ڈنگہ کی خبریں 02.06.2013
Posted on June 3, 2013 By Tahir Webmaster سٹی نیوز
بجلی کا شارٹ فال بڑھنے سے ڈنگہ سمیت گردونواح میں 14گھنٹے کی لوڈشیڈنگ کی جاری ہے
ڈنگہ (محمد بلال احمد بٹ) ذرائع کے مطابق بجلی کی پیداوار 12 ہزار اورطلب 18 ہزار میگاواٹ ہے،شارٹ فال ایک بار پھر6 ہزار میگاواٹ سے تجاوز کر گیا ہے۔اس صورتحال میں ڈنگہ سمیت گردونواح میں 14 گھنٹے کی لوڈشیڈنگ کی جاری ہے۔یہاں یہ بات بھی قابل ذکر ہے کہ حکومتی مشنری اوراعلیٰ افسران کی رہائش گاہوں پر مشتمل علاقوں جی او آر ون اور ٹومیں لوڈشیڈنگ نہیں کی جا رہی۔ جس کی وجہ سے دوسرے علاقوں کو زیادہ لوڈشیڈنگ کا سامناہے، چھوٹے شہروں ،قصبات اور دیہات میں غیراعلانیہ اورطویل لوڈشیڈنگ کی صورتحال مزیدابترہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نو منتخب پنجاب اسمبلی کے اسپیکر اور ڈپٹی اسپیکر کا انتخاب کل3 جون کو ہو گا
ڈنگہ(محمد بلال احمد بٹ)نو منتخب پنجاب اسمبلی کے اسپیکر اور ڈپٹی اسپیکر کا انتخاب کل3 جون کو ہو گا۔ اپوزیشن کے امیدواروں نے کاغذات نامزدگی جمع کرا دیئے ہیں جبکہ مسلم لیگ ن کی طرف سے آج کاغذات جمع کرائے جائیں گے۔گزشتہ
روزپنجاب کی 15ویں اسمبلی کاافتتاحی اجلاس ہوا،جس میں نومنتخب ارکان نے حلف اٹھایا، شیڈول کے مطابق پنجاب اسمبلی کے اسپیکر اور ڈپٹی اسپیکر کا انتخاب 3 جون ، جبکہ وزیراعلیٰ کا انتخاب 6 جون کو ہو گا، شیڈول کا اعلان ہوتے ہی تحریکِ انصاف اور مسلم لیگ ق کی طرف سے اسپیکر اور ڈپٹی اسپیکر کے مشترکا امیدواروں نے کاغذات نامزدگی جمع کرا دیئے،اسپیکر کے عہدے کے لئے تحریکِ انصاف کے راجا راشد حفیظ اور ڈپٹی اسپیکر کے لئے مسلم لیگ ق کے سردار وقاص حسن سامنے آئے ہیں، مسلم لیگ ن کی طرف سے ابھی تک اسپیکر اور ڈپٹی اسپیکر کے امیدواروں نے کاغذات جمع نہیں کرائے،کاغذات جمع کرانے کا آخری وقت آج شام 5 بجے تک ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اقتصادی سروے کے مطابق پاکستان میں اس سال بے روزگاری کی شرح میں اعشاریہ چار فیصد کا اضافہ ہوا
ڈنگہ(محمد بلال احمد بٹ)اقتصادی سروے کے مطابق پاکستان میں اس سال بے روزگاری کی شرح میں اعشاریہ چار فیصد کا اضافہ ہوا ہے ایک اقتصادی سروے کے مطابق پاکستان میں بے روزگاری کی شرح میں اضافہ ہوا ہے۔ گزشتہ مالی سال بے روزگاری کی شرح چھ اعشاریہ ایک فیصد تھی۔ جبکہ اس سال یہ شرح چھ اعشاریہ پانچ فیصد تک جا پہنچی ہے۔مالی خسارے میں گزشتہ سال کی نسبت چارکھرب روپی اضافہ ہوا گزشتہ مالی سال فی کس آمدنی بارہ سو ڈالر سالانہ تھی جبکہ حالیہ سا ل فی کس آمد نی تیرہ سو پینتیس ڈالر تک جا پہنچی ہے اس حساب سے پاکستانیوں کی فی کس آمدنی میں ایک سو پینتیس ڈالر کا اضافہ ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بڑے بڑے دعوے کرنے والوں کو عوام نے مسترد کردیا ہے،قوم اب بیدار ہو چکی ہے،چوہدری قمر شہزاد وکی گجر
ڈنگہ(محمد بلال احمد بٹ)چوہدی قمر شہزاد وکی گجر نے نے اپنے بیان میں کہا کہ بڑے بڑے دعوے کرنے والوں کو عوام نے مسترد کردیا ہے، قوم اب بیدار ہو چکی ہے، انہوں نے کہا کہ دھاندلی کے باوجود جس طرح عوام نے چوہدری پرویز الٰہی کا کامیاب کیا ہے اور لوگوں نے اپنے عظیم قائدین پر اعتماد کیا اور ان کو بھاری اکثریت سے کا میاب کروایااس کی مثال نہیں ملتی،انہوں نے کہا کہ ہم مسلم لیگ (ق) کے تمام امیدواروں کو صمیم قلب سے مبارک باد دیتے ہیں جنہوں نے ملک بھر سے قومی و صوبائی اسمبلی میں حلف اٹھالیا ہے، انہوں نے کہا کہ ہم امید کرتے چوہدری برادران پہلے کی نسبت اب گجرات کی عوام کو زیادہ سہولیات مہیا کریں گئے اور زیادہ سے زیادہ ترقیاتی کام کروائیں گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام نے تبدیلی کو ووٹ دیئے ہیں،اور اب حکومتی اداروں کو بھی احساس ہو جانا چاہیئے کہ اہم کارکردگی پر کوئی سمجھوتہ نہیں کریں گے، چوہدری شرافت حسین ایڈووکیٹ
ڈنگہ (محمد بلال احمد بٹ)پاکستان تحریک انصاف کے ضلعی جنرل سیکرٹری چوہدری شرافت حسین نے اپنے بیان میں کہا کہ عوام نے تبدیلی کو ووٹ دیئے ہیں، اور اب حکومتی اداروں کو بھی احساس ہو جانا چاہیئے کہ اہم کارکردگی پر کوئی سمجھوتہ نہیں کریں گئے،انہوں نے کہا کہ لوگ تعلیم ، صحت جیسے کئی شعبوں سے پریشان ہیں، کہ نہ جانے آنے والا وقت کیسا ہو گا عوام الیکشن کی زیادتیوں کو تو بھول جائیں گئے مگر عوام کے ساتھ اگر اب کوئی زیادتی کی گئی تو اس کا فیصلہ یہ حکمران خود کریں گئے کیونکہ جو مینڈیٹ عوام نے دیا ہے عوام کو وہ مینڈیٹ واپس لینا بھی آتا ہے انہوں نے کہا کہ ہماری جماعت تحریک انصاف کے قائدین اپوزیشن میں بیٹھ کر عوام کو مایوس نہیں کریں گئے، اور نہ وہ عوام کے اعتماد کو ٹھیس پہنچائیں گئے جو عوام نے ان پر کیا ہے ،انہوں نے کہا کہ ہم ان تمام قومی و صوبائی نو منتخب ارکان اسمبلی کو دل کی گھرائیوں سے مبارک باد پیش کرتے ہیں اور امید کرتے ہیں کہ وہ عوام کے دئیے ہوئے اعتماد کو ٹھیس نہ پہنچائیں گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ملکی خزانہ لوٹنے والوں کا کڑا احتساب کیا جائے ،میاں طارق محمود ایم پی اے
ڈنگہ(محمد بلال احمد بٹ) نومنتخب ایم پی اے میاں طارق محمود نے اپنے بیان میں کہا کہ ملکی خزانہ لوٹنے والوں کا کڑا احتساب کیا جائے ، گاانہوں نے کہا کہ مسلم لیگ ن سمجھوتوں کی سیاست اور سیاست برائے سیاست کی بجائے صاف ستھری سیاست پر یقین رکھتی ہے اسی لئے ہماری قیادت نے سمجھوتوں پر مبنی حکومت بنانے کی بجائے باہر بیٹھنے کو ترجیح دی تھی، مسلم لیگ ن کی حکومت قومی مفاد اور عوامی امنگوں پر پورا اترے گی۔ ملک کو معیشت کا عدم استحکام، شدید بحران درپیش ہے، غربت، بیروزگاری اور دہشت گردی سب کی بنیادی وجہ خراب ترین معاشی صورتحال ہے، ہم نے قوم کے اوپر موجود قرضوں اور خساروں کے بوجھ کو ختم کرنے کے لئے اپنی خواہشات کو قربان کرنا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نومنتخب ایم این اے مرکزی راہنما پاکستان مسلم لیگ ن چوہدری جعفر اقبال نے کہا ہے کہ مسلم لیگ (ن) ملک کو اندھیروں سے نکال کر خوشحالی کی طرف گامزن کرے گی
ڈنگہ(محمد بلال احمد بٹ)نومنتخب ایم این اے مرکزی راہنما پاکستان مسلم لیگ ن چوہدری جعفر اقبال نے کہا ہے کہ مسلم لیگ (ن) ملک کو اندھیروں سے نکال کر خوشحالی کی طرف گامزن کرے گی۔ عوام کے مسائل کو حل کیا جائے گا۔ مسلم لیگ (ن) کی حکومت ملک میں جاری لوٹ کھسوٹ کا خاتمہ کر کے مہنگائی جیسے مسائل پر قابو پا کر عوام کے لئے روزگار کے مواقع پیدا کرے گی مسلم لیگ ن الیکشن کے دوران کئے گئے وعدے پورے کریگی گذشتہ پانچ سالوں میں توانائی کی طلب میں اضافے کے باعث ایندھن کے امدادی بل میں دگنا اضافہ ریکارڈ کیا گیا، توانائی کا بحران شدت اختیار کر چکا ہے اور طلب میں مسلسل اضافہ ریکارڈ کیا جا رہا ہے مسلم لیگ ن حکومت کی کوشش ہوگی کہ بجلی اور آٹے سمیت کھانے پینے کی دیگر اشیا پر سبسڈی ختم نہ کرے۔اور نہ ہی ایسی چیزوں کی قیمتوں میں اضافہ کرے۔ کھاد پر دوبارہ سبسڈی دی جاسکتی ہے۔ پراپرٹی ٹیکس کے نئے ریٹس لاگو نہیں کییء جائینگے۔ البتہ ایسے ٹیکس اور ڈیوٹیوں کی شرح میں اضافہ زیر غور ہے۔ جو براہ راست عوام الناس کو متاثر نہیں کرتیں۔اوران کاتعلق ایک خاص طبقے تک محدود رہتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں برادران ماضی کی طرح پھر سیاسی جلسوں میں عوام سے کئے گئے وعدوں سے مکر رہے ہیں،چوہدری اعجاز احمد رنیاں
ڈنگہ(محمد بلال احمد بٹ)سابق امیدوار حلقہ پی پی112راہنما پاکستان مسلم لیگ ق چوہدری اعجاز احمد رنیاں نے کہاہے کہ میاں برادران ماضی کی طرح پھر سیاسی جلسوں میں عوام سے کئے گئے وعدوں سے مکر رہے ہیں لودشیڈنگ کا چھ ماہ میں خاتمہ کرنے والے اب عوام کو کہہ رہے ہیں کہ حکومت سنبھالتے ہی لوڈشیڈنگ کو ختم نہیں کیاجا سکتا خزانہ خالی ہے اقتدار میں آنے سے پہلے ہی وہ تمام باتوں کو یکسر نظر انداز کر کے عوام سے کہہ رہے ہیں بجلی کا بحران آسانی سے ختم نہیں ہو سکتا۔ مسلم لیگ ق کے ترقیاتی کاموں پر ناموں کی تختیاں لگا کر سیاست زیادہ دیر نہیں چل سکے گی مسلم لیگ ن کو عوام کے لئے اقدامات کرنے پڑیں گے ورنہ عوام وہی حال ان کا کریں گے جن کا وہ منجے ہوئے سیاست دانوں کا کر چکے ہیں اب عوام کو زیادہ دیر دھوکہ نہیں دیا جا سکتا عوام باشعور ہو گئے ہیں وہ ق لیگ کے دور کے ترقیاتی کاموں کو سمجھتے ہیں اب مسلم لیگ ن کو اس سے بھر کر کچھ کرنا ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نادرا کی موبائل ٹیم تین سے پانچ جون تک لیڈی ولنگڈن ہسپتال میں ملازمین، ڈاکٹرز اور نرسوں کو کمپیوٹرائزڈ قومی شناختی کارڈ مہیا کرے گی
ڈنگہ(محمد بلال احمد بٹ) نادرا کی موبائل ٹیم تین سے پانچ جون تک لیڈی ولنگڈن ہسپتال میں ملازمین، ڈاکٹرز اور نرسوں کو کمپیوٹرائزڈ قومی شناختی کارڈ مہیا کرے گی جس سے نہ صرف سینکڑوں لوگ قومی شناختی کارڈ حاصل کرکے اپنا اہم قومی فریضہ ادا کریں گے بلکہ اُن کے قیمتی وقت کی بچت بھی ہو گی۔ 10 سے 12 جون تک نادرا کی موبائل ٹیم میوہسپتال میں عملے کو کمپیوٹرائزڈ قومی شناختی کارڈ مہیا کرے گی۔ اس کا اہتمام پیشنٹ ویلفیئر سوسائٹی لیڈی و لنگڈن و میوہسپتال نے کیا ہے۔ پیشنٹ
ویلفیئر سوسائٹی اور انجمن تاجران آٹو پارٹس بادامی باغ کے صدر وقار احمد میاں نے بہترین تعاون مہیا کرنے پر نادرا کو سراہا اور کہا کہ اس کے بہت دور رس نتائج برآمد ہونگے۔
