اضلاع کی خبریں 18/1/2014
Posted on January 19, 2014 By Geo Urdu سٹی نیوز
اسلام آباد (این این اے) پاکستان فیڈرل یونین آف جر نلسٹ اور راولپنڈی اسلام آباد یونین آف جرنلسٹ کی کال پر کراچی میںایکسپریس نیوز کے تین ورکرز کی شہادت کے خلاف نیشنل پریس کلب اسلام آباد کے سامنے احتجاجی مظاہر ے میںجڑواں شہروں کے صحافیوں نے شرکت کی ۔ اس موقعہ پرپی ایف یو جے کے صدر افضل بٹ نے اپنے خطاب میں حکومت سے مطالبہ کیا کہ وہ ایکسپریس نیوز کے ورکرز کے قاتلوں کو جلد از جلد گرفتار کرئے اور صحافیوں کو تحفظ فراہم کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دہشتگردی کے خلاف جنگ میں پولیس کو غیر معمولی کارکردگی کا مظاہرہ کرنا ہوگا کیونکہ پاکستان حالت جنگ میں ہے اور سیکیورٹی اداروں کو ہر قسم کے حالات سے نمٹنے کیلئے تیار رہنا چاہئے
اسلام آباد(این این اے ) دہشتگردی کے خلاف جنگ میں پولیس کو غیر معمولی کارکردگی کا مظاہرہ کرنا ہوگا کیونکہ پاکستان حالت جنگ میں ہے اور سیکیورٹی اداروں کو ہر قسم کے حالات سے نمٹنے کیلئے تیار رہنا چاہئے۔یہ ہم سب کی ذمہ داری ہے کہ ہم پاکستان کو محفوظ بنائیں جہاں دہشتگردی ، شدت پسندی اور فرقہ واریت نہ ہو اور جہاں قانون کی حکمرانی ہو۔ ان خیالات کا اظہار وفاقی وزیر داخلہ چوہدری نثار علی خان نے نیشنل پولیس اکیڈمی سے فارغ التحصیل ہونے والے پولیس افسران کی پاسنگ آئوٹ پریڈ سے خطاب کرتے ہوئے کیں۔انہوں نے نیشنل پولیس اکیڈمی کے افسران کو پاس آئوٹ پر مبادکباد دی اور کہا کہ یہ افسران اپنے اداروں میں جذبہ سے خدمات سرانجام دینگے۔وزیرداخلہ نے کہاکہ پاکستان اس وقت مشکل صورتحال سے گزر رہا ہے ،آپ کی ذمہ داریاں یہ تقاضا کرتی ہیں کہ قوم کیلئے اپنا کردار پھر پور انداز میں ادا کریں، بڑے چیلنج اور مسائل کا آپکو سامنا ہو گا ۔وزیر داخلہ نے پولیس افسران سے مخاطب کرتے ہوئے کہاکہ آپ لوگوں کو معمول کی ڈیوٹی سے زیادہ سخت کام کرنا پڑے گا، ہمارے ملک کو جنگ کا سامنا ہے جس میں دشمن ظاہر نہیں ہے بلکہ چھپا ہوا ہے ، یہ دشمن سیکیورٹی فورسز اور پاکستان کے عوام کو نشانہ بنا رہاہے ، یہ ایک بہت مشکل جنگ ہے ۔ انہوں نے کے کہا کہ سیکیورٹی فورسز کا حصہ ہوتے ہوئے آپ کو پاکستان کی شناخت کی بحالی کیلئے کردار ادا کرنا ہوگا۔ انہوں نے اس موقع پر پاکستان کی معاونت کرنے والے عالمی اداروں کا شکریہ ادا کیا جو سیکیورٹی فورسز کو تربیت فراہم کر رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پرویز مشرف پاک آرمی کے نام پر دھبہ ہیں جو بزدلانہ حرکات کرکے پاک فوج کو شرمسار کررہے ہیں انہیں چاہیے
اسلام آباد (این این اے) پرویز مشرف پاک آرمی کے نام پر دھبہ ہیں جو بزدلانہ حرکات کرکے پاک فوج کو شرمسار کررہے ہیں انہیں چاہیے کہ حیلے بہانے چھوڑ کر عدالت عالیہ کے سامنے پیش ہوں تاکہ سزایا معافی مل سکے سابقہ آفیسرہونے کی وجہ سے ان پر ذمہ داری عائد ہوتی ہے کہ وہ مستقبل کے آفسران کو اچھی نصیحت چھوڑ کر جائے نہ کہ بزدلوں جیسی حرکات کرکے غلط تصور پیش کرے جو عدالت کے حکم کی فرمانبراداری نہیں کر سکتا اُسے سخت سے سخت سزاہونی چاہیے ان خیالات کا اظہار رانا بشارت علی خاںچیئرمین پاکستان مسلم لیگ برطانیہ (ساؤتھ ویلز)وسابقہ سینئر نائب صدر مسلم سٹوڈنٹ فیڈریشن پاکستان نے اپنے بیان میں کہا ۔انہوں نے مزید کہا کہ عدالت حکومت کا سب سے اہم ستون ہوتا ہے مشرف نے جب عدالت میںحاضر ہو نا ہوتا ہے تو فارم ہائوس میںبم دریافت ہو جاتا ہے یہ سب بہانے ہیں عدالتیں آزاد اور خود مختار ہیں اپنا دفاع کریں نہ کہ گھر میں چھپتے پھریں یا اپنی غلطیوں کا اعتراف کریں جو جار حانہ اقدام وہ کر چکے ہیں لال مسجد ،اکبر بھگٹی اور چیف جسٹس کے ساتھ ہونے والے واقعات کا احتساب ہونا لازم ہے انہوں نے کہا ہے کہ پرویز مشرف نے وقت کے وزیر اعظم کے ساتھ جو سلوک کیا پوری دنیا میں اس جیسی ایک بھی مثال موجود نہیں جنہوں کوجہاز میں قید کیا مگر نواز شریف جیسی بھی مثال موجود نہیں کہ مشرف نے نواز شریف کووالد کے جنازہ سے روکااور نواز شریف نے ان کی والدہ کے لئے خصوصی ائیر ایمبولینس کے اہتمام کی پیشکش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساوتھ ایشین فیڈریشن آف اکسچنز کے زیر اہتمام چوتھا سالانہ پاکستان IPO Summit اکتس جنوری 2014سے کراچی کے مقامی ہوٹل میںمنعقد کیا جائے گا
اسلام آباد (این این اے) ساوتھ ایشین فیڈریشن آف اکسچنز کے زیر اہتمام چوتھا سالانہ پاکستان IPO Summit اکتس جنوری 2014سے کراچی کے مقامی ہوٹل میںمنعقد کیا جائے گا۔ جس میں پاکستان کی تینوں سٹاک اکسچینچز کے نمائندگان شرکت کریں گے۔ اس سمٹ کے مہمان خصوصی وزیر پرائیوٹائزیشن کمیشن محمد زوبیر ہوں گے۔ اس سال کے سالانہ سمٹ میں IPOایوارڈ دیے جائیں گے جو بہترین کارکردگی کی بنیاد پر اہل نمائندوں اور کمپنیوں کو دیے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف پاکستان میں صاف ستھری سیاست اور با کردار قیادت کے لیے کوشاں ہے وہ وقت دور نہیں جب ہر طرف انصاف کا جھنڈا سر بلند ہو گا
اٹک(این این اے) پاکستان تحریک انصاف پاکستان میں صاف ستھری سیاست اور با کردار قیادت کے لیے کوشاں ہے وہ وقت دور نہیں جب ہر طرف انصاف کا جھنڈا سر بلند ہو گا اور ابن الوقت ، مفاد پرست اور وطن فروشوں کے لیے پاکستان میں کوئی جگہ نہیں ہو گی عمران خان وہ واحد لیڈر ہیں جو صاف ستھری اور سچی بات کر تے ہیں کے پی کے کے وزیر اعلیٰ کو جس طرح چیئرمین تحریک انصاف نے میڈیا پر آ کر واضع اور دو ٹوک الفاظ میں تنبیہ کی ہے یہ کسی اور جماعت کا وطیرہ نہیں ہو سکتی ،کیا نواز شریف ، شہباز شریف کو اور شہبازشریف ، حمزہ شہباز کو اس طرح برملا ان کی کار کردگی کو بیان کر سکیں گے ہر گز نہیں ، یہ صرف اور صرف با کردار اور صاف گو انسان عمران خان کا ہی اعزاز ہے ان خیالات کا اظہار ضلعی صدر تحریک انصاف وحید مرا د نے ایک ملاقات میں کیا انہوں نے کہا کہ اٹک میں تحریک انصاف مضبوط بنیادوں پر قائم و دائم ہے اور پارٹی کے کارکنوں نے تنظیمی نظم و ضبط کی روشن مثال قائم کی ہے انشا اللہ تحریک انصاف ایک قوت بن کر اٹک میں اپنا لوہا منوائے گی تحریک انصاف ایک نمبر جماعت ہے اوراس میں ایک نمبر کے ہی لوگ رہ سکتے ہیںانہوں نے سابق ضلعی جنرل سیکرٹری ایم ایس ایف سجاد اللہ خان تنولی کو مسلم لیگ(ن) کو چھوڑ کر تحریک انصاف میں شمولیت کو نیک شگون اور تازہ ہوا کا جھونکا قرار دیا ان کے آنے سے کارکن اور تحریک انصاف اور زیادہ مضبوط ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چور اہل خانہ کو کمروں میں بند کر کے گھر کا صفایا کر گئے تفصیلات کے مطابق نیاز حسین ولد سرفراز سکنہ کمڑیال نے پولیس کو بیان دیا ہے کہ میں اہل خانہ کے ہمراہ سویا ہو ا تھا
اٹک(این این اے)چور اہل خانہ کو کمروں میں بند کر کے گھر کا صفایا کر گئے تفصیلات کے مطابق نیاز حسین ولد سرفراز سکنہ کمڑیال نے پولیس کو بیان دیا ہے کہ میں اہل خانہ کے ہمراہ سویا ہو ا تھا صبح 5بجے آنکھ کھلی تو ہمارے کمرے کے دوازے باہر سے بند تھے اپنے رشتہ دار کو فون کر کے بلایا جنہوں نے باہر سے کنڈی کھول کر ہمیں نکلا میں سٹور پہ گیا تو دیکھا سامان بکھرا پکڑا تھا پڑتال کرنے پر نامعلوم چور 80 ہزار روپے نقد لاکھوں روپے مالیت کے طلائی زیورات اور ایک موبائل سیٹ چور ی کر کے لے گئے پولیس نے مقدمہ درج کرکے تفتیش شروع کر دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس نے منشیا ت برآمد کر کے دو اشخاص کو گرفتار کر لیا تفصیلات کے مطابق سپیشل اسکوارڈ کے عملہ نے جی ٹی روڈ پر دوران چیکنگ موٹر وے کی جانب سے آنے والی کار نمبر ALO-549میں سے 6کلو چرس 3کلو600گرام گردہ چرس برآمد
اٹک(این این اے) پولیس نے منشیا ت برآمد کر کے دو اشخاص کو گرفتار کر لیا تفصیلات کے مطابق سپیشل اسکوارڈ کے عملہ نے جی ٹی روڈ پر دوران چیکنگ موٹر وے کی جانب سے آنے والی کار نمبر ALO-549میں سے 6کلو چرس 3کلو600گرام گردہ چرس برآمد کر کے ڈرائیور علی خان شاہ ولد الف شاہ قوم کوکی خیل سکنہ گہیٹا خیل شاہ تحصیل و ضلع جمرود کو گرفتا ر کر لیا جب کہ ساجد محمود ولد مظفر خان سکنہ جہان آباد سے 400گرام ہیرؤن برآمد کر کے گرفتا ر کر لیا تھانہ سٹی پولیس نے محمد اسلام ولد حاجی خان سکنہ حضرو سے دو کپی شراب برآمد کر کے گرفتار کر لیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غازی نیزہ باز کلب اسلام آباد کے زیر اہتمام آج نیزہ بازی کے مقابلے شرو ع ہو رہے ہیں
اٹک(این این اے) غازی نیزہ باز کلب اسلام آباد کے زیر اہتمام آج نیزہ بازی کے مقابلے شرو ع ہو رہے ہیں اٹک سے ملک شفیق ان مقابلوں میں خصوصی طور پر شرکت کر رہے ہیں یاد رہے کہ اس سے قبل ملک شفیق نے کوٹ فتح خان میں نیزہ بازی کے مقابلہ میں اول پوزیشن حاصل کی اور اُس کے گھوڑے سرُخاب کو حسن پنجاب کا لقب دیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرپرست اعلیٰ ڈسٹرکٹ مرکزی سیرت کمیٹی رجسٹرڈ اٹک ، سرپرست اعلیٰ انجمن طلباء اسلام پاکستان صاحبزادہ عبدالظاہر رضوی نے جشن عید میلاد النبیۖ صلی اللہ علیہ وآلہ وسلم کے موقع پر سکیورٹی کے بہترین انتظامات کرنے پر ضلعی رابطہ افسر محمد اقبال
اٹک( این این اے)سرپرست اعلیٰ ڈسٹرکٹ مرکزی سیرت کمیٹی رجسٹرڈ اٹک ، سرپرست اعلیٰ انجمن طلباء اسلام پاکستان صاحبزادہ عبدالظاہر رضوی نے جشن عید میلاد النبیۖ کے موقع پر سکیورٹی کے بہترین انتظامات کرنے پر ضلعی رابطہ افسر محمد اقبال ، ڈی پی او اسرار احمد خان اور قانون نافظ کرنے والے دیگر اداروں ٹی ایم اے اٹک کو مبارک باد پیش کرتے ہوئے کہا ہے کہ جشن عید میلاد النبیۖ صلی اللہ علیہ وآلہ وسلم کے جلوس میں گرد و نواح کی 124میلاد پارٹیوں کی شرکت شہریوں کی جانب سے سٹیج ،آرائشی سٹیجوں اور دیگر سجاوٹ کر کے سچا عاشق رسول ۖ ہونے کا ثبوت دیا ہے یہ بات انہوں نے صحافیوں سے بات چیت کرتے ہوئے کہی اس موقع پر ضلع ناظم اے ٹی آئی شعیب احمد، ضلعی جنرل سیکرٹری راجہ فیصل محمود قادری دیگر علماء و مشائخ اہلسنت موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوتھ فیسٹیول کے سلسلہ میں سنجوال کی نواحی یونین کونسلز گولڑہ اور جبی میں کرکٹ ،والی بال،قرأت، نعت خوانی کے مقابلے ایڈمنسٹریٹریونین کونسل اٹک محمد عرفاق کی نگرانی میں منعقد کیے گئے
اٹک(این این اے)یوتھ فیسٹیول کے سلسلہ میں سنجوال کی نواحی یونین کونسلز گولڑہ اور جبی میں کرکٹ ،والی بال،قرأت، نعت خوانی کے مقابلے ایڈمنسٹریٹریونین کونسل اٹک محمد عرفاق کی نگرانی میں منعقد کیے گئے ان مقابلوں کو کامیابی سے ہمکنار کرنے میں یو سی جبی کے سیکرٹری ناصر محمود اور گولڑہ کے سیکرٹری قاضی خالد محمو دنے اہم کردار ادا کیاجبی میں کرکٹ کے فائنل میچ میں مہمان خصوصی (ن ) لیگ کے خالد محمو د ملک تھے اور والی بال فائنل کے مہمان خصوصی برکت خان تھے یونین کونسل کی عوام نے وزیر اعلیٰ پنجاب کی طرف سے یوتھ فیسٹیول کے انعقاد پر شکریہ ادا کرتے ہوئے اسے نوجوانوں میں صحت مندانہ سر گرمیاں تشکیل پانے کے لیے مفید قرار دیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی انتظامیہ کی جانب سے گراں فروشی کے مرتکب چھوٹے اور بڑے گوشت کا کاروبار کرنے والے قصابوں پر بھاری جرمانے ، احتجاجاً قصابوں نے ہڑتال کر دی، ہڑتالی
اٹک(این این اے)ضلعی انتظامیہ کی جانب سے گراں فروشی کے مرتکب چھوٹے اور بڑے گوشت کا کاروبار کرنے والے قصابوں پر بھاری جرمانے ، احتجاجاً قصابوں نے ہڑتال کر دی، ہڑتالی قصاب رہنمائوں نے میڈیا کو بتایا کہ ضلعی انتظامیہ قصاب ایسوسی ایشن کے ساتھ معاہدے کے باوجود بلا جواز بھاری جرمانے کرنے کی پالیسی پر گامزن ہے لہذا ان جرمانوں کو ختم کیا جائے قصاب ایسوسی ایشن کے رہنمائوں نے احتجاجی قافلے کے ہمراہ ضلعی رابطہ افسر محمد اقبال سے ملاقات کی جس پر ضلعی رابطہ افسر نے قصابوں اور میڈیا کے اراکین کو بتایا کہ جرما نے صارفین کی شکایت اور گوشت کو مارکیٹ سے زائد قیمت پر فروخت کرنے پر کیے گئے ہیں دسمبر 2013کے اجلاس میں یہ طے پایا تھا کہ بڑا گوشت 220اور چھوٹا گوشت 440روپے فی کلو کے حساب سے فروخت کیا جائے گا تاہم قصا ب اپنے وعدوں پر قائم نہیں رہے ضلعی رابطہ افسر نے پرائس کنڑول کمیٹی کا اجلاس ایک ہفتہ کے اندر بلانے کا عندیہ دیا ہے اور کہا ہے کہ 3اضلاع راولپنڈی ، چکوال اور جہلم کے گوشت کے ریٹ اور صارفین کو مد نظر رکھ کر گوشت کے ریٹ مقرر کیے جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹک کے نواحی گائوں شکر درہ میںجشن عید میلادالنبیۖ صلی اللہ علیہ وآلہ وسلم کے موقع پر ڈی پی او اٹک اسرار احمد خان کی ہدایت پر سینکڑوں پولیس ملازمین تعینات کیے گئے ڈی پی او اٹک نے جلوس پر لگائی گئی ڈیوٹی کو ازخود چیک کیا
اٹک(این این اے)اٹک کے نواحی گائوں شکر درہ میںجشن عید میلادالنبیۖ صلی اللہ علیہ وآلہ وسلم کے موقع پر ڈی پی او اٹک اسرار احمد خان کی ہدایت پر سینکڑوں پولیس ملازمین تعینات کیے گئے ڈی پی او اٹک نے جلوس پر لگائی گئی ڈیوٹی کو ازخود چیک کیااس موقع پر انہوں نے کسی بھی ناخوشگوار واقع سے نمٹنے کے لیے اہلکاروں کو خصوصی ہدایات جاری کیںسکیورٹی کے سخت انتظامات کرنے پر ضلعی رہنما اہلسنت و الجماعت رئیس خان ،شکر درہ کے سیاسی و سماجی اور مذہبی حلقوں نے ڈی پی او اٹک اسرار احمد خان کو خرا ج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹک شہر میں ناجائز تجاوزات اور منافع خوری کے خلاف مہم کا آغاز کردیا گیا ہے اس سلسلے میں اے ڈی سی اٹک کنزہ مرتضیٰ نے شہر کا اچانک دورہ کرتے ہوئے ناجائز تجاوزات اور منافع خوری
اٹک(این این اے)اٹک شہر میں ناجائز تجاوزات اور منافع خوری کے خلاف مہم کا آغاز کردیا گیا ہے اس سلسلے میں اے ڈی سی اٹک کنزہ مرتضیٰ نے شہر کا اچانک دورہ کرتے ہوئے ناجائز تجاوزات اور منافع خوری کے مرتکب16 افراد کو60ہزار5سو روپے جرمانہ کیااس موقع پر انہوں نے کہا کہ شہر کو ناجائز تجاوزات سے پاک کرنے اور شہریوں کو دکانداروں کی لوٹ کھسوٹ سے بچانے کے لیے یہ مہم جاری رہے گی انہوں نے دکانداروں کو وارننگ دیتے ہوئے کہا کہ وہ اپنی اپنی دکانوں کے سامنے سے ناجائز تجاوزات کا خاتمہ کردیںبصورت دیگر ان کے خلاف سخت ترین کاروائی عمل میں لائی جائے گی اٹک شہر کی سماجی و شہری تنظیموں نے انتظامیہ کی جانب سے جاری اس مہم کو شاندار الفاظ میں خراج تحسین پیش کرتے ہوئے مہم کو جاری رکھنے کا مطالبہ کیا ہے اے ڈی سی نے انور شہزادولد صادق حسین ، شاہد وحید ولد وحید بخش پر دس ، دس ہزار روپے، عمل نواز ولد امیر نواز ، اکرام ولد محمد اقبال ہوٹل والا ، اسد سوئٹس ہائوس محمد اسلم ولد محمد امین ، حاجی حامد المدنیہ الیکٹرانک، سلیمان ولد گل محمد ، حامد ولد محمد ایوب ، عابد علی ولد عبد الرشید ، ریحان اقبال ولد شیخ محمداقبال ہوٹل والا پر بالترتیب 5,5ہزار روپے جرمانہ ، محمد افضل ولد شیر افضل ، عمر ولد زمان ،تنویر ولد صغیر احمد ، عمر ولد زمان ، طارق محمود ولد خاکی جان پر ایک ایک ہزار روپے اورمحمد طفیل ولد محمد اقبال پر 5سو روپے جرمانہ کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
19جنوری بروز اتوار جشن عید میلاد کے سلسلہ میں 5جلوس اور 2سیرت کانفرنس منعقد ہو نگی جن میں شیں باغ گائوں سے سالانہ جلوس8:30بجے مسجد لوہاراں سے شروع ہو کر اپنے مقررہ کردہ
اٹک (این این اے)19جنوری بروز اتوار جشن عید میلاد کے سلسلہ میں 5جلوس اور 2سیرت کانفرنس منعقد ہو نگی جن میں شیں باغ گائوں سے سالانہ جلوس8:30بجے مسجد لوہاراں سے شروع ہو کر اپنے مقررہ کردہ راستوں سے ہوتا ہوا حاجی عبد الودود خان کے ڈیرے پر اختتام پذیر ہو گا ، مرکز ی سیرت کمیٹی اٹک کینٹ صدر بازار کے زیر اہتمام صبح 9بجے زیارت حضرت بابا فیض اللہ صدر بازار اٹک کینٹ سے بر آمد ہو گا ، مرکزی سیرت کمیٹی بوٹا کے زیر اہتمام صبح 9بجے مرکزی جامع مسجد انوار مدینہ بوٹا گائوں سے جلو س بر آمد ہو گا ، مرکزی سیرت کمیٹی مرزا کے زیر اہتمام 35واں سالانہ جلوس صبح 8بجے دفتر یونین کونسل مرزا تا زیادت پیر عبد المالک شاہ نکالا جائے گا ، مرکزی سیرت کمیٹی مرزاکے زیر اہتمام مسجد بلال مرزا میں بعد نماز مغرب سیرت کانفرنس منعقد ہو گی جس سے حضرت مولانا عمر فیض کا خصوصی خطاب ہو گا ، مرکزی سیرت کمیٹی (رجسٹرڈ) ڈھوک فتح کے زیر اہتمام صبح 9بجے مرکزی جامع مسجد نورانی ڈھوک فتح سے جلوس نکالا جائے گا ، مسجد نورانی ڈھوک نوراں ( بینک والی گلی) میںسالانہ محفل میلاد مصطفی ۖ کانفرنس صبح 10بجے منعقد ہو گی ، تھانہ اٹک خورد کے گائوں جابہ میں صبح 10بجے جلوس نکالا جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ سوئی کے اعلی احکام اہلیان محلہ غوثیہ کو احتجاج کرنے پر مجبور کر رہے ہیں معززین علاقہ شاہ محمد سعید گیلانی ،ملک عتیق، ملک مواز پاشا ،عبداللہ حسین ودیگر نے پریس کلب کے ممبران کو بتایا
اٹک(این این اے)محکمہ سوئی کے اعلی احکام اہلیان محلہ غوثیہ کو احتجاج کرنے پر مجبور کر رہے ہیں معززین علاقہ شاہ محمد سعید گیلانی ،ملک عتیق، ملک مواز پاشا ،عبداللہ حسین ودیگر نے پریس کلب کے ممبران کو بتایا کہ نماز مغرب سے پہلے اور عشاء کی نماز تک اور صبح فجر سے پہلے صبح دس بجے تک محکمہ سوئی گیس جان بوجھ کر محلہ غوثیہ کو گیس فراہم نہیں کر رہا ہے اگر سوئی گیس آتی ہے تو اس کا اتنا پریشر نہیں ہوتا ہے کہ بچوں اورگھروالوں کے لیے کھانا یا ناشتہ بنایا جائے ہم وزیر اعظم صاحب سے اپیل کر تے ہیں کہ محکمہ سوئی گیس کے اعلی احکام کو حکم دیا جائے کہ وہ اس صورت حال کا نوٹس لیں کیونکہ محکمہ سوئی گیس کی وجہ سے عوام حکومت کے خلاف احتجاج کرنے پر مجبور ہوں گے محلہ غوثیہ کے ساتھ سوتیلی ماں کا سلوک بند کیاجائے اور دیگر محلوں کی رات اور اعلی صبح سوئی گیس فراہم کی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں موبائل صارفین کا مستقبل خطرے میں ،ٹیلی کمیونیکیشن کمپنیاں سرکاری ٹیکس کے علاوہ خفیہ چارجز بھی وصول کرنے لگیں
اٹک(این این اے)پاکستان میں موبائل صارفین کا مستقبل خطرے میں ،ٹیلی کمیونیکیشن کمپنیاں سرکاری ٹیکس کے علاوہ خفیہ چارجز بھی وصول کرنے لگیں ،وزیر اعظم پاکستان نوٹس لیں عوامی حلقے ،تفصیلات کے مطابق حکومت پاکستان کی جانب سے ٹیلی کمیونیکیشن کمپنیوں کو ٹیکس جمع کرنے کی حد مقر ر کی گئی تھی ،لیکن ٹیلی کمیونیکیشن کمپنیاں حکومتی احکامات کو پس پشت ڈال کر عوام کے پیسے کو لوٹنے میں مصروف ہیں ٹیلی کمیونیکیشن کمپنیاں سرکاری حد کے علاوہ خفیہ چارجز بھی وصول کررہیں اور بیلنس کی مدت بھی مقر ر کررکھی ہے اور ہر پیکج کے علاوہ چارجز بھی وصول کررہی ہیں کمپنیاں موبائل صارفین سے ہیلپ لائن کال کے چارجز بھی وصول کیے جاتے ہیں جو صارفین دشمنی کا واضح ثبوت ہے ،100روپے کے کارڈ سے لیکر ایزی لوڈ کی بھی مدت مقرر ہے اگر مقررہ مدت تک صارف بیلنس استعمال نہ کرنے تو کمپنیاں بیلنس ہڑپ کرجاتی ہیں جو کہ قانوناًاور شرعاًطور پر منع ہے عوام نے چیف جسٹس آف پاکستان،وزیر اعظم ،صدر ،وزیر داخلہ ،چیئرمین پی ٹی اے ،وفاقی محتسب عدالت اور چیئرمین نیب سے اصلاح و احوال کا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واپڈا کی طرف فری انرجی سیور کی فراہمی عوام کے وبال جان بن گئی ،تفصیلات کے مطابق آئیسکو کی طرف سے صارفین کے بلوں کے ساتھ ایک فارم مہیا کیا گیا تھا
اٹک(این این اے)واپڈا کی طرف فری انرجی سیور کی فراہمی عوام کے وبال جان بن گئی ،تفصیلات کے مطابق آئیسکو کی طرف سے صارفین کے بلوں کے ساتھ ایک فارم مہیا کیا گیا تھا جس میں درج تھا کہ صارفین کے پاس آئیسکو کی ٹیم گھرگھر آئے گی اور ساتھ میں صارف 2عدد بلب دے کر دو نئے انرجی سیور فری حاصل کرے گا لیکن اب صورتحال مختلف ہوچکی ہے آئیسکو کی ٹیم دن کو دور دراز کسی چوک یا سٹرک میں آجاتی اور اس کی اطلاع بھی صارفین تک نہیں پہنچتی ہے جو شخص آئیسکو کی ٹیم کو دیکھ لے وہ انرجی سیور حاصل کرلیتا ہے اور باقی صارف اس سہولت سے مستفید نہیں ہوسکتے عوام کا کہنا ہے آئیسکو ٹیموں کو ہر گھر میں جا کر انرجی سیور صارفین کو دینے چاہیں نہ کہ ہر روز نئی گلی یا چوک میں ٹیم آکر انرجی سیور مہیا کرے عوام نے چیف جسٹس آف پاکستان ،صدر ،وزیر اعظم ،وفاقی وزیر پانی و بجلی ،چیئرمین آئیسکو سے اصلاح و احوال کا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کونسل آف پاکستان نیوز پیپر ایڈیٹرز (سی پی این ای ) کے صدر مجیب الرحمان شامی اور سیکریٹری جنرل ڈاکٹر جبار خٹک نے ایکسپریس گروپ کے تین کارکنوں کی شہادت پر انتہائی رنج و غم کا اظہار کرتے ہوئے
کراچی (این این اے) کونسل آف پاکستان نیوز پیپر ایڈیٹرز (سی پی این ای ) کے صدر مجیب الرحمان شامی اور سیکریٹری جنرل ڈاکٹر جبار خٹک نے ایکسپریس گروپ کے تین کارکنوں کی شہادت پر انتہائی رنج و غم کا اظہار کرتے ہوئے دہشتگردی کے اس انتہائی شرمناک واقعے کی شدیدمذمت کرتے ہوئے ایکسپریس گروپ کے ساتھ مکمل اظہار یکجہتی کیا ہے ۔سی پی این ای کے رہنماوں کی جانب سے آج یہاں جاری کئے جانے والے ایک بیان میں اس امر پر غم و غصہ کا اظہار کیا گیاہے کہ گزشتہ چھ ماہ کے دوران ایکسپریس گروپ کوتین بار دہشتگردی کا نشانہ بنائے جانے کے باوجود ان واقعات میں ملوث افراد کو گرفتار نہیں کیا جاسکا جس کی وجہ سے سے میڈیا سے وابستہ افراد کو نشانہ بنانے کے واقعات میں مسلسل اضافہ ہورہا ہے یہ ریاستی اداروں کی ناکامی کا منہ بولتا ثبوت ہے۔ گزشتہ چند سالوں سے ملک میں دہشتگردی کی جاری لہر کے دوران میڈیا سے وابستہ افراد کی ہلاکتوں کی تعداد ایک سو کے قریب جاپہنچی ہے اور قاتل آج بھی آزادانہ طور پر گھوم رہے ہیں ۔بیان میں اس عزم کا اعادہ کیا گیا ہے کہ دہشتگردوں اور انتہا پسند عناصر کی طرف سے میڈیا کی آواز کو دبانے کی ہر مذموم کاروائی کی مزاحمت کی جائے گی اور ان کے قلم کی حرمت پر ہرگز آنچ نہ آسکے گی صحافت کے پیشہ کے لئے دنیا کا تیسرا خطرناک ملک قرار دئے جانے کے باوجو پاکستانی دمیڈیا سے وابستہ افراد کے حوصلے بلند ہیں اس لئے کسی بھی مذموم کاروائی کو خاطر میں لائے بغیر پاکستانی میڈیا اپنا مشن جاری رکھے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گردونواح میں ڈکیتی کی مختلف وارداتوں کے نتیجہ میں شہری لٹ گئے تھانہ صدر کے علاقہ جھامکے کے قریب دو مسلح ڈاکوئوں نے شہری عبدالرشید سے گن پواینٹ پر 25ہزار روپے نقدی اور دو قیمتی موبائل فونز چھین لیے
شیخوپورہ(این این اے)گردونواح میں ڈکیتی کی مختلف وارداتوں کے نتیجہ میں شہری لٹ گئے تھانہ صدر کے علاقہ جھامکے کے قریب دو مسلح ڈاکوئوں نے شہری عبدالرشید سے گن پواینٹ پر 25ہزار روپے نقدی اور دو قیمتی موبائل فونز چھین لیے ،تھانہ فیکٹری ایریا کے علاقہ صدیق سی این جی پمپ کے قریب مسلح ڈاکوئوں نے ناکہ لگا کر خوشی محمد سمیت تین راہگیروں سے نقدی ،موبائل فونز،اور ضروری کاغذات چھین لیے ،تھانہ اے ڈویژن کے علاقہ نئی آبادی آرائیانوالہ یونس سٹریٹ میں دو مسلح افراد نے ایک راہگیر کو یرغمال بنا کر اس سے نقدی اور موبائل فونز چھین لیے متعلقہ تھانوں کی پولیس مصروف تفتیش ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف سیاسی سماجی شخصیت فرزانہ مسعوداکبر خان نے کہا ہے کہ غفلت ولاپرواہی کے مرتکب پولیس اہلکاروں پر نجی ٹی وی چینل کی ڈی ایس این جی پر حملہ اور شہید ہونے والوں کا مقدمہ ان اہلکاروں پر بھی درج ہونا چاہیے
شیخوپورہ(این این اے) معروف سیاسی سماجی شخصیت فرزانہ مسعوداکبر خان نے کہا ہے کہ غفلت ولاپرواہی کے مرتکب پولیس اہلکاروں پر نجی ٹی وی چینل کی ڈی ایس این جی پر حملہ اور شہید ہونے والوں کا مقدمہ ان اہلکاروں پر بھی درج ہونا چاہیے جو حملہ کے وقت اسی علاقہ میں اپنے فرائض منصبی کی زمہ داریاں نبھارہے تھے،دہشتگردوں نے ملک پاکستان کو اپنی جاگیر بنارکھا ہے جبکہ قانون نافذ کرنے والے اداروں کو پاس کوئی بھی میکنیزم موجود نہ ہے کہ وہ دہشتگردوں کو ٹریس آوٹ کرسکیں ،ایٹمی طاقت ہونے کے باوجود طالبان مضبوط اور موجودہ حکومت کمزور دکھاء دے رہی ہے جو کہ ان کے ٹھکانوں پر نصب کئے گئے انٹر نیٹ اور دیگر سسٹمز کو بے نقاب نہ کرسکیں ہیں ،ان خیالات کااظہار انہوںنے اخبار نویسوں سے بات چیت کے دوران کیا ،محترمہ فرزانہ مسعود اکبر خان کا کہناتھا کہ موجودہ حکومت طالبان کے ساتھ مذاکرات کرنے میں سنجیدہ نہیں ہے اور کسی اور ایجنڈے پر کام کرنے کی تیاریوں میں حکومت لگی ہوئی ہے اب تو غریب صحافیوں کو نشانہ بنایا جانے لگا ہے اگر یہ بھی پاکستان میں نہ ہوتے تو آج اصل حقائق سے قوم باخبر نہ رہتی انہوںنے کہا کہ ہم اس واقعہ کی مذمت کرتے ہیںاور ملزمان کی گرفتاری کا مطالبہ کرتے ہیں اور دوران صحافت شہید ہونے والے محب وطنوں کو سلیوٹ کرتے ہیں جنہوںنے اپنی جانوں کا نذرانہ عوام کی آواز کے لیے پیش کیں،انہوں نے آخر میں کہا کہ قانون نافذ کرنے والے ادارے اپنی تمام ترتوانائیوں کو بروے کار لاتے ہوئے ملزمان کو کٹہرے میں لائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے سیکرٹری ٹیچر چوہدری انعالم الحق گجرنے رانا ثناء اللہ کے بیان پر اپنے ردِعمل کا اظہار کرتے ہوئے کہاکہ رانا ثناء اللہ کو چیئرمین عمران خان کے خلاف اپنی زبان سنبھال کر بات کرنی چاہئے
شیخوپورہ(این این اے)پاکستان تحریک انصاف کے سیکرٹری ٹیچر چوہدری انعالم الحق گجرنے رانا ثناء اللہ کے بیان پر اپنے ردِعمل کا اظہار کرتے ہوئے کہاکہ رانا ثناء اللہ کو چیئرمین عمران خان کے خلاف اپنی زبان سنبھال کر بات کرنی چاہئے ، رانا ثناء اللہ اور ان کے دیگر ساتھیوں کو عمران خان فوبیا ہو گیا ہے ، (ن) لیگ کو وفاق میں تین بار اور صوبے میں چھ مرتبہ اقتدار مل چکا ہے لیکن عوام کے لئے کچھ نہیں کیا ،اگر قوم سے (ن)لیگ اتنی مخلص ہوتی تو اپنے لیڈروں کے بیرون ملک پڑے ہوئے اثاثے پاکستان منتقل کرتی،ان خیالات کااظہار انہوںنے طارق روڈ پر مرزا اشرف بیگ سابقہ کونسلر وارڈ نمبر22کے دورہ کے بعد میڈیا کے نمائندوں سے بات چیت کے دوران کیا ،انہوں نے کہاکہ پنجاب میں امن وامان کی صورتحال ابتر سے ابتر ہوتی جا رہی ہے اور صوبے میں ڈاکو راج قائم ہے، سرکاری وسائل کو پنجاب کے حکمران اپنی ذاتی تشہیر کے لئے بے دریغ استعمال کررہے ہیں،چوہدری انعام الحق گجرمزید کہا کہ علماء اکرام،صوفیا اکرام،مسیحی برادری،عام شہریوں کے بعد اب میڈیا کے نمائندوں کاقتل عام کیا جانا اس بات کی غمازی کرتا ہے کہ موجوہ حکومت عام شہریوں ،اور میڈیاکے ان نمائندوں کی حفاظت کرنے میں بری طرح ناکام ہوچکے ہیں جو معاشرہ کی آنکھ ہیں انہوںنے کہا کہ پی ٹی آئی نے ہمیشہ اصولوں کی سیاست کی ہے اور حکومت کی ناقص پالیسیوں کی نشاندہی کرتی رہے گی انہوں نے مزید کہا کہ پنجاب میں پی ٹی آئی کے کارکنوں پر جھوٹے مقدمات بنائے جارہے ہیں جس کی ہم بھرپورمذمت کرتے ہیں ، رانا ثناء اللہ جیسے (ن) لیگ کے تنخواہ دار ملازموں کو عمران خان پر تنقیدکرنے کے ہی پیسے ملتے ہیں۔ (ن) لیگ صوبے میں بلدیاتی الیکشن اس لئے راہ فرار چاہتی ہے کہ کیونکہ ان کو اپنی واضح شکست نظر آرہی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجی ٹی وی چینل،اینکر پرسن،نیوز کاسٹرز،کیمرامینوں اور تمام میڈیا مینوں سے شہید ہونے والے صحافیوں کو خراج تحسین پیش کرتے ہیں جنہوںنے حق کی آواز کو بلند کیا
شیخوپورہ(این این اے)نجی ٹی وی چینل،اینکر پرسن،نیوز کاسٹرز،کیمرامینوں اور تمام میڈیا مینوں سے شہید ہونے والے صحافیوں کو خراج تحسین پیش کرتے ہیں جنہوںنے حق کی آواز کو بلند کیا اور اپنی آوازکو بلند کیا،اگر قانون نافذ کرنے والے اداروں نے پہلے کئے گئے حملوں میں ملوث ملزمان کے خلاف قانونی کاروائی کی ہوتی تو آج تین قیمتی جانوں کا ضیاع نہ ہوتا ،ان خیالا ت کااظہارایم کیوایم پنجاب کمیٹی کے رکن محمد علی جواد نے میڈیا کے نمائندوں سے بات چیت کے دوران کیا ،انہوںنے کہا کہ میڈیا پر حملہ کرنے والے بزدل ہیں ،کیونکہ صحافی برادری معاشرہ میں سب سے کمزور ہے ہم اس واقعہ کی بھر پور مذمت کرتے ہیں اور شہید ہونے والے صحافیوں کو سلیوٹ کرتے ہیں جنہوں نے سچائی پر اپنی جانوں کو قربان کیا لیکن دشمنوں کے سامنے سر کو جھکایا نہیں ،محمد علی جواد نے کہا کہ حکومت مکمل طور پر ناکام ہوچکی ہے جبکہ طالبان مضبوط ہوتے جارہے ہیں اور حکومت کمزور دکھائی دے رہی ہے ،محمد علی جواد نے آخر میں کہا کہ ہم شہید ہونے والوں کے ورثاء کے غم میں برابر کے شریک ہیں اور موجودہ حکومت سے مطالبہ کرتے ہیں کہ ان ملزمان کے خلاف فی الفور مقدمہ درج کرنے کے علاوہ گرفتاریوں میں بھی عملی مظاہرہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کالا شاہ کاکو موٹروے پر شدید دھند کے باعث ایک تیزرفتار مزدا ویگن نے ورکشاپ کے مزدور کوکچل ڈالا جو موقعہ پر ہی جاں بحق ہوگیا جبکہ مزدا یگن الٹنے سے دو افراد بری طرح زخمی ہوگئے
شیخوپورہ(این این اے)کالا شاہ کاکو موٹروے پر شدید دھند کے باعث ایک تیزرفتار مزدا ویگن نے ورکشاپ کے مزدور کوکچل ڈالا جو موقعہ پر ہی جاں بحق ہوگیا جبکہ مزدا یگن الٹنے سے دو افراد بری طرح زخمی ہوگئے جن کو لاہور کے جناح ہسپتال میں منتقل کردیا گیا ہے بتایا گیا ہے کہ کالا شاہ کاکو موٹروے ورکشاپ کا مزدور اپنے گھر جانے کے لیے ورکشاپ سے نکل کر سڑک کی جانب جارہا تھا کہ اچانک ہی کالا شاہ کاکو سے لاہور جانے والی مسافر مزدا ویگن نمبری ایل ایکس این 2274بے قابو ہوکر 25سالہ قمر شہزاد سے ٹکرا کر الٹ کی گئی جسکے نتیجہ میں قمر شہزاد ولدغلام سرور موقعہ پر ہی جاں بحق جبکہ ویگن سوار افضل اور سرور شدید زخمی ہوگئے ٹریفک حادثہ کی اطلاع ملتے ہی موٹروے اہلکاروں نے زخمیوں کو لاہور کے جناح ہسپتال منتقل کردیا گیا ہے پولیس مصروف تفتیش ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستانی طلباء وطالبات بھرپور صلاحیتوںکے مالک اور محب وطن ہیں جن کی بدولت نئے پاکستان کی تکمیل ممکن ہوسکتی ہے پاکستان مسلم لیگ(ن) نے ملک کی ترقی میں نوجوانوں کو روال دستہ کی حثیت دیتے ہوئے
شیخوپورہ(این این اے)پاکستانی طلباء وطالبات بھرپور صلاحیتوںکے مالک اور محب وطن ہیں جن کی بدولت نئے پاکستان کی تکمیل ممکن ہوسکتی ہے پاکستان مسلم لیگ(ن) نے ملک کی ترقی میں نوجوانوں کو روال دستہ کی حثیت دیتے ہوئے قرضہ سکیم کا اجراء کیا جو ملکی دولت کا درست استعمال کرکے ملک کو ترقی کی راہوں پر گامزن کرینگے ان خیالات کااظہار پاکستان مسلم لیگ(ن) سٹی شیخوپورہ کے صدر و امیدوار برائے کونسلر وارڈنمبر16سینٹرل سٹی امجدنذیربٹ نے ”میٹ دی پریس ”میں اظہار خیال کرتے ہوئے کیا ،امجد نذیر بٹ نے کہا کہ اب ترقی کا راہیں ہموار ہونا شروع ہوگئی ہیں اور وہ دن دور نہیں جب ملک پاکستان روشنیوں کا ملک بن کر ابھرے گا،انہوںنے کہا کہ یورپی یونین کی طرف سے جی ایس پی پلس کا درجہ میاں برادران کی حب الوطنی کا نتیجہ ہے اور وہ ملک پاکستان کی ترقی کے لیے سنجیدہ ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بہاولپور شہر میں شیشہ کیفے بلیئرڈ کلب بدستور قائم ،نشہ اورجوئے سے شہری کنگال اورپولیس اہلکارموج کرنے لگے انتظامیہ اور پولیس کاروائی کرنے سے گریزاں
بہاولپور(این این اے)بہاولپور شہر میں شیشہ کیفے بلیئرڈ کلب بدستور قائم ،نشہ اورجوئے سے شہری کنگال اورپولیس اہلکارموج کرنے لگے انتظامیہ اور پولیس کاروائی کرنے سے گریزاں ، شہرکے مختلف علاقوں کرناں بستی گرلز کالج روڈ پل دیوان واہ ماڈل ٹاون بی، ماڈل ٹاون سی، سرکلرروڈ، سٹلائٹ ٹاون کمرشل ایریا میں شیشے کیفے بلیئرڈ کلب سر عا م نو جوا ن نسل کو گمرا ہ کر رہے ہیں جہاںکم عمر نوجوانوں کوجوئے پراکسایاجاتاہے دس دس روپے سے شروع ہونے والاٹوکن(جوائ) پولیس اور انتظامیہ کی چشم پوشی کی وجہ سے سینکڑوں روپے پرختم ہوتاہے جس سے نو جو ان نسل تباہ ہو رہی ہے ،تفصیل کے مطابق بہاولپور شہر میں مختلف علاقوں کرناں بستی گرلز کالج روڈ پل دیوان واہ ماڈل ٹاون بی، ماڈل ٹاون سی، سرکلرروڈ، سٹلائٹ ٹاون کمرشل ایریا میں شیشہ کیفے بدستو ر قائم ہیں ان بلیئرڈ کلبوں اورشیشہ کیفوں میں سرعام شراب چرس افیون اوردیگرمنشیات کاکھلے عام استعمال کیاجاتاہے اوربے شمار بلیئرڈ کلب اورشیشہ کیفے اس مکروہ دھندھے کو جار ی رکھے ہوئے ہے جس کی وجہ سے نوجوان نسل تباہ ہو رہی ہے جبکہ انتظامیہ نے اس بات کا فی الحال کوئی بھی نوٹس نہیں لے رہی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلزپارٹی غریب ومتوسط طبقہ کی نمائندہ جماعت ہے پاکستان پیپلزپارٹی جمہوریت کی مضبوطی پریقین رکھتی ہے۔ یہ بات سابق ڈپٹی اٹارنی جنرل آف پاکستان خان محمدحسین آزادنے اپنے ایک بیان میں کیا
بہاولپور(این این اے)پاکستان پیپلزپارٹی غریب ومتوسط طبقہ کی نمائندہ جماعت ہے پاکستان پیپلزپارٹی جمہوریت کی مضبوطی پریقین رکھتی ہے۔ یہ بات سابق ڈپٹی اٹارنی جنرل آف پاکستان خان محمدحسین آزادنے اپنے ایک بیان میں کیا انہوں نے کہا کہ سابق صدرمملکت آصف علی زرداری نے پانچ سالوں میں جمہوریت کی مضبوطی کوفروغ دیاہے پانچ سالوں میں مفاہمت کی پالیسیوں سے جمہوریت کوپٹڑی سے نہیں اترنے دیا اورغریب پرور اقدامات کرکے شہریوں کو ریلیف فراہم کیاہے ایوان صدر کی تاریخ میں پہلی مرتبہ پہلاجمہوری صدرباوقار انداز میں رخصت ہواہے عوامی سطح پرجمہوری اقدار کی تعریف ہی پارٹی کاسرمایہ ہے پاکستان پیپلزپارٹی کی حکومت پرتنقید کرنیوالے جمہوریت کی بساط الٹنے والوں کے ساتھ رہے ہیں عوام پاکستان پیپلزپارٹی کی جمہوری حکومت کوموجودہ حکومت کے مقابلہ میں بہترسمجھنے لگے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بیرونی قوتیں پاکستان کو غیر مستحکم کرنے کی سازشیں کررہی ہیںجس کے نتیجے میں کراچی میں آگ لگی ہوئی ہے پاکستان کلمہ طیبہ کے نام پر بنایا گیا ہے
بہاولپور(این این اے)بیرونی قوتیں پاکستان کو غیر مستحکم کرنے کی سازشیں کررہی ہیںجس کے نتیجے میں کراچی میں آگ لگی ہوئی ہے پاکستان کلمہ طیبہ کے نام پر بنایا گیا ہے جس کی حفاظت کے لیے ہم سب کو متحد ہونا ضروری ہے۔ان خیالات کا اظہار امیر جماعة الدعوة بہاولپور رانا عمر فاروق نے کارکنان کی ایک میٹنگ میں کیاانہوں نے کہا ایکسپریس میڈیا گروپ پر متواتر حملوں کا مطلب آزادی صحافت پر حملہ ہے حملوں سے سچائی کی آواز کمزور نہیں ہوسکتی ۔ایکسپریس میڈیا گروپ کے تین کارکنان کے قتل میں ملوث ملزمان کو فوری طور پر گرفتار کیا جائے ۔ دہشت گرد پورے ملک میں معصوم لوگوں کو نشانہ بنا رہے ہیں۔ اب اس سے میڈیا بھی محفوظ نہیں ہے ۔ دہشتگردوں کے خلاف جنگ میں سب کو متحد ہوکر کام کرنا ہوگا۔ اسطرح کے دہشتگردی کے واقعات سے آزادی صحافت کو نہیں روکا جاسکتا ۔ میڈیا کی آواز کو دبانے کی اجازت نہیں دی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب ہائی وے پٹرول بہاولپور ریجن کی موبائل ایجوکیشن یونٹ نے رحیم یار خاں کے مختلف مقامات گورنمنٹ ہائی سکول، ترنڈہ محمد پناہ اور ظاہر پیر میں روڈ سیفٹی اور ڈینگی بخار سے آگاہی کے کیمپ منعقد کیے
بہاولپور(این این اے)پنجاب ہائی وے پٹرول بہاولپور ریجن کی موبائل ایجوکیشن یونٹ نے رحیم یار خاں کے مختلف مقامات گورنمنٹ ہائی سکول، ترنڈہ محمد پناہ اور ظاہر پیر میں روڈ سیفٹی اور ڈینگی بخار سے آگاہی کے کیمپ منعقد کیے۔انچارج موبائل ایجوکیشن یونٹ نے سکول کے طلباء سے خطاب کرتے ہوئے کہا کہ سڑک کراس کرتے وقت زیبرا کراسنگ کا استعمال کریں سڑک پر آنے سے پہلے دونوں اطراف دیکھیں اور تسلی کریں پھر سڑک کراس کریں۔جبکہ دھند کے موسم میں غیر ضروری سفر سے پرہیز کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف معالج ڈاکٹر منیر چوہدری نے کہا ہے کہ سردی کی شدید لہر کی وجہ سے بچوں کو نمونیا کا خدشہ ہوتا ہے۔احتیاطی تدابیر پر عمل کیا جائے
بہاولپور(این این اے)معروف معالج ڈاکٹر منیر چوہدری نے کہا ہے کہ سردی کی شدید لہر کی وجہ سے بچوں کو نمونیا کا خدشہ ہوتا ہے۔احتیاطی تدابیر پر عمل کیا جائے اور انہیں بے جا گھر سے باہر نہ بھیجیں۔بچوں کو گرم کپڑوں سے ڈھانپ کر رکھیں اور گرم تاثیر کی زود ہضم خوراک دی جائے۔ ڈاکٹر منیر چوہدری نے کہا کہ گیس کے ہیٹر کے مسلسل استعمال سے بند کمرے میں آکسیجن کی کمی کا خدشہ ہو تا ہے اس سلسلہ میں رات کو سونے سے قبل ہیٹر بند کر دیئے جائیں اور سردی سے بچنے کیلئے گرم کپڑے استعمال کیے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتہائی باوثوق ذرائع کے مطابق آئندہ ماہ کویت ۔پاکستان سمیت تمام ان ممالک جن پر پابندی عائد تھی آئندہ ماہ (فروری ) میں ویزہ پر عائد پابندی اٹھالے گا
لاہور(این این اے) انتہائی باوثوق ذرائع کے مطابق آئندہ ماہ کویت ۔پاکستان سمیت تمام ان ممالک جن پر پابندی عائد تھی آئندہ ماہ (فروری ) میں ویزہ پر عائد پابندی اٹھالے گا ۔کویت میں نئے شہرتعمیر کئے جارہے ہیں جہاں مزدوروں کی اشدضرورت ہے ۔اس سلسلے میں ایک خصوصی اجلاس ہوا جہاں یہ فیصلہ کیاگیاکہ پاکستان سمیت ان تمام ممالک کے شہریوں پر عائد پابندی ختم کی جائے تاکہ کویت کی تعمیر وترقی میں پیش رفت ہوسکے
