ڈنگہ کی خبریں 22.07.2013
Posted on July 23, 2013 By Geo Urdu سٹی نیوز
ڈنگہ : سامراجی طاقتوں کی وجہ سے پاکستان کا آئین شریعت کے تابع نہیں ہو سکا، مرزا اشفاق احمد سابق امیر جماعت اسلامی ڈنگہ
ڈنگہ(محمد بلال احمد بٹ)سابق امیدوار نائب ناظم سابق امیر جماعت اسلامی ڈنگہ مرزا اشفاق نے اپنے بیان میں کہا کہ سامراجی طاقتوں کی وجہ سے پاکستان کا آئین شریعت کے تابع نہیں ہو سکا، برما، کشمیر، فلسطین میں مسلمانوں پر بے پناہ مظالم ڈھائے جا رہے ہیں بے ضمیر بزدل مسلم حکمران احتجاج کرنے کے بھی قابل دکھائی نہیں دے رہے، تن ساز، نفس پرستی، عیش پرستی، بزدل حکمرانوں کی بیماریاں ہیں اگر یہ برقرار رہے تو رسوائی ہمارا مقدر بن جائے گی ہم نے جہا دکی بجاے جان کو بچانے کی پالیسی ترتیب دے رکھی ہے، اللہ تعالیٰ نے قرآن پاک کے ذریعے خاک نشینوں کو اٹھا کر دنیا کا حکمران بنایا قرآن کو سینے سے لگانے والے تھوڑے ہی عرصہ میں دنیا کے حکمران ہو گئے، مسلمان غور وفکر کریں اللہ تعالیٰ کی طرف رجوع کریں اور اللہ کی کتاب سے بے وفائی پر معافی مانگیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ایس ایچ او ڈنگہ تھانہ صدر عامر شاہین گوندل کنجاہ تبدیل، ان کی جگہ زاہد اکرم تھانہ ڈنگہ تعینات
ڈنگہ (محمد بلال احمد بٹ) ایس ایچ او ڈنگہ تھانہ صدر عامر شاہین گوندل کنجاہ تبدیل، ان کی جگہ ان کے پیش رو زاہد اکرم کو تعینات کر دیا گیا ہے۔زاہد اکرم نے اپنے عہدے کا چار ج سنبھا ل کر کام کا آغاز کر دیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوکی انچارج ڈنگہ حافظ مشتاق نے روزہ کے اوقات میں ہوٹل کھلے رکھنے اور کھانا فروخت کرنے پر ڈھلیان چوک میں قائم دو ہوٹلزکے مالکان کے خلاف مقدمات درج کر کے عدالت میں پیش کر دیا
ڈنگہ (محمد بلال احمد بٹ) چوکی انچارج ڈنگہ حافظ مشتاق نے روزہ کے اوقات میں ہوٹل کھلے رکھنے اور کھانا فروخت کرنے پر ڈھلیان چوک میں قائم خان ہوٹل اور کامران ہوٹل کے مالکان کے خلاف مقدمات درج کر کے عدالت میں پیش کر دیا جس پر عدالت نے ملزمان کو موقعہ پر جرمانہ کی سزا سنا دی اور جرمانہ ادا کرنے کے بعد ہوٹل مالکان بری ہو گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اہلیان ڈنگہ کو عامر شاہین گوندل جیسا نیک اور خداداد صلاحیتوںکا مالک آفیسر ملا ہے لیکن جلد تبادلہ سمجھ سے بالا تر ہے، شاہ زیب اصغر قریشی
ڈنگہ(محمد بلال احمد بٹ)ایم ڈی بیوٹی پان شاپ شاہ زیب اصغر قریشی نے کہا ہے کہ علاقے کی عوام کو عامر شاہین گوندل جیسا نیک اور خداداد صلاحیتوںکا مالک آفیسر ملا ہے جس کی وجہ سے علاقہ میں امن کی فضا ہے، انہوں نے کہا کہ اس بابرکت ماہ میں شراب فروشی جیسی وارداتوں پر قابو پانے اور علاقہ کا امن قائم رکھنے پرہم تمام افسران کو خراج تحسین پیش کرتے ہیں اور دعاکرتے ہیں کہ تمام افسران اس نیک نیتی سے اپنے فرائض سر انجام دیتے رہیں۔ انہوں نے اعلیٰ افسران سے مطالبہ کیا کہ وہ عامر شاہین کا تبادلہ واپس کریں تاکہ اہلیان ڈنگہ سکھ کا سانس لے سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرمنڈواتے ہی اولے پڑے : چوہدری جعفر اقبال کی سربراہی میں تجاوزات مخالف کمیٹی کا پہلا اجلاس ملتوی
ڈنگہ(محمد بلال احمد بٹ)ممبر قومی اسمبلی ایم این اے 106چوہدری جعفر اقبال کی سربراہی میں لالہ موسیٰ شہر میں تجاوزات کے خلاف بنائی گئی کمیٹی کا پہلا اجلاس ہی ملتوی،ایم این اے چوہدری جعفر اقبال سمیت کسی بھی اہم شخصیت نے اجلا س میں آنے کی زحمت گوارہ نہیں کی، تفصیلات کیمطابق گذشتہ روز ٹی ایم اے نان ہیڈ کوارٹرلالہ موسیٰ میں تجاوات کے خلاف ممبر قومی اسمبلی چوہدری جعفر اقبال کی سربراہی میں کمیٹی تشکیل دی گئی تھی،جس کا پہلا اجلاس ہفتہ کو ہونا تھا وقت مقررہ تک ایم این اے چوہدری جعفر اقبال سمیت کوئی اہم شخصیت اجلاس میں نہ پہنچ سکی، جس کے باعث اجلاس ملتوی کر دیا گیا ہے نئے اجلاس کی کوئی تاریخ مقرر نہ کی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری جاوید سلیم جوڑا کو اے ای او نونانوالی سے تبدیل کر کے گورنمنٹ ہائی سکول جوڑا میں تعینات کر دیاگیا
ڈنگہ (محمد بلال احمد بٹ) ڈی سی او گجرات کی ہدایت پر ای ڈی او ایجوکیشن گجرات نے چوہدری جاوید سلیم جوڑا کو اے ای او نونانوالی سے تبدیل کر کے گورنمنٹ ہائی سکول جوڑا میں تعینات کر دیا جب کہ ان کی خالی ہونے والی سیٹ پر چوہدری محمد زمان سویہ کو اے ای او مرکز نونانوالی تعینات کر دیا گیا ہے جبکہ میڈم نگہت سلطانہ کو اے ای او ڈنگہ سے تبدیل کر کے کھاریاں تعینات کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف صحافی الطاف حسن طاہر کا 23 جولائی کو انتہائی پچیدہ آپریشن ملٹری ہاسپٹل راولپنڈی میں ہو گا،صحت یابی کیلئے اپیل
ڈنگہ (محمد بلال احمد بٹ)ڈنگہ میڈیا کونسل کے چیئر مین مجلس عاملہ اور سینئر صحافی الطاف حسن طاہر جو کہ گذشتہ کئی ماہ سے ایکسیڈنٹ کی وجہ سے گردن کے مہروں کے ٹوٹ جانے کے بعد بستر پر تھے 23 جولائی کو انتہائی پچیدہ آپریشن ملٹری ہاسپٹل راولپنڈی میں ہو گا، ڈنگہ میڈیا کونسل نے دعائوں کی خصوصی اپیل کی ہے،حلقہ یاراں کا کہنا ہے کہ امید کی جاتی ہے الطاف حسن طاہر جلد صحت یاب ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عبدالرحمن نواز کے ہاں چاندسے بیٹے کی پیدائش پر دل کی اتھاہ گہرائیوں سے مبارکباد پیش کرتے ہیں، ریاض احمد بٹ
ڈنگہ (محمد بلال احمد بٹ) صدر مرکزی انجمن تاجران ریاض بٹ نے کہا ہے کہ عبدالرحمن نواز کے ہاں چاندسے بیٹے کی پیدائش پر دل کی اتھاہ گہرائیوں سے مبارک باد پیش کرتے ہیں اور اللہ کے حضور دعا گو ہیں کہ بچے کو صحت و تندرستی عطا فرمائے اور لمبی عمر عطا فرمائے آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : فروٹ کمیشن ایجنٹس اور سیکرٹری مارکیٹ کمیٹی ڈنگہ کے درمیان طالع آزمائی ہو گئی، ریاض بٹ اور حاجی نواز نے صلح کروا دی
ڈنگہ (محمد بلال احمد بٹ) فروٹ کمیشن ایجنٹس اور سیکرٹری مارکیٹ کمیٹی ڈنگہ کے درمیان طالع آزمائی ہو گئی، فروٹ کمیشن ایجنٹس نے دفتر مرکزی انجمن تاجران میں آکر سیکرٹری مارکیٹ کمیٹی کے خلاف دھرنا دے دیا، فروٹ کمیشن ایجنٹس کا مطالبہ تھا کہ دوسری منڈیوں کے مقابلے میں ہماری منڈی میں فروٹ کمیشن زیادہ وصول کی جارہی ہے جبکہ سیکرٹری اس پر کان دھرنے کو تیار نہیں، مرکزی انجمن تاجران کے راہنمائوں نے سیکرٹری مارکیٹ کمیٹی کو دفتر بلوا لیا اور فروٹ کمیشن ایجنٹس کے معاملات کو کلیئر کروا دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ماضی گواہ ہے کہ کبھی بھی غیر سنجیدہ غیر ضروری اور غیر معقول بیان بازی نہیں کی اور نہ ہی پسند ہے،میاں محمد اسلم
ڈنگہ (محمد بلال احمد بٹ) سابق چیئر مین بلدیہ ڈنگہ اور مسلم لیگ ن کے راہنما میاں محمد اسلم نے اپنے بیان میں کہا کہ بلدیاتی الیکشن میں حصہ ضرور لیں گے،جو بھی فیصلہ کریں گے اس میں اپنے گروپ دھڑے کی بھر پور مشاورت شامل ہو گی چیئر مین شپ کا فیصلہ بھی باہمی مشاورت سے کریں گے،البتہ ماضی گواہ ہے کہ کبھی بھی غیر سنجیدہ غیر ضروری اور غیر معقول بیان بازی نہیں کی اور نہ ہی پسند ہے ان خیالات کا اظہار میڈیا سے کرتے ہوئے کہنا تھا کہ چاہے کچھ بھی ہو بلدیاتی الیکشن میں حصہ ضرور لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رمضان المبارک میں تاجر ناجائز منافع کما کر اپنی قبروں میں انگارے بھر رہے ہیں،شیخ امجد امتیاز
ڈنگہ (محمد بلال احمد بٹ) ٹریک فوٹو سٹیٹ شاپ کے ایم ڈی شیخ امجد امتیازکا کہنا ہے کہ رمضان المبارک میں تاجر ناجائز منافع کما کر اپنی قبروں میں انگارے بھر رہے ہیں، روزہ ایک اہم عبادت ہے،جس سے روزہ دار کو جسمانی اور روحانی فوائد
حاصل ہو کر تذکیہ نفس کا باعث بنتا ہے تمام انسانوں کو چاہیے کہ غیبت، ناجائز منافع خوری، ذخیرہ اندوزی اور فحش باتوں سے پرہیز کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکومت وقت نے ماہ رمضان میں عوام کے اوپر مہنگائی کے پہاڑ گرا دیئے ہیں،میاں مبین افضل حیات
ڈنگہ (محمد بلال احمد بٹ) پاکستان تحریک انصاف کے این اے 106کے راہنما میاں مبین حیات نے اپنے بیان میں کہا ہے کہ حکومت وقت نے ماہ رمضان میں عوام کے اوپر مہنگائی کے پہاڑ گرا دیئے ہیں،اور بدعائیں وصول کرنا شروع کی ہوئی ہیں تاہم اگر عوام کو ریلیف نہ دیا گیا تو سخت احتجاجی مظاہرے کریں گے ہم مزدوروں کسانوں غریبوں کو اذیت ناک دور میں تنہا نہیں چھوڑیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : شہر کے تمام محلوں گلیوں میں کھڑا بدبو دار پانی اور گندگی کے ڈھیر بلدیہ ڈنگہ کی کارکردگی کا منہ بولتا ثبوت ہیں
ڈنگہ (محمد بلال احمد بٹ) شہر کے تمام محلوں گلیوں میں کھڑا بدبو دار پانی اور گندگی کے ڈھیر بلدیہ ڈنگہ کی کارکردگی کا منہ بولتا ثبوت ہیں کئی کئی گٹ لگے کوڑے کے ڈھیر بدبو مہلک امراض اور تعفن کا سبب بن رہے ہیں، مون سون کی بارشوں کے باعث کوڑے کے ڈھیروں سے وبائیں پھوٹ رہی ہیں جس میں آنکھوں کی الرجی اور ڈائریا شامل ہیں گندگی کے ڈھیروں کے باعث کیڑے مکوڑوں اور موزی مچھروں کی تعداد میں بے تحاشہ امراض میں اضافہ ہو رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ن لیگ نے غربت ختم کرنے کی بجائے غریب ختم کرنے کی پالیسی شروع کر رکھی ہے،اویس افضل وریام
ڈنگہ (محمد بلال احمد بٹ) جنرل سیکرٹری نوجوان محاذ پاکستان اویس افضل وریام نے اپنے بیان میں کہا ہے کہ ن لیگ نے غربت ختم کرنے کی بجائے غریب ختم کرنے کی پالیسی شروع کر رکھی ہے بلدیاتی انتخاب کو غیر جماعتی کروا کر جمہوریت کی پنیری ہی غلط لگائی جا رہی ہے دو ماہ کے اندر مسلم لیگ ن نے عوام کی چیخیں نکلوا دی ہیں مہنگائی میں اضافہ تمام اشیاء عوام کی پہنچ سے دور کر دی گئی ہیں،اگر یہی حالات رہے تو حکمراننوں کو عوامی غیض و غضب سے کوئی نہیں بچا سکے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اے ایس آئی شوکت حیات سائی کو منشیات فروشوں کے خلاف کریک ڈائون کرنے پر خراج تحسین پیش کرتے ہیں،خان نواز
ڈنگہ (محمد بلال احمد بٹ) ایم ڈی نعمان موٹرز خان نواز نے اپنے بیان میں کہا ہے کہ ایس ایچ او کی سربراہی میں اے ایس آئی شوکت حیات سائی کو منشیات فروشوں کے خلاف کریک ڈائون کرنے پر خراج تحسین پیش کرتے ہیں ان ایماندار اور ذمہ دار افسران کی ٹیم کے بدولت علاقہ کے عوام کا پولیس پر اعتماد بحال ہوا ہے اللہ تعالیٰ سے دعا ہے کہ پولیس افسران کو فرض شناسی اور ایمانداری سے کام کرنے اور علاقہ سے جرائم کو ختم کرنے میں مدد عطا فرمائے۔
ڈنگہ :موجودہ حکومت جو عوامی حقوق کے دعوے لے کر آئی تھی کی قلعی ابھی سے کھلنا شروع ہو گئی ہے،قمر زمان کائرہ
ڈنگہ(محمد بلال احمد بٹ)موجودہ حکومت جو عوامی حقوق کے دعوے لے کر آئی تھی کی قلعی ابھی سے کھلنا شروع ہو گئی ہے،ان کے باقی کام بھی آہستہ آہستہ کھل جائی گے ان خیالات کا اظہار پاکستان پیپلز پارٹی کے مرکزی سیکرٹری سابق وفاقی وزیر اطلاعات قمر زمان کائرہ نے میڈیا سے گفتگو کرتے ہوئے کیا انہوں نے کہا کہ موجودہ حکمرانوں نے بہت زیادتی والا کام شروع کر دیا ہے، چیزوں کے ریٹ بڑھا دیئے ہیں، سرکاری ملازمین کو برطرف کیا جا رہا ہے ٹیکوں کا بوجھ عوام پر لاد کر ان کی زندگی عذاب بنا دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اے سی کھاریاں افضل حیات تارڑ نے ایم پی اے میاں طارق محمود کے ہمراہ اچانک رمضان بازار کا دورہ کیا
ڈنگہ (محمد بلال احمد بٹ) اے سی کھاریاں افضل حیات تارڑ نے ایم پی اے میاں طارق محمود کے ہمراہ اچانک رمضان بازار کا دورہ کیا جس میں عوام نے قیمتوں میں اضافے اور باسی گوشت کے فروخت کئے جانے کی شکایات کے انبار لگا دیئے، ایم پی اے میاں طارق محمود اور اے سی کھاریاں افضل حیات تارڑ نے شکایات پر فوری ایکشن لیا، اور ویٹرنری ڈاکٹر، ریونیو آفیسر اور سیکرٹری مارکیٹ کمیٹی کی سخت سرزنش کی اور کہا کہ عوام کی پائی بھی ضائع نہیں ہونے دیں گے، کرپٹ افراد کو لمبی رخصت پر گھر بھیج دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : کولیاں شاہ حسین کے رہائشی محمد وارث پر اسد وغیرہ نے حملہ کر کے محمد وارث کو شدید زخمی کر دیا
ڈنگہ(محمد بلال احمد بٹ)کولیاں شاہ حسین کے رہائشی محمد وارث پر اسد وغیرہ نے حملہ کر کے محمد وارث کو شدید زخمی کر دیا جس پر
پولیس تھانہ ڈنگہ نے زخمی کی درخواست پر مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مختار فورس ڈنگہ اور تحریک نفاذ فقہ جعفریہ کا اہم اجلاس
ڈنگہ (محمد بلال احمد بٹ) مختار فورس ڈنگہ اور تحریک نفاذ فقہ جعفریہ کا اہم اجلاس زیر قیادت صدر تحریک نفاذ جعفریہ سید ابن حسن شیراز کی منعقد ہوا، اجلاس میں جناب امہ الائمہ حضرت خدیجتہ الکبری اسلام اللہ علیہ کی وفات پر ہدیہ عقیدت پیش کیا گیا اور جناب سیدہ زینب کے روضہ اقدس پر ہونے والے راکٹ حملہ کی پر زور مذمت کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی انتخابات کی آمد آمدہے کہ متوقع بلدیاتی انتخاب کے امیدواروں نے لنگوٹ کس لئے ہیں
ڈنگہ (محمد بلال احمد بٹ) بلدیاتی انتخابات کی آمد آمدہے کہ متوقع بلدیاتی انتخاب کے امیدواروں نے لنگوٹ کس لئے ہیں،تمام جماعتوں پی ٹی آئی،پی پی پی، پاکستان مسلم لیگ ق، پاکستان مسلم لیگ ن نے ضلعی اقتدار کے حصول کی خاطر ابھی سے مضبوط امیدواروں کو سامنے لانے کیلئے صلاح و مشورے اور میٹنگوں کا سلسلہ شروع کر رکھا ہے، ڈنگہ سے،میاں محمد اسلم ،حبیب بسوی، چوہدری شہریار اسلم، عمران بھٹی سمیت تمام امیدوروں سیاسی پارٹیوں اور دھڑوں میں مشاورت جاری ہے۔
