ڈنگہ کی خبریں 21.03.2013

Posted on March 22, 2013 By Tahir Webmaster سٹی نیوز

ڈنگہ : چوہدری زاہد لطیف آف چک میموری نے سابق ایم پی اے میاں طارق محمود کی حمایت کا اعلان کر دیا

ڈنگہ(نامہ نگار)دست راست سابق ایم پی اے میاں طارق محمود،رئیس چک میموری چوہدری شاہد لطیف آف سپین کے بھائی نوجوان سیاسی سماجی و فلاحی شخصیت چوہدری زاہد لطیف آف چک میموری نے سابق ایم پی اے میاں طارق محمود کی حمایت کا اعلان کر دیا۔انہوں نے اپنے بیان میں کہا کہ سرسید آف ڈنگہ میاں طارق محمود نے اپنے سابقہ اور موجودہ دور میں اربوں روپے کے ترقیاتی کام کرواکر ڈنگہ سمیت حلقہ بھر کو ایک مڈل علاقہ بنا دیا ہے انہوں نے کہا کہ ترقیاتی کاموں کے حوالے سے نجاب بھر کے صوبائی حلقوں میں سے حلقہ پی پی 113نمایاں ہے میاں طارق محمود یہاں سڑکوں،ہسپتالوں،سکولوں جال بچھا کر اپنا تاریخ کے سنہری حروفوں میںلکھوا لیا ہے انہوں نے کہا کہ میں تن من دھن سے میاں طارق محمود کے ساتھ ہوں اور ان کی الیکشن مہم میں بڑھ چڑھ کر حصہ لوں گا اور پورے حلقہ سمیت چک میموری میں بھی انہیں نمایاں ووٹوں سے کامیابی دلوائوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انشاء اللہ جیت کر میاں محمد نواز شریف کے ہاتھ مضبوط کروں گا،سید نور الحسن شاہ
ڈنگہ (محمدبلال احمد بٹ ) موضع چک جانی میں چوہدری نذیر احمد نمبردار کی رہائش گاہ پر گجر برادری کی طرف سے کئے گئے حمایتی اکٹھ سے امیدوار برائے قومی اسمبلی حلقہ این اے 106سید نورالحسن شاہ آف کلیوال سیداں نے خطاب کرتے ہوئے کہا کہ میں چوہدری عقیل نثار ‘ چوہدری نذیر احمد نمبردار سمیت دیگر تمام افراد کا مشکور ہوں جنہوں نے میری حمایت کی اور اکٹھ کا انعقاد کیا ۔ انہوں نے کہا کہ چوہدری عقیل نثار نے تمام برادری کو اکٹھا کر کے بہترین کارنامہ سر انجام دیا ہے ۔ میں اپنے پرانے رشتہ کی بحالی پر خوش ہوں ۔ انہوں نے کہا کہ انشاء اللہ جیت کر میاں محمد نواز شریف کے ہاتھ مضبوط کروں گا کیونکہ میاں محمد نواز شریف ہی ایسے لیڈر ہیں جو ملک پاکستان کو موجودہ بحرانوں سے نکال سکتے ہیں ۔ میاں محمد نواز شریف نے امریکہ اور
پوری دنیا کے دباؤ کو خاطر میں نہ لاتے ہوئے ایٹمی دھماکے کر کے ملک کا دفاع مضبوط کیا ۔ معاشی ترقی کے لئے موٹروے کا تحفہ دیا ۔ میاں شہبا زشریف نے بے روزگاروں کے لئے ٹیکسی سکیم ‘ طلباء کے لئے لیپ ٹاپ اور سولر سسٹم ‘ میرٹ پر ٹیچرز کی بھرتیاں ‘ لاہور میں میٹروبس کا عظیم الشان منصوبہ اور بے شمارترقیاتی منصوبہ جات دے کر عوامی خوشحالی میں اہم کردار ادا کیا ۔ انہوں نے کہا کہ انشاء اللہ جیت کر حلقہ کے عوام کی خدمت کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہم نے مسلم لیگ ن کیلئے بارہ سال تک کام کیا اورہر موقع پر ثابت قدم رہے،چوہدری جعفر اقبال
ڈنگہ(محمد بلال احمد بٹ)مسلم لیگ ن تحصیل کھاریاں کے صدر اور متوقع امیدوار حلقہ پی پی113چوہدری جعفر اقبال نے کہا ہے کہ ہم نے مسلم لیگ ن کیلئے بارہ سال تک کام کیا اورہر موقع پر ثابت قدم رہے،ہر لمحہ بدلتی ہوئی سیاسی صورتحال پر گہری نظر ہے دوست احباب پارٹی گروپ دھڑے کی مشاورت سے الیکشن لڑیں گے،انتخابی میدان خالی نہیں چھوڑیں گے انہوں نے کہا کہ ہم حلقہ این اے106سے قطعاً امیدوار نہیں تھے ہم تو پی پی113سے پارٹی ٹکٹ کے امیدوار تھے،لیکن ہم نے پارٹی لیڈر شپ کے احکام کی تعمیل میں حلقہ این اے106سے الیکشن لڑنے کا اعلان کیا،ہم اپنے حلقہ کی غیور عوام کے پیار محبت سے بخوبی آگاہ ہیں ہماری نظر میں ہمارا ہر ساتھی اور ووٹر قابل صد احترام ہے موجودہ صورتحال میں ان کا مضطرب ہونا میرے لئے بھی پریشانی کا سبب ہے،لیکن کچھ فیصلے وقت کرتا ہے ہم اپنے دوست احباب سے ہر زاویہ پر اصلاح و مشورہ کر رہے ہیں لیکن یہ بات طے ہے کہ ہم انشاء اللہ ساتھیوں کی مشاورت کے ساتھ انتخابات میں حصہ لیں گے اور کوئی غلط فہمی میں نہ رہے ہم انکے کیلئے کھلا میدان ہر گز نہیں چھوڑنے والے،عوامی کی محبت ہمارا قیمتی اثاثہ ہے،ہم اسکی ہر قیمت پر حفاظت کریں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دی گرائمر سکول ڈنگہ کی سالانہ پروقار رنگا رنگ اور تاریخ ساز تقریب 23مارچ کو منعقد ہو گی
ڈنگہ(محمد بلال احمد بٹ) ممتاز ماہر ہ تعلیم مس عارف مغل کی سرکردگی میں دی گرائمر سکول ڈنگہ کی سالانہ پروقار رنگا رنگ اور تاریخ ساز تقریب 23مارچ کو منعقد ہو گی جس میںگرائمرسکول کے ہونہار طلبہ و طالبات سے مسلمانوں کے گریٹ ہیرو اور بہادر حکمران ٹیپو سلطان کو زبردست الفاظ میں خراج عقیدت پیش کریں گے دی گرائمری سکول کی سالانہ تقریب کی صدارت ممتاز ماہر تعلیم پرنسپل ڈگری کالج ڈنگہ پروفیسر رائے محمد نذیر عظیم کھرل کریں گے جبکہ ملٹری کالج جہلم کے پرنسپل لیفٹیننٹ کرنل اعظم شہناز اور ای ڈی او ایجوکیشن منڈی بہائو لد الدین طارق حمید راٹھور مہمان خصوصی ہونگے،ڈائریکٹر محمد عارف مغل پرنسپل مسز عارف مغل ،مرزا فاروق زمان اساتزہ کرام اور سٹاف اور طلبہ و طالبات مہمانان گرامی کا والہانہ اور پرتپاک استقبال کریں گے جبکہ مزید برآں تلاوت کلام پاک نعت رسول مقبول ملی نغمے خاکے ،ڈرامے مزید شوز پر خوبصورت انداز میں پرفرما کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : لرنرزان سکول ڈنگہ کی سالانہ پرقار تقسیم انعامات و تنائج کی تقریب کا انعقاد ،سینکڑوں معززین علاقہ شریک
ڈنگہ(محمد بلال احمد بٹ)ممتاز ماہر تعلیم معروف بینکار طارق مسعود اور پرنسپل مسز عابدہ مسعود کی سرکردگی میں لرنرزان سکول ڈنگہ کی سالانہ پرقار تقسیم انعامات و تنائج کی تقریب کا انعقاد میڈم مسرت زہرہ ڈاکٹر محمد اشرف قریشی چوہدری اختر شاہد نے انعامات تقسیم کئے ڈائریکٹر مسعود طارق پرنسپل گرلز ڈگری کالج میڈم مسرت زہرہ میاں محمد عارف ڈاکٹرمحمد اشرف قریشی پرنسپل عابدہ طارق اور سٹاف نے میاں عمران مسعود،میاں عمران یعقوب،چوہدری اختر شاہد،رانا اطہر رشید،رفاقت محمود کا والہانہ اور پرتپال استقبال کیاڈائریکٹر دی لرنرز ان سکول ڈنگہ طارق مسعود پرنسپل مسز عابدہ طارق نے سکول کے سالانہ نتائج کا علان کیااور ادارہ کی سالانہ رپورٹ پیش کی جس میں سکول کے سالانہ تعلیمی نتائج کے ساتھ ساتھ غیر نصابی سرگرمیوں میں پنجاب بھر میں پوزیشن حاصل کرنے پر اللہ تعالیٰ کا شکرادا کیا،سکول کے ہونہار طلبہ و طلبات نے انتہائی خوبصورت انداز سے تلاوت کلام پاک سے نعت رسول مقبولۖ پیش کرنے کے ساتھ ساتھ ملی نغمے ٹیبلو شو خاکے منفرد انداز میں پیش کر کے شرکاء تقریب کی طرف سے داد تحسین حاصل کی،مہمانان گرامی میڈم مسرت زہرہ ڈاکٹر محمد اشرف میاں محمد عارف،چوہدری شاہد اختر،رفاقت محمود ڈی ٹی ای،رانا اطہر رشید نے پوزیشن ہولڈر طلبہ و طالبات میں انعامات تقسیم کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ماضی کی طرح وقت کے فرعونوں کے مقابلہ میں الیکشن لڑنا ہے ،میاں طارق محمودسابق ایم پی اے
ڈنگہ(محمد بلال احمد بٹ)سابق صوبائی وزیر ،سرسید آف ڈنگہ ،امیدوار صوبائی اسمبلی حلقہ پی پی113میاں طارق محمود نے کہا کہ 85ء میں ہم نے اس وقت عوامی طاقت سے بے خوف و خطر ہو کر الیکشن لڑا جب کوئی ان کے مقابلے میں نہیں آتا تھا آج بھی اسی جوش و جذبہ کی ضرورت ہے علاقہ کی عوام نے وقت کی آواز پر آج ایک بار پھر ماضی کی طرح وقت کے فرعونوں کے مقابلہ میں الیکشن لڑنا ہے ہم علاقہ کی عوام کے تہہ دل سے شکر گزار ہیں جنہوں نے ہمیشہ ہم پر اظہار اعتماد کیا اور ہمیں اور ہمارے خاندان کو بے پناہ عزت سے نوازا،مجھے اپنے شہر اور حلقہ کی غیور عوام پر فخر ہے اور ناز ہے ان کی عظمت کو سلام پیش کرتے ہیں میری طاقت کا سرچشمہ اور اقتدار کا منبہ میری عوام ہے،ہم نے اپنے دور اقتدار میں اربوں روپے کی لاگت سے شہر اور علاقہ کو پنجاب کا مثالی علاقہ بنانے کیلئے ترقیاتی کام کروائے الحمد اللہ آج ہماری شب و روز کی محنت کے ثمرات عوام کو ملنا شروع ہو گئے ہیں،شہر کی تعمیر و ترقی ،عوام کی فلاح و بہبود کیلئے ہمارے خاندان کا خون بھی حاضر ہے میرے بعد میری اولاد بھی شہر کے درودیوار کو خوبصورت بنانا چاہتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پندرہ ہزار روپے مالیت کے انعامی بانڈز کی54ویں قرعہ اندازی یکم اپریل بروز پیر کو پشاور میں ہو گی
ڈنگہ(محمد بلال احمد بٹ)پندرہ ہزار روپے مالیت کے انعامی بانڈز کی54ویں قرعہ اندازی یکم اپریل بروز پیر کو پشاور میں ہو گی جس میں پہلا انعام تین کروڑ روپے جبکہ ایک کروڑ روپے کے تین انعامات اور ایک لاکھ 85ہزار کے1696انعامات بذریعہ قرعہ اندازی خوش نصیبوں میں تقسیم کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : تعلیم یافتہ قومیں ہی اقوام دنیا کی راہنمائی کرتی ہیں،مسعود طارق ڈائریکٹر لرنرز ان سکول ڈنگہ
ڈنگہ(محمد بلال احمد بٹ)ممتاز ماہر تعلیم و بینکار و ڈائریکٹر دی لرنرز ان سکول ڈنگہ مسعود طارق نے کہا کہ ہم نئی نسل کو اعلیٰ معیاری تعلیم کے زیور سے آراستہ کر کے اسے مہذب قوم بنانا چاہتے ہیںیہ ایک اٹل حقیقت ہے تعلیم یافتہ قومیں ہی اقوام دنیا کی راہنمائی کرتی ہیںانہوں نے کہا کہ علم کی دولت سے مالا مال شخص ہی پڑھا لکھا اور باشعور ہے ہمیںدینی و دنیاوی تعلیم سے معاشرہ کی جہالت کا خاتمہ کرنا ہو گاہمارے آبائو اجداد نے بڑی قربانیوں کے بعد اس ارض پاکستان کو حاصل کیا ہے اس کی حفاظت صرف علم کی طاقت سے کی جا سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری نصر اقبال24مارچ کو سکھ چین ہائوس ڈنگہ میں تاریخ ساز جلسہ سے خطاب کریںگے،چوہدری عاصم اکرم،چوہدری عبدالجبار
ڈنگہ(محمد بلال احمد بٹ)چوہدری عاصم اکرم اور چوہدری عبدالجبار نے اپنے بیان میں کہا ہے کہ چوہدری نصر اقبال24مارچ کو سکھ چین ہائوس ڈنگہ میں تاریخ ساز جلسہ سے خطاب کریںگے24مارچ علاقہ کی عوام کا فتح کا دن ہو گا جس روز ٹھاٹھیں مارتا ہوا سمندر سکھ چین ہائوس ڈنگہ میں چوہدری نصر اقبال کی حمایت کا اعلان کرے گا چوہدری نصر اقبال عوام کے دلوں کی دھڑکن ہیںانشاء اللہ وہ کرپٹ نا اہل حکمرانوں کے خلاف سیسہ پلائی دیوار ثابت ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : لرنرز ان سکول پنجاب ایجوکیشن فائونڈیشن کی وساطت سے بچوں کو مفت تعلیم دے رہا ہے،مس عابدہ طارق پرنسپل
ڈنگہ(محمد بلال احمد بٹ)پرنسپل مس عابدہ طارق د ی لرنرز ان سکول نے کہا کہ سکول پنجاب ایجوکیشن فائونڈیشن کی وساطت سے بچوں کو مفت تعلیم دے رہا ہے انہوں نے کہا کہ اللہ تعالیٰ کے خاص فضل و کرم اور اساتذہ کی بھر پور محنت کے باعث ہر سال ہمارے ادارہ کے شاندار رزلٹ آتے ہیں جس کا کریڈٹ اساتذہ کو جاتا ہے ڈائریکٹر طارق مسعود کی ولولہ انگیز قیادت میں ہمارے ادارہ نے بے مثال کامیابیاں حال کی ہیں جس کا کریڈٹ انہیں جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : دی لرنرز ان سکول کی بے مثال کامیابیوں پر طارق مسعود اور مسز عابدہ طارق کومبارکبا دپیش کرتی ہوں،میڈم مسرت زہرہ
ڈنگہ(محمد بلال احمد بٹ)ممتاز ماہر ہ تعلیم میڈم مسرت زہرہ نے اپنے بیان میں کہا ہے کہ دی لرنرز ان سکول کی بے مثال کامیابیوں پر طارق مسعود اور مسز عابدہ طارق کومبارکبا دپیش کرتی ہوں بچے قوم کا سرمایہ ہیں،محنتی لائق اور ذہین بچے ملک کی تقدیر بدل دیں گے ہم دی لرنرز ان سکول کی کامیابیوں کیلئے دعا گو ہیں دی لرنرزان سکول کایہ بڑا اعزاز ہے ادس ادارہ میں بچوں کو مفت تعلیم دی جاتی ہے،آج کے بچے مستقبل کے معمار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :قوم کے نونہالوں کی تعلیم و تربیت پر خصوصی توجہ دینا ہمارا فرض ہے،ڈاکٹر محمد اشرف قریشی ماہر تعلیم
ڈنگہ(محمدبلال احمد بٹ)ممتاز ماہر تعلیم اور سینئر ہیڈ ماسٹر گورنمنٹ ہائی سکول امرہ کلاں ڈاکٹر محمد اشرف قریشی نے کہا کہ ہے قوم کے نونہالوں کی تعلیم و تربیت پر خصوصی توجہ دینا ہمارا فرض ہے،دی لرنرز ان سکول صحیح معنوں میں بچوں کی تعلیم و تربیت اسلامی خطوط پر کر رہا ہے،بے مثال کامیابیوں پر ڈائریکٹر طارق مسعود اور پرنسپل مسز عابدہ طارق کو مبارکباد پیش کرتے ہیں،آج کے بچوںنے اس ملک کی بھاگ دوڑ سنبھالنا ہے انکی اعلیٰ تعلیم وتربیت کرنا ہم سب کی ذمہ داری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں طارق محمود،میاں امجد محمود کی سرکردگی میں ڈگری کالج ڈنگہ کو ضلع کا مثالی کالج بنانے کیلئے کام کر رہے ہیں،پروفیسر رائے محمد نذیر عظیم کھرل
ڈنگہ(محمد بلال احمد بٹ)ممتاز ماہر تعلیم عظیم سپوڑٹس مین و پرنسپل گورنمنٹ ڈگری کالج ڈنگہ پروفیسر رائے محمد نذیر عظیم کھرل نے کہا ہے کہ الحمد اللہ ہمارے کالج نے شاندار تعلیمی نتائج کے ساتھ ساتھ کھیلوں سمیت علم و ادب کے پنجاب سطح کے مقابلوں میں تاریخ ساز کامیابیاں حاصل کیں ہیںانہوں نے کہا کہ اللہ تعالیٰ کے خاص فضل و کرم اور علم دوست سابق ایم پی اے میاں طارق محمود،میاں امجد محمود کی سرکردگی میں ڈگری کالج ڈنگہ کو ضلع کا مثالی کالج بنانے کیلئے کام کر رہے ہیں،علم دوست شخصیت میاں طار ق محمود ان کے صاحبزادوں میاں طاہر محمود،میاں اسدمحمود،میاں شیر افگن اور میاں امجد محمود کالج کو مثالی ادارہ بنانے میں ہمارے ساتھ مکمل تعاون کر رہے ہیں،جس پر ہم ان کے تہہ دل سے شکر گزار ہیں ،ڈگری کالج کے سالانہ دو روزہ سپورٹس میلہ میں ہمارے کالج کے سٹاف انتظامیہ اور طلبہ نے بھر پور حصہ لے کر اپنی صلاحیتوں کا لوہا منوایا ہے،شاندار کارکردگی پر تمام سٹاف انتظامیہ اور طلبہ کو مبارکباد پیش کرتا ہوں،مہمانان گرامی میاں امجد محمود،میاں اسد محمود اور ڈپٹی ڈائریکٹر کالجز پروفیسر محمد افضل اور دیگر معززین شہر عمائدین علاقہ کے شکر گزار ہیں جنہوں نے ہمارے کالج کی رنگا رنگ تقریبات میں شرکت کر کے اس کی رونقوں کو دوبالا کیا اور ہمارا مان بڑھایا ہم ان کی محبتوں کو ہمیشہ یاد رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اللہ تعالیٰ کے فضل و کرم اور عوامی طاقت سے مسلم لیگ ن ضلع میں کلین سویپ کرے گی ،سید نور الحسن شاہ
ڈنگہ(محمدبلال احمد بٹ)رانما مسلم لیگ ن ،امیدوار حلقہ این اے106فخر سادات سید نور الحسن شاہ نے اپنے بیان میں کہا ہے کہ پارٹی قیادت کے شکر گزار ہیں جنہوں نے میرٹ پر ہمیں حلقہ این اے106کیلئے مسلم لیگ ن کا ٹکٹ دیا،اللہ تعالیٰ کے فضل و کرم اور عوامی طاقت سے مسلم لیگ ن ضلع میں کلین سویپ کرے گی ہم حلقہ کی عوام کے ممنون ہیں جنہوںنے ہمیشہ ہم پر اظہار اعتماد کیاہم اور ہمارے جانثار پارٹی کارکن مسلم لیگ ن نے حلقہ بھر میں انتخابی مہم زور و شور سے شروع کر دی ہے،انشاء اللہ بھاری اکثریت سے کامیابی حاصل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اسمبلیاںٹونٹنے کے بعد عوام کو ایک ٹکٹ میں 2شو دکھائیں گے،چوہدری اعجاز رنیاں،چوہدری اخلاق رنیاں
ڈنگہ(محمد بلال احمد بٹ)پاکستان مسلم لیگ ق کے امیدوار حلقہ پی پی 113چوہدری اعجاز احمد رنیاں اور ناظم یو سی کرنانہ چوہدری اخلاق احمد رنیاں نے اپنے بیان میں کہا کہ لوگ اب انتخابی مہم شروع کر رہے ہیں ہم نے تو پانچ سالوں سے اپنی انتخابی مہم شروع کر رکھی ہے ہمیں کوئی جلدی نہیں تحمل سے سیاست کر رہے ہیں اسمبلیاںٹونٹنے کے بعد عوام کو ایک ٹکٹ میں 2شو دکھائیں گے،ہماری سیاست کا مرکز و محور خدمت خلق ہے جو ہم سچے اور پرخلوص جذبوں کے ساتھ کر رہے ہیں،ہم انشاء اللہ چوہدری برادران کی ولولہ انگیز قیادت میں الیکشن ڈنکے کی چوٹ پر لڑیں گے،ہمارے حریفوں کے حریف ہمارے دوست ہیں آئندہ الیکشن کے حوالہ سے ان سے ساتھیوں کی موجودگی میں مذاکرات کرنے کیلئے تیار ہیں، ویسے بھی سیاست میں کوئی بات صرف آخر نہیں ہوتی،آج کے حریف کل کے حلیف اور کل کے حلیف آج کے حریف ہو سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ممتاز سماجی شخصیت حاجی اعجاز احمد وڑائچ امریکہ سے واپس وطن پہنچ گئے
ڈنگہ(محمد بلال احمد بٹ)ممتاز سماجی شخصیت حاجی اعجاز احمد وڑائچ امریکہ سے واپس وطن پہنچ گئے،ایئر پورٹ پر انکے دوست احباب اور عزیز و اقارب نے ان کا والہانہ استقبال کیا وطن واپسی پر انہوں نے عزیز و اقارب اور دوست احباب سے ملاقاتوں کا سلسلہ شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رشتہ کے تنازع پر نوجوان نے فائرنگ کر کے 55سالہ خاتون کو موت کے گھاٹ اتار دیا
ڈنگہ(محمدبلال احمد بٹ)رشتہ کے تنازع پر نوجوان نے فائرنگ کر کے 55سالہ خاتون کو موت کے گھاٹ اتار دیا بتایا جاتا ہے کہ نواحی گائوں چک میموری مین مبینہ ملزم آفاق نے رشتہ کے تنازعہ پر اندھا دھند فائرنگ کر کے 55سالہ بیوی تاج بی بی کو موت کے گھاٹ اتار دیا،پولیس نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :23مارچ بروز ہفتہ کو یوم پاکستان کے سلسلہ میں ملک بھر میں عام تعطیل ہو گی
ڈنگہ(محمد بلال احمد بٹ)23مارچ بروز ہفتہ کو یوم پاکستان کے سلسلہ میں ملک بھر میں عام تعطیل ہو گی،اس روز تمام سرکاری نیم سرکاری دفاتر تعلیمی ادارے بند رہیں گے جبکہ یوم پاکستان کے حوالے سے خصوصی تقاریب ہونگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری محمد عارف ڈوگہ آف نور جمال گذشتہ روز اٹلی سے واپس وطن پہنچ گئے
ڈنگہ(محمد بلال احمد بٹ)ممتاز سیاسی سماجی شخصیت سابق کونسلر وائس چیئر مین قومی امن کمیٹی ضلع گجرات چوہدری محمد عارف ڈوگہ آف نور جمال گذشتہ روز اٹلی سے واپس وطن پہنچ گئے لاہور ایئرپورٹ پر انکے دوست احباب نے ان کا والہانہ استقبال کیا استقبال کرنے والے چوہدری صفدر حسین،چوہدری محمد ارشد سمیت انکے دوست و احباب عزیز و اقارب نے انکا لاہور ایئرپورٹ پر والہانہ اور پرتپاک استقبال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انشاء اللہ تحریک انصاف ملک بھر میں بے مثا ل کامیابی حاصل کرے گی،چوہدری ارشد منج
ڈنگہ(محمد بلال احمد بٹ)پاکستان تحریک انصاف کے حلقہ پی پی113سے امیدوار چوہدری ارشد منج نے حاجی ہوٹل پرگفتگو کرتے ہوئے کہا کہ انشاء اللہ تحریک انصاف ملک بھر میں بے مثا ل کامیابی حاصل کرے گی،اس موقع پر پی ٹی آئی عہدیداران علی حسن،نوید عباس، و دیگر بھی موجود تھے۔انہوں نے کہا کہ پارٹی قائد عمران خان نے پارٹی میں الیکشن کروا کر نئی تاریخ رقم کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ایک بار پھر پی پی پی کی جانب سے چوہدری قمر زمان کائرہ اور پاکستان مسلم لیگ ن سے سید نور الحسن شاہ آمنے سامنے آگئے
ڈنگہ(محمد بلال احمد بٹ)قومی اسمبلی حلقہ این اے106 سے ایک بار پھر پی پی پی کی جانب سے چوہدری قمر زمان کائرہ اور پاکستان مسلم لیگ ن سے سید نور الحسن شاہ آمنے سامنے آگئے عام انتخابات2008ء میں پی پی پی کے ٹکٹ پر چوہدری قمر زمان کائرہ نے مسلم لیگ ق کے ٹکٹ پر لڑنے والے سید نور الحسن شاہ کو شکست دے دی تھی،پی پی پی کے امیدوار چوہدری قمر زمان کائرہ نے89495ووٹ حاصل کئے تھے جبکہ دوسرے نمبر پر ق لیگ کے امیدوار نے 71220اور تیسرے نمبر پر مسلم لیگ ن کے امیدوار کرنل (ر)میاں محمد اکرم نے10506ووٹ حاصل کئے تھے الیکشن 2008ء میں حلقہ این اے106 گجرات تین میں رجسٹر ڈ ووٹ322310 تھے جن میں179026ووٹ کاسٹ کئے گئے اور4653ووٹ مسترد کر دیئے گئے تھے اسی طرح صوبائی اسمبلی حلقہ پی پی112گجرات پانچ سے پی پی پی کی جانب سے چوہدری تنویر اشرف کائرہ اور مسلم لیگ ن کی ٹکٹ پر چوہدری لیاقت علی بھدر الیکشن2013میں مدمقابل ہونگے سابقہ الیکشن 2008ء میں پی پی پی کے امیدوار چوہدری تنویر اشرف کائرہ نے پی پی پی کے ٹکٹ پر39930ووٹ ،دوسرے نمبر پر مسلم لیگ ق کے چوہدری لیاقت علی بھدر37843جبکہ تیسرے نمبر پر مسلم لیگ ن کے سیف الرحمن بھٹی نے7786ووٹ حاصل کر
سکے تھے پی پی حلقہ 112میں 1622215رجسٹرڈ ووٹ تھے جن میں89565کاسٹ اور2664مسترد ہوئے۔
اس دفعہ آل پاکستان مسلم لیگ کے مرکزی راہنما چوہدری اسلم وسن بھی این اے106سے امیدوار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : وفائوں کے پیکر،دورِ آمریت میں مسلم لیگ ن کو ضلع گجرات میں زندہ رکھنے والے چوہدری جعفر اقبال آف فتہ بھنڈ کو ایک بار پھر مشکلات کا سامنا
ڈنگہ(محمد بلال احمد بٹ)مسلم لیگ ن کے ٹکٹ پر دو دفعہ الیکشن لڑنے اور ریکارڈ ووٹ حاصل کرنے والے پارٹی کی دل و جان سے قدر کرنے والے ثابت قدم رہنے اور ن لیگ کی خاطر دہشت گردی میں اپنے قائد کا ہر حکم سرخم تسلیم کرنے والے ورکر چوہدری جعفر اقبال آف فتہ بھنڈ کو مسلم لیگ ن کا ٹکٹ دینے کا وعدہ کیا پارٹی نے پہلے فیصلہ کیا کہ چوہدری جعفر اقبال کو حلقہ این اے106کا ٹکٹ دیا جائے لیکن وہ بضد رہے کہ میں حلقہ پی پی113کا امیدوار ہوں لیکن میاں نواز شریف نے انہیں بلا کر کہا کہ چوہدری جعفر اقبال حلقہ این اے106کے ٹکٹ پر الیکشن لڑیں یہ فیصلہ چوہدری جعفر اقبال کے لئے مشکل تھا جس پر میاں نواز شریف نے کہا کہ میں آپ کی الیکشن مہم کے سلسلہ میں آپ کے حلقہ میں آئوں گا،انہوں نے اپنے قائد کا حکم مان کر حلقہ این اے 106میں الیکشن مہم تیز کر دی اور خود نواز شریف یورپ کے دورے پر چلے کہ اچانک مسلم لیگ ن کی پارلیمانی بورڈ نے فیصلہ تبدیل کر دیا اور نواز شریف کا دیا گیا ٹکٹ واپس لے لیا جس سے علاقہ بھر میں بے چینی اور ابہام کی صورتحال برقرار رہی،چوہدری جعفر اقبال نے جنرل مشرف کے آمریت کے دور میں ن لیگ کو اس وقت سہارا دیا جب لیگی نواز کو چھوڑ کر ادھر ادھر ہو گئے تھے چوہدری جعفر اقبال اور انکے ساتھیوں پر دہشت گردی کی عدالت میں کیس ہوئے لیکن ثابت قدم رہے،چوہدری جعفر اقبال نے گجرات اور سرائے عالمگیر کے ضمنی الیکشن میں اپنی بہترین حکمت عملی سے ن لیگ کے دونوں امیدوار حاجی عمران ظفر اور ملک محمد حنیف اعوان کو الیکشن میں کامیاب کرایا گوجرانوالہ ڈویثرن میں ن لیگ کی تنظیم سازی بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام اب تبدیلی چاہتے ہیں،اپنے ساتھیوں اور دوستوں کے مشورہ سے آئندہ الیکشن میں حصہ لینے کا فیصلہ اٹل ہے،چوہدری نصر اقبال آف سکھ چیناں
ڈنگہ(محمد بلال احمد بٹ)ممتاز سیاسی و سماجی راہنما حلقہ این اے106کے امیدوار چوہدری نصر اقبال آف سکھ چیناں نے کہا ہے کہ اپنے دوستوں اور ساتھیوں کے مشورہ پر دو ہفتے قبل ہی الیکشن لڑنے کا اٹل فیصلہ کر چکا ہوں،پارٹی کو ٹکٹ کے حصول
کے لیے کوئی درخواست نہیں دی،عوام کی محبت ہی میرا اصل سرمایہ ہے،تفصیلات کے مطابق ڈنگہ پریس کلب رجسٹرڈ کے عہدیداران سے گفتگو کرتے ہوئے چوہدری نصر اقبال آف سکھ چیناں نے کہا کہ سیاست میں آنے کا فیصلہ سوچ سمجھ کر کیا ہے حلقہ این اے106 میں روایتی سیاستدان اقرباء پروری ،کمیشن اور مال کمانے میں مصروف ہیں، اربوں روپے روپے کے ترقیاتی کام کروائے گئے ہوتے تو علاقہ کی تقدیر بدل جاتی انہوں نے کہا کہ عوام اب تبدیلی چاہتے ہیں،اپنے ساتھیوں اور دوستوں کے مشورہ سے آئندہ الیکشن میں حصہ لینے کا فیصلہ اٹل ہے،چوہدری نصر اقبال نے کہا کہ عوامی خدمت کاجذبہ لے کر ہی میدان عمل میں آیا ہوں میرے پاس مخلص دوستوں اور ساتھیوں کی محبت عوام کی امیدوں کے ٹکٹ کے علاوہ کچھ نہیں،انہوں نے کہا کہ یہی میرا سرمایہ ہے،لہذاآئندہ الیکشن میں تبدیلی لانے کیلئے بھر پور حصہ لوں گا انہوں نے ایک سوال کے جواب میں کہا کہ الیکشن کمیشن آف پاکستان حقیقی معنوں میں ایک آزاد و خودمختار ادارے کی حیثیت سے پاکستان میں آزاد شفاف اور منصفانہ الیکشن کروا نے کی پالیسی پر گامزن ہے،الیکشن2013ء کے لیے نامزدگی فارم میں اصلاحات اور تبدیلیاں
انقلابی اقدامات ہیں،جس کے لیے ہم الیکشن کمیشن آف پاکستان کو خراج تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری جعفراقبال کو ن لیگ نے ٹکٹ نہ دے کر ان سے بے وفائی کی ،سینکڑوں ایس ایم ایس قیادت کے پاس پہنچ گئے
ڈنگہ(محمد بلال احمد بٹ)مسلم لیگ ن کیلئے قربانیاں دینے والے ورکر چوہدری جعفراقبال کو ن لیگ نے ٹکٹ نہ دے کر ان سے بے وفائی کی ہے حلقہ این اے106اور پی پی113 کے مسلم لیگی اور ان کے ووٹر سپورٹروں میں سخت تشویش پائی جا رہی ہے اور ہر شخص کہہ رہا ہے کہ پارٹی نے چوہدری جعفر اقبال کو ٹکٹ نہ دے کر اچھا نہیں کیا کیونکہ کافی عرصہ سے ان کی مسلم لیگ ن کے لئے بیش بہا قربانیاں دی ہیں متعدد افراد نے ایس ایم ایس کے ذریعے اپنا پیغام مسلم لیگ ن کے قائدین کو پہنچا دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کی سیاست میں ایک بار پھر بھونچال :میاں افضل حیات ایم این اے جبکہ میاں اختر حیات حلقہ پی پی113سے الیکشن لڑیں گے،ذرائع
ڈنگہ(محمد بلال احمد بٹ)انتہائی معتبر ذرائع سے معلوم ہوا ہے کہ پاکستان تحریک انصاف حلقہ این اے106کے ٹکٹ پر میاں محمد افضل حیات ان کے بھائی میاں اختر حیات حلقہ پی پی113سے الیکشن لڑنے کا امکان یاد رہے کہ کولیاں فیملی میں بھائیوں کے درمیان گلے شکوے تھے جو کہ گذشتہ روز دور ہو گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اقتدار میں رخصتی سے قبل عوام دوست حکمرانوں کا ایک اور کارنامہ،چائے پر جی ایس ٹی لاگو کر دیا گیا
ڈنگہ(محمد بلال احمد بٹ)اقتدار میں رخصتی سے قبل عوام دوست حکمرانوں کا ایک اور کارنامہ،چائے پر جی ایس ٹی لاگو کر دیا گیا جبکہ بجلی کی قیمتوں میں بھی پھر اضافہ کر دیا،عوام نے انہیں خراج تحسین پیش کرنا شروع کردیا ہے،تفصیل کے مطابق حکمرانوں نے منصب اقتدار سے رخصت ہونے سے قبل چائے پر ٹی ایس ٹی لاگو کر دیا جسکی وجہ سے چائے کی قیمتوں میں حیرت ناک حد تک اضافہ ہوگیا 100گرام چائے کی قیمت72روپے سے80روپے ،دو سو گرام137سے157روپے جاری،360 روپے سے410 روپے اضافہ کیا گیا ہے چائے کی قیمتوں میں اضافہ ہونے پر چائے فروخت کرنے والوں نے بھی فی کپ پندرہ روپے سے بیس روپے کر دیاہے،جبکہ بجلی کی قیمتوں میں بھی ایک دفعہ پھر اضافہ کر دیا گیا ہے جبکہ پانچ سالہ دور اقتدار میں متعدد فی یونٹ آٹھ روپے سے بیس روپے تک ہو گئی ہے، پانچ سالہ سنہرے دور حکومت کی تکمیل اور سنہرے کارناموں پر عوام حکمرانوں انکے اتحادیوں و ممبران پارلیمنٹ کو شاندار الفاظ میں خراج تحسین پیش کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ینگ علی الیون ڈنگہ نے جہانگیر کلب لالہ موسیٰ کو سات رنز سے شکست دے دی
ڈنگہ(نامہ نگار)ینگ علی الیون ڈنگہ نے جہانگیر کلب لالہ موسیٰ کو سات رنز سے شکست دے دی،قدیم خان کے شاندار ساٹھ رنز جبکہ ابوبکر نے تین ،چاند شیوارائو ،کامران نے دو دووکٹیں حاصل کیں ینگ علی الیونکے کپتان عبدالواحد نے ٹاس جیت کر پہلے بیٹنگ کا فیصلہ کیا مقررہ بیس اوورز میں 140رنز بنا کر آئوٹ ہوگئی،قدیم خان نے ساٹھ الیان25جبکہ عامر شہزاد صرف دس رنز بنا سکے جواب میں جہانگیر کلب مقررہ اوورز میں صرف133رنز بنا سکی علی تیس جبکہ ڈاکٹر فیاض چالیس رنز بنا سکے میچ کا بہترین پلیئر قدیم خان کو دیا گیا۔

by Tahir Webmaster

Nasir Mehmood - Chief Editor at GeoURDU.com

Find on Google+ Follow me opinions Website