ڈنگہ کی خبریں 18.09.2013
Posted on September 19, 2013 By Tahir Webmaster سٹی نیوز
ڈنگہ :گذشتہ روز مرکز اہل سنت مرکزی مسجد اقصیٰ ڈنگہ میں عظیم الشان ختم نبوت کانفرنس کا انعقاد ہوا
ڈنگہ(محمد بلال احمد بٹ)گذشتہ روز مرکز اہل سنت مرکزی مسجد اقصیٰ ڈنگہ میں عظیم الشان ختم نبوت کانفرنس کاانعقاد ہوا جس میں خصوصی خطاب مولانا اللہ وسایا اور حافظ مولانااکرم طوفانی نے کیا،صدارتی خطبہ علامہ قاضی کفایت اللہ نے دیا،انہوں نے کہا کہ قادیانی حضور اکرمۖ اوروطن عزیز پاکستان کے دشمن ہیں،74ء کی تحریک ختم نبوت جن جانثاروں نے قربانیاں دی ہیں ان کے خون کو رائیگاں نہیں جانے دیا جائیگا،اب بھی اگر کسی نے ختم نبوت پر حرف اٹھایا تو خون تک قربان کر دیں گے،خصوصی مہمان مولانا اللہ وسایا نے کہا کہ عقیدہ ختم نبوت ہمارے ایمان کی بنیاد ہے اس کے بغیر کوئی شخص مسلمان کہلانے کا حقدار نہیںانہوں نے74ء کی تحریک کو تفصیلاً بیان کیا،مجاہدختم نبوت حافظ مولانا اکرم طوفانی نے کہا کہ قادیانیوں کا تعاقب پوری دنیا میں جاری رکھیں گے کانفرنس مولانا قاسم گجر،پروفیسر قاضی عنایت اللہ،مفتی قاضی عبید اللہ،صاحبزادہ قاضی مطیع اللہ،مولانا شفیق الرحمن و دیگر نے خطاب کیا،نقابت کے فرائض صاحبزادہ قاضی امداد اللہ نے ادا کئے،حاجی محمد نواز،حاجی عبدالطیف،حاجی عبداللہ امرہ سکندر حیات محمدی بھائی عمران نے نگرانی،نماز عشاء کی امامت علامہ قاضی کفایت اللہ نے کی اور دعا میں ملکی و قوم کی خوشحالی مانگی،پورے علاقہ سے ہزاروں افراد نے شرکت کی،آخر میںعوام کیلئے ضیافت کا اہتمام بھی کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی انتخابات کی تاریخ نہ بتائی گئی تو عدالت خود تاریخ کا تعین کرے گی،مسٹر جسٹس عمر عطاء بندیال چیف جسٹس لاہور ہائی کورٹ
ڈنگہ(محمد بلال احمد بٹ)پیپلز پارٹی اور پی ٹی آئی کی طرف سے پنجاب بلدیاتی بل کے خلاف فاضل عدالت عالیہ نے درخواستوں کی باضابطہ سماعت کو منظور کرتے ہوئے پنجاب حکومت کو 25 ستمبر کے نوٹس جاری کر دیئے اور ہائی کورٹ کے چیف جسٹس مسٹرجسٹس عمر عطاء بندیال نے دوران سماعت ریمارکس دیتے ہوئے کہا کہ بلدیاتی انتخابات کی تاریخ نہ بتائی گئی تو عدالت خود تاریخ کا تعین کرے گی،بلدیاتی انتخابات بہت ضروری ہیں ان کا انعقاد جلد ہونا چاہیے،لاہور ہائیکورٹ میں درخواستوں کی سماعت کے دوران پیپلز پارٹی اور پی ٹی آئی کے ولئا نے موقف اختیار کیا کہ ملک کے تین صوبوں میں بلدیاتی انتخابات جماعتی بنیادوں پر ہو رہے ہیں،لیکن پنجاب میں غیر جماعتی انتخابات کروانے کیلئے اقدامات کئے جا رہے ہیں جوکہ آئین کے آرٹیکل140کی خلاف ورزی ہے ویسے بھی غیر جماعتی انتخابات سے معاشرہ میں کرپشن کو فروغ ملے گا،پی ٹی آئی کے وکیل نے موقف اختیار کیا کہ پنجاب حکومت نئے بلدیاتی ایکٹ کا نفاذ کرتے ہوئے آمریت قائم کرنا چاہتی ہے نیا بلدیاتی ایکٹ2013ء پاکستان کے آئین سے متصادم ہے لہذا اسے کالعدم قرار دیا جانا چاہیے پی پی کے سردار عبداللطیف کھوسہ نے دلائل دیتے ہوئے کہا کہ غیر جماعتی بنیادوں پر انتخابات کرانے کا پنجاب حکومت کا فیصلہ جمہوریت کے منافی ہے چیف جسٹس عمر عطا بندیال نے ان سے استفسار کیا کہ پی پی نیبلدیاتی انتخابات کیوں نہیں کرائے جس پر سردار عبداللطیف کھوسہ نے18ویں ترمیم کے تحت انتخابات کروانا صوبائی حکومت کی ذمہ داری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ملکی تاریخ میں روپے کی قدر میں مسلسل کمی کا سلسلہ جاری ہے
ڈنگہ(محمد بلال احمد بٹ)ملکی تاریخ میں روپے کی قدر میں مسلسل کمی کا سلسلہ جاری ہے جس کے باعث انٹر بنک میں ڈالر105/10روپے کی بلند ترین سطح پرپہنچ گئی،شرح سود میں اضافہ کے باوجود روپے کی قدر میں استحکام نہیں آسکا،اوپن مارکیٹ میں ڈالر105.19روپے کی سطح پر آگیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری غلام سرور المعروف بادشاہ سلامت نانا جی بن گئے
ڈنگہ(محمد بلال احمد بٹ)علاقہ کی معتبر اور قد آور سیاسی سماجی شخصیت چوہدری غلام سرور المعروف بادشاہ سلامت نانا جی بن گئے ان کے ہاں چاند سے نواسے کی پیدائش پر انکے عزیز و اقارب اور دوست احباب کی طرف سے انکے گھر مبارکباد دینے والوں کا تانتا بندھ گیا چوہدری غلام سرور پسوال المعروف بادشاہ نے نواسے کی پیدائش پر خوشی میں منوں مٹھائی تقسیم کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :دو نامعلوم افراد نے گھر میں گھس کر شادی شدہ خاتون اختر پروین پر فائرنگ کر کے اسے شدید خمی کر دیا
ڈنگہ(محمد بلال احمد بٹ)دو نامعلوم مسلح افراد نے کولیاں میں گھر میں گھس کر شادی شدہ خاتون اختر پروین پر فائرنگ کر کے اسے شدید خمی کر دیا،پولیس مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ککرالی کے نواحی گائوں بھدر میں نوجوان عاشر نے رشتہ کے عنازعہ پر اپنی حقیقی بہن حناء کو اندھا دھند فائرنگ کر کے موت کے گھاٹ اتار دیا
ڈنگہ(محمد بلال احمد بٹ)ککرالی کے نواحی گائوں بھدر میں نوجوان عاشر نے رشتہ کے عنازعہ پر اپنی حقیقی بہن حناء کو اندھا دھند فائرنگ کر کے موت کے گھاٹ اتار دیا اور موقع سے فرار ہو گیا،مقتولہ کی والدہ مسرت بی بی کی رپورٹ پر پولیس نے مقدمہ درج کر کے نعش ورثاء کے حوالے کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ممبران اسمبلی کا سوئی گیس کوٹہ50فیصد سے بڑھاکر100فیصد کردیا گیا
ڈنگہ(محمد بلال احمد بٹ)حکومت نے ممبران قومی اسمبلی کو اختیارات دیئے تھے کہ وہ جس علاقہ میں گیس کی سہولت مہیا کریں وہاں پر وہ جن پچاس درخواست دہندہ کو چاہے انہیں کنکشن دے سکتے ہیں اس طرح علاقہ کے بااثر اور ممبر ان اسمبلی کے چہیتے کنکشن حاصل کرتے تھے جبکہ غریب اور ممبران اسمبلی کے سیاسی مخالفین گیس کی ارجنٹ سہولت سے محروم ہو جاتے تھے اب حکومت نے ممبران اسمبلی کے اختیارات بڑھاتے ہوئے پچاس سے سو فیصد کرتے ہوئے نوٹیفکیشن جاری کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :برٹش کونسل نے پنجاب کے 12 اضلاع میں72سرکاری سکولوں کو برٹش سکولز کا درجہ دینے کا فیصلہ
ڈنگہ(محمد بلال احمد بٹ)برٹش کونسل نے پنجاب کے12اضلاع میں72سرکاری سکولوں کو برٹش سکولز کا درجہ دینے کا فیصلہ برٹش کونسل نے صوبہ میں سرکاری سکولوں کے ساتھ پارٹنر شپ پروگرام کے تحت اگلے سال کے دوران پنجاب کے12اضلاع کے72 سکولوں کو برٹش سکولز کا درجہ دیا جائیگا،اس پروگرام کے تحت گجرات،گوجرانوالہ،، خوشاب،سرگودہا اوکاڑہ خانیوال شیخوپورہ ،لودھراں،مظفر گڑھ ڈیرہ غازی خان کے اضلاع میں سے برٹش کونسل چھ سرکاری سکولوں کو اپنائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :موضع پیارا میں دیور نے بدچلنی کے شبہ میں بھاوج اقصی بی بی کو فائرنگ کر ہلاک کر دیا
ڈنگہ (محمد بلال احمد بٹ)موضع پیارا میں دیور نے بدچلنی کے شبہ میں بھاوج اقصی بی بی جس کا خاوند روزگار کے سلسلہ میں اٹلی میں مقیم تھا کو فائرنگ کر کے موت کے گھات اتار دیا اور موقع سے فرار ہو گیا پولیس نے مقتولہ کے بھائی طیب کی رپورٹ پر مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری طالب حسین نے بطور ایڈمنسٹریٹر دی ویگا سکول سسٹم ڈنگہ کی ذمہ داریاں سنبھال لیں
ڈنگہ(محمد بلال احمد بٹ)دی ویگا سکول سسٹم ڈنگہ کے چیئر مین چوہدری امجد جاوید،ایم ڈی چوہدری محمد اصغر کے بھائی اور معتمد خاص اعلیٰ تعلیم یافتہ اور باصلاحیت بہترین منتظم اعلیٰ چوہدری طالب حسین نے بطور ایڈمنسٹریٹر دی ویگا سکول سسٹم ڈنگہ کی ذمہ داریاں سنبھال لیںدی ویگا سکول ڈنگہ کے ایڈمنسٹریٹر چوہدری بشارت کے بیرون ملک جانے کے بعد چوہدری طالب حسین نے بطور ایڈمنسٹریٹر اپنے منصب کا چارج سنبھال کر فرائض سر انجام دینا شروع کر دیئے،چوہدری طالب حسین نے اپنی اعلیٰ تعلیمی انتظامی صلاحیتوں کی بدولت دی ویگا سکول سسٹم ڈنگہ کے معاملات کو خوش اسلوبی سے چلانا شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری طالب حسین کی سرکردگی میں دی ویگا سکول سسٹم ڈنگہ شاندار تعلیمی نتائج دیگا،چوہدری امجد جاوید عیلس
ڈنگہ(محمد بلال احمد بٹ)چوہدری طالب حسین کی سرکردگی میں دی ویگا سکول سسٹم ڈنگہ شاندار تعلیمی نتائج دیگا،چوہدری امجد جاوید عیلس کی صحافیوں سے گفتگو ،انہوں نے کہا کہ ہم نے چوہدری طالب حسین کی اعلیٰ انتظامی صلاحیتوں سے استفادہ کرنے کیلئے انکی خدمات حاصل کی ہیںہمیں امید ہیں کہ چوہدری طالب حسین ،چوہدری بشارت علی کی عدم موجودگی میں اپنی ذمہ داریاں احسن طریقہ سے نبھائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری عدنان زمان کے ہاں چاند سے بیٹے کی پیدائش،دوستوں کی مبارکبادیں
ڈنگہ(محمد بلال احمد بٹ)پسول خاندان ڈنگہ کے چشم و چراغ اورچوہدری محمد زمان پسوال مرحوم کے صاحبزادے چوہدری عدنان زمان کے ہاں چاند سے بیٹے کی پیدائش تفصیلات کے مطابق ریٹائر سب انسپکٹر چوہدری محمد رمضان پسوال کے بھتیجے،چوہدری محمد زمان پسوال کے صاحبزادے،چوہدری قمرزمان پسوال کے بھائی چوہدری عدنان زمان کے ہاں بیٹے کی پیدائش پر پسوال خاندان میں جشن،عوامی سماجی سیاسی تجارتی افراد اور معززین شہر و عمائدین علاقہ نے چوہدری عدنان زمان پسوال کو بیٹھے اور چوہدری قمرزمان پسوال کو بھتیجے کی پیدائش پر مبارکبادوں کا سلسلہ جاری و ساری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ختم نبوتۖ کی چوکھٹ کی پاسداری ہی زندگی کا اصل مقصد ہے،مولانا قاضی کفایت اللہ
ڈنگہ(محمد بلال احمد بٹ)ممتاز مذہبی عالم دین مذہبی سکالر اورعلامہ مولانا قاضی کفایت اللہ نے کہا ہے کہ ختم نبوتۖ کی چوکھٹ کی پاسداری ہی زندگی کا اصل مقصد ہے انہوں نے کہا کہ دنیا کے ہر مسلمان کو اس مقصد کیلئے جان کا نذرانہ بھہ دینا پڑے تو وہ ختم نبوت کیلئے کسی قسم کا دریغ نہیںکریں گے آقاۖ کے تحفظ ناموس ختم نبوتۖکی خاطر مرزائیوں کی ہر محاذ پر مزاحمت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :نائب ناظم و ممتاز قانون دان میاں اسجد ڈھلیان سپین سے واپس وطن پہنچ گئے
ڈنگہ(محمد بلال احمد بٹ)نائب ناظم و ممتاز قانون دان میاں اسجد ڈھلیان سپین سے واپس وطن پہنچ گئے،ان کے دوست احباب عزیز و اقارب نے انہیں ایئرپورٹ پر ویلکم کیا،میاں اسجد ڈھلیان نے وطن واپس پہنچتے ہی حلقہ بھر کا خصوصی دورہ کیا،انہوں نے وفات پاجانے والے عزیز واقارب نے انہیں ایئرپورٹ پر ویلکم کیا،میاں اسجد ڈھلیان نے وطن واپس پہنچتے ہی علاقہ بھر کا دورہ کیا انہوں نے وفات پا جانے والے عززی و اقارب
کے گھر پر جا کر ان سے اظہار افسوس کیا اور مرحومین کی مغفرت کیلئے دعا کی کہ اللہ تعالیٰ مرحومین کو جنت الفردوس میں جگہ عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب حکومت نے ہر صوبائی حلقہ میں ترقیاتی کاموں کیلئے ایک ایک کروڑ روپے مختص کر دیئے
ڈنگہ(محمد بلال احمد بٹ)پنجاب حکومت نے ہر صوبائی حلقہ میں ترقیاتی کاموں کیلئے ایک ایک کروڑ روپے مختص کر دیئے ڈی سی او گجرات آصف بلال لودھی کی صدارت میں اجلاس میں ایم این اے چوہدری جعفر اقبال،چوہدری عابد رضا،میاں طارق محمود،چوہدری شبیر رضا،نوابزادہ حیدر مہدی و دیگر اراکین اور اعلیٰ آفیسر نے شرکت کی،ڈی سی او گجرات آصف بلال لودھی نے کہا کہ حکومت نے ہر صوبائی حلقہ کیلئے فنڈز مختص کئے ہیں اراکین اسمبلی تعلیم صحت میونسپل سہولیات قبرستان کی حالت بہتر بنانے کی سکیمیں جلد از جلد دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب ایگزمینیشن کمیشن نے پنجم،ہشتم کے سالانہ امتحانات2014ء اردو اور انگلش میڈیم میں لینے کا فیصلہ کر لیا
ڈنگہ(محمد بلال احمد بٹ)پنجاب ایگزمینیشن کمیشن نے پنجم،ہشتم کے سالانہ امتحانات2014ء اردو اور انگلش میڈیم میں لینے کا فیصلہ کر لیاداخلہ فارم پر جو سکول جس میڈیم کا امتحان کرے گا اسی میڈیم کے تحت پیپرز دیئے جائیں گے فیصلہ کا طلاق سرکاری اور نجی تعلیمی اداروں پر ہو گا،عوامی سماجی تعلیمی حلقوں نے پی ای سی کے اقدام کا خیر مقدم کیا اس فیصلہ کے اچھے اثرات مرتب ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:بھروٹ میں ڈکیتی کی واردات میں مسلح افراد کی فائرنگ سے محمد رفیق جاں بحق ہو گیا
ڈنگہ(محمد بلال احمد بٹ)بھروٹ میں ڈکیتی کی واردات میں مسلح افراد کی فائرنگ سے محمد رفیق جاں بحق ہو گیا،محمد اقبال نے پولیس کو بتایا کہ وہ گھر والوں کے ہمراہ سو رہا تھا کہ مبینہ ملزمان شکیل احمد،منیر احمد اور ایک نامعلوم شخص گھر میں داخل ہوئے اور ہمسائے مظہر حسین،محمد رفیق جو شور سن کر آئے سے چار موبائل نقدی اور دیگرف اشیاء چھین لی،مزاحمت پر محمدرفیق پر فائرنگ کر دی جس سے وہ موقع پر جاں بحق ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سٹریٹ لائٹ روشن نہ ہونے سے پورا شہر سرشام تاریکی اور اندھیرے میں ڈوبنے لگا
ڈنگہ(محمد بلال احمد بٹ)سٹریٹ لائٹ روشن نہ ہونے سے پورا شہر سرشام تاریکی اور اندھیرے میں ڈوبنے لگاشہر کی اہم شاہراہوں کھاریاں رسول روڈ کولیاں روڈ پر نصب نئی نکور سٹریٹ لائٹ اپنی تنصیب سے لے کر سرے سے روشن ہی نہیں ہوئی نئی لائٹوں کر زنگ لگنے لگا،تھانہ مین بازار سمیت دیگر علاقوں میں لگی سٹریٹ لائٹ خراب اور بے کار پڑی ہیں جس سے تمام سڑکیں گلیاں اندھیروں میں ڈوب رہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں شہباز شریف کی ہدایت پر حکومت نے ریسکیو1122کی سروس کا دائرہ کار پنجاب بھر کی ہر تحصیل کی سطح تک پہنچانے کا فیصلہ کیا
ڈنگہ(محمد بلال احمد بٹ) خادم اعلیٰ پنجاب میاں شہباز شریف کی ہدایت پر حکومت نے ریسکیو1122کی سروس کا دائرہ کار پنجاب بھر کی ہر تحصیل کی سطح تک پہنچانے کا فیصلہ کیا اس کے لئے اہلکاروں نے عوام کے جان و مال کا تحفظ کر کے عوام کے دل جیت لئے ہیں،ریسکیو1122کے اہلکاروں کو سکاٹ لینڈ میں تربیت دے کر تعینات کیا جاتا ہے،وزیراعلیٰ پنجاب میاں شہباز شریف نے انکی تنخواہوںمیں بھی اضافہ کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں عبدالشکور،میاں عبدالروف کے چچا زاد بھائی انتقال کر گئے
ڈنگہ(محمد بلال احمد بٹ)میاں غلام مصطفی محمد یوسف جمالی کے ماموں،ڈائریکٹر وزڈم ہائوس میاں عبدالشکور،میاں عبدالروف کے چچا زاد بھائی انتقال کر گئے ان کی نمازجنازہ میں عوامی سیاسی تجارتی شخصیات سمیت علاقہ بھر سے ممتاز ماہر تعلیم عمائدین علاقہ اور جماعت اسلامی کے راہنمائوں نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: بلاول بھٹو زرداری21ستمبر کو25برس کے ہو جائیں گے
ڈنگہ(محمد بلال احمد بٹ)پیپلز پارٹی کے سرپرست اعلیٰ اور سابق صدر آصف علی زرداری اور سابق وزیراعظم پاکستان محترمہ بے نظیر بھٹو شہید کے صاحبزادے بلاول بھٹو زرداری21ستمبر کو25برس کے ہو جائیں گے،اورآئندہ انتخابات میں پیپلز پارٹی کی طرف سے نہ صرف انتخابات لڑیں گے بلکہ ذرائع کے مطابق سال رواں میں انہیں پیپلز پارٹی کا چیئرمین بنا دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بھارت کے لیجنڈ اداکار دلیپ کمار کو اچانک دل کا دورہ ،انہیں ہسپتال داخل کرا دیا گیا ہے
ڈنگہ(محمد بلال احمد بٹ)بھارت کے لیجنڈ اداکار دلیپ کمار کو اچانک دل کا دورہ ،انہیں ہسپتال داخل کرا دیا گیا ہے جہاں ڈاکٹرز علاج معالجہ کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: کشکول توڑنے کی باتیں کرنے والوں نے چند ماہ میں1300ارب قرض لیا ہے،چوہدری قمرزمان کائرہ
ڈنگہ(محمد بلال احمد بٹ)سابق وفاقی وزیر اطلاعات و نشریات چوہدری قمر زمان کائرہ
نے کہا ہے کہ کشکول توڑنے کی باتیں کرنے والوں نے چند ماہ میں1300ارب قرض لیا ہے،کراچی سمیت ملک بھر میں دہشت گردی کے خاتمہ کیلئے تمام جماعتیں متفق ہیں کراچی آپریشن میں اگر کسی کو پکڑ ا گیا تو اسے عدالت میں بھی پیش کیا گیا ہے،انہوں نے کہا کہ ہماری حکومت میں لوڈشیڈنگ کے باوجود معیشت میں بہتری آئی اور برآمدات میں دو گناہ اضافہ ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر اور گردنواح کے علاقہ میں اتوار کے روز زبردست آندھی اور طوفان کے ساتھ موسلا دھار بارش سے علاقہ بھر میں نظام زندگی درہم برہم ہو گیا
ڈنگہ(محمد بلال احمد بٹ)ڈنگہ شہر اور گردنواح کے علاقہ میں اتوار کے روز زبردست آندھی اور طوفان کے ساتھ موسلا دھار بارش سے علاقہ بھر میں نظام زندگی درہم برہم ہو گیا،زبردست آندھی سے شہر اور علاقہ بھر میں درخت بجلی کے کھمبے،سائن ہورڈنگ بورڈ نیچے آن گرے،جس سے زبردست نقصان ہوا، متعدد افراد زخمی ہو گئے،جبکہ موسلا دھار بارش سے شدید گرمی کا زور ٹوٹ گیا اور موسم میں خنکی آگئی۔
