ڈنگہ کی خبریں 23.10.2013
Posted on October 24, 2013 By Tahir Webmaster سٹی نیوز
ڈنگہ میں ڈنڈوں سوٹوں اور آتشیں اسلحہ سے مسلح 9 افراد کا 3افراد پر وحشیانہ تشدد
ڈنگہ (محمد بلال احمد بٹ) ڈنگہ میں ڈنڈوں سوٹوں اور آتشیں اسلحہ سے مسلح 9 افراد کا 3افراد پر وحشیانہ تشدد۔ پولیس نے ملزمان کے خلاف مقدمہ درج کر لیا۔ تفصیل کے مطابق ڈنگہ کے محلہ مغلپورہ میں کے رہائشی حامد محمود، خالد سہیل،اور اشفاق عرف شاقی گلی میں سے گزر رہے تھے کہ مرزا اویس ،عامر قصاب،عادل،فیصل قصاب،مرزا اسامہ،مرزا رمیز،محمد نقاش جرال،راشد محمود انصاری مسلح پسٹل وڈنڈا سوٹا نے ان پر دھاوا بول دیا اور تشدد کرنا شروع کر دیا جس سے حامد،خالداور شاقی شدید زخمی ہو گئے جن کا میڈیکل کریا کے پولیس نے نصراللہ کی مدعیت میں ملزمان کے خلاف مقدمہ درج کر کے تفتیش شروع کر دِی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :علاقہ کی معروف تعلیمی درسگاہ یاسین ہائر سکینڈری سکول اتووالہ کے انٹر پارٹ1کے شاندار100فیصد
ڈنگہ(محمد بلال احمد بٹ)علاقہ کی معروف تعلیمی درسگاہ یاسین ہائر سکینڈری سکول اتووالہ کے انٹر پارٹ1کے شاندار100فیصد تعلیمی نتائج ممتاز ماہر تعلیم و ڈائریکٹر یاسین ہائر سکینڈری سکول اتووالہ محمد امین کی سرکردگی میں گوجرانوالہ بورڈ کے زیر اہتمام انٹرمیڈیٹ پارٹ ون کے نتائج سو فیصد رہے،عوامی سماجی تعلیمی حلقوں نے ماہر تعلیم محمد امین اور اعلیٰ تعلیم یافتہ سٹاف کو شاندار تعلیمی نتائج اور سو فیصد انٹرکے نتائج پر مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ذوالفقار کالونی سے الیکشن لڑنے کیلئے دوست احباب اور سیاسی سماجی حوالے سے صلاح مشورے جاری ہیں،بشارت علی طاہر
ڈنگہ(محمد بلال احمد بٹ)معروف سیاسی سماجی فلاحی شخصیت،ایم ڈی ایمان ٹریولز ڈنگہ،نامہ نگار روزنامہ جناح ڈنگہ بشارت علی طاہر نے اپنے ایک بیان میں کہا ہے ذوالفقار کالونی سے الیکشن لڑنے کیلئے دوست احباب اور سیاسی سماجی حوالے سے صلاح مشورے جاری ہیں انہوں نے کہا کہ دوست احباب نے زور دیا تو میں انشاء اللہ بلدیاتی الیکشن میں ضرور حصہ لوں گا اور اللہ کے فضل و کرم سے کامیابی حاصل کروں گا،انہوں نے کہا کہ ہمارا ماضی بے داغ ہے انشاء اللہ ہم پہلے بھی اپنے علاقہ کی عوام کی خدمت کے لئے سر دھڑ کی بازی لگا رہے ہیں اور انشاء اللہ اگر عوام پر مجھ پر اعتماد کیا تو ان کی فلاح و بہبود کے لئے کوئی دقیقہ فروگزاشت نہیں رکھوں گا۔انہوں نے ایک سوال کے جواب میں کہا کہ جلد ہی دو ست احباب سے صلاح و مشورہ کے بعد کسی فیصلے پر پہنچنے کے بعد جلدہی میڈیا کے ذریعے اعلان کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:بلدیاتی انتخابات کا بائیکاٹ کرتے ہیں،ہمیں ڈنگہ سے منسلک کیا جائے،اہلیان ذوالفقار کالونی کا مطالبہ
ڈنگہ (محمد بلال احمد بٹ) ڈنگہ سے ملحقہ ذولفقار کالونی کے رہائشیوں اور امن ویلفیئر سوسائٹی نے مذکورہ کالونی کو ڈنگہ سے منسلک نہ کرنے پر پر شدید احتجاج اور بلدیاتی انتخابات کے بائیکاٹ کا فیصلہ کر لیا لوگوں نے اپنے موقف میں کہا کہ ذولفقار کالونی میونسپل کمیٹی کی حدود میں ہے اور رقبہ بھی ڈنگہ کا ہے اور اسے آباد بھی شہر کے لوگون نے کیا ہے ستم ظریفی یہ ہے کہ اس کالونی کو امرہ کلاں یونین کونسل سے منسلک کر دیا گیا ہے جو یہاں سے 3,4کلومیٹر کے فاصلے پر ہے جس کی وجہ سے ہیاں کے لوگوں کو پیدائش اور اموات سمیتدیگر امور کے لئے اتنا فاصلہ طے کرنا پڑتا ہے پھر عام انتخابات میںقومی و صوبائی اسمبلی کے نمائندوں نے یہاں کے لوگوں سے وعدے بھی کئے تھے کہ ذولفقار کالونی کو ہر صورت ڈنگہ کے ساتھ منسلک رکھا جائے گا مگر اب دونوں اس میں عدم دلچسپی کا مظاہرہ کر رہے ہیں لوگوں نے صحافیوں سے گفتگو کرتے ہوئے کہا ہے کہ اگر ذولفقار کالونی کو ڈنگہ کے ساتھ منسلک نہ کیا گیا تو وہ شدید احتجاج بھی کریں گے اور بلدیاتی انتخابات میں ووٹ کاسٹ بھی نہیں کریں گے اور جب تک ہمارا جائز مطالبہ تسلیم نہ کیا گیا اس وقت تک احتجا ج جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ن لیگ کی حکومت آتے ہی مہنگائی کا طوفان برپا ہو چکا ہے ، غریب اور سفید پوش لوگوں کا جینا محال ہو چکا ہے،چوہدری ارشد منج راہنما پاکستان تحریک انصاف حلقہ پی پی113
ڈنگہ(محمد بلال احمد بٹ)چوہدری ارشد منج راہنما پاکستان تحریک انصاف حلقہ پی پی113نے اپنے ایک بیان میں کہا ہے کہ ن لیگ کی حکومت آتے ہی مہنگائی کا طوفان برپا ہو چکا ہے ، غریب اور سفید پوش لوگوں کا جینا محال ہو چکا ہے ، عوام دن بدن بڑھتی ہوئی مہنگائی سے تنگ آ چکے ہیں ،حکومت مکمل طور پر ناکام ہو گئی ہے انہوں نے کہا کہ کبھی پٹرولیم مصنوعات ، گیس ، بجلی ، اور ضروریات زندگی کی اشیاء پر ٹیکس لگا جا رہے ہیں ، پرائس کنٹرول کمیٹیاں نہیں نظر آتیں ، عوامی مسائل میں بے پناہ اضافہ ہو چکا ہے ، انہوں نے کہا ایک سوال کے جواب میں کہا کہ اگر حکومت کی یہی روش رہی تو جلد ہی عوام سڑکوں پر ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پڑھا لکھا پنجاب جھوٹاخواب،مرکزڈنگہ میں گورنمنٹ سکول کی تعداد 56 ہے جن میں تیس سکولوں میں پرائمری حصہ میں صرف ایک ٹیچر تعینات ہے
ڈنگہ (محمد بلال احمد بٹ) پڑھا لکھا پنجاب جھوٹاخواب۔مرکز ڈنگہ میں گورنمنٹ سکولوں کی تعداد56ہے جن میں اے 30سکول ایسے ہیں پرائمری حصہ میں صرف ایک ٹیچر تعینات ہے ان میں سے اکثر سکول بھی انگلش میڈیم بتائے جاتے ہیں پرائمری سکول تعلیمی لحاظ سے بچے کی بنیاد فراہم کرتے ہیں اگر بنیادی سطح پر اس قدر غفلت ہو
توتعلیمی معیار کبھی بہتر نہیں ہو سکتا دیہات کے سکولوں میں سٹاف کی قلت کے ساتھ ساتھ اعلی حکام کی عدم توجہی کے سبب تعلیمی معیار بہتر ہونے کی بجائے مزید گر رہا ہے جو لمحہ فکریہ ہے گائوں بدھو ،ڈھوک گجراں ،دھکڑ،ڈنگہ ریلوے نمبر 2کسانہ،میر خانی ،ساگر،شیر گڑھ ،کمالہ چک شیخ،ڈھنڈالہ،نئی چکوڑی،ڈھنڈالی،سمرالہ ،مغلی،خوجہ،رکھ کولاں،کولیاں شاہ حسین،چکوڑا،شاہ قلی،یقین پور،میانہ چک بھرگڑاں،وغیرہ شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :خادم حرمین شریفین شاہ عبداللہ کی جانب سے ہر حاجی کو قرآن پاک کانسخہ بطور تحفہ دیا گیا
ڈنگہ(محمد بلال احمد بٹ)خادم حرمین شریفین شاہ عبداللہ نے اس سال حج بیت اللہ کی سعادت حاصل کرنے والے ہر حاجی کو قرآن پاک کا نسخہ بطور تحفہ دیا ہے،سال رواں میں19لاکھ اسی ہزار حجاج کرام نے حج بیت اللہ کی سعادت حاصل کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:گورنمنٹ پرائمری سکول ریلوے نمبر1ڈنگہ طلباء کی تعداد412اور صرف 3کمرے
ڈنگہ (محمد بلال احمد بٹ) گورنمنٹ پرائمری سکول ریلوے نمبر1ڈنگہ طلباء کی تعداد412اور صرف 3کمرے۔تفصیل کے مطابق ڈنگہ شہر کہ اہم تریں پرائمری سکول ریلوے نمبر1میں طلباء کی کل تعداد 412ہو چکی ہے جب کہ اس میں صرف 3کمرے ہیں 4کلاسوں کے بچے شدید گرمی اور سردی میں باہر بیٹھ کر تعلیم حاصل کرنے پر مجبور ہیں حکومت ایک طرف معیار تعلیم بہتر بنانے کے نعرے بھی لگاتی ہے اور دھڑا دھڑ نئے سکولوں کی منظوری بھی دی جا رہی ہے مگر بدقسمتی سے پہلے سے قائم شدہ سکولوںمیں نہ تو سٹاف پورا کیا جا رہا ہے نہ طلباہ کی ضروریات پر توجہ دی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محکمہ تعلیم نے موسم سرما کے اوقات کار کا اعلان کر دیا
ڈنگہ(محمد بلال احمد بٹ)محکمہ تعلیم نے موسم سرما کے اوقات کار کا اعلان کر دیا،سرکاری تعلیمی ادارے سوائے جمعتہ المبارک کے ساڑھے آٹھ بجے کھلا کریں گے،اڑھائی بجے چھٹی ہوا کرے گی،جمعہ کو سکول ساڑھے آٹھ بجے اور چھٹی ساڑھے بارہ ہوا کرے گی، تمام سکولوں میں نئے اوقات کار کا اطلاق فوری طور پر ہو گا اور 31مارچ تک لاگو رہے گا،شام کو چلنے والے سکول 12:45بجے سے شروع ہو کر4:45بجے تک کھلیں رہیں گے،جمعہ کو یہ کلاس دو بجے دوپہر سے شام پانچ بجے تک لگا کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پیپلز پارٹی مزدوروں ، کسانوں ، نوجوانوں اور محنت کشوں کی جماعت ہے،چوہدری قمر زمان کائرہ
ڈنگہ (محمد بلال احمد بٹ)سابق وفاقی وزیر اطلاعات و نشریات پاکستان پیپلز پارٹی کے راہنما چوہدری قمر زمان کائرہ نے رانا زاہد سلطان کی ولیمہ کی تقریب میں صحافیوںسے گفتگو کرتے ہوئے کہا کہ پیپلز پارٹی مزدوروں ، کسانوں ، نوجوانوں اور محنت کشوں کی جماعت ہے ۔ جس نے ہمیشہ اقتدار میں رہتے ہوئے یا بغیر اقتدار کے غریب عوام کے مسائل کو حل کرنے کی جد و جہد کی پیپلز پارٹی آج بھی اپنے اس مشن پر گامزن ہے ۔ انہوں نے کہا کہ انتخابات میں ہار جیت جمہوریت کا حصہ ہے ۔ مخالفین کیلئے میدان کھلا نہیں چھوڑیں گے ۔ بلدیاتی انتخابات میں پیپلز پارٹی بھر پور حصہ لے گی اور اب مسلم لیگ ن کو قومی انتخابات کی طرح عوامی حقوق اور ان کی رائے پر ڈاکہ نہیں ڈالنے دیا جائے گا۔ عوام کے حقوق کی حفاظت کریں گے ۔ حالات قابو سے باہر ہوتے جا رہے ہیں ۔ وہ لوگ جو عوام کے ساتھ بڑے بڑے وعدے کر کے اقتدار کے سنگھا سن پر بیٹھے تھے ایک ایک کر کے اپنے ہر وعدے سے مکرتے جا رہے ہیں اور ان کا واحد مقصد اپنے اقتدار کو طول دینا رہ گیا ہے ۔ انہوں نے کہا کہ ہمیں پیپلز پارٹی کے ورکر ہونے پر
فخر ہے ۔ ہم پارٹی کے فیصلوں کے پابند ہیں ۔ پارٹی جو بھی فیصلہ کرے گی وہ ہمیں قبول ہے ۔ پیپلز پارٹی نے ہمیشہ عوامی امنگوں کی ترجمانی کی ہے اور بے لوث عوامی خدمت کے جزبے کو پروان چڑھایا ہے ۔ انہوں نے شریفانہ سیاست کو فروغ دیتے ہوئے ہمیشہ عوام کے حقوق کی فراہمی اور تحفظ کی جنگ لڑی ہے ۔ پیپلز پارٹی نے آئندہ بلدیاتی انتخابات کے لئے موثر سیاسی حکمت عملی طے کر لی ہے ۔ انہوں نے کہا کہ پیپلز پارٹی کی جڑیں عوام میں مضبوط ہیں ۔ عوام ہی پیپلز پارٹی کی اصل طاقت اور سرمایہ ہیں ۔ انہوں نے کہا کہ پیپلز پارٹی نے ہمیشہ جمہوریت کی آبیاری اپنے خون سے کی ۔ آمریت کے خلاف اپنی جانوں کے نذرانے دے کر بھٹو خاندان نے ہمیشہ جمہوریت کو دوام بخشا ہے ۔ غریب عوام کو سر اٹھا کر جینے کا حق بخشا ہے اور تھانے کچہری کی سیاست کی ہمیشہ حوصلہ شکنی کی ہے۔ موجودہ حکمرانوں نے عوام کو مہنگائی کے سوا کچھ نہیں دیا ۔ پیپلز پارٹی اپنی عوامی خدمات کا سفر ہمیشہ جاری رکھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محمد کامران یوسف کو آسٹریلیا کے شہر سڈنی میں مسلح افراد نے ڈکیتی کے دوران مزاحمت کرنے پر قتل کر دیا
ڈنگہ(محمد بلال احمد بٹ)گجرات کے رہائشی نوجوان محمد کامران یوسف کو آسٹریلیا کے شہر سڈنی میں مسلح افراد نے ڈکیتی کے دوران مزاحمت کرنے پر قتل کر دیا،مقتول کی دس ماہی قبل شادی ہوئی تھی 28سالہ کامران یوسف گذشتہ سال دسمبر میں ماسٹر ڈگری کیلئے سڈنی گیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اتووالہ ریس چیلنج کو مستقبل میں بھی جوش و جذبہ سے جاری رکھیں گے،چوہدری خالد محمود،چوہدری ظفر اقبال،محمد امین
ڈنگہ(محمد بلال احمد بٹ)اتووالہ ریس چیلنج کے روح رواں اور آرگنائزر چوہدری خالد محمود،چوہدری ظفر اقبال اور محمد امین نے کہا ہے کہ ہم نے انشاء اللہ اپنی تین سالہ
شاندار روایت کے مطابق اتووالہ ریس چیلنج کو مستقبل میں بھی جوش و جذبہ سے جاری رکھیں گے،ہم نے تہیہ کر رکھا ہے کہ ہم انشاء اللہ اتووالہ کو بہتر سے بہتر کرتے ہوئے ہر سال باقاعدگی سے کریں گے،ہماری اس کاوش کا مقصد آنے والی نسلوں میں مثبت تبدیلی لانا ہے،کھیلوں سے بچوں کی ذہنی و جسمانی نشوونما ہوتی ہے،ہم اتھلیٹکس فیڈریشن آف پاکستان کے سابق جنرل سیکرٹری خالد محمود اور موجودہ جنرل سیکرٹری ظفر اقبال کے شکر گزار ہیں انہوں نے ہماری کاوش کو سراہا اور ہماری حوصلہ افزائی کی،ان کے خیالات ہمارے لئے بہت بڑا اعزاز ہیں،ہم ضلعی و مقامی انتظامیہ پولیس ٹریفک پولیس سمیت تمام کمیونٹی کے شکر گزار ہیں جو ہم سے سالانہ اتووالہ ریس چیلنج میں مکمل اور بھرپور تعاون کرتے ہیں،الحمد اللہ اتووالہ ریس چیلنج کا شمار ملک کی اہم دوڑ میں ہو رہا ہے اس کا تما م تر کریڈٹ علاقہ کی عوام کو جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : شہر اور علاقہ کی تعمیر و ترقی عوام کی فلاح و بہبود ہماری سیاست کا اولین مقصد حیات ہے،میاں امجد محمود سابق وائس چیئر مین بلدیہ
ڈنگہ(محمد بلال احمدبٹ)سابق چیئر مین بلدیہ ڈنگہ میاں امجد محمود نے کہا ہے کہ شہر اور علاقہ کی تعمیر و ترقی عوام کی فلاح و بہبود ہماری سیاست کا اولین مقصد حیات ہے،انہوں نے کہا کہ ہم نے شہر کوصاف ستھرا اور خوبصورت بنانے کیلئے شہری حدود میں دوریہ سڑک میں یوٹرن کی تعمیر سمیت سڑک کے دونوں اطراف سے بلیڈ لگا کر ہموار کرنا شروع کر دیا ہے،بلدیاتی الیکشن ہونے چاہیں اس سے اقتدار نچلی سطح تک منتقل ہے اور عوامی مسائل انکی دہلیز پرحل کرنے میں مدد ملتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاک ویلفیئر سوسائٹی کے پلیٹ فارم سے یوٹرن کے مسئلہ پر محلہ طاہر آباد محلہ نبی پورا کا مشترکہ اجلاس جلد بلایا جائیگا،بائو نوید احمد
ڈنگہ(محمد بلال احمد بٹ)پاک ویلفیئر سوسائٹی ڈنگہ کے آرگنائزر اور سیکرٹری اطلاعات مرکزی انجمن تاجران ڈنگہ بائو نوید احمد چغتائی نے کہا ہے کہ پاک ویلفیئر سوسائٹی کے پلیٹ فارم سے یوٹرن کے مسئلہ پر محلہ طاہر آباد محلہ نبی پورا کا مشترکہ اجلاس جلد بلایا جائیگا،انہوں نے کہا کہ اجلاس میں آپس کے صلاح و مشورہ کے بعد شہری حدود میں واقعہ دو رویہ سڑک پر نئے یوٹرن کیلئے اصل اور مناسب جگہ کی نشاندہی کی جائے گی اور متفقہ طور پر اعلیٰ ارباب اختیار سے یوٹرن بنانے کی باقاعدہ اور باضابطہ درخواست کی جائے گی،دونوں محلے ون وے سڑک کیساتھ متصل ہونے کے باعث یوٹرن کے مسئلہ سے دوچار ہیں اور انہیں بازار داخل ہونے یا کھاریاں کی طرف رخ کرنے میں طویل دشوعاری کا سامنا کرنا پڑتا ہے اور طویل مسافت طے کرنا پڑتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سپوت ڈنگہ ملک گیر شہرت یافتہ ممتاز دانشور اور کالم نگار و سابق وفاقی سیکرٹری ڈاکٹر صفدر محمود کی صدر پریس کلب ڈنگہ الحاج شیخ محمد جاوید نذیر سے خصوصی ملاقات
ڈنگہ(محمد بلال احمد بٹ)سپوت ڈنگہ ملک گیر شہرت یافتہ ممتاز دانشور اور کالم نگار و سابق وفاقی سیکرٹری ڈاکٹر صفدر محمود کی صدر پریس کلب ڈنگہ الحاج شیخ محمد جاوید نذیر سے خصوصی ملاقات سابق وفاقی سیکرٹری ڈاکٹر صفدر محمود نے اپنے دورہ ڈنگہ کے دوران صدر پریس کلب ڈنگہ الحاج شیخ محمد جاوید نذیر کے دفتر میں خصوصی تبادلہ خیال کیاصدر پریس کلب ڈنگہ الحاج شیخ محمد جاوید نذیر نے ڈاکٹر صفدر محمود کو پریس کلب ڈنگہ کے دورہ کی دعوت وی جو انہوں نے قبول کر لی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : غازی علم دین شہید کا یوم شہادت31اکتوبر کو مذہبی عقیدت و احترام سے منایا جائے گا
ڈنگہ(محمد بلال احمد بٹ)سچے عاشق رسول غازی علم دین شہید کا یوم
شہادت31اکتوبر کو مذہبی عقیدت و احترام سے منایا جائے گا انہوں نے1929ء میں ایک دل آزار کتاب کے ناشر راجپال کو واصل مہنم کر دیا تھا جس پر عاشق رسولۖ غازی علم دین شہید کو31اکتوبر1929ء کو میانوالی جیل میں پھانسی دی گئی تھی،غازی علم دین شہید کے سالانہ عرس مبارک کی دو روزہ تقریبات30اور31اکتوبر کو میانی صاحب قبرستان لاہور میں منعقد ہونگی جس میں ملک بھر سے لاکھوں عاشقان رسولۖ شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اوگرا نے یکم نومبر سے پیٹرولیم مصنوعات کی قیمتوں میں کمی کی سمری تیار کر لی
ڈنگہ(محمد بلال احمد بٹ)اوگرا نے یکم نومبر سے پیٹرولیم مصنوعات کی قیمتوں میں کمی کی سمری تیار کر لی،میڈیاذرائع کے مطابق اوگرا نے ہائی اوکٹین کی قیمت میں چار روپے ڈیزل پچاس پیسے لٹر پیٹرول3:50روپے لائٹ ڈیزل نوے پیسے ،مٹی کا تیل تیس پیسے سستا کیا جائیگا، اس سلسلہ میں سمری تیار کرلی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب نے پی ای سی کے زیر اہتمام آٹھویں کے سالانہ امتحانات کیلئے داخلو کی تاریخ میں دس نومبر تک توسیع کر دی ہے
ڈنگہ(محمد بلال احمد بٹ)حکومت پنجاب نے پی ای سی کے زیر اہتمام آٹھویں کے سالانہ امتحانات کیلئے داخلو کی تاریخ میں دس نومبر تک توسیع کر دی ہے،حکومت نے یہ اقدام زیادہ سے زیادہ طلبہ کے امتحانات دینے کیلئے کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :خلیفہ سوئم حضرت عثمان غنی کا یوم شہادت18ذوالحج کو دنیا بھر میں مذہبی عقیدت و احترام سے منایا جائے گا
ڈنگہ(محمد بلال احمد بٹ)خلیفہ سوئم حضرت عثمان غنی کا یوم شہادت18ذوالحج کو دنیا بھر میں مذہبی عقیدت و احترام سے منایا جائے گا عوامی حلقوں نے حکومت سے یوم شہادت عثمان غنی کو سرکاری طور پر منانے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات کی ہدایت پر ڈنگہ پولیس کا جنرل ہولڈ اپ ،بھاری مقدار میں ناجائز اسلحہ اور منشیات سمیت پانچ افراد گرفتار
ڈنگہ(محمد بلال احمد بٹ)ڈی پی او گجرات کی ہدایت پر ڈنگہ پولیس کا جنرل ہولڈ اپ ،بھاری مقدار میں ناجائز اسلحہ اور منشیات سمیت پانچ افراد گرفتار تھانہ ڈنگہ کے سب انسپکٹر شہزاد احمد نے جنرل ہولڈ اپ کے دوران ناکہ پر اختر علی سے ایک کلاشنکوف بمعہ رائونڈ چکوڑی بھلیوال ناکہ پر محمد نوید آصف سے 135چھوٹے اور45بڑے گولے 10انار پکڑ لئے،سٹی انچارج حافظ مشتاق احمد نے محمد ندیم سے165گرام ہیروئن جبکہ خوجہ گائوں کے مقام پر ڈکیتی کا مطلوبہ اشتہاری ملزم قدیر احمد انصاری کو عمر حیات ایس آئی نے گرفتار کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اتھلیٹکس فیڈریشن کے زیر اہتمام چوتھی سالانہ اتووالہ ریس چیلنج تین نومبر کو ہوگی
ڈنگہ(محمد بلال احمد بٹ)اتھلیٹکس فیڈریشن کے زیر اہتمام چوتھی سالانہ اتووالہ ریس چیلنج تین نومبر کو ہوگی فارم یاسین سکول اتووالہ،ASPآفس سے مل سکتے ہیںسالانہ اتووالہ ریس چیلنج میں سابقہ روایات کے عین مطابق65ہزار روپے کے قیمتی انعامات دیئے جائیں گے،دس کلو میٹر دوڑ،اجتماعی دوڑ،10افراد پر مشتمل اجتماعی دوڑیں ہو گیں،خواہش مند حضرات0331-6440416-0302-8798179پر رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بلدیاتی الیکشن کیلئے انتخابی مہم اور انتخابی جوڑ توڑ نقطہ عروج پر پہنچ گیا
ڈنگہ(محمد بلال احمد بٹ)بلدیاتی الیکشن کیلئے انتخابی مہم اور انتخابی جوڑ توڑ نقطہ عروج پر پہنچ گیاتفصیلات کے مطابق میونسپل کمیٹی ڈنگہ کے چیئر مین اور کونسلرز کے منصب کیلئے متوقع امیدواروں نے ڈور ٹو ڈور انتخابی مہم شروع کرتے ہوئے سرکردہ شخصیات سے رابطہ تیز کر دیئے،حلقہ بندیوں کی تشکیل نو اور اعتراضات کے بعد شہر کی وارڈوں کی حتمی فہرست چار نومبر کو شائع کی جا ئیں گی،متوقع امیدواروں نے کارنر میٹنگز کا سلسلہ شروع کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سید عرفان علی حج بیت اللہ کی سعادت حاصل کرنے کے بعد وطن پہنچ گئے
ڈنگہ(محمد بلال احمد بٹ)ٹائمز آف ڈنگہ کے ایم ڈی جاپان جیولرز کے چیف ایگزیکٹواور سونے کے معروف تاجر اور سماجی شخصیت سید عرفان علی حج بیت اللہ کی سعادت حاصل کرنے کے بعد وطن پہنچ گئے،وطن واپسی پر ان کی رہائش گاہ پر مبارکباد دینے والوں کا تانتا بندھ گیا، سید عرفان علی نے خانہ کعبہ اور روضہ رسولۖ پر حاضری دینے کے علاوہ مقامات مقدسہ کی زیارات کا شرف بھی حاصل کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اپنے قائدین کی قیادت میں شہر کی ہر وارڈ سے بلدیاتی الیکشن میں حصہ لیں گے،گلزار احمد بھٹو
ڈنگہ(محمد بلال احمد بٹ)سینئر راہنما پیپلز پارٹی ڈنگہ گلزار احمد بھٹو نے اپنے بیان میں کہا ہے کہ اپنے قائدین کی قیادت میں شہر کی ہر وارڈ سے بلدیاتی الیکشن میں حصہ لیں گے،آنے والے بلدیاتی الیکشن میں حکمرانوں کو اپنی حیثیت کا بخوبی علم ہو جائے گا،ہماری پارٹی ہر سطح پر الیکشن لڑے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :اتووالہ ریس چیلنج کے آرگنائزر چوہدری خالد محمود،چوہدری ظفر ،محمد امین
کی ریس کے سلسلہ میں ضلعی آفیسرزسے خصوصی ملاقاتیں
ڈنگہ(محمد بلال احمد بٹ)اتووالہ ریس چیلنج کے آرگنائزر چوہدری خالد محمود،چوہدری ظفر ،محمد امین کی ریس کے سلسلہ میں ضلعی آفیسرزسے خصوصی ملاقاتیں،چوہدری خالد محمود ،چوہدری ظفر اقبال،محمد امین نے ڈی سی او آفس کے سیکرٹر ڈی پی او گجرات کے سپرنٹنڈنٹ اور ڈسٹرکٹ سپورٹس آفیسر سے ملاقات کی انہوں نے ضلعی انتظامیہ سے سالانہ اتووالہ ریس چیلنج کے انعقاد کے حوالہ سے انہیں مکمل بریفننگ دی،جس کی روشنی میں ضلعی انتظامیہ ریس کے دوران سیکورٹی کے فول پروف انتظامات کرے گی۔
