اضلاع کی خبریں 25/1/2014
Posted on January 26, 2014 By Geo Urdu سٹی نیوز
دو روزہ ڈان ایجوکیشن ایکسپو کا انعقاد پاک چین دوستی سینٹر میں جاری ہے۔ جس میں اسلام آباد و راولپنڈی سے بڑی تعدا د میں کا لج اور یونیورسٹی کے طالبعلموں نے ایجوکیشن ایکسپو کا وزٹ کیا
اسلام آباد (این این اے ) دو روزہ ڈان ایجوکیشن ایکسپو کا انعقاد پاک چین دوستی سینٹر میں جاری ہے۔ جس میں اسلام آباد و راولپنڈی سے بڑی تعدا د میں کا لج اور یونیورسٹی کے طالبعلموں نے ایجوکیشن ایکسپو کا وزٹ کیا۔ انہوں نے مختلف اسٹالز دیکھے اور ان میں دلچسپی ظاہر کی۔ ڈان ایجوکیشن ایکسپو میں اندرون ملک اور بیرون ملک سے کئی مشہور یونیورسٹیوں نے اسٹال لگائے ہیں جو دیکھنے سے تعلق رکھتے ہیں۔ یہاں پر یو ایس اے ، ترکی، یو کے، جرمنی، چین، آسٹریلیا وغیرہ کی مشہور یونیورسٹیوں نے اپنے اسٹال لگائے ہیں جن میں مقامی یونیورسٹیوں کے طالبعلموں نے گہری دلچسپی ظاہر کی اور بیرون ملک ان یونیورسٹیوں کے کورس، فیس شیڈول وغیرہ کی معلومات حاصل کیں تاکہ وہ اعلی تعلیم کے حصول کے لیے بیرون ملک ان یونیورسٹیوں کا رخ کر سکیں اور اپنا مستقبل روشن دیکھ سکیں۔ اس موقعہ پر نمائندہ این این اے سے گفتگو کرتے ہوئے طالبعلموں نے ڈان گروپ کی جانب سے ایجوکیشن ایکسپو کے انعقاد کو طالبعلموں کے لیے خوش آئیندہ اقدام قرار دیا اور امید ظاہر کی کہ ڈان اس طرح کے مزید ایونٹ منعقد کرے گا جو اسلام آباد اور راولپنڈی کے عوام میں تعلیمی رجحان کو فروغ دے سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اسمبلی میںپارلیمانی لیڈر اور امیر جماعت اسلامی پنجاب ڈاکٹر سید وسیم اختر نے محکمہ زراعت کے سروس سٹرکچر میں نظرثانی کے حوالے سے تحریک التواء پنجاب اسمبلی کے سیکرٹریٹ میں جمع کروادی
بہاولپور(این این اے)پنجاب اسمبلی میںپارلیمانی لیڈر اور امیر جماعت اسلامی پنجاب ڈاکٹر سید وسیم اختر نے محکمہ زراعت کے سروس سٹرکچر میں نظرثانی کے حوالے سے تحریک التواء پنجاب اسمبلی کے سیکرٹریٹ میں جمع کروادی۔تحریک التواء میں کہا گیا ہے کہ ”ایگریکلچر ڈیپارٹمنٹ میں سب انجینئر ز بھی کام کرتے ہیں ان کا اس شعبہ میں بہت اہم رول ہے۔ لیکن 30سال کی سروس کرنے کے باوجود ان سب انجینئر ز کی اکثریت 17واں گریڈ حاصل نہیں کرپاتی ہے۔ اس حوصلہ شکنی کی وجہ سے سب انجینئر ز اس محکمہ کو خیر آباد کہنے پر مجبور ہورہے ہیں۔ حکومت پنجاب، محکمہ صحت، تعلیم ، لائیو سٹا ک اور ڈیری ڈیویلمپنٹ کے سروس سٹرکچر پر نظرثانی کرچکی ہے لیکن ایگریکلچر ڈیپارٹمنٹ کے سروس سٹرکچر پر ابھی تک نظر ثانی نہیں کی جاسکی۔ ضرورت ہے کہ حکومت ان دوسرے محکموں کی طرح محکمہ زراعت کے سروس سٹرکچر پر نظر ثانی کرے تاکہ محکمہ میں کام کرنے والے سب انجینئرز کا اعتماد بحال ہوسکے”۔علاوہ ازیںڈاکٹر سید وسیم اختر نے وزیر صحت سے پوچھے گئے سوال میں استفسارکیاکہ اسلامیہ یونیورسٹی بہاولپور میں5سالہ پروگرام کے تحت ہومیوڈاکٹر اور حکیم کورس ہورہے ہیں۔کیا حکومت ان ہومیوڈاکٹرز اور حکماء کو ہائوس جاب کی سہولت دے رہی ہے یامستقبل میں دینے کا ارادہ رکھتی ہے۔پنجاب میں ہومیواور حکماء کی کتنی آسامیاں کہاںکہاں واقع ہیں۔کیا سرکاری ہسپتالوں میں ان کو جگہ دی جارہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب یوتھ فیسٹیول 2014ء کے تحت وٹرنری ہسپتال یزمان کے زیر اہتمام پالتو پرندوں کی خوبصورتی اور گدھا گاڑی دوڑ کے مقابلے منعقد ہوئے
بہاولپور(این این اے)پنجاب یوتھ فیسٹیول 2014ء کے تحت وٹرنری ہسپتال یزمان کے زیر اہتمام پالتو پرندوں کی خوبصورتی اور گدھا گاڑی دوڑ کے مقابلے منعقد ہوئے۔گدھا گاڑی ریس میں طالب حسین نے پہلا،محمد کاشف منیر نے دوسرا اور عبدالرحمن نے تیسرا انعام حاصل کیا۔ یوتھ فیسٹیول مقابلہ جات میں سینئر وٹرنری آفیسر ڈاکٹر ارشاد الحق نے بطور فوکل پرسن اور ڈی ڈی او زراعت اور ڈپٹی ڈسٹرکٹ آفیسر لائیوسٹاک نے ریفری کے فرائض سر انجام دیئے۔ مقابلہ میں انعامات حاصل کرنیوالوںمیں کیش پرائز،ٹرافیاں اور تعریفی اسناد دی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچے کسی بھی قوم کا مستقبل ہوتے ہیں، ان کی بہترین تعلیم وتربیت اساتذہ اور ادارے کا فرض ہوتا ہے۔ پاکستان میں تعلیم کا معیار بلند ہورہا ہے۔
بہاولپور(این این اے)بچے کسی بھی قوم کا مستقبل ہوتے ہیں، ان کی بہترین تعلیم وتربیت اساتذہ اور ادارے کا فرض ہوتا ہے۔ پاکستان میں تعلیم کا معیار بلند ہورہا ہے۔ ان خیالات کا اظہار انٹرنیشنل سکول آف کورڈوبا کے وزٹ پر آئے ہوئے برطانوی ماہرِ تعلیم پال سٹیفنز نے سکول کے بچوں اور اساتذہ سے گفتگو کرتے ہوئے کیا۔ پال تمام کلاسوں میں گئے، بچوں سے بات چیت کی، ان کی نصابی کتابوںمیں سے سبق سنا اور بچوں کی تعلیمی حالت پر اطمینان کا اظہار کیا، اور اساتذہ کی کارکردگی کو سراہا۔ انہوں نے بچوں سے مختلف سوالات بھی پوچھے۔ سکول انتظامیہ سے گفتگو میں انہوں نے کہا کہ سکول میں معیاری تعلیم دی جارہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سردی کے موسم کے پیش نظر بہاولپور کے مختلف علاقوں میں کچی مچھلی فروخت کرنے کیلئے جگہ جگہ مچھلی فروشوں نے دکانیں سجالیں لیکن کچی مچھلی کے ریٹ اس حدتک زیادہ ہیں کہ جوعام آدمی اپنے اہلخانہ کو خرید کرنہیں دے سکتا بہاولپورکے مختلف علاقوں میں کچی مچھلی کی قیمت تین سوروپے
بہاولپور(این این اے) سردی کے موسم کے پیش نظر بہاولپور کے مختلف علاقوں میں کچی مچھلی فروخت کرنے کیلئے جگہ جگہ مچھلی فروشوں نے دکانیں سجالیں لیکن کچی مچھلی کے ریٹ اس حدتک زیادہ ہیں کہ جوعام آدمی اپنے اہلخانہ کو خرید کرنہیں دے سکتا بہاولپورکے مختلف علاقوں میں کچی مچھلی کی قیمت تین سوروپے سے چارسوروپے فی کلوتک پہنچ گئی ہے جوعام غریب شہری کیلئے خریدناانتہائی مشکل ہوگیاہے بڑھتی ہوئی مہنگائی کے باعث غریب شہری سردی کے موسم میں مچھلی خرید کربھی نہیں کھاسکتے اس سلسلہ میں مچھلی فروشوں نے کہاکہ بڑھتی ہوئی مہنگائی کے باعث مچھلی کی قیمتوں میں اضافہ ہوگیا جبکہ غریب شہریوں کاکہناہے کہ حکومت مہنگائی کے خاتمے کیلئے عملی طورپر اقدامات کرے تاکہ عام شہری بھی بنیادی انسانی ضروریات زندگی سے مستفید ہوسکے اوراپنے بچوں کوکھانے پینے کی اشیاء بھی خرید کرکھلاسکے نہ کہ بڑھتی ہوئی مہنگائی کی وجہ سے خودکشیوں اورخودسوزیوں پرمجبورہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف بہاول پورکے ضلعی نائب صدر شیخ عباس رضانے کہا ہے کہ گیس کی بندش سے عوام سخت ذہنی اذیت او ر پریشانی سے دوچار ہیں کشکول توڑنے کے دعوے داروں نے عوام کو فاقوں پر مجبور کر دیا ہے
بہاولپور(این این اے)پاکستان تحریک انصاف بہاول پورکے ضلعی نائب صدر شیخ عباس رضانے کہا ہے کہ گیس کی بندش سے عوام سخت ذہنی اذیت او ر پریشانی سے دوچار ہیں کشکول توڑنے کے دعوے داروں نے عوام کو فاقوں پر مجبور کر دیا ہے گیس کی مکمل بندش اور بجلی کی غیر اعلانیہ طویل لوڈ شیڈنگ کے خلاف پورا ملک سراپا احتجاج ہے حکمران انتہائی ڈھٹائی کے ساتھ اپنا اقتدار انجوائے کر رہے ہیں انہیں عوام کے مسائل سے کوئی دلچسپی نہیں ہے انہوں نے کہا کہ مہنگائی کے بوجھ تلے عوام گذر بسر کے کے لئے مہنگے داموں لکڑیاں اور کوئلے خریدنے پر مجبور ہیں حکمرانوں نے غریب عوام پر اپنا عرصہ حیات تنگ کر دیا ہے موجودہ حالات میں عوام کی نظریںعمران خان پر مرکوز ہیں جو ایوانوں اور میدانوں میں عوام کے حقوق کی جنگ لڑ رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دربارچنن پیرکی خستہ حالی ‘عمارت ٹوٹ پھوٹ کاشکار ‘دربارسے ملحق قبرستان کی چاردیواری نہ ہونے کے باعث قبروں کی بے حرمتی اورقبریں مسمارہونے لگی
بہاولپور(این این اے) دربارچنن پیرکی خستہ حالی ‘عمارت ٹوٹ پھوٹ کاشکار ‘دربارسے ملحق قبرستان کی چاردیواری نہ ہونے کے باعث قبروں کی بے حرمتی اورقبریں مسمارہونے لگی محکمہ اوقاف کے افسران سالانہ دربارسے کروڑوں روپے کمانے کے باوجودخواب غفلت میں مدہوش’ تفصیل کے مطابق یزمان کے قریب دربارچنن پیر عرصہ 600 سال سے قائم ہے ہرسال محکمہ اوقاف اس دربار سے کروڑوں روپے کماتے ہیں لیکن دربارکی مرمت اورتزئین وآرائش پر کوئی توجہ نہیں دی جارہی جس کے باعث دربارچنن پیر زبوں حالی اورٹوٹ پھوٹ کاشکارہے دربارکی عمارت میں دراڑیں پڑچکی ہیں جبکہ اس سے ملحقہ قبرستان چاردیواری نہ ہونے کے باعث وہاں موجودقبریں مسمارہورہی ہیں اسی طرح دربار میں نہ توپانی پینے اور بیٹھنے کامناسب انتظام ہے علاوہ ازیں محکمہ اوقاف کے زیرانتظام دیگردربارون پر لنگرکاانتظام موجودہے مگردربارچنن پیر پرلنگرکاکوئی انتظام نہیں ہے چنن پیرکے مکینوں پیربخش عمرخان دائودخان اللہ وسایا سکینہ مائی زیتون بی بی نے وزیراعلی پنجاب اورمحکمہ اوقاف کے اعلی حکام سے مطالبہ کیا کہ چنن پیر دربارکی مرمت ‘ قبرستان کے گردچاردیواری اوردربار پر لنگرکاانتظام کیاجائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ کے رہنما سابق ایم پی اے سمیع اللہ چوہدری نے کہا ہے کہ ضمنی الیکشن میں مسلم لیگ ن کی کامیابی میاں نواز شریف اور ان کی پوری ٹیم پر قوم کے اعتماد کا منہ بولتا ثبوت ہے
بہاولپور(این این اے) پاکستان مسلم لیگ کے رہنما سابق ایم پی اے سمیع اللہ چوہدری نے کہا ہے کہ ضمنی الیکشن میں مسلم لیگ ن کی کامیابی میاں نواز شریف اور ان کی پوری ٹیم پر قوم کے اعتماد کا منہ بولتا ثبوت ہے پورے پاکستان کے عوام آج بھی مسلم لیگ ن سے اتنا ہی پیار کرتے ہیں جتنا الیکشن میں تھا ۔اپنے ایک بیان میںانہوںنے کہا ہے کہ جس طرح ضمنی الیکشن میں مسلم لیگ ن کے تمام نام نہاد عوامی لیڈروں کو شکست فاش دی ہے اسی طرح بلدیاتی الیکشن میں بھی تمام مخالفین کو چاروں شانے چت کر دے گی ۔انہوں نے کہا ہے کہ عوام قربانیاں دینے والوں اور سیاسی اداکاروں میں تمیز کرنا جانتے ہیں اور ووٹ صرف انہی کو دیں گے جو ان کے دکھ درد میں شریک ہوں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوتھ فیسٹول 2014ڈسٹرکٹ انٹر چیمپین شپ کے سلسلہ میں گورنمنٹ کالج آف ٹیکنالوجی کی تین کرکٹ اور رسہ کشی کے مقابلوں میں تین مسلسل کامیابی تفصیلات کے مطابق گذشتہ روز گورنمنٹ کالج آف ٹیکنالوجی نے گورنمنٹ کالج آف ٹیکنیکل ٹریننگ انسٹیٹوٹ کرکٹ کے میچ میں دس وکٹوں سے شکست دیدی
ڈیرہ غازی خان (این این اے ) یوتھ فیسٹول 2014ڈسٹرکٹ انٹر چیمپین شپ کے سلسلہ میں گورنمنٹ کالج آف ٹیکنالوجی کی تین کرکٹ اور رسہ کشی کے مقابلوں میں تین مسلسل کامیابی تفصیلات کے مطابق گذشتہ روز گورنمنٹ کالج آف ٹیکنالوجی نے گورنمنٹ کالج آف ٹیکنیکل ٹریننگ انسٹیٹوٹ کرکٹ کے میچ میں دس وکٹوں سے شکست دیدی اسی طرح رسہ کشی کے مقابلوں میں گورنمنٹ کالج آف ٹیکنالوجی نےGTTI ڈی جی خان اورGTTI کوٹ چھٹہ کو شکست دیدی گورنمنٹ کالج آف ٹیکنالوجی کی مسلسل کامیابی پر سربراہ ادارہ نے تمام کھلاڑیوں کو مبارک باد پیش کی اس موقع پر انجینئر شہزاد یوسف نے کہا کہ گورنمنٹ کالج آف ٹیکنالوجی کے کھلاڑی بہترین کھیل کا مظاہرہ کر رہے ہیں اور اسی طرح محنت کرتے رہے تو آئندہ بھی کامیابی حاصل کرتے رہیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انچارج ایجوکیشن ملک محمد حسین نے کہا کہ ہے کہ شدید دھند کے باعث انتہائی محتاط ڈرائیونگ کریں تیز رفتاری اور ون ویلنگ سے اجتناب کریں اور ہوسکے
ڈیرہ غازی خان (این این اے ) انچارج ایجوکیشن ملک محمد حسین نے کہا کہ ہے کہ شدید دھند کے باعث انتہائی محتاط ڈرائیونگ کریں تیز رفتاری اور ون ویلنگ سے اجتناب کریں اور ہوسکے تو فوگ لائٹس کا استعمال کریں یہ بات انہوں نے گورنمنٹ ہائی سکول ولائے والا میں ٹریفک ایجوکیشن مہم کے سلسلہ میں منعقدہ سیمینار کے دوران طلبہ کو لیکچر دیتے ہوئے کہی انہوں نے مزید کہا کہ دھند کے باعث ٹریفک حادثات رونما ہو رہے ہیں اگر ہم ذرا سی احتیاط برتیں تو ہم ان حادثات سے محفوظ رہ سکتے ہیں انہوں نے کہا کہ سب سے پہلے تو ہمیں اپنی تربیت کر نی چاہیے کہ ہم روڈ پر گاڑی چلا سکیں اور پھر جو بھی گاڑی چلا رہے ہیں اسکا لائسنس ضروری حاصل کریں تاکہ رہنمائی ہوسکے انہوں نے کہا کہ سستی اور کاہلی کی صورت میں ڈرائیونگ سے اجتناب کریں سکول سے نکلتے اور داخل ہوتے ہوئے دائیں بائیں دیکھیں اور پھر سڑک کراس کریں اس موقع پر اے ایس آئی مشتاق بھٹی نے لیکچر دیتے ہوئے کہا کہ سب سے پہلے گاڑی کے کاغذات اپنے پاس رکھیں اور ون ویلنگ سے اجتناب کریں دوران ڈرائیونگ موبائل فون بھی نہ سنیں اور موٹر سائیکل چلاتے ہوئے ہیلمٹ کا استعمال ضرور کریں سیمینار میں حاجی محمد عزیز عمرانی ، ملک محمد صادق نے خصوصی تعاون کیا اسکے علاوہ سٹاف ممبران اورطلبہ کی کثیر تعداد نے شرکت کی آخر میں ہیڈ ماسٹر اقبال جاوید نے تمام مہمانوں کا شکریہ ادا کرتے ہوئے کہا کہ ٹریفک قوانین کی پاسداری ہم سب کا اخلاقی فرض ہے اور اس سلسلے میں انہوں نے پی ٹی کو خصوصی ہدایات جاری کی ہوئی ہے کہ وہ طلبہ کو سڑک عبور کرائیں بعد ازاں کانسٹیبل غلام قادر لاشاری نے شرکا میں ٹریفک قوانین بارے چسپاں پمفلٹ بھی تقسیم کیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان میں انڈس ہائی وے پر پائیگاہ کے قریب مسافر بس موٹر سائیکل سورا کو بچاتے ہوئے ٹرالر سے ٹکرا گئی
ڈیرہ غازی خان (این این اے ) ڈیرہ غازیخان میں انڈس ہائی وے پر پائیگاہ کے قریب مسافر بس موٹر سائیکل سورا کو بچاتے ہوئے ٹرالر سے ٹکرا گئی ۔ حادثہ میں اسکول ٹیچر جاں بحق جبکہ 14مسافر زخمی ہوگئے ۔پولیس کے مطابق انڈس ہائی وے پر پائیگاہ کے قریب مسافر بس موٹر سائیکل سوار کو بچاتے ہوئے تیز رفتاری کی وجہ سے بے قابو ہوکر مخالف سمت سے آنے والے ٹرالر سے ٹکرا گئی حادثہ میں ایک شخص موقع پر ہی جاں بحق ہوگیا جبکہ 14افراد زخمی ہوگئے جنہیں ریسکیو1122کے امدادی اہلکاروں نے طبی امداد کیلئے ڈسٹرکٹ ہیڈ کوارٹر ہسپتال منتقل کر دیا جہاں ڈاکٹروں کے مطابق زخمیوں میں سے 4افراد کی حالت بدستور تشویشناک بتائی جا رہی ہے پولیس کے مطابق حادثہ شدید دھند کی وجہ سے پیش آیا اور حادثہ میں جاں بحق ہونے والے شخص کی شناخت غلام مصطفی کے نام سے ہوئی ہے جو کہ عالیوالہ کے اسکول میں بطور ٹیچر تعینات تھا اور وہ بچوں کو تعلیم دینے کیلئے ڈیرہ غازی سے عالیوالہ جا رہا تھا کہ حادثے کا شکار ہوگیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنوبی پنجاب ترقیاتی پروگرام 2013-14 کے تحت ضلع مظفرگڑھ میںدس ترقیاتی سکیموں کی مشروط منظوری دے دی گئی ہے
ڈیرہ غازی خان (این این اے ) جنوبی پنجاب ترقیاتی پروگرام 2013-14 کے تحت ضلع مظفرگڑھ میںدس ترقیاتی سکیموں کی مشروط منظوری دے دی گئی ہے منصوبوں پر ایک ارب آٹھ کروڑ 20 لاکھ روپے کا تخمینہ لگایاگیاہے . ترقیاتی سکیموں کی منظوری کمشنر محمد آصف قریشی کی زیر صدارت ڈویژنل ڈویلپمنٹ ورکنگ پارٹی کے اجلاس میں دی گئی . کمشنر نے کہاکہ ترقیاتی منصوبوں میں متعلقہ محکموں کے تحفظات اور عوام کے اجتماعی مفاد کو دیکھ کر نشاندہی کی جانے والی خامیوں کو دور کیا جائے . منصوبوں کے معیار اور مدت تکمیل پر ہرگز سمجھوتہ نہیں کیا جائے گا. ڈویژنل ڈویلپمنٹ ورکنگ پارٹی نے روڈ ز کی سات ، تعلیم ، صحت اورنکاسی آب کی ایک ایک سکیم کی منظوری دی . اجلاس کو بتایاگیاکہ ضلع مظفرگڑھ میں روڈ کی سات سکیموں پر سات کروڑ 82لاکھ روپے ، صحت اور نکاسی آب کی ایک ایک سکیم کیلئے 11,11 کروڑ روپے خرچ ہوں گے . مجموعی طو رپرسکیموں کیلئے پانچ کروڑ روپے مختص کر دیئے گئے ہیں . اجلاس میں اے سی جی عبدالجبار ، ڈائریکٹر ڈویلپمنٹ وفنانس سکندر علی بخاری ، ریذیڈنٹ ڈائریکٹر آرٹس کونسل واحد بخش جتوئی ، سپرنٹنڈنگ انجینئرز خاور بھٹہ ، محمد شاہد اظہر ، خالد صدیق خان ، اے سی آر سیف الرحمن ، ڈی بی اے شہزاد قدیر ، اسسٹنٹ ڈائریکٹر پلاننگ سہیل روف ، ای ڈی او ورکس مظفرگڑھ مسعود احمد بخاری ، ڈی او پلاننگ مظفرگڑھ ملک غلام فرید ، سرفراز احمد اور دیگر متعلقہ افسران شریک تھے .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علامہ اقبال اوپن یونیورسٹی ریجنل کیمپس ڈیرہ غازیخان میں پنجاب یوتھ فیسٹیول کے تحت انٹر سکولز کالجز اور یونیورسٹی کے مابین نعت خوانی کے مقابلے منعقد کیے گئے ججز کے فیصلہ
ڈیرہ غازی خان (این این اے ) علامہ اقبال اوپن یونیورسٹی ریجنل کیمپس ڈیرہ غازیخان میں پنجاب یوتھ فیسٹیول کے تحت انٹر سکولز کالجز اور یونیورسٹی کے مابین نعت خوانی کے مقابلے منعقد کیے گئے ججز کے فیصلہ کے مطابق سکول لیول کے مقابلے میں گورنمنٹ بوائز ہائی سکول نمبر 1 کے محمد علی کاشف نے پہلی ، غنی الرحمن نے دوسری اور ڈویژنل پبلک سکول کی آئینہ شاہین نے تیسری پوزیشن حاصل کی . کالج سطح کے مقابلوں میں گورنمنٹ پوسٹ گریجویٹ کالج کے عادل اشفاق اول ، مرسلین لطیف دوم اور گورنمنٹ ڈگری بوائز کالج بلاک 17 کے احمد صابری سوم رہے . یونیورسٹی سطح کے مقابلے میں زرعی یونیورسٹی کی حنا عطا نے پہلی ، اوپن یونیورسٹی کے عجب گل نے دوسری اور شاہدہ اور واجد حسین نے تیسری پوزیشن حاصل کی. ریجنل ڈائریکٹر اوپن یونیورسٹی غلام حسین کھوسہ اور ڈپٹی ڈائریکٹر کالجز پروفیسر ممتاز حسین شاہ نے مقابلوں کی نگرانی کی .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوری کی مختلف وارداتوں میں ملزمان طلائی زیورات ، نقدی ، موبائل فون چھین کر لے گئے
ڈیرہ غازی خان (این این اے ) چوری کی مختلف وارداتوں میں ملزمان طلائی زیورات ، نقدی ، موبائل فون چھین کر لے گئے تفصیلات کے مطابق حدود تھانہ سٹی بلاک نمبر 6کے مشکور احمد نے پولیس کو درخواست دی کہ ملزمان حبیب اللہ وغیرہ تین افراد نے اسکا موبائل فون چھین لیا جبکہ بلاک او کی مسماة نسرین نے درخواست دی کہ ملزمان محمد علیم وغیرہ چار افراد نے اسکے گھر سے ایک لاکھ روپے پچاس ہزار روپے اور طلائی زیورات چرا لیے جبکہ گدائی پولیس کو موضع غربی کے خادم حسین نے پولیس کو درخواست دی کہ ملزمان لیاقت وغیرہ دو افراد نے اسکی ایک شاخ بکری مالیتی 22ہزار روپے کی چرا لی متعلقہ تھانوں کی پولیس نے مدعیان کی درخواستوں پر ضروری کاروائی عمل میں لاتے ہوئے ملزمان کے خلاف الگ الگ مقدمات درج کر لیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بوگس چیک دینے اور ڈائریکٹ کنڈ ے لگا کر بجلی چرانے پر مقدمات تفصیلات کے مطابق حدود تھانہ سول لائن ایس ڈی او میپکو نے پولیس کو تحریری درخواستیں دیں
ڈیرہ غازی خان (این این اے ) بوگس چیک دینے اور ڈائریکٹ کنڈ ے لگا کر بجلی چرانے پر مقدمات تفصیلات کے مطابق حدود تھانہ سول لائن ایس ڈی او میپکو نے پولیس کو تحریری درخواستیں دیں جن میں موقف اختیار کیا کہ بھٹہ کالونی میں ملزم محمد سلیم اور ماڈل ٹائون میں اختر علی کو ڈائریکٹ کنڈے لگا کر سرکاری بجلی چوری کرتے ہوئے پایا گیا ہے جبکہ سٹی پولیس کو بلاک نمبر 3کے اللہ بچایا نے پولیس کو درخواست دی کہ بسلسلہ لین دین فاروق احمد نے رقم کی بجائے مجھے ایک چیک دیا جو متعلقہ بنک سے کیش کرانے پر جعلی نکلا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علاقہ دراہمہ میں چوری اور ڈکیتی وارداتوں میں آئے روز اضافہ ، چھ نامعلوم افراد نے کالج جانیوالے طالبعلموں سے موٹر سائیکل ، موبائل فون اور نقدی چھین لی متاثرہ طالب علموں کا ڈی پی او ڈیرہ سے موٹر سائیکل کی برآمد گی
ڈیرہ غازی خان (این این اے ) علاقہ دراہمہ میں چوری اور ڈکیتی وارداتوں میں آئے روز اضافہ ، چھ نامعلوم افراد نے کالج جانیوالے طالبعلموں سے موٹر سائیکل ، موبائل فون اور نقدی چھین لی متاثرہ طالب علموں کا ڈی پی او ڈیرہ سے موٹر سائیکل کی برآمد گی اور لیٹروں کی گرفتاری کا مطالبہ تفصیلات کے مطابق تھانہ دراہمہ امتیاز احمد پتافی نے نے بتایا کہ وہ صبح آٹھ بجے کے قریب محمد عامر کے ہمراہ موٹر سائیکل سی ڈی 70پر سوار ہوکر اپنے کالج ووکیشنل ٹریننگ انسٹیٹوٹ جا رہے تھے کہ کالی پل کے ساتھ پانچ نقاب پوش افراد اسلحہ سے لیس کھڑے تھے نے ہمیں اسلحہ کے زور پر روک لیا اور ہمارا موٹر سائیکل ، نقدی اور موبائل چھین لیے اور پھر ہمیں نہر میں دھکا دیدیا انہوں نے بتایا کہ اس روڈ پر موٹر سائیکل چھیننا روز کا معمول بنتا جا رہا ہے جس سے علاقہ میں خوف و ہراس کی فضا قائم ہے انہوں نے ڈی پی او ڈیرہ محمد عابد خان سے مطالبہ کیا ہے کہ صورتحال کا نوٹس لیتے ہوئے ملزمان کو گرفتار کرکے ہماری موٹر سائیکل برآمد کرائی جائے تاکہ ہم کالج باقاعدگی سے جا سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سول لائن اور گدائی پولیس کو جرائم پیشہ افراد کے خلاف کاروائی دو افراد گرفتار تفصیلات کے مطابق حدود تھانہ سول لائن اے ایس آئی شاہد سلیم نے مخبر کی اطلاع
ڈیرہ غازی خان (این این اے ) سول لائن اور گدائی پولیس کو جرائم پیشہ افراد کے خلاف کاروائی دو افراد گرفتار تفصیلات کے مطابق حدود تھانہ سول لائن اے ایس آئی شاہد سلیم نے مخبر کی اطلاع پر رکن آباد کالونی میں ریڈ کیا جہاں ملزمان محمد یعقوب وغیرہ دو افراد پاسپورٹ آفس کے سامنے جعلی پاسپورٹ بنا رہے تھے پولیس نے دونوں افراد کو گرفتار کرکے انکے قبضہ سے جعلی پاسپورٹ اور مہربرآمد کر لی پولیس نے مقدمہ درج کرکے تحقیقات شروع کر دی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جنوری کو تھر کے مقام پر بجلی کے منصوبہ کا افتتاح کیا جائیگا
شیخوپورہ( این این اے)31جنوری کو تھر کے مقام پر بجلی کے منصوبہ کا افتتاح کیا جائیگا،پر آشوب دور میں یہ پاکستان مسلم لیگ(ن) کا اہم کام ثابت ہوگا،چاروں صوبوں میں کام شروع کرنے کا سلسلہ خوش آئند اقدام ہے ،تیل اور گیس کے نئے لائیسنز کے اجراء کے متعلق بھی پاکستان مسلم لیگ(ن) بہترین سمت پر گامزن ہوچکی ہے ،2014میں تیل اور گیس کی قیمتوں کی کمر ٹوٹ جائے گی جسکا سارا سہرا پاکستان مسلم لیگ(ن) کی قیادت کا ہے ،ان خیالات کااظہارپاکستان مسلم لیگ(ن) کے ممبر پنجاب کونسل شاہجہان خان لودھی نے اخبار نویسوں سے بات چیت کے دوران کیا ، شاجہان لودھی کا کہناتھا کہ دہشتگردوں کو نکیل ڈالنے کے لیے تمام قوم کو متحد ہوکر حکومت کاساتھ دینا چاہیے پاکستان مسلم لیگ(ن) نے ہمیشہ قوم کی خواہشات کی ترجمانی کی ہے ،انہوںنے کہا کہ ان مشکلات حالات میںامن وامان کی فضاء ،گیس اور بجلی کی لوڈ شیڈنگ کے خاتمہ کے لیے پاکستان مسلم لیگ(ن)وہ جدوجہد کررہی ہے جو سابقہ حکمرانوں نے نہ کی تھی ،انہوںنے کہا کہ سابق جنرل پرویز مشرف نے ہمیشہ پاکستان کی بات ہی کی ہے اس میں رہنے والوں کی ضروریات کو نہ دیکھا کہ آبادی کے تناسب میں کتنا اضافہ ہورہا ہے اور قوم کوبنیادی سہولیات بھی فراہم کرنی ہے انہوں نے کہا کہ اس بات یہ ثابت ہوتا ہے کہ ڈکٹیٹر نے صرف من مانیا کی ہیں قوم کے لیے نہ تو چھوٹے بڑئے ڈیم بنائے اور نہ ہی گیس کے منصوبوں پر کام کیا گیا جو اب پاکستان مسلم لیگ(ن) ذمہ داری سے کررہی ہے اور انشاء اللہ وہ وقت دور نہیں ہے جب پاکستان میں وافر بجلی اور گیس موجود ہوگی اور موجودہ گورنمنٹ اپنے دور حکومت میں ہی ان ٹارگیٹز کو عملی جامعہ پہنا کر ترقی کی راہوں پر پاکستان کو رواں دواں کرئے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیا قانون دہشتگردوں پر عرصہ حیات کودقیق کردے گا،دھمکی دینے والے اور فورسز،پولیس،فوجیوںاور املاک پاکستان کو نقصان پہنچانے والوں کو بند گلی میں پہنچا دے گا
شیخوپورہ(این این اے) نیا قانون دہشتگردوں پر عرصہ حیات کودقیق کردے گا،دھمکی دینے والے اور فورسز،پولیس،فوجیوںاور املاک پاکستان کو نقصان پہنچانے والوں کو بند گلی میں پہنچا دے گا ،پاکستان مسلم لیگ(ن) کی قیادت نے سر پر کفن باندھ کر ملک کو بحرانوں سے نکالنے کا کام شروع کردیا ہے،قانون کی حکمرانی ،مہنگائی ،بے روزگاری،بجلی،گیس کی لوڈ شیڈنگ اور بنیادی سہولیات کا خاتمہ کرکے ایک نیا پاکستان بنانے کے لیے میاں برادران سنجیدہ ہیں،جو میاں برادران کو سنجیدہ نہیں سمجھتے وہ احمقوں کی جنت میں رہتے ہیں،اب حکومت نے قوانین دے کر ملک کو دہشتگردوں سے پاک کرنے کا عظم کرلیا ہے ،ان خیالات کااظہارممبر مرکزی مجلس عاملہ خواتین ونگ (ن) لیگ وچیئرپرسن امیدویلفیئرفائونڈیشن بینش قمرڈار نے کھوکھر محلہ میں میڈیا کے نمائندوں سے بات چیت کے دوران کیا ،بینش قمر ڈار کا کہناتھا کہ عمران خان جذباتی بیانات دے کر قوم کو اپنی توجہ کا محور بنانے کی کوشش کررہے ہیں لیکن ان کو اس بات کا اندازہ نہیں ہے کہ سیاست کا مرکز میاں برادران ہیں محور کسی بھی کمزور ہوسکتا لیکن مرکز کی جڑیں عوام میں ہونے کی وجہ سے وہ مضبوط ہوتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گردونواح میں مختلف واقعات کے نتیجہ میں 7افراد زخمی جبکہ 4کی حالت نازک ،شیخوپورہ روڈ پر ٹبہ رحمت کے قریب تیزرفتار بس اور رکشہ میں تصادم کے نتیجہ میں6مسافروں،وسیم35سالہ،محمد کاشف35سالہ،وزیر مسیح45سالہ،محمد نعیم3سالہ
شیخوپورہ(این این اے)گردونواح میں مختلف واقعات کے نتیجہ میں 7افراد زخمی جبکہ 4کی حالت نازک ،شیخوپورہ روڈ پر ٹبہ رحمت کے قریب تیزرفتار بس اور رکشہ میں تصادم کے نتیجہ میں6مسافروں،وسیم35سالہ،محمد کاشف35سالہ،وزیر مسیح45سالہ،محمد نعیم3سالہ،الطاف حسین50سالہ،اورمحمد منظور35سالہ بری طرح زخمی ہوگئے جسکی اطلاع ملتے ہی ریسکیو1122کے اہلکاروں نے تمام زخمیوں کو ڈسٹرکٹ ہسپتال منتقل کردیا گیا جن میں سے چار کی حالت نازک ہونے کی بناء پر لاہور کے ہسپتال میں منتقل کردیا گیا ہے ذرائع کا کہنا ہے کہ لاہور سے فیصل آباد جانے والی تیزرفتار بس نے رکشہ کو پیچھے سے ہٹ کیا جسکی وجہ سے حادثہ رونماء ہوا تھانہ فیکٹری ایریا پولیس مصروف تفتیش ہے ،دریں اثناء تھانہ فیروز والہ کے قریب قریبی گائوں میں کھیتوں میں کتوں کو جانے سے روکنے پر بااثر افراد نے اندھا دھند فائرنگ کرکے زمیندار کو بری طرح زخمی کردیا جسکو طبی قریبی ہسپتال منتقل کیا گیا تشویشناک حالت کی بناء پر لاہور ہسپتال میں طبی امداد جاری ہے بتایا گیا ہے کہ نواحی گائوںمیں زمیندار غلام نبی نے بااثر افراد کو فصل میں کتوں کو داخل کرنے سے منع کیا جس سے ملزمان مشتعل ہوگئے جنہوں نے اندھا دھند فائرنگ کرکے زمیندار غلام نبی کو بری طرح زخمی کردیا جسکی اطلاع ملتے ہی ایس ایچ او فیروز والہ جائے وقوعہ پر پہنچ گئے جنہوں نے زخمی کو لاہور کے ہسپتال منتقل کرکے کاروائی شروع کردی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ(ن) کی قیادت میں جسارت نہیں ہے کہ وہ امریکہ کی آنکھوں میںآنکھیں ڈال کر ان کو مجبور کریں
شیخوپورہ( این این اے) پاکستان مسلم لیگ(ن) کی قیادت میں جسارت نہیں ہے کہ وہ امریکہ کی آنکھوں میںآنکھیں ڈال کر ان کو مجبور کریں کہ وہ انڈیا میں ہونے والے بے گناہ کشمیریوں کا قتل عام بند کریں،چیئرمین تحریک انصاف کو امریکی ایجنٹ کہنے والے خود امریکہ نواز ہیں،پاکستان مسلم لیگ(ن) نے ہمیشہ مفادات کی سیاست کی ہے جسکے دروازے بند کرنے کے لیے پی ٹی آئی میدان عمل میں آئی ہے اب ملک میں انصاف کا راج قائم ہوگا ،اصولوں کی سیاست کا دور بھی پی ٹی آئی کی قیادت کرئے گی ان خیالات کااظہار پاکستان تحریک انصاف کے سنئیررہنماچوہدری معراج خالد گجرنے اخبار نویسوں سے بات چیت کے دوران کیا،چوہدری معراج خالد گجر کا کہناتھا کہ بجلی کے نظام میں بہتری کا واویلا کرنے والے حکمرانوں کے پیروکار اب شرم کے مارے اپنا منہ تک نہیں دکھا رہے ہیںان کی بھڑکیں کہا گئی کہ موسم سرما میں لوڈ شیڈنگ کا ریکارڈ قائم ہوگیا ،موسم گرما میں تو یہ حکومت کوئی نیا بہانہ تلاش کرکے قوم کو سنا دے گی لیکن پاکستان مسلم لیگ(ن) کے وزیراعلیٰ پنجاب میاں محمد شہباز شریف کو یادرکھنا چاہیے کہ انہوں نے موسم گرما میں مینار پاکستان لاہو رمیں ٹینٹ لگا کر احتجاج کیا تھا اب ان کا دور حکومت ہے عوام بھی احتجاج کے نت نئے انداز لے کر موسم گرما میں میدان عمل میں آنے والے ہیں انہوںنے کہا کہ موجودہ حکومت نے ہمیشہ اپنوں کو نوازنوں کے لیے نئے منصوبوں کاآغاز کیا،انہوںنے مزید کہا کہ پاکستان مسلم لیگ(ن)کی ڈرامہ بازیوں کو اب عوام خود ہی چھو منتر کردینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف سیاسی سماجی شخصیت فرزانہ مسعوداکبر خان نے کہا ہے کہ ملک میں ہونے والی دہشتگردی ،بے روزگاری،لاقانونیت،گیس،بجلی کا بحران دن با دن بڑھتا جارہا ہے
شیخوپورہ( این این اے) معروف سیاسی سماجی شخصیت فرزانہ مسعوداکبر خان نے کہا ہے کہ ملک میں ہونے والی دہشتگردی ،بے روزگاری،لاقانونیت،گیس،بجلی کا بحران دن با دن بڑھتا جارہا ہے ،موجودہ حکومت اپنی تجوریوں کو بھرنے کے لیے دن رات دوڑیں لگارہیں ہیں امریکہ کے اعشاروں پر ناچنے والوں نے ملک کو بھنور میں پھنسایا ہوا ہے ،ان خیالات کااظہار انہوں نے میڈیا کے نمائندوں سے بات چیت کے دوران کیا ،محترمہ فرزانہ مسعوداکبر خان کا کہناتھا کہ فیکٹریوں کی چمنیوں سے دھواں نکالنے کے جھوٹے دعوئے داروں نے غریب عوام کا دھواں نکال کررکھ دیا ہے ،بنیادی ضروریات زندگی کے حصول کے لیے قوم کو دشواریوں کا سامنا کرنا پڑ رہا ہے ،اس دور میں ایک غریب آدمی محنت کی روزی روٹی کما کر بامشکل اپنے بچوں کا پیٹ پال رہا ہے ،گیس اور بجلی ملک میں ملتی نہیں لیکن افسوس ہے کہ ان کی طرف سے جاری کئے جانے والے ہوشربا بلوں نے قوم کو ذہنی مریض بنا کررکھ دیا ہے ،انہوں نے مزید کہا کہ ملک میں امن وامان کی صورتحال تشویشناک ہوتی جارہی ہے ،کراچی میں خون کی ہولی کھیلنے والوں کا دور دورہ ہے حکومت کے سب امن دعوئے ھوا چکے ہیں،انہوں نے مزید کہا کہ موجودہ حکومت بلدیاتی انتخابات میں کامیابی کے لیے اندرکھاتے کوئی نیا پلان تیار کررہے ہیں تاکہ عوام کو مطمئین کرکے بلدیاتی انتخابات میں میدان مارا جائے جو کہ موجودہ حکومت کی بھول ثابت ہوگی اب قوم کو میڈیا نے سیاست دان بنادیا ہے اب یہ ایک وقت کی روٹی کے لیے اپنا ووٹ ان کی جھولی میں ڈالنے والے نہیں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام ایک مکمل ضابطہ حیات ہے ،دین اسلام پر چلنے سے ہی ہماری کامیابی ممکن ہوسکتی ہے جس کے لیے اپنے دلوں کو صاف کرنے کی اشد ضرورت ہے
شیخوپورہ(این این اے) اسلام ایک مکمل ضابطہ حیات ہے ،دین اسلام پر چلنے سے ہی ہماری کامیابی ممکن ہوسکتی ہے جس کے لیے اپنے دلوں کو صاف کرنے کی اشد ضرورت ہے ،جسم انسان کی صفائی کرنے سے ہی ہمیںانسان اور حیوان کی پہنچان ہوسکتی ہے ،ووٹ بیعت کی طرح ہے نواسہ رسول حضرت امام عالی مقام نے یزید کی بیعت قبول اس لیے نہ کی کہ وہ فاسق اور فاجر تھا کسی بھی فاسق اور فاجر کے ہاتھوں پر بیعت نہیں ہوتی قوم کو اپنے ووٹ کا استعمال کرنے کے لیے اول مشاہدہ کرنے کی ضرورت ہے اور مشاہدہ اس وقت تک ممکن نہیں ہوسکتاجب تک قلب کی صفائی نہ ہو اور قلب کی صفائی کے لیے اللہ کا ذکر ہے جس کو کرنے سے پرگندہ شیشہ روشن ہوجاتا ہے جو پہچان کے لیے کافی ہوتا ہے ،ان خیالات کااظہارمعروف سیاسی سماجی شخصیت امیدوار برائے وائس چیئرمینیونین کونسل62 سیدتبرک حسین شاہ نے اخبا رنویسوں سے بات چیت کے دوران کیا،سید تبرک حسین شاہ کا کہناتھا کہ بلدیاتی انتخابات میں تاخیر ہونے سے خدمتگاروں کو کوئی فرق نہیں پڑئے گا ہم پہلے بھی قوم کے خدمت گار تھے اور بلدیاتی انتخابات میں عوامی فتح حاصل کرنے کے بعد ان کے حقوق کی جنگ لڑتے رہینگے،انہوںنے کہا کی پرفتن دور میں قوم کو متحد رہنا ہوگا ،فروعی معاملات سے باہرنکلنے اور موثر علمی جدوجہد کا حصہ بننے سے ملک بحرانوں سے نکل سکتا ہے انہوںنے کہا کہ نوجوان ملک کا سرمایہ ہیں تو معمر لوگ اس سرمایہ کی سیکیورٹی ہیں ہمیں ملکر ملک وملت کی حفاظت کے لیے اپنا اپنا کردار ادا کرنا ہوگا تنقید براے تنقید کی سیاست کو اب ترک کرکے تنقید براے اصلاح پر عمل پیرا ہونا ہوگا انہوںنے آخر میں کہا کہ خود غرضی کالبادہ ترک کرنے اور اصلاحی پہلوئوں پر عمل پیرا ہونا ہی قوم کے لیے بہترین عمل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ(ن) کے رہنماء چوہدری محمد اعظم گجرنے کہا ہے کہ وفاقی وزیر ریلوے خواجہ سعد رفیق نے ریلوے کے موثر نظام اور عوامی خدمت کے لیے دوست ملک چائینہ
شیخوپورہ(این این اے) پاکستان مسلم لیگ(ن) کے رہنماء چوہدری محمد اعظم گجرنے کہا ہے کہ وفاقی وزیر ریلوے خواجہ سعد رفیق نے ریلوے کے موثر نظام اور عوامی خدمت کے لیے دوست ملک چائینہ سے 14نئے انجن منگواکر عوامی خوشحالی کے لیے اہم اقدام اٹھا کر قوم کے دل جیت لیے ہیں،پاکستان مسلم لیگ(ن) نے ہمیشہ قوم کو ترقی کی راہوں پر گامزن کیادور اقتدار سے پہلے بھی قوم کو بحرانوں سے نکالنے کا وعدہ کیا اور اقتدار میں آنے کے بعد اپنے وعدوں کو حتمی شکل دے کرقوم کے دل جیت لیے ان خیالات کااظہار انہوں نے اخبار نویسوں سے بات چیت کے دوران کیا ،چوہدری محمد اعظم گجر نے کہا کہ سابقہ ادوار میں محکمہ ریلوے بدحالی کا شکار تھا جسکو درست سمت لے جانے کے لیے وزیراعلیٰ پنجاب میاں محمد شہباز شریف نے دن رات ایک کرکے کرپشن کے تمام دروازے بند کردیئے ہیں انہوں نے کہا وہ وقت دور نہیں ہے جب ہر چیز اصل سمت رواں دواں ہوجائے گی اس ملک میں لاقانونیت کے خاتمہ کے لیے حکومت نے سنجیدگی سے کام لیا ہے ،انہوںنے کہا کہ سالوں کے مسائل دنوں میں حل نہیں ہوسکتے لیکن موجودہ حکومت ان کو دنوں میں کرنے کے درپے ہیں،انہوں نے آخر میں کہا کہ اب میاں برادران نے ظالمان کے خلاف آپریشن کا قدم اٹھایا تو حریفوں کی جان کو لالے کیوں پڑ رہے ہیں ،ملک میں امن وامان کے قیام کے لیے موثر اقدامات کرنے کا ہی مینڈیٹ قوم نے پاکستان مسلم لیگ(ن) کو دیا ہے جو عوام کو ان کے بنیادی حقوق دے کر سکھ کا سانس لینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں حکومت کی رٹ قائم کرنے کے فارمولہ پر عمل کیاجانے سے ملک بحرانوں سے نکل سکتا ہے
شیخوپورہ(این این اے) ملک بھر میں حکومت کی رٹ قائم کرنے کے فارمولہ پر عمل کیاجانے سے ملک بحرانوں سے نکل سکتا ہے وزیر اعظم پاکستان میاں محمد نواز شریف ملک کو دہشتگردوں سے آزاد کروانے کا عظم رکھتے ہیں ملک کو اندرونی چینجلز کے ساتھ بیرونی چینلجز کا بھی سامنا ہے ،پاکستان میں آئن موجود ہے حکومت کہ پاس اختیارات موجود ہیں موجودہ حکومت پالیسیوں پر عمل پیرا ہے،مثبت ردعمل ملک کی ترقی کا باعث بنتے ہیں ،ان خیالات کااظہار پاکستان مسلم لیگ(ن) کے نامزد امیدوار برائے کونسلر وارڈ نمبر28ماجدسعید احمد سیال نے کہا ہے کہ موجودہ حکومت کی سوچنے سمجھنے کی صلاحیتیں بہت عمدہ ہیں شہریوں کے جان ومان کے تحفظ کو حکومت یقینی بنانے کا عظم کیا ہے ،ماجد سعید احمد سیال نے کہا کہ وہ زمانہ جانے والا ہے جب قانون کو پیروتلے کچل دیا جاتا تھا موجودہ حکومت ایک ایک انچ پر اپنی حکمرانی کرکے ملک کو ترقی کی راہوں پر گامزن کرینگے انہوں نے کہا کہ خوشحال اور روشن پاکستان کا آغاز ہوگیا انہوںنے مزید کہا کہ پاکستان مسلم لیگ(ن)عوامی مینڈیٹ لیکر آئی ہے اور ان کا عظم پاکستانی قوم کو تحفظ فراہم کرنا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوتھ فیسٹیول 2014کے تحصیل سطح کے ملی نغموں اور شاعری کے تحصیل سطح کے مقابلہ جات زیر اہتمام انفارمیشن اینڈ کلچر ڈیپارٹمنٹ اختتام پذیر ہو گئے
شیخوپورہ(این این اے) یوتھ فیسٹیول 2014کے تحصیل سطح کے ملی نغموں اور شاعری کے تحصیل سطح کے مقابلہ جات زیر اہتمام انفارمیشن اینڈ کلچر ڈیپارٹمنٹ اختتام پذیر ہو گئے۔ ڈپٹی ڈائریکٹر انفارمیشن سرفرازاللہ خاںنے ڈی سی او علی جان خان کی زیر صدارت ایک اجلاس میں بتایا کہ تحصیل شیخوپورہ میںشاعری کے مقابلہ میں مبشر رضا نے اول،اظہار قمبر نے دوئم ،عقیل مرتضیٰ ہاشمی نے سوئم پوزیشن حاصل کی۔ملی نغموں میں ندیم افضل ندیم اول،سحر دوئم ،حنا گل شیر سوئم ۔تحصیل صفدرہ آباد میںشاعری میں ندیم افضل ندیم ،امتیاز منا دوئم،قمر عباس سوئم ۔ملی نغموں میں محمد عبید خالداول،محمد احمد دوئم ،مظاہر اسلم سوئم۔تحصیل مرید کے میں شاعری میں تنویر حسین عظمی اول ،سید علی رضا دوئم،غلام شبیر عاصم سوئم۔ملی نغموں میں ہارون جان اول،اقصیٰ شبیر دوئم ،آکاش ساجد سوئم ،تحصیل شرقپور میں محمد انور ارائیں اول،شاہد عباس دوئم ،محمد اعجاز شاگر،ملی نغموں میں حافظ مجاھد علی اول ،عمران نزیر دوئم ،علی سلمان سوئم ۔تحصیل فیرو زوالہ میں شاعری میں تقویم اول،نورالعین دوئم،مائرہ افتخار سوئم ۔ملی نغموں میں سدرہ اعجاز اول ،راشدہ انعم دوئم ،تحسین افتخار سوئم رہیں ۔ ڈپٹی ڈائریکٹر انفارمیشن سرفرازاللہ خاں اور اسسٹنٹ ڈائریکٹر پنجاب آرٹ کونسل مغیث بن عزیزنے بتایا کہ ضلع شیخوپورہ کے شاعری ،ملی نغموں اور خطاطی کے مقابلہ جات 3فروری سے ہوں گے۔
آل پنجاب باڈی بلڈنگ کے مقابلوں میں عارف پرنس اور محمد آصف نے مسٹر اور مسٹر جونیئر پنجاب کا ٹائٹل جیت لیا
سنی تحریک، فیصل آباد ڈویژن کی باڈی کو تحلیل کر دیا گیا، اگلے چند روز میں نئی باڈی تشکیل دی جائے گی، صوبائی صدر محمد شاداب
