ڈنگہ کی خبریں 15.09.2013
Posted on September 16, 2013 By Geo Urdu سٹی نیوز
ڈنگہ : عظیم لیڈر میاں نوازشریف کی قیادت میں ملک ترقی کی منازل طے کرے گا، چوہدری وحید اکرم آف ہالینڈ
ڈنگہ (محمد بلال احمد بٹ) معروف زمیندار، صدر مسلم لیگ ن ہالینڈ، چیئر مین پاک نیدر لینڈ فرینڈشپ ایسوسی ایشن چوہدری وحید اکرم آف ہالینڈ نے ٹیلی فونک گفتگو کرتے ہوئے کہا کہ ن لیگ بلدیاتی انتخابات میں بھی ریکارڈ کامیابی کیلئے پر عزم ہے، اور عظیم لیڈر میاں نواز شریف کی قیادت میں ملک ترقی کی منازل طے کرے گا، انہوں نے گفتگو کرتے ہوئے کہا کہ عوام کو بنیادی سہولیات فراہم کرنے کیلئے عملی اقدامات کئے جارہے ہیں، ملک بھرمیں ترقیاتی کاموں کے جال بچھائے جائیں گئے، انہوں نے کہا کہ ملک سے کرپشن کے خاتمہ کیلئے مسلم لیگ ن کی حکومت پر عزم ہے، اور بلدیاتی انتخابات میں مسلم لیگ ن عام انتخابات کی طرح عوامی مینڈیٹ حاصل کرنے میں کامیاب ہوگی، اور تمام سابقہ ریکارڈ توڑے گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اور سیز پاکستانی ملک کاقیمتی سرمایہ ہیں ان کے لئے بہت سے اقدامات اور بہترتین قانون سازی کی ضرورت ہے، راجہ لیاقت آف ہالینڈ
ڈنگہ (محمدبلال احمد بٹ) معروف سیاسی سماجی و فلاحی شخصیت راجہ لیاقت آف ہالینڈ نے ٹیلی فونک گفتگو کرتے ہوئے کہا کہ اور سیز پاکستانی ملک کاقیمتی سرمایہ ہیں ان کے لئے بہت سے اقدامات اور بہترتین قانون سازی کی ضرورت ہے بیرون ملک پاکستانیوں کیلئے سنجیدہ اقدامات کی ضرورت ہے، ایجنٹ مافیا کو ختم کرنے کیلئے نیشنل مین پاور بیوور جیسے اداروں کو سہولتیں دیکر بھر پور سپورٹ کی جانی چاہیے، بیرون ملک جانے والوں کیلئے میڈیکل کے عمل میں آسانیوں کی ضرورت ہے، انہوں نے ایک سوال کے جواب میں کہا کہ بیرون ملک پاکستانی ہی ملک کی معیشت چلارہے ہیں لیکن ان کیلئے حکومتی سہولتیں ناکافی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں نواز شریف اور وزیراعلیٰ پنجاب میاں شہباز شریف کی سیاست کا مقصد و محور صرف اورصرف پاکستانی عوام ہیں، میاں طارق محمود ایم پی اے
ڈنگہ (محمد بلال احمد بٹ)مسلم لیگ(ن)ملک کو لاحق سنگین مسائل کے حل کیلئے ٹھوس اورجامع پالیسیاں مرتب کررہی ہے۔ موجودہ حکومت ملک کو اقتصادی بحران سے نکا لنے کیلئے بھرپور محنت کر رہی ہے اور ترقی و خوشحالی والے خودمختار پاکستان کی منزل کاحصول اب زیادہ دور نہیں ہے۔ ان خیالات کا اظہار مرکزی راہنما مسلم لیگ ن سابق صوبائی وزیر و ایم پی اے میاں طارق محمود نے اپنے بیان میں کیا انہوں نے کہا کہ مسلم لیگ ن میاں نواز شریف کی قیادت میں پاکستان کا کونہ کونہ تعمیرکرے گی، انہوں نے کہا کہ وزیر اعظم پاکستان میاںنواز شریف اور وزیراعلیٰ پنجاب میاں شہباز شریف کی سیاست کا مقصد و محور صرف اورصرف پاکستانی عوام ہیں۔ انہوں نے کہا کہ مسلم لیگ ن جب بھی اقتدار میں آئی ملک معاشی و دفاعی لحاظ سے مضبوط ہوا اور ملکی تاریخ کے سب سے بڑے منصوبے پایہ ء تکمیل کو پہنچے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : محکمہ ہائی وے کی نا اہلی، گزشتہ روز آنے والی آندھی کی وجہ سے ڈنگہ کھاریاں روڈ پر اتوالہ کے قریب درخت گرنے سے سڑک مکمل طور پر بلاک
ڈنگہ (محمدبلال احمد بٹ) محکمہ ہائی وے کی نا اہلی، گزشتہ روز آنے والی آندھی کی وجہ سے ڈنگہ کھاریاں روڈ پر اتوالہ کے قریب درخت گرنے سے سڑک مکمل طور پر بلاک، کئی گھنٹے تک ٹریفک جام رہنے کے باوجود درخت کو اس مصروف ترین روڈ سے ناہٹایا جا سکا۔ سینکڑوں گاڑیوں کی لمبی لائن لگ گئی اہلیان علاقہ اور مسافروں نے اپنی مدد آپ کے تحت ون وے سڑک کا ایک حصہ ٹریفک کے لیے کھولا جبکہ دوسرا حصہ تاحال درخت گرنے کی وجہ سے بند ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : امام بارگاہ موجیانوالہ میں سالانہ مجلس عزا آج 16 ستمبر 2013ء بروز سوموار دن 10 ہو گی
ڈنگہ (محمد بلال احمد بٹ) امام بارگاہ موجیانوالہ میں سالانہ مجلس عزا آج 16 ستمبر 2013ء بروز سوموار دن 10ہو گی جس میں ذاکر سیدجی پی آئیشاہ آف ٹبہ بوٹے شاہ، ذاکر علی عباس علوی آف چونیاں، ذاکر وسیم عباس بلوچ آف لالیاں، علامہ حامد رضا سلطانی آف لاہور، ذاکر ناہید عباس جگ، ذاکر رضوان عاشق قیامت آف مقصود پور، مولانا اصغر علی روحانی آف شیخوچک ذاکر آصف بختیار جوڑی سہارن، ذاکر مستظہر عباس جعفری آف شیخوچک خطاب کرینگے۔ بانی مجلس چوہدری خاور عباس چیچی آف موجیانوالہ ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مرکز اہلسنت و الجماعت مسجد اقصیٰ ڈنگہ میں ختم نبوت کانفرنس بیاد شہدائے ختم نبوت آج بروز سوموار کو منعقد ہو گی
ڈنگہ (محمد بلال احمد بٹ) مرکز اہلسنت و الجماعت مسجد اقصیٰ ڈنگہ میں ختم نبوت کانفرنس بیاد شہدائے ختم نبوت آج بروز سوموار کو منعقد ہو گی۔ خصوصی خطاب شاہین ختم نبوت، ممتاز مذہبی سکالر فاتح قادیان، حضرت علامہ مولانا اللہ وسایا مرکزی راہنما عالمی مجلس تحفظ ختم نبوت پاکستان اور فقیہہ العصر مفتی محمد سعید میانوی کے شاگرد رشید جناب حضرت علامہ مولانا محمد اکرم طوفانی مرکزی راہنما تحفظ ختم نبوت خطاب کریں گے۔ کانفرنس مغرب کی نماز کے بعد شروع ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہم ہر یونین کونسل میں اپنے گروپ کے امیدوار سامنے لائینگے، سید نور الحسن شاہ
ڈنگہ (محمد بلال احمد بٹ) ممتاز سماجی و سیاسی شخصیت امیدوار حلقہ این اے 106سید نورالحسن شاہ نے اپنے ایک بیان میں کہا ہے کہ بلدیاتی الیکشن کے حوالے سے دوست احباب سے مشاورت جاری ہے ہم ہر یونین کونسل میں اپنے گروپ کے امیدوار سامنے لائینگے اور انشاء اللہ بھاری اکثریت سے کامیابی حاصل کرکے خدمت کی نئی تاریخ رقم کرینگے۔ کیونکہ سادات خاندان کی جڑیں عوام میں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نواحی گائوں کولیاں شاہ حسین میں دو نامعلوم مسلح افراد کے فائرنگ کر کے اپنے گھر میں موجود شادی شدہ خاتون کو شدید زخمی کر دیا
ڈنگہ (محمد بلال احمد بٹ) ڈنگہ کے نواحی گائوں کولیاں شاہ حسین میں دو نامعلوم مسلح افراد کے فائرنگ کر کے اپنے گھر میں موجود شادی شدہ خاتون کو شدید زخمی کر دیا۔ زخمی خاتون کے ماموں کی مدعیت میں تھانہ ڈنگہ میں نامعلوم افراد کے خلاف مقدمہ درج۔ تفصیلات کے مطابق کولیاں شاہ حسین کی رہائشی شادی شدہ خاتون اختر پروین جس کا خاوند روزگار کے سلسلہ میں بیرونِ ملک مقیم ہے گزشتہ سہ پہر اپنے گھر میں موجود تھی کہ اچانک دو نامعلوم مسلح افراد نے گھر میں داخل ہو کر اس پر فائرنگ کر دی جس کی وجہ سے وہ شدید زخمی ہو گئی جسے ابتدائی طبی امداد کے لیے آر ایچ سی کولیاں شاہ حسین لایا گیا۔ پولیس تھانہ ڈنگہ نے خاتون کے ماموں محمد انار ولد نور داد کی مدعیت میں نامعلوم مسلح افراد کے خلاف زیر دفعہ 324 ت پ کے تحت مقدمہ درج کر کے ملزمان کی تلاش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں محمد شہباز شریف کی خصوصی ہدایت پر ایڈیشنل کمشنر ریوینیو گوجرانوالہ ڈویثرن چوہدری لیاقت نے سیلاب سے متاثرہ علاقہ تحصیل پھالیہ کا دورہ کیا
ڈنگہ (محمد بلال احمد بٹ) وزیر اعلیٰ پنجاب میاں محمد شہباز شریف کی خصوصی ہدایت پر ایڈیشنل کمشنر ریوینیو گوجرانوالہ ڈویثرن چوہدری لیاقت نے سیلاب سے متاثرہ علاقہ تحصیل پھالیہ کا دورہ کیا انہوں نے سیلاب سے تباہ ہونے والی فصلات، کماد، دھان جوار، باجرہ اور مکانات کے جزوی نقصانات اور مویشیوں کی اموات کے بارے ہر گائوں میں جا کر کسانوں سے ملاقات کی اور ان کی مشکلات اور مسائل سے آگاہی حاصل کرنے کے بعدان کے نقصانات کے ازالہ کیلئے خادم اعلیٰ پنجاب کی طرف سے امدادکی یقین دہانی کروائی۔ سروے کمیٹی نے بتا یا کہ 25 مکانات جزوی طور پر متاثر ہوئے جبکہ 12 مویشی لقمہ اجل بن گئے اور 7232 ایکڑفصلات تلف ہوئیں ایڈیشنل کمشنر ریوینیو گوجرانوالہ ڈویثرن چوہدری لیاقت نے متاثرین کو فوری معاوضہ دینے کا وعدہ کیا۔اہل علاقہ نے خادم اعلیٰ پنجاب کے اس اقدا م کو سراہا ہے اس موقع پر اسسٹنٹ کمشنر پھالیہ واحد ارجمند ضیائ، محکمہ مال، محکمہ زراعت، محکمہ ایری گیشن کے آفیسران ڈی او بلڈنگ، ڈی ڈی ایگری کلچر کے علاوہ ضلعی آفیسران کی کثیر تعداد موجود ہمراہ تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : یونین کونسل پھالیہ میں خسرہ مہم انتہائی کامیابی کے ساتھ مکمل
ڈنگہ (محمد بلال احمد بٹ) یونین کونسل پھالیہ میں خسرہ مہم انتہائی کامیابی کے ساتھ مکمل ۔100 کی بجائے 120 فیصد ٹارگٹ پورا کیا گیا۔ تفصیلات کے مطابق یونین کونسل پھالیہ میں خسرہ مہم پانچ سے چودہ ستمبر تک جاری رہی۔ اس سلسلہ میں تین موبائل ٹیمیں اور ایک فکس ٹیم تحصیل ہیڈ کوارٹر ہسپتال پھالیہ کیلئے تشکیل دی گئیں۔ ٹوٹل بچوں کا ٹارگٹ 7530 تھا جبکہ 8096 بچوں کو خسرہ سے بچائو کے حفاظتی ٹیکے لگائے گئے یونین کونسل پھالیہ کیلئے سپر وائزر ڈاکٹر اللہ بخش رانجھا کو تعینات کیا گیا جبکہ ان کے ہمراہ قیصر بشیر ڈسپنسر، جاوید اقبال اور محمد نذیر نے فرائض سر انجام دیئے اس طرح یونین کونسل پھالیہ میں انتہائی کامیابی کے ساتھ خسرہ مہم مکمل کی گئی جس کا تمام تر سہراتحصیل ہیڈ کوارٹر ہسپتال پھالیہ کے MS ڈاکٹر اللہ بخش رانجھا اور انکی ٹیم کے سر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں محمد شہباز شریف کی خصوصی ہدایت پر ایڈیشنل کمشنر ریونیو گوجرانوالہ ڈویثرن چوہدری لیاقت نے سیلاب سے متاثرہ علاقہ تحصیل پھالیہ کا دورہ کیا
ڈنگہ (محمد بلال احمد بٹ) وزیر اعلیٰ پنجاب میاں محمد شہباز شریف کی خصوصی ہدایت پر ایڈیشنل کمشنر ریونیو گوجرانوالہ ڈویثرن چوہدری لیاقت نے سیلاب سے متاثرہ علاقہ تحصیل پھالیہ کا دورہ کیا انہوں نے سیلاب سے تباہ ہونے والی فصلات ،کماد دھان جوار، باجرہ اور مکانات کے جزوی نقصانات اور مویشیوں کی اموات کے بارے ہر گائوں میں جا کر کسانوں سے ملاقات کی اور ان کی مشکلات اور مسائل سے آگاہی حاصل کرنے کے بعدان کے نقصانات کے ازالہ کیلئے خادم اعلیٰ پنجاب کی طرف سے امدادکی یقین دہانی کروائی ۔ سروے کمیٹی نے بتا یا کہ 25 مکانات جزوی طور پر متاثر ہوئے جبکہ 12 مویشی لقمہ اجل بن گئے اور 7232 ایکڑفصلات تلف ہوئیں ایڈیشنل کمشنر ریوینیو گوجرانوالہ ڈویثرن چوہدری لیاقت نے متاثرین کو فوری معاوضہ دینے کا وعدہ کیا۔
