ڈنگہ کی خبریں 02.07.2013
Posted on July 3, 2013 By Tahir Webmaster سٹی نیوز
ڈنگہ : وفاقی حکومت نے ایک ہزار سی سی تک لائف ٹائم ٹوکن ٹیکس ادا کرنے والی گاڑیوں پر 7500 روپے لائف ٹائم ٹوکن انکم ٹیکس وصول کرنے کا نوٹیفکیشن جاری کر دیا
ڈنگہ(محمد بلال احمد بٹ)وفاقی حکومت نے ایک ہزار سی سی تک لائف ٹائم ٹوکن ٹیکس ادا کرنے والی گاڑیوں پر7500روپے لائف ٹائم ٹوکن انکم ٹیکس وصول کرنے کا نوٹیفکیشن جاری کر دیا، پنجاب حکومت نے گذشتہ سال ایک ہزار سی سی کی گاریوں کے مالکان کو دس ہزار روپے ادا کرنے کے بعد ہمیشہ کیلئے ٹوکن ختم کرنے کی سہولت سکیم شروع کی،یہ سہولت صرف پنجاب میں شروع کی گئی، وفاقی حکومت نے نئی اور پرانی گاڑیوں پر7500 روپے لائف ٹائم انکم ٹیکس عائد کر دیا اس کا اطلاق یکم جولائی 2013 سے ہو گا یہ ٹیکس پنجاب حکومت وصول کر کے وفاقی حکومت کو ادا کرے گی، اس طرح یکم جولائی سے ایک ہزار سی سی تک کی گاریوں پراٹھارہ ہزار سے بیس ہزار روپے لائف ٹائم ٹوکن ٹیکس ادا کرنا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری امجد علی ہاں چاند سے بیٹے کی پیدائش پر دوست احباب کی مبارکبادیں
ڈنگہ(محمد بلال احمد بٹ)علاقہ کی ممتاز زمیندار اور معتبر شخصیت چوہدری اصغر علی بانیاں کے پوتے اور انکے صاحبزادے چوہدری امجد علی ہاں چاند سے بیٹے جرمنی میں مقیم چوہدری اسجد علی،چوہدری ساجد علی کے ہاں بھتیجے محمد حسن علی کی پیدائش پر ان کے دوست احباب عزیز واقارب نے انہیں اور انکی فیملی کو مبارکباددیتے ہوئے دعا کی ہے کہ اللہ تعالیٰ نومولود کو اپنا اور اپنے پیارے رسول محمدۖ کا اطاعت گزار بنائے اور اپنے والد ین کا فرما نبردار بنائے اور نومولود کو عمر طویل عطا کرے، ضمیر احمد بٹ،راجہ ارشد اقبال، سلیم عابد پیرزادہ، محسن علی، شاہ احمد سلیم، ناظم علی راجہ،شاہ رخ سلیم، عدیل بٹ، غلام مصطفی بٹ اور دیگر نے دل کی اتھاہ گہرائیوں سے مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گجرات میں تعینات شولڈرز پروموشن کے خاتمہ کے بعد 9سب انسپکٹروں کی تنزلی ہو گئی
ڈنگہ(محمد بلال احمد بٹ)گجرات میں تعینات شولڈرز پروموشن کے خاتمہ کے بعد 9 سب انسپکٹروں غلام قادر،محمد خان،بشارت،افتخار احمد،مرزا ناصر،شہزاد احمد،محمد اشرف،محمد اختر اور عابد رسول کی اے ایس آئی کے عہدے پر تنزلی ہو گئی،جبکہ اے ایس آئی مہدی خان،آفتاب بیگ حوالدار بن گئے، گوجرانوالہ ڈویثرن میں65انسپکٹرز،سب انسپکٹرکی اے ایس آئی کی تنزلی ہو گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈی پی او گجرات سید علی ناصر رضوی نے ضلع گجرات کے چودہ تھانوں میں چودہ انسپکٹرز کو انچارج انوسٹی گیشن تعینات کر دیا ہے
ڈنگہ(محمد بلال احمد بٹ)ڈی پی او گجرات سید علی ناصر رضوی نے ضلع گجرات کے چودہ تھانوں میں چودہ انسپکٹرز کو انچارج انوسٹی گیشن تعینا ت کر دیا ہے جس سے تھانوں کے ایس ای اوز مقدمات کی تفتیش نہیں کر سکیں گے،تما م تعینات ہونے والے انسپکٹر کو سی آئی اے اورپولیس لائن سے بھیجا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈی سی او گجرات آصف بلال لودھی کی ہدایت پر اے سی گجرات عمر فاروق وڑائچ نے شہر کے مختلف علاقوں کا دورہ کیا
ڈنگہ(محمد بلال احمد بٹ)ڈی سی او گجرات آصف بلال لودھی کی ہدایت پر اے سی گجرات عمر فاروق وڑائچ نے شہر کے مختلف علاقوں کا دورہ کیا اور آرائشی لائٹس استعمال کرنے والے دس پیٹرول پمپ مالکان ،شادی ہال،سی این جی اسٹیشن اور پلازہ مالکان کو نوٹس جاری کر دیئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بائولے کتے کے کاٹنے سے چودہ سالہ نوجوان سہیل سکنہ سمبلی جاں بحق
ڈنگہ(محمد بلال احمد بٹ)بائولے کتے کے کاٹنے سے چودہ سالہ نوجوان سہیل ولد طاہر سکنہ سمبلی ہسپتال میں زیر علاج ہوتے ہوئے موت و حیات کی کشمکش میں مبتلا رہنے کے بعد جاں بحق ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رمضان المبارک کے دوران شہریوں کو سستے داموں اشیائے خوردونوش کی فراہمی کیلئے ضلع بھر میں سات رمضان المبارک بازار لگائے جائیں گے
ڈنگہ(محمد بلال احمد بٹ)رمضان المبارک کے دوران شہریوں کو سستے داموں اشیائے خوردونوش کی فراہمی کیلئے ضلع بھر میں سات رمضان المبارک بازار لگائے جائیں گے ان میں چاربازار گجرات تحصیل،دو کھاریاں اور ایک تحصیل سرائے عالمگیرمیں رمضان المبارک لگایا جائے گایہ فیصلہ حاجی ناصر کی زیر صدارت اجلا س میں کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب بھر میں36اضلاع میں بیس کلو آٹے کا تھیلہ630روپے میں دستیاب ہوگا
ڈنگہ(نامہ نگار)پنجاب بھر میں36اضلاع میں بیس کلو آٹے کا تھیلہ630روپے میں دستیاب ہوگا، اور عام دکانوں پر یہی تھیلا670روپے میں دستیاب ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : صرافہ مارکیٹ میں فی تولہ سونا 46500 روپے فی تولہ ہو گیا
ڈنگہ(محمد بلال احمد بٹ)صرافہ مارکیٹ میں فی تولہ سونا46500روپے فی تولہ ہو گیا،جبکہ چاندی 750روپے تولہ برقرار رہی،سونا64ہزار فی تولہ سے کم ہو کر 46500 روپے ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : فیڈرل بورڈ نے میٹرک کے نتائج کا اعلان کر دیا میٹرک کا رزلٹ انٹرنیٹ پر لوڈ کر دیا گیا ہے
ڈنگہ(محمد بلال احمد بٹ)فیڈرل بورڈ نے میٹرک کے نتائج کا اعلان کر دیا میٹرک کا رزلٹ انٹرنیٹ پر لوڈ کر دیا گیا ہے طلبہ و طالبات نیٹ سے رزلٹ معلوم کرستے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سی او پی کھاریاں چوہدری طارق محمود کے حکم پر بلڈنگ انسپکٹر ٹی ایم اے نان ہیڈ کوارٹر ڈنگہ چوہدری محمد اختر نے ناگفتہ بوسیدہ مکانوں کے مالکان و نوٹس جاری کر دیئے
ڈنگہ(محمد بلال احمد بٹ)سی او پی کھاریاں چوہدری طارق محمود کے حکم پر بلڈنگ انسپکٹر ٹی ایم اے نان ہیڈ کوارٹر ڈنگہ چوہدری محمد اختر نے ناگفتہ بوسیدہ مکانوں کے مالکان و نوٹس جاری کر دیئیٹی ایم اے کھاریاں نے ڈنگہ شہر میں مون سون کی بارشوں کے پیش نظر25مکانوں کے مالکان کو نوٹس جاری کر دیئے،ٹی ایم اے نے اپنے جاری کردہ نوٹس میں ناگفتہ اور بوسیدہ گھروں کے مالکا ن سے کہا ہے کہ وہ فوری طور پر ان گھروں کو مسمار کر دیں تاکہ کوئی ناخوشگوار واقعہ رونما نہ ہو سکے،ٹی او آر اور چیف آفیسر ٹی ایم اے نان ہیڈ کوارٹرڈنگہ نوید اشرف وڑائچ نے سیم نالہ پر ناجائز تجاوزات کے مرتکب بیس افراد کو نوٹس جاری کرتے ہوئے محکمہ ڈرینج سیم نالہ کو انکے خلاف کاروائی کرنے کیلئے بھیج دیا ہے۔
