ڈنگہ کی خبریں 08.10.2013
Posted on October 9, 2013 By Tahir Webmaster سٹی نیوز
پولیس کی نا اہلی ، ملی بھگت یا اڈہ چلانے والوں کی طاقت پولیس سے زیادہ، محلہ مغلپورہ میں 35 سال سے قائم فحاشی اڈہ آج تک کوئی پولیس آفیسر ختم نہ کر سکا
ڈنگہ (بیورو رپورٹ) پولیس کی نا اہلی ، ملی بھگت یا اڈہ چلانے والوں کی طاقت پولیس سے زیادہ ، محلہ مغلپورہ میں 35 سال سے قائم فحاشی اڈہ آج تک کوئی پولیس آفیسر ختم نہ کر سکا ۔ وقت کے ساتھ ساتھ تبدیل ہونے والے پولیس آفیسر گاہے بگاہے اس کے خاتمہ کے لیے کاروایاں کرتے رہے مگر کوئی خاطر خواہ نتیجہ نہ نکل سکا ۔ علاقہ بھر میں ڈنگہ شہر بالخصوص محلہ مغلپورہ کو بدنام کرنے والا یہ فحاشی اڈہ بڑی دیدہ دلیری اور زور سے چلایا جا رہا ہے ۔ متعدد دفعہ پولیس نے اس کے خلاف کاروائی کرنے کی کوشش کی مگر ہر دفعہ ناکام رہی ۔ پولیس آج تک اس کے خاتمہ کے لیے کچھ کیوں نہیں کر سکی ۔ پولیس کی کارکردگی پر اہل علاقہ سوال اٹھانے لگے ۔ اس فحاشی اڈہ کی وجہ سے محلہ میں موجود رہائش پذیر شرفاء پہلے ہی بہت تنگ ہیں اکثر اوقات پولیس اس اڈہ پر چھاپہ مارنے کے لیے ان شرفاء کے گھروں میں بغیر اجازت داخل ہو جاتی ہے جسے کوئی بھی عزت دار برداشت نہیں کر سکتا ۔ پولیس کو اس فھاشی اڈہ کے خاتمہ کے لیے وسیع پیمانے پر پلاننگ کر کے اس کا خاتمہ کرنا چاہیے ۔ عوام الناس نے مطالبہ کیا ہے کہ اگر ڈنگہ پولیس کے بس میں نہیں کہ وہ خاتمہ کر سکے تو تحصیل یا ضلعی پولییس کی مدد سے اس کے خاتمہ کے لیے یقینی بنائے ۔ یقین یہ پورے شہر کی زبان پر سوال ہے کہ ایسی کیا وجہ ہے یا ایسی کیا طاقت ہے اڈہ چلانے والی اس عورت کے پاس کے پولیس کی تمام تر کوششوں کے باوجود اس کے خلاف کچھ نہیں ہو سکا ۔ عوام نے ڈی پی او گجرات ، آرپی او گجرات ، آر پی او گوجرانوالہ ، آئی جی پنجاب ،وزیر اعلیٰ پنجاب اور مقامی ایم پی اے ، ایم این اے اور پولیس افسران اس کا سختی سے نوٹس لیتے ہوئے اس کے خاتمہ کے لیے اپنا اپنا کردا ر ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سیاسی ، سماجی شخصیت راشد منظور جنرل سیکرٹری آغا ذوالفقار اصلاحی کمیٹی ڈنگہ نے اپنے ایک بیان میں کہا ہے کہ ذوالفقار کالونی کو امرہ کلاں کے ساتھ لگانا غیر قانونی ہے
ڈنگہ (بیورو رپورٹ ) ممتاز سیاسی ، سماجی شخصیت راشد منظور جنرل سیکرٹری آغا ذوالفقار اصلاحی کمیٹی ڈنگہ نے اپنے ایک بیان میں کہا ہے کہ ذوالفقار کالونی کو امرہ کلاں کے ساتھ لگانا غیر قانونی ہے ۔ اس کا کوئی جواز نہیں بنتا ۔ ذوالفقار کالونی کے باسی ڈنگہ کے شہری ہیں ۔ انہیں شہر سے نکالا جا رہا ہے ہم اس پر بھرپور احتجاج کرتے ہیں اگر ذوالفقار کالونی کو امرہ کے ساتھ لگایا گیا تو ہم بھرپور احتجاج کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نامعلوم چور پی ٹی سی ایل ایکسچینج ڈنگہ سے لاکھوں مالیت کا کمپیوٹر اور مہنگی بیٹریاں اور سیل چرا کر فرار
ڈنگہ (بیورو رپورٹ ) نامعلوم چور پی ٹی سی ایل ایکسچینج ڈنگہ سے لاکھوں مالیت کا کمپیوٹر اور مہنگی بیٹریاں اور سیل چرا کر فرار ، 6 لاکھ سے زائد مالیت کا نقصان ،بتایا گیا ہے کہ بیٹریاں اور انکے سیل اتار کر لے گئے ۔ نقصان کا مجموعی اندازہ 6 لاکھ روپے سے زائد مالیت کا لگایا گیا یادرہے کہ ڈنگہ اور گردنواح میں بیٹری چور متحرک ہیں اس سے قبل چور سیکریالی ایکسچینج اور موبائل ٹاور ز سے بھی قیمتی بیٹریاں چرا کر فرار ہو گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسل ہیومن رائٹس آرگنائزیشن تحصیل پھالیہ کا اجلاس زیر صدار ت چیف کوارڈینیٹر مرید کاظم جعفری منعقد ہو ا
ڈنگہ (بیورو رپورٹ )یونیورسل ہیومن رائٹس آرگنائزیشن تحصیل پھالیہ کا اجلاس زیر صدار ت چیف کوارڈینیٹر مرید کاظم جعفری منعقد ہو ا ۔اجلاس میں UHRO تحصیل پھالیہ کے نائب صدر حافظ مجتبیٰ ،محمد وقاص اعوان ،محمد نواز ملک ،شمریز حنیف ،معظم خورشید تارڑ ،نبیلہ بٹ ،چوہدری آسیہ نورین گجر ،ندیم اقبال ،محمد شکیب نور ،اور دیگر نے شرکت کی ۔اجلاس میں قادر آباد کے معروف سماجی کارکن اور صحافی شاہد محمود اعوان کو UHRO کا صدر اور ذوالفقار علی کو قادر آباد کا جنرل سیکرٹری مقرر ہونے پر مبارکبا د پیش کی گئی ۔اجلاس سے خطاب کرتے ہوئے حافظ مجتبیٰ نے کہا کہ شاہد محمود اعوان اور ذوالفقار علی کے ان عہدوں پر تعیناتی سے لوگوں کے مسائل ترجیحی بنیادوں پر حل ہوں گے اور انسانی حقوق کی علمبرداری ہو گی۔
