اضلاع کی خبریں 28/12/2013

Posted on December 28, 2013 By Geo Urdu سٹی نیوز

نیشنل پریس کلب اسلام آباد کے انتخابات میں جرنلسٹ پینل کا مسلسل آٹھویں بار کلین سویپ
اسلام آباد (این این اے) نیشنل پریس کلب اسلام آباد کے انتخابات میں جرنلسٹ پینل کا مسلسل آٹھویں بار کلین سویپ۔ شہر یار خان 1206 ووٹ لے کر صدرمنتخب، نواز رضا 262، مطیع اللہ جان کو صرف 128 ووٹ مل سکے۔ جرنلسٹ پینل کے طارق چوہدری 1090 ووٹ لے کر جنرل سیکرٹری منتخب، جرنلسٹ پینل کے وقار ستی 1128ووٹ لے کر فنانس سیکرٹری منتخب، اسی طرح عبدالرزاق سیال، باقر سجاد، شاکر سولنگی نائب صدر منتخب، انور رضا، شفقت، عامر سجاد جوائنٹ سیکرٹری منتخب۔ نو منتخب صدر پریس کلب شہریار خان، سیکرٹری جنرل طارق چوہدری اور فنانس سیکرٹری وقار ستی نے تمام ووٹر اور سپورٹر کا تہہ دل سے شکریہ ادا کیا ہے اور اس عزم کا اظہار کیا ہے کہ وہ صحافیوں کی فلاح و بہبود کے لیے جو ہو سکا وہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹک (این این اے) محترمہ بے نظیر بھٹو کی شہادت سے پاکستان ایک عظیم لیڈر سے محروم ہو گیا تاہم بلاول بھٹو زرداری نے جس طرح دانشمندی سے سیاسی زندگی کا آغاز کیا ہے وہ محترمہ بے نظیر بھٹو کا خلاء پوری کرنے کی بھر پور کوشش کریں گے ان خیالات کا اظہار مرکزی رہنما پی پی پی سابق وزیر سینیٹر ملک حاکمین خا ن نے بلاول سیکرٹریٹ شیں باغ ہائوس میں محترمہ بے نظیر بھٹو کی شہادت کے حوالہ سے منعقدہ بڑے اجتماع عام سے خطاب کرتے ہوئے کیا اجتماع میں محترمہ بے نظیر بھٹو کی ایصال ثواب کے لیے قرآن خوانی اور دعائے مغفرت کی تقریب بھی منعقد ہوئی۔ اس موقع پر ضلع بھر سے پیپلز پارٹی کے عہدیداروں اور کارکنوں نے کثیر تعداد میں شرکت کی۔ ذوالفقار علی بھٹو، محترمہ بے نظیر بھٹو اور ان کے خاندان کی امت مسلمہ اور پاکستان کے لیے کی جانے والی کاوشوں کا شاندار الفاظ میں خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹک (این این اے) ڈپٹی انسپکٹر جنرل موٹر وے اینڈ ہائی وے پولیس محمد زبیر ہاشمی نے کہا ہے کہ سفر کے دوران ڈرائیونگ کے اصولوں کی پیروی کرنے سے نہ صرف سفر محفوظ ہوتا ہے بلکہ بیش قیمت انسانی جانوں کے تحفظ کی بھی ضمانت ہے۔ انہوں نے یہ بات کامسیٹس یونیورسٹی اٹک میں ٹریفک قوانین کی پاسداری سے متعلق ایک سیمینار سے خطات کرتے ہوئے کہی ایس ایس پی موٹر وے پولیس ڈاکٹر سعید خان، ڈائریکٹر کامسیٹس یونیورسٹی ڈاکٹر شیر زادہ، موٹرے وے پولیس کے افسران اور یونیورسٹی اساتذہ اور طلبا و طالبات کی کثیر تعد اد بھی اس موقع پر موجود تھی اس موقع پر ٹریفک قوانین کے بارے میں آگاہی کے لیے موٹر وے پولیس کا بک سٹال بھی لگایا گیا تھا۔ انہوں نے کہا کہ مہذب قومیں ٹریفک قوانین کی پابندی کرتی ہیں جو ان کی طرز معاشرت کی نشاہدی کی بہترین مثال ہے اس موقع پر مقررین نے روڈ پر سفر کے دوران کی جانے والی احتیاطی تدابیر کے بارے میں تفصیلاً روشنی ڈالی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دانش سکول جنڈ کے لیے داخلہ ٹیسٹ محکمہ مال کے ذریعے ہی کرائیں جائیں
اٹک(این این اے) دانش سکول جنڈ کے لیے داخلہ ٹیسٹ محکمہ مال کے ذریعے ہی کرائیں جائیں کیونکہ وزیر اعلیٰ مانیٹرنگ ٹیم نے ان داخلہ ٹیسٹ کو حاصل کرنے کے لیے مختلف حیلے بہانوں سے ہاتھ پائوں مارنا شروع کر دیئے ہیں یہ ٹیسٹ 19 جنوری کو منعقد ہوں گے اور کلاسز کا اجراء 29 مارچ سے ہو گا مختلف طبقہ فکر سے تعلق رکھنے والے افراد نے صحافیوں کو بتایا کہ ابتدائی طور پر دانش سکول کے لئے انٹری ٹیسٹ مانیٹرنگ ٹیم کی نگرانی میں لیا گیا تھا اور مارکنگ بھی مانیٹرنگ ٹیم کی نگرانی میں کرائی گئی تھی اور اس پر والدین اور معززین علاقہ نے اپنے تحفظات کا اظہار کیا تھا اس پر دو سال قبل وزیر اعلیٰ مانیٹرنگ ٹیم اٹک جس کی کارکردگی انتہائی ناقص ہے کی وجہ سے یہ ٹیسٹ محکمہ مال کے سپرد کر دیئے گئے جو بہتر طریقہ سے اپنا کام سر انجام دے رہے ہیں تاہم مانٹیر نگ ٹیم کے بعض ملازمین دانش سکول کے انٹری ٹیسٹ کو ہتھیانے کے لیے مختلف ہتھکنڈے استعمال کر رہے ہیں عوامی سیاسی حلقوں نے خادم اعلیٰ پنجاب سے مطالبہ کیا ہے کہ دور آمریت کی یاد گار وزیراعلیٰ مانیٹرنگ ٹیم کو جس کی کارکردگی صفر ہے ختم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل جنڈ کے مختلف علاقوں میں قائم 43سکولوں میں بنیادی سہولیات (بجلی، پانی کی فراہمی
اٹک(این این اے) تحصیل جنڈ کے مختلف علاقوں میں قائم 43 سکولوں میں بنیادی سہولیات (بجلی، پانی کی فراہمی اور ٹائلٹ اور اضافی کلاس رومز کی تعمیر) کا کام شروع کر دیا گیا ہے ،جس کے لئے 2 کروڑ 97 لاکھ کے فنڈز جاری کر دیئے گئے ہیں محکمہ تعلیم کے ذرائع نے بتایا کہ پنجاب تعلیمی اصلاحات پروگرام کے تحت چار سکولوں میں پینے کا صاف پانی اور بائیس سکولوں کو بجلی کی سہولت فراہم کی جارہی ہے جبکہ آٹھ سکولوں میں اضافی کلاس رومز سات سکولوںکی چار دیواری اور دو سکولوں میں ٹائلٹ کی تعمیر کا کام شروع کر دیا گیا ہے ذرائع نے بتایا کہ بنیادی سہولیات کی فراہمی کا کام مارچ 2014 تک مکمل کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی سیکریٹری اطلاعات جمعیت علماء پاکستان محمد شکیل قاسمی نے چیئرمین پاکستان پیپلز پارٹی بلاول بھٹو زرداری کے بیان کی شدید مذمت
اٹک(این این اے) صوبائی سیکریٹری اطلاعات جمعیت علماء پاکستان محمد شکیل قاسمی نے چیئرمین پاکستان پیپلز پارٹی بلاول بھٹو زرداری کے بیان کی شدید مذمت کرتے ہوئے کہا ہے کہ بلاول بھٹو کی بچگانہ خواہشات پر ذوالفقار علی بھٹو اور محترمہ بے نظیر بھٹو کی روحیں تڑپ رہی ہونگی، نام نہا دلبرل قوتوں کی جانب سے آئین پاکستان میں ترمیم کی خواہش کبھی پوری نہیں ہوسکتی، یاد رہے ان شقوں کوآئین کے ماتھے کا جھومر قرار دیا جاتا ہے بلاول بھٹو ہوش کے ناخن لیں یہ اسلامی جمہوریہ پاکستان ہے جس کے آئین میں یہ لازمی شق شامل ہے کہ پاکستان کاصدر مسلمان ہوگا اور مسلمان کی تعریف ختم نبوت پر یقین سے مشروط رکھی گئی ہے، انہوں نے کہاکہ حیرت کی بات یہ ہے کہ پاکستان کا آئین ان کے نانا ذوالفقار علی بھٹو کے دورحکومت میں تمام اراکین اسمبلی کی تائید و حمایت سے بناتھا جس کی تدوین قائد ملت اسلامیہ حضرت علامہ شاہ احمد نورانی اور دیگر اکابرین نے فرمائی تھی، اور 40 سالوں سے اس آئین کی تشکیل کا تمام تر سہرا پیپلز پارٹی اپنے سر باندھتی آئی ہے لیکن اب پیپلز پارٹی کے چیئرمین کی جانب سے اس طرح کا بیان اس بات کی غمازی کر رہا ہے کہ یاتو پیپلز پارٹی آئین پاکستان کو اپنے بانی کی غلطی قرار دیتے ہوئے اس سے جان چھڑانا چاہتی ہے یا پھر اس کے چیئرمین اپنے ہوش و حواس میں نہیں ہیں انہوں نے کہاکہ پاکستان بنانے والوں کی اولادیں اس کی نظریاتی سرحدوں کی حفاظت کرنے میں کسی کوتاہی سے کام نہیں لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حسن ابدال میں بجلی اور گیس کی غیر اعلانیہ لوڈشیڈنگ نے عوام کی مشکلات
اٹک(این این اے) حسن ابدال میں بجلی اور گیس کی غیر اعلانیہ لوڈشیڈنگ نے عوام کی مشکلات میں اضافہ کردیا، گھریلو خواتین کو کھانا پکانے میں شدید پریشانی کا سامنا جبکہ بجلی کی کئی کئی گھنٹے بندش نے عوام کا جینا دوبھر کر دیا تفصیلات کے مطابق گزشتہ چند روز سے حسن ابدال میں واپڈا کی جانب سے بجلی کی کئی کئی گھنٹے غیر اعلانیہ لوڈشیڈنگ نے کاروبار زندگی کو شدید متاثر کر رکھا ہے جبکہ سی این جی کھولنے کے عدالتی فیصلے کے بعد محکمہ سوئی گیس کی جانب سے گھریلو صارفین کو تنگ کرنا شروع کر دیا گیا ہے عین صبح اور شام کو کھانا پکانے کے اوقات میں سوئی گیس کا پریشر اتنا کم کر دیا جاتا ہے کہ خواتین کو بجلی نہ ہونے کے باعث اندھیرے میں کھانا پکانے میں شدید دشواری کا سامنا کرنا پڑتا ہے جبکہ طلبا و طالبات اور ملازمین کو سکولوں، کالجوں اور دفاتر میں ناشتہ کیے بغیر جانا پڑتا ہے، عوامی حلقوں نے حکام سے اپیل کی ہے متعلقہ محکمے عوام کی مشکلات اور بے چینی کو مدنظر رکھتے ہوئے مناسب منصوبہ بندی سے کام لیں اور شدید سرد موسم اور مہنگائی کے اس دور میں عوام کے صبر کا مزیدا متحان نہ لیا جائے تو بہتر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نائب امیر جماعت اسلامی پنجاب و سابق ممبر قومی اسمبلی میں محمد اسلم نے کہا
اسلام آباد (این این اے ) نائب امیر جماعت اسلامی پنجاب و سابق ممبر قومی اسمبلی میں محمد اسلم نے کہا ہے کہ جماعت اسلامی اسلام آباد بلدیاتی انتخابات میں بھر پور حصہ لے گی اور شاندار کامیابی حاصل کرے گی۔ حالات کو بہتر کرنے کیلئے ایک دیانت دار اور اہل قیادت کی ضرورت ہے جو عوام کے اندر خود اعتمادی بھی پیدا کرے، دوسروں کے آگے ہاتھ پھیلانے اور کشکول لے لے کر پھر نے کے بجائے اپنے پیروں پر کھڑا ہونے کی کوشش کرے۔ ان خیالات کا اظہار انھوں نے جماعت اسلامی کے ارکین جنرل کو نسل کی تر بیتی نشست سے خطاب کر تے ہو ئے کیا۔ اس مو قع پر نائب امیر جماعت اسلامی اسلام آباد میاں محمد رمضان، گل انداز عباسی، صہیب قر نی اور شکیل مراز نے بھی خطاب کیا۔ میاں محمد اسلم نے کہا ملکی معیشت زبوں حالی کا شکار ہے نوٹ چھاپ کر اپنی کرنسی کو سہارا نہیں دیا جا سکتا، ملک میں معاشی انقلاب اور خود انحصاری کیلئے بھی ایک منظم سیاسی جدوجہد اور تحریک کی ضرورت ہے۔ سود کی لعنت سے بھی نجات حاصل کی جانی چاہئے۔ انھوں نے کہا اقامت دین کی جدوجہد کا پہلا نقطہ صادق اور امین قیادت ہے اور آج ملک قوم و امت کے مسائل کا حل بھی اسی میں پنہاں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دفاع صحابہ کیلئے جدوجہد ایمان کا حصہ سمجھتے ہیں بلدیاتی الیکشن میں مقامی سطح پرمحروم
بہاول پور(این این اے) دفاع صحابہ کیلئے جدوجہد ایمان کا حصہ سمجھتے ہیں بلدیاتی الیکشن میں مقامی سطح پر محروم طبقہ کی نمائندگی کرینگے ان الیکشنوں کے ذریعے ہم لوگوں کے مسائل اسلامی اصولوں کے مطابق حل کرینگے ان خیالات کا اظہار اہلسنت و الجماعت کے مرکزی ڈپٹی سیکریٹری اطلاعات رائو محمد جاوید اقبال نے اپنی رہائشگاہ پر گفتگو کرتے ہوئے کیا انہوں نے کہاکہ ماتم کے نام پر ملک کی معیشت کا پہیہ جام کرنا کونسا اسلام ہے اہلسنت اکثریت کو دو فیصد اقلیت کیلئے پریشان کرنا پاکستان کے امن کیلئے خطرناک ثابت ہوگا حکمرانوں نے غور نہ کیا تو مدرسہ تعلیم القران جیسے واقعات دوبارہ رونما ہوسکتے ہیں دفاع پاکستان کونسل ڈرون حملوں کی روک تھام اور نیٹو سپلائی کی بندش کیلئے متحد ہیں حکومت اپنا قبلہ درست کرلے اہلسنت کو دیوار سے لگانے کی سازش کی جارہی ہے اہلسنت سے امن کی بھیک مانگنے والے آج کیوں جانبداری کا مظاہر ہ کر رہے ہیں 3 جنوری 2014ء کو بروز جمعہ قائد اہلسنت علامہ محمد احمد لدھیانوی کی ہدایت پر پورے ملک کی طرح بہاول پور میں احتجاجی ریلی اور ستلج پل پر دھرنا دیا جائیگا کارکن دھرنے اور ریلیوں کو کامیاب بنانے کیلئے بھر پور محنت کریں اور اس میں میں جوق در جوق شرکت کو یقینی بنائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکزی وائس چیرمین قومی امن کمیٹی برائے بین المذاہب
بہاول پور(این این اے)مرکزی وائس چیرمین قومی امن کمیٹی برائے بین المذاہب رانا خالد محمود کی بہاول پورملتان ڈویژن کے چیرمین اور عہدہ داروں کو بہترین کارکردگی پر مبارکباد، تفصیل کے مطابق مرکزی وائس چیرمین قومی امن کمیٹی برائے بین المذاہب رانا خالد محمود نے کرسمس کے موقع پر بین المذاہب کی فضاء کو قائم کرنے میں بھر پور کردار ادا کرنے پر ضلعی چیرمین بہاول پور چوہدری ظفر ،ضلعی چیرمین رحیم یارخان ڈاکٹر ظہیر ساحل ضلعی چیرمین بہاول نگر محمدافضل بٹ ضلعی چیرمین لودھراں مہر محمد عبداللہ ضلعی چیرمین ملتان ڈاکٹر قیصر ندیم (این پی سی آئی ایچ) کومبارکباد دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بے نظیر بھٹو شہید نے ملک میں جمہوریت کی بحالی، قانون کی حکمرانی
بہاول پور(این این اے) بے نظیر بھٹو شہید نے ملک میں جمہوریت کی بحالی، قانون کی حکمرانی، آئین کی بالادستی اور عوام کے حقوق کیلئے بھر پور جدوجہد کی، پاکستان پیپلز پارٹی نے ڈارئنگ رومز، وڈیرہ ازم اور سرمایہ دارانہ سیاست کو خاک میں ملا دیاہے، بے نظیر بھٹو شہید نے شہید ذوالفقار علی بھٹو کے نقش قدم پر چلتے ہوئے ہمیشہ غریب عوام کو حقوق دلانے کیلئے عملی جدوجہد کی جس کے سبب سرمایہ داروں ، وڈیروں اور روائتی سیاست کرنے والے لوگوں کو غریبوں کی چوکھٹ پر جا کر جھکنا پڑا ۔ان خیالات کا اظہار پاکستان پیپلز پارٹی کے سٹی صدر و ٹکٹ ہولڈر محمد صفدر شہباز راجپوت نے گزشتہ روز شہید بے نظیر بھٹو کی 6ویں برسی کے موقع پر منعقدہ قرآن خوانی کے بعد پیپلزپارٹی کے کارکنوں سے خطاب کرتے ہوئے کہا ۔ انہوں نے کہا کہ محترمہ بے نظیر بھٹو شہید سابق آمر ضیاء الحق کے ہاتھوں اپنے والد کی پھانسی کے بعد عملی سیاست میں آئیں اور پاکستان سے آمریت کے خاتمے کیلئے پاکستانی عوام کو بیدار کیا ۔ محترمہ بے نظیر بھٹو شہید نے عوام کے حقوق کے تحفظ کیلئے قید وبند کی صعوبتیں برداشت کیں مگر کسی بھی آمر کے سامنے سر نہ جھکایا اور نہ ہی ملک سے فرار ہو کر اپنی جان کو پاکستان میں جمہوریت کے قیام اور ملکی استحکام سے زیادہ اہمیت دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او بہاولپور ڈاکٹر سہیل حبیب تاجک نے شہر میں بڑھتی ہوئی
بہاول پور(این این اے)ڈی پی او بہاولپور ڈاکٹر سہیل حبیب تاجک نے شہر میں بڑھتی ہوئی سٹریٹ کرائم کی وارداتوں کو روکنے کی خاطر ڈ ی ایس پی سٹی ریاض حسین بخاری، عامر حسین غوری ایس ایچ اوسول لائنز،انچارچوکی شاہدرہ فرحان حسین ایس آئی پر مشتمل ایک ٹیم تشکیل دی جنہوں نے بھٹی گینگ کو ٹریس کیا جو شہر میں ہونے والی وارداتوں میں ملوث تھا۔قبل ازیں اس گینگ کے 2ارکان عمر سلیم اور جواد بھٹی جوکہ مختلف وارداتوں میں ملوث تھے کو پکڑا گیا اور بے نقاب کیا جن سے تقریباًمبلغ 7لاکھ روپے،2عدد لیپ ٹاپ،5عدد موبائل فون،واردات میں استعمال ہونے والی موٹر سائیکل،جیولری اوراسلحہ ناجائزپسٹل 30بور برآمد ہوچکے ہیں۔تاہم اس گینگ کا تیسرا اہم رکن محمد شہزاد ولد محمد شفیق قوم بھٹی سکنہ ماڈل ٹائون بی بہاولپور جوکہ مفرور تھا کو گرفتارکیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب کے یوتھ فیسٹیول پروگرام 2012-14کے سلسلہ میں کھیلوں کے مقابلاجات
بہاول پور(این این اے)حکومت پنجاب کے یوتھ فیسٹیول پروگرام 2012-14کے سلسلہ میں کھیلوں کے مقابلاجات کا پہلا راونڈ محلہ /گائوں لیول کی سطح پر جاری ہے ۔ بہاولپور ڈسٹرکٹ کے 31یونین کونسلز کے 40بلاکس میں نعت خوانی ، قر ات کے ایونٹس منعقد کیے گئے ۔ ان مقابلہ جات میں 80آفراد نے شرکت کی جس میں سے 40افراد ونر قرار پائے ۔ اسی طرح سپورٹس سیکٹرر میں کل 63 یونین کونسلوں کے 74بلاکوں میں مقابلے ہوئے اور اس میں 1076کھلاڑیوں نے شرکت کی اور 517افراد ونر قرار پائے ۔ اس طرح کل 1156افراد نے ان مقابلوں میں حصہ لیا اور 557افراد کا میاب قرار پائے ۔عوام الناس اور کھلاڑیوں نے حکومت پنجاب کی طرف سے محلہ /گائوں کے سطح سے لے کر پنجاب کی سطح پر سپورٹس کو فروغ دینے کے عمل کو سراہا ہے ۔ وزیر اعلی پنجاب شہباز شریف کے ان اقدامات سے صحت مند معاشرہ کی تشکیل میں مدد ملے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ تعلیم سکولز ضلع بہاولپور کے زیر اہتمام گورنمنٹ صادق ڈین ماڈ ل ہائی سکول بہاولپور میں قائداعظم ڈے منایا گیا
بہاول پور(این این اے)محکمہ تعلیم سکولز ضلع بہاولپور کے زیر اہتمام گورنمنٹ صادق ڈین ماڈ ل ہائی سکول بہاولپور میں قائداعظم ڈے منایا گیا ۔تقریب سے ای ڈی او ایجوکیشن اشفاق گجر، ڈی ای او سیکنڈری رانا غلام نبی ، ڈپٹی ہیدماسٹر ایس ڈی ہائی سکول شاہد جمیل و دیگر مقررین نے بانی پاکستان قائداعظم محمد علی جناح کے احسانا ت اور خدمات کو سراہا اور ان کے فرمودات پر عمل کرنے کا عہد کیا ۔قائداعظم محمد علی جناح کے افکار پر روشنی ڈالتے ہوئے مقررین نے کہا کہ ایک مظبوط اسلامی مملکت بنانے کیلئے اساتذہ کرام اپنا مثالی کردار خوش اسلوبی کے ساتھ نبھائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن آزاد کشمیر کے مر کز ی نا ئب صدر و امید وار اسمبلی کر نل ر عبد الغنی نو ر کا کہنا ہے
بھمبر آزاد کشمیر (این این اے )مسلم لیگ ن آزاد کشمیر کے مر کز ی نا ئب صدر و امید وار اسمبلی کر نل ر عبد الغنی نو ر کا کہنا ہے کہ آزاد کشمیر کے عدا لتی نظام میں ہنگا می بنیا دوں پر اصلا حا ت کی ضرور ت ہے عام آ دمی کو انصا ف حا صل کر نے کے لیے ساری زند گی عدا لتوں کے دھکے کھا نے پڑ تے ہیں شا طر اور نو سر با زوں نے عدا لتوں میں بلا وجہ کیسز پر عام آ دمی کو الجھا نا اپنا وطیر ہ بنا رکھا ہے حکم امتنا عی کو مذا ق بنا دیا گیا ہے بلا وجہ کیسز کو زیر التوا میں رکھ کر جا ن بوجھ کر انصاف کی فرا ہمی میںرکا وٹ ڈا لی جا تی ہے عد لیہ میں ججز کی کمی اور مقد ما ت کی بھر ما ر کی وجہ سے بھی عا م آ دمی کو شد ید مسا ئل کا سا منا ہے اور اس کو تا ریخ پر تا ریخ ملتی ہے چیف جسٹس ہا ئیکو رٹ آزاد کشمیر اور چیف جسٹس آف سپر یم کو رٹ عدا لتی نظا م میںفورا اصلا حا ت لا ئیں اور عا م آ دمی کو انصاف کی جلد ازجلد فر اہمی کے لیے ممکن اقدا ما ت کر ئے انصاف نہ ملنے سے معا شر ے میں بگا ڑ پیدا ہو رہا ہے ۔
بھمبر آزاد کشمیر (این این اے )سا بق وزیر اعظم محتر مہ بے نظیر بھٹو شہید کی چھٹی بر سی نہا یت عقید ت و احترام سے منا ئی گئی ضلعی ایڈ منسٹر یٹر چو ہدری ولید اشرف کی ہدا یت پر ضلع بھر میں پی پی پی کے عہد یداران نے پیپلز ہا وس بھمبر میں محتر مہ بے نظیر بھٹو شہید کے لیے قرآ ن خوا نی کا اہتما م کیا محتر مہ کو شا ندار الفا ظ میں خرا ج عقید ت پیش کیا گیا اور اس عز م کا اعا دہ کیا گیا کہ محتر مہ بے نظیر شہید کے مشن کو مکمل کر نے کے لیے جا نوں کی قر با نی سے بھی دریغ نہیں کر یں گے ۔تفصیلا ت کے مطا بق سا بق وزیر اعظم شہید جہمو ریت محتر مہ بے نظیر بھٹو شہید کی چھٹی بر سی پر پیپلز ہا وس بھمبر میں دعا ئیہ تقر یب کا اہتما م کیا گیا ضلعی ایڈ منسٹر یٹر ضلع کو نسل چو ہدری ولید اشرف نے دعا ئیہ تقر یب سے اپنے خطا ب میں کہا کہ محتر مہ بے نظیر بھٹو شہید کی قر با نیوں کے صد قے پا کستا ن میں جہمو ریت بحا ل ہو ئی پیپلز پا رٹی کی تا ریخ قر با نیوں سے بھر ی پڑ ی ہے پی پی پی نے اپنے خو ن سے اس ملک خدادا کی آ بیا ری کی ہے شہید قا ئد محتر مہ بے نظیر بھٹو کے مشن کو ہر حا ل میں مکمل کیا جا ئے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمدی مسجد لالکڑتی میں آمد مصطفی ۖ کانفرنس سے خطاب کرتے ہوئے ممتاز مذہبی سکالر علامہ پیر سید اظہار بخاری نے کہا ہے
راولپنڈی(این این اے ) محمدی مسجد لالکڑتی میں آمد مصطفی ۖ کانفرنس سے خطاب کرتے ہوئے ممتاز مذہبی سکالر علامہ پیر سید اظہار بخاری نے کہا ہے کہ آمدرسول ۖسے انسانی تہذیب و ترقی کا راستہ روشن ہوگیا۔ آمد مصطفی ۖ پر خوش ہونے والوں سے خدا خوش ہو تا ہے ۔وہ دل جہنمی، جس میں حُب رسول ۖکی خوشبو نہیں ، آمد مصطفی ۖ پر دنیا بن سکتی، نظام مصطفی ۖ سے دنیا بچ سکتی ہے ۔نبی پاک ۖکی ولادت دنیا کائنات کے لیے بہت بڑی سعادت ہے ۔آمدرسول ۖپر قوم متحد ہو جائے ۔رسول کریم ۖ دنیا کائنات کی وہ عظیم ہستی ہیں ، جن کے ماتھے کی روشنی سے روشن خیالی جنم لیتی ہے ۔ جن کے قدموں کے نشان سے منزل کا سراغ ملتا ہے ۔اور جن کی شریعت سے بے انصافی اور ظلم کے سارے دروازے بند ہو جاتے ہیںدنیا کائنات کا ہر ذرہ مدحت رسولۖ بیان کر رہا ہے ۔نام محمدۖ کی طرح نظام مصطفی ۖ میںبھی خدا نے بر کتیں رکھی ہیں ۔ذکر مصطفی ۖکرنے والوں کی بستی میں خدا کی رحمت برستی ہے ۔زندگی کو جنتی بنانے کیلیے عبادت خدا کی، اطاعت مصطفی ۖکی ضروری ہے ۔ وہ گھر جنت کا خزینہ ہوتا ہے ، جس میں ذکر مدینہ ہوتا ہے ۔ ذکر خدا اور ذکر مصطفیۖ دلوں کو زندہ رکھنے کا ذریعہ ہے ۔پیغام مصطفی ۖکی تعلیمات سے انسانی زندگی اور سوچ و فکرمیں جو انقلاب برپا ہوا ۔اس کی نظیر دنیا میں نہیں ملتی ۔آپ ۖکی حیات طیبہ کا ایک ایک لمحہ اُمت مسلمہ کیلیے مشعل راہ ہے ۔ اپنی زندگیوں کو اُسوہ حسنہ ۖمیں ڈھال کر معاشرے کی تطہیر کرنا ہوگی ۔

by Geo Urdu

Geo Urdu (Webmaster)

میاں گروپ نے میونسپل کمیٹی مصطفی آباد کی 12وارڈز میں اپنے امیدوار فائنل کر دئیے حسن ابدال میں بجلی اور گیس کی غیر اعلانیہ لوڈشیڈنگ نے عوام کی مشکلات