہ نے کہا کہ تجاوزات کی وجہ سے ٹریفک مسائل اور گزرگاہیں تنگ ہو رہی ہیں اور بدامنی بڑھ رہی ہے اور جھگڑوں کو فروغ مل رہا ہے، مرزا اشتیاق نے کہا کہ گوجرانوالہ کے کچھ علاقوں کو مخصوص طبقہ نے نوگو ایریاز بنا دیا ہے جس سے بہت شدید مسائل پیدا ہو گئے ہیں اس کے علاوہ گیٹس لگا کر بازاروں کو بند کر دیا گیا ہے، شہروں اور بازاروں کی خوبصورتی کھلی گزرگاہوں، چوکس اور بازاروں سے ہے جس طرح یہ دن بدن بڑھتی جا رہی ہے انکروچمنٹ اس سے مزید مسائل بڑھنے کا امکانات موجود ہیں اور امن اور سماجی ہم آہنگی کے فروغ میں رکاوٹ بنتی جا رہی ہے، اس میں محمد اسرائیل ایڈووکیٹ، راجہ غلام مصطفی، انجینئر شہباز، ملک، رانا فضل محمد، ثریا منظور، شمس جلیل اور محمد پرویز نے بھی اپنے خیالات کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئندہ بلدیاتی انتخابات میں انصاری برادری بھرپور حصہ لے گی
گوجرانوالہ (جی پی آئی) آئندہ بلدیاتی انتخابات میں انصاری برادری بھرپور حصہ لے گی، ان خیالات کا اظہار انصاری برادری کے راہنما و امیدوار چیئرمین سیٹھ اعجاز انصاری نے برادری کے اجلاس میں کیا، انہوں نے کہا کہ ہم انتخابات جیت کر عوام کو مسائل سے نجات دلانے کیلئے بھرپور جدوجہد کریں گے اور کسی بھی جگہ پر عوامی مسائل حل کرنے کیلئے آواز اٹھانے سے گریزاں نہیں ہوں گے، انہوں نے کہا کہ اگر عوام نے ہمیں منتخب کیا تو ہم دیکھا دیں گے کہ حقیقی معنوں میں عوامی خدمت کیا ہوتی ہے اور شہر کی مزید تعمیر و ترقی اور خوبصورتی کیلئے بھی منصوبہ جات کا اجراء کریں گے۔ اجلاس میں محمد سلیم انصاری، عبدالجبار انصاری، محمد شفیق انصاری، ڈاکٹر زاہد انصاری، محمد شفیق انصاری، محمد یوسف انصاری، محمد ریاض انصاری، محمد اکبر انصاری و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی کے سابق رکن صوبائی اسمبلی میاں محمد ارقم خاں نے کہا ہے کہ ضمنی الیکشن میںپاکستانی عوام نے ایک بار پھر پیپلزپارٹی پر اعتماد کااظہار
گوجرانوالہ (جی پی آئی) پیپلزپارٹی کے سابق رکن صوبائی اسمبلی میاں محمد ارقم خاں نے کہا ہے کہ ضمنی الیکشن میںپاکستانی عوام نے ایک بار پھر پیپلزپارٹی پر اعتماد کااظہار کیا ہے آنے والا وقت پھر پیپلزپارٹی کا ہو گا، ان خیالات کا اظہار انہوں نے پیپلزپارٹی پنجاب کے صدر میاں منظور وٹو کے صاحبزادے کی ضمنی انتخابات میں جیت کے بعد اپنے ڈیرہ پر آنیوالے کارکنوں کے وفود سے گفتگو کرتے ہوئے کیا، انہوں نے کہاکہ پیپلزپارٹی عوامی اور جمہوری جماعت ہے پاکستان کی ترقی ،خوشحالی اور عوامی حقوق کیلئے جیالوںکی گراں قدر خدمات ہیں، جنرل الیکشن میں پیپلزپارٹی کو کمپین نہیں کرنے دی گی، دہشتگردوں سے دھمکیاں اور میڈیا ٹرائل کی وجہ سے پیپلزپارٹی کو کھل کر الیکشن مہم چلانے کا موقع نہیں دیا گیا جبکہ ضمنی الیکشن میں پیپلزپارٹی کے امیدواروں کو بڑے ووٹ ملے ہیں، ضمنی الیکشن میں پیپلزپارٹی کی کامیابی خوش آئند ہے یہ عوام کا پیپلزپارٹی پر اعتماد کامظہر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ( ن) کی دھاندلی کا پول اس ضمنی الیکشن میں کھل گیا ہے
گوجرانوالہ (جی پی آئی) مسلم لیگ ( ن) کی دھاندلی کا پول اس ضمنی الیکشن میں کھل گیا ہے پاکستان پیپلز پارٹی کی تین قومی اسمبلی اور چار صوبائی اسمبلی کی نشستوںکی جیت نے یہ ثابت کر دیا ہے کہ 11مئی کا الیکشن مسلم لیگ ( ن) نے جیتا نہیں تھا بلکہ دھاندلی کی گئی تھی، ان خیالات کا اظہار پیپلزپارٹی کے ٹکٹ ہولڈر و سابق ٹائون ناظم رائو اکرام خاں نے منڈیالہ وڑائچ میں کارکنوں کے اجلاس سے خطاب کرتے ہوئے کیا، انہوں نے کہا کہ پیپلز پارٹی کو عوامی مینڈیٹ حاصل ہے اور رہے گا مگر پاکستان کو ہمیشہ نقصان پہنچانے والی مسلم لیگ (ن) نے عوامی مشکلات اور عوامی مسائل میں اضافہ کیا ہے، بدترین لوڈ شیڈنگ ایک بار پھر ضمنی الیکشن کے بعد شر وع کر دی گئی ہے جو کہ مسلم لیگ (ن) کی بد دیانتی کا منہ بولتا ثبوت ہے، انہوں نے کہا کہ پیپلز پارٹی نے ساتھ نشستوں کو جیت کر ثابت کیا ہے کہ عوام کن کے ساتھ ہے۔ انہوں نے کہا کہ عوامی جما عت پیپلز پارٹی ایک بار پھر اقتدار میں آکر عوامی مسائل کو حل کر ے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی کو زبردستی اپنے نظریات مسلط کرنیکی اجازت نہیں دیںگے:تحفظ مساجد کمیٹی
راولپنڈی(جی پی آئی)تحفظ مساجد کمیٹی کے عہدیداروں علامہ مشتاق جلالی، پیرابوبکرچشتی، ملک عبدالرئوف اورقیصرسلطانی نے کہا ہے کہ اسلحے کے زورپر کسی کو زبردستی اپنے عقائدونظریات مسلط کرنے کی اجازت نہیں دیں گے۔مسلمانوں کو کافر،مشرک،بدعتی اورواجب القتل کہنے والے ملک میں انارکی پھیلانا چاہتے ہیں۔قانون نا فذ کرنے والے ادارے ایسے عناصر کے خلاف فوری کا روائی عمل میں لا ئیں۔ان خیالات کااظہارتحفظ مساجدکمیٹی راولپنڈی کینٹ کے عہدیداروں نے ڈھوک بنارس میں ہنگامی اجلاس سے خطاب کرتے ہوئے کیا۔علماء مشائخ نے کالعدم تنظیموں کی بڑھتی ہوئی سرگرمیوں پر گہری تشویش کاظہارکرتے ہوئے کہا کہ علاقے کے سیاسی عمائدین شرپشندوں کی پشت پناہی ختم کرکے غیر جانبداری کامظاہرہ کریں ۔ کالعدم تنظیموں کو لگام نہ دی گئی تو ہم اپنے فیصلے کرنے میں آزادہونگے اورپھرشرپسندوں کو کہیں منہ چھپانے کی جگہ نہیں ملے گی۔ پرامن اہلسنت کو بندوق اٹھانے پر مجبور نہ کیا جائے وگرنہ حالات کی تمام ترذمہ داری انتظامیہ پرہوگی۔اس موقع پرعلامہ طاہر اقبال چشتی، علامہ عبدالقیوم سیالوی،صاحبزادہ عبدالرحمن سیالوی،چوہدری شیرافگن،چوہدری مامون انور، پروفیسر اکبر ہاشمی، علامہ ہاشم مجددی، مشتاق بٹ، نعیم احمدبٹ، مولانا یعقوب نقشبندی، قاری ریشم چشتی، تنویرحسین عطاری،حاجی جاویدسیفی،،مولانا رمضان پروانہ،صلاح الدین، شیخ ظفراللہ سمیت جماعت اہلسنت، پاکستان سنی تحریک ،مرکزی جماعت اہلسنت،بزم غوثیہ سلطانیہ، غوثیہ یوتھ فورس،دعوت اسلامی،جمیعت علمائے پاکستان(نورانی)،مرکزی جمیعت علمائے پاکستان اورانجمن طلباء اسلام سمیت دیگر تنظیمات ِ اہلسنت کے عہدیدار ،کارکنان،علمائے کرام اورانجمن تاجران کے نمائندگان بھی موجودتھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹارگٹ کلرز کراچی میں ہمارے کارکنوں کوچن چن کر قتل کررہے ہیں
راولپنڈی/اسلام آباد (جی پی آئی)پاکستان سُنی تحریک کے ڈویژنل صدرمفتی لیاقت علی رضوی، ضلع راولپنڈی کے صدرعلامہ طاہراقبال چشتی، ضلع اسلام آبادکے صدرعلامہ وسیم عباسی اورسیکرٹری اطلاعات نعیم الحق رضا نے کہاہے کہ ٹارگٹ کلرز کراچی میں ہمارے کارکنوں کوچن چن کر قتل کررہے ہیں جبکہ حکومت اورقانون نافذکرنیوالے ادارے خاموش تماشائی ہیں،رنچھوڑ لائن سیکٹرکے انچارج جاوید قادری کو اغواء کئے ہوئے دودن سے زیادہ گزرگئے مگر پولیس ابھی تک بازیاب نہیں کراسکی۔ دہشتگرد کن صفوں میں پناہ لئے ہوئے ہیں خفیہ ادارے اورحکومت اچھی طرح جانتی ہے۔ان خیالات کااظہارانہوںنے کراچی میں کارکنوں اورعہدیداروں کے قتل عام اور اغواء کی شدیدمذمت کرتے ہوئے کیا،انہوں نے کہاکہ کراچی کی زمین کو اہلسنت پر تنگ کیا جارہاہے، حکومت اور پولیس انتظامیہ خواب غفلت سے باہر نکل آئے اگر ہمیں انصاف نہیں ملا اور کارکنوں کو تحفظ فراہم نہیں کیا گیا تو خاموش نہیں بیٹھیں گے،عوام کو سڑکوں پر لاکر احتجاج کرینگے،انہوں نے کہاکہ مطالبات کرتے کرتے اب تھک چکے ہیں،حکومت ،پولیس انتظامیہ اندھی اوربہری ہوگئی ہے اسے کراچی کے کشیدہ حالات اوربے گناہ افراد کا روزانہ کی بنیاد پر قتل نظر نہیں آرہاہے، لاقانونیت عروج پر ہے دہشتگردآزاد دندناتے پھررہے ہیں روزانہ کی بنیاد پر 10سے 15افراد قتل ہورہے ہیں اور حکومت سب ٹھیک ہے کی بانسری بجارہی ہے جو کہ عوام کودہشتگردوں کے حوالے کرنے کے مترادف عمل ہے،پاکستان سُنی تحریک کے عہدیداروںنے صدر،وزیر اعظم،وفاقی وزیرداخلہ،وزیر اعلیٰ سندھ،چیف جسٹس سپریم کورٹ آف پاکستان سے مطالبہ کیا کہ کراچی میں کارکنوں اورعہدیداروں کے قتل عام اور اغواء کا فوری نوٹس لیںاور ٹارگٹ کلرزکوگرفتارکرکے قرارواقعی سزاء دیجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضمنی انتخابات میں مسلم لیگ ن کی شاندار کامیابی عوامی اعتماد کا ثبوت ہے :ملک احسان گنجیال
لاہور (جی پی آئی) پاکستان مسلم لیگ ن کے رہنما ملک احسان گنجیال نے کہا کہ ضمنی الیکشن میں اگر مرکزی یا صوبائی حکومت مداخلت کرتی تو تحریک انصاف ایک بھی نشست پر کامیاب نہ ہو تی سا بق حکومتوں نے ملک کو 15سالوں میں بے دردی سے لوٹا، مسائل چند دنوں میں حل نہیں ہوسکتے۔ چاروں صوبوں میں مختلف جماعتوں کی حکومتیں وزیراعظم نواز شریف کی دانش مندانہ پالیسی اور ملک سے محبت کا نتیجہ ہے۔ عملی خدمت اور ترقیاتی کام ہماری کارکردگی کا منہ بولتا ثبوت ہیںوزیر اعظم محمد نواز شریف سے خطاب ثابت ہو گیا کہ نواز شریف دعوئوں پر نہیں بلکہ عملی اقدامات پر پختہ یقین رکھتے ہیں توانائی بحران کے خاتمے ہشت گردی سے نجات اور معاشی استحکام کے نتیجے میں خود دار ،خودمختار اور خوشحال پاکستان کا خواب شرمندہ تعبیر ہو گا عوام نے ضمنی الیکشن میں مسلم لیگ ن کے امیدواروں کو عوام نے بھاری اکثریت سے کامیاب کروا کر یہ ثابت کر دیا ہے کہ عوام نواز شریف کی قیادت پر اعتماد کر تی ہے ان خیالات کا اظہارپی پی 153 لاہور میں اجلاس سے خطاب کر
تے ہو ئے کیا انہوں نے کہا کہ پی ٹی آئی کو سمجھ جانا چاہیے کہ وہ ابھی عوام میں مسلم لیگ ن کے مقابلہ میں مقبول نہیں ہے اس لیے احتجاج کی بجائے صبر سے کام لینا چاہیے اپنے ہار کا سوگ ضرور منائیں حقائق کو مدنظر رکھتے ہو ئے کم از کم 50 سال انتظار کر ے احتجاج کا فیصلہ دانش مندانہ اقدام نہیں تحریک انصاف میں سنجیدہ رویے کا فقدان اور سیاسی بے وقوفیوں کی وجہ سے عوام میں مقبول نہیں ہو سکی عام انتخابات کے بعد ضمنی الیکشن میں بھی عوام میں رسوا ہو ئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلز پارٹی کے سینئر رہنما اور رُکن اسلامی نظر یاتی کو نسل پیر علامہ یوسف اعوان نے کہا ہے کہ پنجاب حکومت کے تھانہ کلچر کے تبدیلی کے دعویٰ اور جرائم کی روک تھام کے مارے گئے
لاہور (جی پی آئی) پاکستان پیپلز پارٹی کے سینئر رہنما اور رُکن اسلامی نظریاتی کو نسل پیر علامہ یوسف اعوان نے کہا ہے کہ پنجاب حکومت کے تھانہ کلچر کے تبدیلی کے دعویٰ اور جرائم کی روک تھام کے مارے گئے نعر ے جھوٹ پر مبنی تھے انہوں نے کہا کہ اُن کی رہائش گاہ واقع 4 بلاک سیکٹرA2کے علاقہ میں پچھلے ایک ہفتے میں ایک درجن کے قریب ڈکیتی کی وارداتیں ہو ئی ہیں مگر ٹاون شپ پو لیس و دیگر قانون نافذ کر نے والے ادارے کچھ بھی نہیں کر سکے انہوں نے کہا کہ اپنے آپ کو خادم اعلیٰ سُن کر خوش ہو نے والے صرف اپنے خاندانی پروٹوکول کو اہمیت دیتے ہوئے پو لیس کو اپنے ساتھ رکھتے ہیں مگر عوام کی جان و مال کی حفاظت کر نے والے پو لیس افسران اپنی جیبوں کو گرم کر نے میں لگے رہتے ہیں اور سٹر یٹ کرائم کی وارداتوں میں ہو ش رُبا اضافہ ہو تا جا رہا ہے انہوں نے کہا کہ ٹاون شپ کے علاقہ میں اگر سٹریٹ کرائم کی وارداتوں کو کنٹرول نہ کیا گیا تو اہل علاقہ کے ہمراہ سخت احتجاجی مظاہر ہ کر ینگے انہوں نے کہا کہ ایس ایچ او ٹاون شپ کے خلا ف بھی کاروائی کا مطالبہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹر یفک جرمانوں میں ہو نے والے اضافے کے خلاف شدید احتجاجی مظاہر ہ کیا
لاہور (جی پی آئی) ایس این ایس گڈز ٹرانسپورٹرز ایسو سی ایشن کے صدر رانا شفیق، چیئر مین سیٹھ عبدالستار کی قیادت میں ،نائب صدر رانا شاہنواز،جنرل سیکرٹری شمشاد سلہری ،چوہدری محمد حُسین ،رانا رب نواز سمیت دیگر گڈز ٹرانسپورٹرز کی بڑی تعداد نے بند روڈ پر ممکنہ ٹر یفک جرمانوں میں ہو نے والے اضافے کے خلاف شدید احتجاجی مظاہر ہ کیا گڈز ٹرا نسپورٹر رہنمائوں کا کہنا تھا کہ ٹر یفک وارڈنز پہلے ہی گڈز ٹرانسپورٹر کے ناجائز چالان کر تے ہیں اور اب سو فیصد ٹڑیفک جر مانوں کی آڑ میں بھاری رشوت لی جائے گی اور ٹریفک پولیس کے اہلکار رشوت کا بازار گر م کر ینگے ٹریفک جر مانوں میں اضافہ کسی صورت قابل قبول نہیں اور اگر حکومت پنجاب نے ٹریفک جر مانوں میں اضافے کی منظوری دی تو سخت احتجاجی تحر یک کا آغاز کر ینگے گڈز ٹرانسپورٹرز کا کہنا تھا کہ گڈز ٹرانسپورٹرز بھاری نقصان ہو نے کے باوجود معشیت کو قائم رکھنے کے لئے کاروبار چلا رہے ہیں مگر حکومت وقت نے اگر ٹریفک جر مانوں کے ظالمانہ اضافے کی منظوری دی تو گڈز ٹرانسپورٹر ز اسے مسترد کر تے ہو ئے سڑ کوں پرنکل آئینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنرل ہسپتال میں ہنگامی بنیادوں پر صفائی مہم، کل تک معیار مزید بہتر بنانے کی ڈیڈ لائن
لاہور (جی پی آئی)پرنسپل پوسٹ گریجویٹ میڈیکل انسٹی ٹیوٹ پروفیسر انجم حبیب وہرہ نے جنرل ہسپتال انتظامیہ اور نرسنگ سپرنٹنڈنٹ سمیت سینٹری انسپکٹرز کو ہدایت کی ہے کہ وہ اپنے کمروں و دفتروں میں بیٹھ کر سب اچھا کی رپورٹ دینے کی بجائے میدان عمل میں اتریں جو افسر یا ملازم بہتر کارکردگی دکھائے گا وہ اس کا انعام پائے گا جبکہ سست کارکردگی کا مظاہرہ کرنے والے متعلقہ سٹاف کی سالانہ خفیہ رپورٹ (اے سی آر) میںاندراج کیا جائے گا۔ پروفیسر انجم حبیب وہرہ نے ادارے میں صفائی و ستھرائی کے نظام کی مزید بہتری، ماحول
کو مریض دوست بنانے، ہسپتال میں کسی بھی جگہ کھڑے پانی کی فوری نکاسی اور کوڑا کرکٹ تلف کرنے کے لیے منگل کی صبح تک کی ڈیڈ لائن دے دی ہے۔انہوں نے سرکاری امور میں عدم دلچسپی کا مظاہرہ کرنے پر سینٹری انسپکٹر حسن رضوی کا ایل جی ایچ سے فوری طور پر پی جی ایم آئی تبدیل کرنے کے احکامات جاری کیے۔ پروفیسر انجم حبیب وہرہ نے کہاکہ وارڈوں میں مریضوں کو حفظان صحت کے اصولوں کے مطابق ماحول فراہم نہ کرنے پر آئندہ ڈپٹی چیف نرسنگ سپرنٹنڈنٹ اور نرسنگ سپرنٹنڈنٹ کی جواب طلبی کی جائے گی۔ انہوں نے ان اقدامات کا اعلان اتوار کے روز ایل جی ایچ کے کمیٹی روم میں منعقدہ انتظامی اجلاس کی صدارت کرتے ہوئے کیا۔ اس موقع پر ایم ایس ڈاکٹر محمد امجد شہزاد، اے ایم ایس و ڈی ایم ایس صاحبان، نرسنگ سپرنٹنڈنٹ و دیگر شعبوں کے انچارج بھی موجود تھے۔ پروفیسر انجم حبیب وہرہ نے واضح کیا کہ ڈینگی سمیت تمام امراض سے شہریوں کو بچانے کے لیے تمام تر وسائل بروئے کار لائے جائیں گے اور اس سلسلے میں انتظامی ڈاکٹروں کی طرف سے کسی قسم کی سستی یا تاخیر برداشت نہیں کی جائے گی۔ انہوں نے نرسنگ ہاسٹل میں صفائی ستھرائی کی غیر تسلی بخش صورتحال اور ہسپتال کے احاطہ میں ویگن، رکشے اور نجی ایمبولینس کھڑی ہونے کے علاوہ وارڈوں میں اشیاء خورد و نوش فروخت کرنے پر سخت برہمی کا اظہار کیا اور سینٹری انسپکٹرز کی سرزنش کرتے ہوئے کہا کہ وہ اپنی کارکردگی کو بہتر بنالیں بصورت دیگر ملازمت سے ہاتھ دھوبیٹھیں گے۔ پرنسپل پی جی ایم آئی نے کہا کہ جنرل ہسپتال کو مختلف ذونوں میں تقسیم کردیا گیا ہے جن کی انتظامی ذمہ داری اے ایم ایس اور ڈی ایم ایس کو سونپ دی گئی ہے جو روزانہ کی بنیاد پر راؤنڈ کریں گے۔ انہوں نے کہاکہ صفائی کی مہم صرف چند دن نہیں بلکہ پورا سال رکھی جائے گی تاکہ ڈینگی سمیت کوئی بھی مرض سر نہ اٹھاسکے۔پروفیسر انجم حبیب وہرہ نے جنرل ہسپتال کی توسیع کے سلسلہ میں ادارے کی حدود میں زیر تعمیر عمارتوں کے ٹھیکیداروں کو بھی سختی سے ہدایت کی ہے کہ وہ ادارے میں کہیں پانی کھڑا نہ ہونے دیں اور نکاسی آب کے لئے روزانہ کی بنیاد پر ہنگامی اقدامات کئے
جائیں۔انہوں نے تنبیہ کی کہ اگر زیر تعمیر حصوں میں کسی جگہ ڈینگی لاروا پایا گیا تو اس کا ذمہ دار متعلقہ ٹھیکیدار کو ٹھہرا کر اس کے خلاف سخت کارروائی عمل میں لائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آل پاکستان ٹرک ٹرالہ مو ٹر اونرز ایسو سی ایشن کا ہنگامی اجلاس زیر صدرات مر کزی صدر لالہ یاسر نصیر ،چیئر مین چوہدری محمد ارشد راوی روڈ پر ہوا
لاہور (جی پی آئی) آل پاکستان ٹرک ٹرالہ مو ٹر اونرز ایسو سی ایشن کا ہنگامی اجلاس زیر صدرات مر کزی صدر لالہ یاسر نصیر ،چیئر مین چوہدری محمد ارشد راوی روڈ پر ہوا جس میں وائس چیئر مین چوہدری شیر علی، جنرل سیکرٹر ی عبدالمتین شیخ،ڈپٹی جنرل سیکر ٹری ،سیکرٹری اطلاعات ملک ریاض اعوان ،ملک تنویر الدین ،ملک ندیم ،لالہ شر افت سمیت دیگر گڈز ٹرانسپورٹرز نے شر کت کی گڈز ٹرانسپورٹرز نے ٹریفک جر مانوں میں ہو نے والے متو قعہ اضافے کو مستر دکر تے ہوئے کہا کہ گڈز ٹرانسپورٹرز پہلے ہی بھاری ریو نیوں مختلف ٹیکسوں کی مد میں ادا کر رہے ہیں مگرٹر یفک پو لیس کی جانب سے ٹریفک جرمانوں کی شرح میں اضافہ کر نا انتہائی افسوس ناک ہے اس سے پہلے بھی ٹریفک جر مانوں میں اضافہ کیا جا چُکا ہے مگر اب 100 فیصد ٹریفک جر مانوں میں اضافہ کسی صورت قبول نہیں کر ینگے اور ایسا کیا گیا تو سخت احتجاج کا راستہ اختیار کیا جائے گا کیو نکہ گڈز ٹرانسپورٹرز کے ساتھ پہلے ہی کافی ٹریفک وارڈنز ظلم کر تے ہیں اور رات گئے ایک بار پھر ٹریفک وارڈنز کیجانب سے گڈز ٹرانسپورٹزر کو رشوت نہ دینے پر کاروائی کا سامنا کر نا پڑ رہا ہے گڈز ٹرانسپورٹرز کا کہنا تھا کہ پنجاب حکومت نے اگر جر مانوں کی شرح میں ہو نے والے اضافے کی منظوری دی تو احتجاجی تحریک کا آغاز کر تے ہوئے اپنے مطالبات کی منظوری تک احتجاج کر ینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب حکومت نے پورے پنجاب کی پولیس تحریک انصاف کے پیچھے لگا دی ہے
:سعدیہ سہیل رانا
لاہور(جی پی آئی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ پنجاب حکومت کو بنے ابھی 100دن پورے نہیں ہوئے کہ اس نے پورے پنجاب کی پولیس تحریک انصاف کے پیچھے لگا دی ہے ٹیچر ایسوسی ایشن کو ہمارے خلاف استعمال کرنے کے لئے ملازمت سے برخاست کرنے کی دھمکیاں دی جا رہی ہیں انتخاب کے روز کسی استاد نے ہمارے خلاف شکایت نہیں کی اب ایوان وزیر اعلی ملازمت کے دھمکیاں دے کر ہمارے اساتذہ کو ہمارے خلاف استعمال کر رہا ہے پنجاب کے سارے ادارے اپوزیشن کے پیچھے لگا دیئے گئے ہیںدھاندلی کرنے میں پی ایچ کی ڈگری رکھنے والے قائدین کو اپنی شکست برداشت نہیں ایک بیان میں انہوں نے کہا کہ ہمیں جیل بھیج کر مسلم لیگ ن ڈرا نہیں سکتی جیلیں ہمارا راستہ نہیں روک سکتی خون کے آخری قطرے تک لڑیں گے پولیس کی لاٹھیں ختم ہو جائیں گی لیکن ہمارے کارکن ختم نہیں ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن نے دو ماہ میں ہی پاکستان عوام کے مسائل میں بے تحاشہ اضافہ کر دیا ہے:قاضی احمد سعید
لاہور(جی پی آئی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ مسلم لیگ ن نے دو ماہ میں ہی پاکستان عوام کے مسائل میں بے تحاشہ اضافہ کر دیا ہے ایک بیان میں انہوں نے کہا کہ مسلم لیگ ن کا حکومتی مشینری کے استعمال کے باوجود ضمنی انتخابات میں پیپلز پارٹی کا سیٹیں نکالنا اس بات کا ثبوت ہے کہ عوام موجودہ حکمرانوں سے عاجز آ چکے ہیں انہوں نے کہا کہ بد ترین لوڈشیڈنگ ایک بار پھر ضمنی الیکشن کے بعد شروع ہو گئی ہے جو مسلم لیگ کی بد دیانتی کا منہ بولتا ثبوت ہے، پیپلز پارٹی کو عوامی مینڈیٹ حاصل ہے اور رہے گا پیپلز پارٹی نے ہمیشہ عوام کے مفادات کو مدِ نظر رکھا ہے وہ اپوزیشن میں رہ کر بھی غریب عوام کے حقوق کے لئے آواز بلند کرتی رہے گی، پیپلز عوام کے دلوںمیں بستی ہے پیپلز پارٹی کو
ختم کرنے والے خود مٹ چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ حکومت کی طرزِ حکمرانی ملک کو مسلسل تباہی کی طرف لے جارہی ہے:جماعت اسلامی پنجاب
لاہور(جی پی آئی)ممبر صوبائی اسمبلی و پارلیمانی لیڈر اور امیر جماعت اسلامی پنجاب ڈاکٹر سید وسیم اختر نے کہاہے کہ اب تک حکومت کاکوئی ایک بھی اقدام ایسا نہیں ہے جس کو کامیابی قرار دیا جاسکے۔ موجودہ حکومت کی طرزِ حکمرانی ملک کو مسلسل تباہی کی طرف لے جارہی ہے۔ملکی صورتحال انتہائی بدتر ہوچکی ہے۔ حکمرانوں نے سنجیدگی کامظاہرہ نہ کیا توملک کو تباہ ہونے سے کوئی نہیں بچا سکتا۔ انہوں نے کہاکہ پاکستان اس وقت کسی ایک بحران کا شکار نہیںبلکہ حقیقت یہ ہے کہ اس وقت وطن عزیز کئی بحرانوں کی زد میں ہے۔حکمرانوں کی غلط پالیسیوں کی وجہ سے ملک میں مہنگائی،بے روزگاری،بدامنی اور لاقانیت کی وجہ سے حالات دن بدن خراب ہوتے جارہے ہیں۔انہوں نے کہاکہ بجلی کا بحران ابھی تک جوں کا توں ہے۔مسلسل کئی کئی گھنٹوںکی لوڈشیڈنگ ہورہی ہے۔پورے ملک میں اس وقت بجلی کے بحران نے انتہائی سنگین صورتحال اختیار کرلی ہے۔پاکستان کواپنے 65سالہ سفرمیں ایسے کئی نااہل اوربدعنوان حکمرانوںسے واسطہ رہاجنہوںنے قیام پاکستان کے حقیقی مقاصدکوپس پشت ڈال کرعوام کیلئے شدید مشکلات پیداکیں۔ پاکستان ایک اسلامی فلاحی مملکت تواب تک نہ بن سکاالبتہ عوام دن بدن مسائل میںپھنستے چلے گئے۔ڈاکٹر سید وسیم اختر نے بھارت کی طرف سے مسلسل کنٹرول لائن کی خلاف ورزی پر بات چیت کرتے ہوئے کہاکہگزشتہ کئی دنوںسے لائن آف کنٹرول پر بھارتی فوج کی بلااشتعال فائرنگ کے نتیجے میں اب تک ہمارے کئی فوجی جوان شہید ہوچکے ہیں۔پاکستان اور بھارت کے درمیان امن برقرار رکھنے میںسب سے زیادہ پاکستان فعال نظر آتا ہے لیکن بھارت نے اپنی پرانی روش برقرار رکھی ہوئی ہے۔بھارت پاکستان کے ساتھ دوستی کا خواہاں نہیں ہے۔انہوں نے کہاکہ حکمران جب تک بھارت کی آنکھوں میں آنکھیں ڈال کر بات نہیں کریں گے سرحدی
خلاف ورزیاں ہوتی رہیں گی اور حالات دن بدن خراب ہوتے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الخدمت فائونڈیشن پنجاب کے صدر رائومحمد طفر کاضلع قصور کے سیلاب سے متاثرہ علاقوں کا دورہ
لاہور(جی پی آئی)الخدمت فائونڈیشن پنجاب کے صدر رائومحمد طفر نے ضلع قصور کے سیلاب سے متاثرہ علاقوں گنڈاسنگھ اور دیگر دیہاتوں کا دورہ کیا اور متاثرہ علاقوں میں ہونے والے نقصان اور الخدمت فائونڈیشن کی امدادی سرگرمیوں کا جائزہ لیا۔رائومحمد ظفر نے الخدمت فائونڈیشن ضلع قصور کی طرف سے لگاگئے تین میڈیکل کیمپوں کا دورہ کیا۔اس موقع پر ضلعی صدر عبدالحفیظ نے بتایا کہ الخدمت فائونڈیشن کے رضاکار فیلڈ میں موجود ہیں۔روزانہ سیلاب متاثرین کو پکاپکایا کھانا،راشن پیکٹ اور طبی سہولیات فراہم کی جارہی ہیں۔1000افراد کاطبی معائنہ کیاگیا اور ان کو ادویات فراہم کی گئیں۔بعد ازاں رائومحمد ظفر نے ضلعی صدر کو ایک لاکھ مالیت کا چیک اور ہزاروں روپے کی ادویات دیں۔انہوں نے ضلعی ٹیم کو ہدایت کی کہ امدادی سرگرمیوں کو تیز کیا جائے۔انہوں نے مخیر حضرات سے اپیل کی کہ وہ مصیبت کی اس گھڑی میں اپنے بہن بھائیوں کی دل کھول کر مددکریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت کو اینٹ کا جواب پتھر سے دینے کی ضرورت ہے:پروفیسر ساجد میر
لاہور (جی پی آئی)مرکزی جمعیت اہل حدیث پاکستان نے سیلاب سے متاثرہ مدارس ،مساجد اور گھروں کو بحالی کا اعلان کیا ہے اور کہا ہے کہ ا بتدائی سروے کے بعد بحالی کا کام شروع ہو جائے گا۔ اس مقصد کے لیے مرکزی ریلیف فنڈ قائم کردیا گیا ہے۔ اس بات کا فیصلہ پارٹی کے سربراہ پروفیسر ساجد میر کی صدات میں مرکزی دفتر میں منعقدہ مشاورتی اجلاس میں کیا گیاجس میں ناظم اعلی حافظ عبدالکریم ایم این اے ودیگر عہدیداروں نے شرکت کی۔پروفیسر ساجد میر نے کہا کہ بھارت پاکستان کا ابدی دشمن
ہے اس سے کسی خیر کی توقع نہیںکی جاسکتی، ایک طرف اس نے پاک فوج کے جوانوں کو شہید کرنے کا سلسلہ شروع کررکھا ہے اور دوسری طرف آبی جارحیت کے ذریعے ہماری معیشت تباہ کررہا ہے۔بھارتی جرنیل پاکستا ن پر قبضے کی منصوبہ بندی کررہے ہیں اور ہم ان سے پیار کی پینگیں بڑھا رہے ہیں۔مذاکرات کے ذریعے مسائل کا حل اچھی بات ہے مگر اب تک پاک بھارت دو طرفہ مذاکرات کا کوئی نتیجہ برآمد نہیں ہوا ۔ معاہدہ تاشقند ، شملہ معاہدہ ، اعلان لاہور اور دوسرے معاہدے بھی بے سود رہے ہیں۔ انہوں نے کہا کہ کشمیرکے تنازعہ کے حل کے بغیر خطے میں امن قائم نہیں ہو سکتا۔ہمیں بھارت سے مذاکرات کی بھیک نہیں مانگنی چاہیے۔ آخر کب تک ہم بھارت کی بدمعاشی پر خاموش رہیں گے۔ انہوں نے کہا کہ ہم نے ایٹم بم آتش بازی کے موقع پر چلانے کے لیے نہیں بنایا ۔جب ملکی سلامتی اسکی خود مختاری، عوام کی جان ومال سب کچھ دشمن نے اپنے نشانے پر رکھا ہوا ہے توہم پھر کیوں خاموش تماشائی بنے ہوئے ہیں۔بھارت کو اینٹ کا جواب پتھر سے دینے کی ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیاسی کارکنوں پر لاٹھی چارج جمہوری رویے کی نفی ہے ،میاں کامران سیف
لاہور(جی پی آئی)پاکستان مسلم لیگ ق کے راہنما و جوائینٹ سیکرٹری پاکستان مسلم لیگ لاہور میاں کامران سیف نے کہا ہے کہ تحریک انصاف کے کارکن پر مال روڈ پر ہونے والا لاٹھی چارج جمہوری رویے اور سوچ کی نفی ہے ، جمہوری دور حکومت میں ریاستی طاقت کا استعمال افسوسناک ہے ،ن لیگ والوں کایہ دعویٰ ہے کہ وہ جمہوری اقدار کے فروغ اور استحکام کے لیے قربانیاں دیتے رہے ہیں مگر24اگست کے دن سیاسی کارکنوں کے ساتھ جو سلوک ہوا وہ ان دعوئوں کی نفی ہے ۔ انہوںنے وزیراعلیٰ پنجاب سیاسی کارکنوں کی رہائی کا حکم دینے کا کریڈٹ لینے سے پہلے اس بات کا جواب دیں کہ کس کے حکم پر پولیس کے پرامن مظاہرین پر ہلہ بولا گیا؟میاں کامران سیف نے کہاکہ جمہوریت تو یہ ہے کہ ہر تنقید کو برداشت اور صبر سے سنا
جائے اور سیاسی طور پر اس کا جواب دیا جائے ،تشدد کی سیاست جمہوری رویوں کے خلاف ہے اس سے اجتناب برتا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
75سالہ پنشنرز کو ڈبل پنشن دینے کا حکم،محتسب پنجاب کا عمل نہ کرنے پرسیکریٹری خزانہ کو حتمی نوٹس دینے کا فیصلہ
لاہور(جی پی آئی)محتسب پنجاب جاوید محمود نے محکمہ خزانہ پنجاب کی جانب سے 75سال کی عمرپوری کرنے والے تمام پنشنرز کو بلا امتیاز ڈبل پنشن دینے کے حکم پر عملدرآمد نہ ہونے کا سخت نوٹس لیا ہے اورسیکریٹری خزانہ پنجاب کو حتمی نوٹس دینے کا فیصلہ کیا ہے ۔محتسب پنجاب نے24اپریل 2013 کو75سال کی عمر پوری کرنے والے پنجاب حکومت کے تمام پنشنرز کی پنشن ڈبل کرنے اور ریٹائر منٹ کے موقع پر کاٹی گئی کمیوٹیشن کی رقم سالانہ اضافوں کے ساتھ بحال کرنے کے لئے احکامات جاری کئے تھے ـمحتسب پنجاب نے محکمہ خزانہ پنجاب کو حکم دیا تھا کہ وہ 75سال کی عمر پوری کرنے والے پنشنرز کی پنشن بکس میںازسر نو اندراج کیلئے اکائونٹنٹ جنرل پنجاب کو ہدایات جاری کرے ۔محتسب پنجاب نے 13جولائی 2013کومحکمہ خزانہ کی درخواست پر معاملے کا ازسرنو جائزہ لیتے ہوئے محکمہ خزانہ کے جواز کو مسترد کرکے اپنا فیصلہ بحال رکھااور محکمہ خزانہ کو تین ہفتوں کے اندر احکامات پر عملدرآمد کرنے کا حکم دیا۔تین ہفتوں کی مدت ختم ہونے کے بعدضعیف اورناتواں پنشنرز نے اپنے آئینی اورقانونی حق کے حصول کیلئے محتسب پنجاب سے دوبارہ رابطہ کیاہے اورمحتسب پنجاب نے پنشنرز کی درخواستوں پر سخت نوٹس لیتے ہوئے سیکریٹری خزانہ پنجاب کو حتمی نوٹس دینے کا فیصلہ کیا ہے ۔تفصیلات کے مطابق پنجاب حکومت کے 75سال کی عمرپوری کرنے والے متعدد پنشنرز نے محتسب پنجاب کو درخواست دی تھی کہ ریٹائرمنٹ کے وقت ان کی نصف رقم کمیوٹیشن کی مد میں 15سال کے لئے کاٹ لی گئی تھی جبکہ نصف کی ادائیگی کی گئی تھی اور کٹوتی کی رقم 15سال بعد پنشن کے ساتھ بحال کرنے کا وعدہ کیا گیا تھاـیہ کاٹی گئی رقم حکومت کے خزانے میں موجود رہی
اب15سال بعد اتنی ہی رقم بحال کرناانصاف کے تقاضوں کے منافی ہے ـمحتسب پنجاب نے ایڈوائزر محتسب آفس وزیر احمد قریشی کو معاملے کی انکوائری کی ہدایت کی ـوزیر احمد قریشی نے محکمہ خزانہ پنجاب اور اکائونٹنٹ جنرل پنجاب سے جواب طلب کیاـمحکمہ خزانہ پنجاب کو بتایا گیا کہ اس ضمن میں سپریم کورٹ بھی واضح ہدایات جاری کر چکی ہے لیکن محکمہ خزانہ پنجاب نے پنشنرز کوریلیف دینے سے انکار کر دیا ۔ محتسب پنجاب نے اپنے حکم میں لکھا ہے کہ لاہور ہائی کورٹ ،پنجا ب سروسز ٹریبونل ،فیڈرل سروسز ٹریبونل اور سپریم کورٹ اپنے فیصلوں میں ریٹائرڈ ملازمین کی ڈبل پنشن کاحق تسلیم کر چکے ہیںبلکہ وفاقی حکومت اوربلوچستان حکومت اس سلسلے میں نوٹیفکیشن بھی جاری کرچکی ہے۔ محتسب پنجاب نے اپنے فیصلے میں تحریر کیا تھا کہ آئین پاکستان میں واضح ہے کہ سپریم کورٹ کا کسی بھی قانونی معاملے پر اصولی فیصلہ تمام ماتحت عدالتوں اور وفاقی و صوبائی محکموں پر لاگو ہوتا ہے اور تمام محکمے اس پر عملدر آمد کے پابند ہیں ۔ محتسب پنجاب نے کہا کہ مجموعی طور پر تمام پنشنرز کو نظر انداز کر کے صرف ان چند ایک کو ریلیف دیناجنہوں نے عدالت سے رجوع کررکھا ہو، امتیازی سلوک کے مترادف اورآئین پاکستان میں دی گئی مساوات کی ضمانت اورعدالتی فیصلوں کے سرا سر منافی ہے ۔محتسب پنجاب نے محکمہ خزانہ پنجاب کو حکم دیا تھا کہ کسی قسم کے امتیاز کے بغیر 75سال کی عمرپوری کرنے والے تمام پنشنرز کی کمیوٹیشن کی رقم سالانہ اضافوں کے ساتھ بحال کی جائے اوراکائونٹنٹ جنرل پنجاب کو تمام پنشنرز کی پنشن بکس پر نئے سرے سے اندراجات کر کے واجبات ادا کرنے کی ہدایات جاری کرکے عملدرآمدرپورٹ ایک ماہ کے اندر محتسب آفس کوارسال کی جائے۔محکمہ خزانہ نے 16مئی کو محتسب پنجاب سے نظرثانی کی درخواست کی جسے منظور کرتے ہوئے معاملے کا ازسر نو جائزہ لیا گیا۔محکمہ خزانہ نے فیصلے پر عملدرآمد نہ ہونے کی وجوہات سے محتسب پنجاب کو آگاہ کیا ۔محتسب پنجاب نے 13جولائی 2013کومحکمہ خزانہ کے جواز کو مسترد کرتے ہوئے اپنا فیصلہ بحال رکھااور محکمہ خزانہ کو تین ہفتوں کے اندر احکامات پر عملدرآمد کرنے کا حکم دیا۔تین ہفتوں کی مدت ختم ہونے کے بعدضعیف پنشنرز نے محتسب
پنجاب کو اپنے اخلاقی،آئینی اورقانونی حق کے حصول کیلئے دوبارہ درخواست دی اورمحتسب پنجاب سے احکامات کی عدولی پر کاروائی کی استدعا کی ۔محتسب پنجاب نے نظرثانی کی درخواست مسترد ہونے کے بعدبھی احکامات پرعملدرآمدنہ کرنے پر سیکرٹری خزانہ پنجاب کو حتمی نوٹس دینے اورمحتسب پنجاب ایکٹ کے تحت دئیے گئے اختیارات استعمال کرنے کا فیصلہ کیا ہے تاکہ75سال کی عمر تک پہنچنے والے نادار، ناتواں اور ضعیف پنشنرز کوان کے جائزاورقانونی مالی فوائد جلد از جلد پہنچائے جا سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی وزیر برائے منصوبہ بندی وترقیات احسن اقبال کاضلع نارروال میں دائودگائوں پردریائے راوی کادورہ
لاہور( جی پی آئی)وفاقی وزیر برائے منصوبہ بندی وترقیات احسن اقبال کاضلع نارروال میں دائودگائوں پردریائے راوی کادورہ۔ وفاقی وزیراحسن اقبال ٹریکٹرٹرالی پرمحکمہ نہرکے افسروں کے ساتھ 5فٹ پانی عبورکرکے دریاکے کنارے پہنچ گئے اوربھارت کے دریاکے بہائو بدلنے کے منصوبہ کاجائزہ لیا۔انہوںنے افسروں کومتبادل پلان ہنگامی بنیادوں پرتیارکرنے کی ہدایت کی ۔لوگ وفاقی وزیرکوبارڈرایریامیں سیلابی صورت کاجائزہ لیتے دیکھ کرحیران رہ گئے اورلوگوں نے وزیراعظم نوازشریف زندہ بادکے نعرے لگاناشروع کردیئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن نے حکومت میں آنے کے بعد توانائی کے منصوبوں کو پس پشت ڈال دیا ہے:عابد حسین صدیقی
لاہور(جی پی آئی) پیپلز پارٹی لاہور کے سیکرٹری اطلاعات عابد حسین صدیقی نے کہا ہے کہ مسلم لیگ ن نے حکومت میں آنے کے بعد توانائی کے منصوبوں کو پس پشت ڈال دیا ہے ایک بیان میں انہوں نے کہا کہ توانائی بحران پر انتخابی مہم چلانے والوں نے
توانائی بحران پر توجہ دینے کی بجائے توانائی کے منصوبوں کو کھائی میں ڈال دیا ہے، محکمہ توانائی پنجاب کی عدم توجہ اور مختلف سرکاری محکموں کی مخالفت کے باعث پنجاب میں 1250 میگاواٹ کے بجلی منصوبوں پر کوئی پیشرفت نہیں ہو سکی جبکہ 1800 میگاواٹ کے منصوبوں پر فزیبلیٹی پروگرام سرکاری فائلوں سے آگے نہیں بڑھ سکے۔ اس صورتحال میں گزشتہ تین برسوں میں پنجاب میں ایک میگاواٹ کا بھی اضافہ نہ ہوسکا، جو حکمران تین برسوں میں ایک میگا واٹ کا بھی اضافہ نہیں کر سکے انہوں نے عوام کو پانچ سال کا لولی پاپ دے دیا ہے عملاً کارکردگی صفر ہے، انہوں نے کہا کہ مسلم لیگ ن کے سارے دعوے اور وعدے دھرے کے دھرے رہ گئے ہیں۔
