ڈنگہ کی خبریں 07.09.2013
Posted on September 8, 2013 By Tahir Webmaster سٹی نیوز
ڈنگہ : ہم پاکستان کو خوشحال بنا کر ہی دم لیں گے،چوہدری جعفر اقبال ایم این اے
ڈنگہ(محمد بلال احمد بٹ)مرکزی راہنما پاکستان مسلم لیگ ن و ایم این اے چوہدری جعفر اقبال نے اپنے بیان میںکہا ہے کہ ہمیں پاکستان کو مشکل حالات سے نکالنا ہے پچھلے تیرا سالوں میں سابقہ حکمرانوں نے پاکستان کو گھمبیر حالات میں دھکیل دیا۔ میرے قائد بہت جلد اس ملک کو دلدل سے نکال کر تعمیر وترقی اور خوشحالی کی طرف لے جائیں گے۔ انہوں نے کہا کہ ملکی سلامتی، استحکام، اندورنی اور بیروبی خلفشار سے نجات، جغرافیائی ونظریاتی سرحدوں کا تحفظ اور امن وامان خوشحالی کیلئے میاں محمد نواز شریف کی اصلاحات قابل ستائش ہیں۔ آخر میں انہوں نے کہا کہ قوم کو قائداعظم کے پاکستان بنانے کی صلاحیت صرف قائد پاکستان میاں نوا ز شریف ہی کر سکتے ہیں۔ قوم میں جو گیارہ مئی کو جو مینڈیٹ دیا تھا وہ خوشحالی کا ہی دیا تھا ۔اور ہم پاکستان کو خوشحال بنا کر ہی دم لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :م لیگ (ن) دھاندلی میں تو پہلے ہی بہت مہارت رکھتی ہے لیکن اس مرتبہ وہ اس میں پی ایچ ڈی کر چکی ہے،چوہدری ندیم اصغر کائرہ
ڈنگہ(محمدبلال احمد بٹ)مرکزی راہنما پاکستان پیپلز پارٹی،سابق تحصیل ناظم کھاریاں چوہدری ندیم اصغر کائرہ نے اپنے بیان میں کہا کہ آصف علی زرداری ایوان صدر سے سرخرو ہو کر نکلے رہے ہیں یہ ہی وجہ ہے کہ آج ان کے سیاسی حریف بھی ان کی تعریفوں پر مجبور ہو گئے ہیں، ایک بیان میں انہوں نے کہا کہ آصف زرداری ووٹوں کی طاقت سے منتخب ہوئے لیکن مسلم لیگ (ن) والوں کا تو صدر بھی جعلی ہے، نومنتخب صدر نے بھی آصف زرداری کی تعریف کی۔ پیپلز پارٹی نے مسلم لیگ (ن) کے جعلی مینڈیٹ کے باوجود اسے تسلیم کیا۔ اس مرتبہ عام انتخابات عوامی نہیں بلکہ ریٹرننگ آفیسرز کے انتخابات تھے۔ مسلم لیگ (ن) دھاندلی میں تو پہلے ہی بہت مہارت رکھتی ہے لیکن اس مرتبہ وہ اس میں پی ایچ ڈی کر چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: آج قوم کو آصف زرداری کی صدارت سے نجا ت مل گئی ،جس پر اللہ کا جتنا بھی شکر کیا جا ئے وہ کم ہے،میاں طارق محمود ایم پی اے
ڈنگہ(محمد بلال احمد بٹ)مرکزی راہنما پاکستان مسلم لیگ ن و ایم پی اے میاں طارق محمود نے اپنے بیان میں کہا کہ آج قوم کو آصف زرداری کی صدارت سے نجا ت مل گئی، جس پر اللہ کا جتنا بھی شکر کیا جا ئے وہ کم ہے ۔انہو ں نے کہا کہ پی پی پی کی حکومت نے عو ام الناس کو مہنگائی، لوڈشیڈنگ، بدامنی اور بے روز گاری کی دلدل میں دھکیلا ہے ۔جس کی وجہ سے آج غریب، غریب سے غریب تر ہو گیا ہے۔جبکہ بڑے بڑے بیو رو کریٹ اور سیا ست دان محلوں میں عالیٰ شان زندگیا ںگزار رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکمرانوں کی غلط پالیسیوں کی وجہ سے ملک آج آئی ایم ایف اور ورلڈ بنک غلامی پر مجبور ہے،چوہدری ارشد منج
ڈنگہ(محمد بلال احمد بٹ) راہنما تحریک انصاف حلقہ پی پی113چوہدری ارشد منج نے کہا ہے کہ حکمرانوں کی غلط پالیسیوں کی وجہ سے ملک آج آئی ایم ایف اور ورلڈ بنک غلامی پر مجبور ہے، ایک بیان میں انہوں نے کہا کہ موجودہ حکومت نے عالمی مالیاتی اداروں سے قرض کے حصول کیلئے ان کے قدموں سے لپٹنے کے تمام سابقہ ریکارڈ توڑ دیئے ہیں۔ آئی ایم ایف سے ملنے والا 6.7 ارب ڈالر کا قرض قوم کے مردہ جسم سے ٹیکسوں اور مہنگائی کی صورت میں نکالا جائیگا، کسی بھی حکومت نے قوم کو یہ بتانے کی کبھی زحمت نہیں کی کہ بے تحاشا ٹیکسوں اور بجلی و گیس کے بلوں اور پٹرولیم مصنوعات کی قیمتوں میں بدترین اضافے کے باوجود آئی ایم ایف اور ورلڈ بنک سے لیا گیا قرض کہاں خرچ ہوتا ہے، ملک میں ہر طرف مہنگائی بے روز گاری اور بھوک و ننگ نے ڈیرے ڈال رکھے ہیں، لوگوں کو تعلیم صحت اور روزگار کی سہولتیں میسر نہیں، غربت اور بھوک سے تنگ آ کر لوگ خودکشیوں پر مجبور کر دیئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ہم سانحہ جسوکی میں شہید ہونے والوں کے لواحقین کے غم میں برابر کے شریک ہیں،سید ضمیر الحسن شاہ
ڈنگہ(محمد بلال احمد بٹ)ممتاز عالم دین سید ضمیر الحسن شاہ نے اپنے بیان میں کہا کہ سانحہ جسوکی افسوس ناک ہے، اور ہم اس سانحہ کی بھرپور مذمت کرتے ہیں، اور اس سانحہ میں ملوث افراد کی فوری گرفتاری کا مطالبہ کرتے ہیں، انہوں نے کہا کہ ہماری مقتدر شخصیات سے یہ اپیل ہے کہ وہ معاشرہ میں رواداری، انصاف کے جذبے کو پروان چڑھائیں کیونکہ اسلام وہ واحد دین ہے، جو کہ انسانی جان کی قدرو منزلت کو واضع کرتے ہیں، اورہم انسانی جانوں کے ضیاع میں ملوث افراد کی شدید مذمت کرتے ہیں اور اس سانحہ میں ملوث افراد کی فوری گرفتاری کا مطالبہ کرتے ہیں، ہم شہداء کے غم میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :فرضی اور محض دکھلاوئے کی کاروائیوں سے امن وامان بحال نہیں ہوگابلکہ اس کیلئے ٹھوس اورعملی اقدام کرنا ہوں گے،الحاج محمد اقبال منج،محمد شکیل منج
ڈنگہ(محمد بلال احمد بٹ)معروف ٹرانسپورٹر و ممتاز بزنس مین الحاج محمد اقبال منج اور محمد شکیل منج اپنے ایک مشترکہ بیان میں جسوکی میں اجتماعی قتل کی لرزہ خیز واردات، جس میں سات افراد جان بحق اور دیگر متعدد زخمی ہوئے، پر گہرے غم اور دکھ کا اظہار کیا ہے انہوں نے ضلع میں امن و امان کی صور ت حال کو نہایت مخدوش اور غیر اطمینان بخش قرار دیا۔ ایسی وارداتوں کی روک تھام کیلئے کوئی میکنیزم پولیس پاس نہ ہونا افسوسناک ہے۔ حالا نکہ دہشت گرد بہر صورت ایک جگہ سے دوسری جگہ
عام طور پر گاڑیوں اور موٹر سائیکلوں پر ہی آتے جاتے ہیںاور اگر کہیں پولیس چیک کرتی بھی ہے تومحض عام افراد کی پکڑ دھکڑ تک ہی محدود رہتی ہے۔ جہاں تک دہشت گردوں اور اسلحہ بردار افراد کا تعلق ہے انہیں کوئی روکنے ٹوکنے والا نہیں۔ انہوں نے کہا کہ فرضی اور محض دکھلاوئے کی کاروائیوں سے امن وامان بحال نہیں ہو گا بلکہ اس کیلئے ٹھوس اور عملی اقدام کرنا ہوں گے۔
