ڈنگہ کی خبریں 27.05.2013
Posted on May 28, 2013 By Geo Urdu سٹی نیوز
ڈنگہ (محمد بلال احمد بٹ) معروف زمیندار،صدر مسلم لیگ ن ہالینڈ،چیئر مین پاک نیدر لینڈ فرینڈ ز شپ ایسوسی ایشن چوہدری وحید اکرم آف ہالینڈ اور ممبراوورسیز ایڈوائزری کونسل پاکستان و نمائندہ جنگ و جیو آف ہالینڈ راجہ فاروق حیدر نے اپنے مشترکہ بیان میں کہا ہے کہ توانائی بحران کے خاتمے کیلئے چین کی پیشکش سے فائدہ اٹھا ناچاہئے۔ برادر ہمسایہ ملک ہر مشکل وقت میں پاکستانی قوم کے ساتھ شانہ بشانہ کھڑارہا ہے۔ چین کے ساتھ سٹریجک تعلقات کو مضبوط بناتے ہوئے ان کی معاشی ترقی کے تجربات سے فائدہ اٹھا نا ہوگا۔ وطن عزیز اس وقت شدید بحرانوں کا شکار ہے۔۔انہوں نے مشترکہ بیان میں کہاکہ مسلم لیگ(ن)اور دیگر جماعتوںکوعوام نے اس لئے مینڈیٹ دیا ہے کیونکہ عوام لوڈشیڈنگ ، مہنگائی، بے روزگاری اوربدامنی سے نجات چاہتے ہیں۔نئی حکومت کو عوامی توقعات پر پورا اترنا چاہئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نومنتخب ایم این اے اور ایم پی اے وزارتوں کی بجائے تاریخی شہر ڈنگہ کو تحصیل کا درجہ دلوائیں
ڈنگہ (محمد بلال احمد بٹ) نومنتخب ایم این اے اور ایم پی اے وزارتوں کی بجائے تاریخی شہر ڈنگہ کو تحصیل کا درجہ دلوائیں،عوامی مطالبہ،80ہزار سے زائد کی آبادی پر مشتمل تاریخ ڈنگہ بنیادی سہولتوں سے تاحال محروم،ڈنگہ و گردونواح کے رہائشیوں عدالتی،انتظامی اور صحت کے معالات کیلئے دوسرے شہروں کا رخ کرنا پڑتا ہے،عوامی حلقوں نے ایم این اے چوہدری جعفر اقبال،ایم پی اے میاں طارق محمود سے مطالبہ کیا ہے کہ ڈنگہ کو تحصیل کا درجہ دلوا کر ان کے مسائل کے حل کے لیے کردار ادا کیا جائے۔
۔۔
ڈنگہ :ریلوے حکام نے نئے تیار کئے جانے والے ایجنوں کا رنگ تبدیل کرنے کا فیصلہ کیا ہے
ڈنگہ (محمد بلال احمد بٹ) ریلوے حکام نے نئے تیار کئے جانے والے ایجنوں کا رنگ تبدیل کرنے کا فیصلہ کیا ہے، واضح رہے کہ سابق وزیر ریلوے کے دور میں تیار کئے گئے ایجنوں کارنگ تبدیل کر کے برائون کئے گئے تھے تاہم ریلوے انتظامیہ نے نئے تیار کئے جانے والے ایجنوں کو برائون کرنے کی بجائے سبز رنگ کے انجن تیار کرنے کے احکامات جاری کر دیئے ہیں، محکمہ ریلوے نے نیشنل بنک کے کن شورش یئم سے ملنے والی چھ ارب روپے کی رقم سے ایجنوں کی تیاری کا کام تیزی سے شرو ع تو کر دیا ہے جس سے اب تک چھ لوکو موٹیوز تیارکر کے سسٹم میں شامل کر دیئے گئے ہیں،دس لوکو موٹیو انجن آئندہ تین ماہ تک جبکہ 25سے تیس انجن اگلے ایک سے ڈیڑھ برس کے عرصے میں تیار کر لئے جائیں گے نئے تیار کئے جانے والے ایجن برائون رنگ کی بجائے سبز پر انارنگ کئے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مشروب فروخت کرنے والوں کی چاندی ، دس روپے والے گلاس کو تیس روپے تک فروخت کیا جا رہا ہے
ڈنگہ (محمد بلال احمد بٹ) مشروب فروخت کرنے والوں کی چاندی،دس روپے والے گلاس کو تیس روپے تک فروخت کیا جا رہا ہے،تفصیلات کے مطابق گرمیوں اور لوڈشیڈنگ کے زور پکڑتے ہوئے ڈنگہ شہر میں مشروب فروخت کرنے والے امبلی،آلو بخارہ، گنے کا رس،ستو اور شکنجبین کا گلاس مہنگے ترین داموں فروخت کر رہے تھے جس سے گرمی سے مارے شہریوںکو کافی دقت کا سامنا کرنا پڑ رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : قومی اسمبلی کا اجلاس28مئی کو بلائے جانے کا امکان ہے
ڈنگہ (محمد بلال احمد بٹ) قومی اسمبلی کا اجلاس28مئی کو بلائے جانے کا امکان ہے، ذرائع قومی اسمبلی سیکرٹریٹ ،تفصیلات کے مطابق نومنتخب اراکین حلف اٹھائیں گے اور اسی دن سپیکر اور ڈپٹی اسپیکر کا چنائوہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پنجاب اسمبلی کا اجلاس 29مئی کو لاہور میں ہو گا
ڈنگہ (محمد بلال احمد بٹ) پنجاب اسمبلی کا اجلاس 29مئی کو لاہور میں ہو گا جس میں نومنتخب ارکان اسمبلی حلف اٹھائیں گے جبکہ اسی روز سپیکر و ڈپٹی سپیکر کا انتخاب عمل میں لایا جائے گا تمام تیاریاں مکمل کر لی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ق نے انتخاب کو نامنصفانہ قرار دیتے ہوئے دھاندلی کی تحقیقات کے لئے قومی کمیشن بنانے کیا مطالبہ کیا ہے
ڈنگہ (محمد بلال احمد بٹ) مسلم لیگ ق نے انتخاب کو نامنصفانہ قرار دیتے ہوئے دھاندلی کی تحقیقات کے لئے قومی کمیشن بنانے کیا مطالبہ کیا ہے جبکہ ق لیگ کے ٹکٹ ہولڈروں کا اجلاس گذشتہ روز چوہدری شجاعت کی صدارت میں ہوا جس میں ٹکٹ ہولڈروں نے ق لیگ کی شکست کی وجہ پیپلز پارٹی سے اتحاد کوقرار دیا اور پیپلز پارٹی سے اتحاد توڑنے کا مطالبہ بھی کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : منگووال میں وین حادثہ کی خبر سن کر دلی دکھ ہوا ، ذمہ داران کو کڑی سزا دی جائے ، رانا قاسم حسنین علی
ڈنگہ ( محمد بلال احمد بٹ ) سینئر صحافی ایڈیٹر ڈیلی جلا وطن ڈاٹ کام رانا قاسم حسنین علی نے کہا کہ منگووال میں وین حادثہ کی خبر سن کر دلی دکھ ہوا ۔ معصوم پھول جو تعلیم حاصل کرنے کے لئے گھر سے نکلے وہ جھلس کر جان کی بازی ہار گئے ۔ انہوں نے کہا کہ معاملہ کی اعلیٰ سطحی انکوائری کی جائے اور ذمہ داران کو کڑی سزا دی جائے اور تحقیق کر کے ایسے معاملات پر غور کیا جائے تا کہ آئندہ کے لئے ایسے حادثات نہ ہوں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موسم گرما کی پہلی بارش،گرمی سے مرجھائے چہرے کھل اٹھے
ڈنگہ (محمد بلال احمد بٹ) موسم گرما کی پہلی بارش،گرمی سے مرجھائے چہرے کھل اٹھیگرمی کی شدت سے ستائے ہوئے لوگوں نے بارش کا پہلا قطرہ زمین پر گرتے ہی خدا کے حضور سجدہ شکر بجالایاموسلا دھار بارش سے زمین جھل تھل ہو گئی،چرند پرند بھی چہچہانے لگے ،گرمی کی شدت میں کمی،موسم خوشگوار ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : لاہور میں میٹرو بس رواں دواں رکھنے کے لئے ایک پنجاب حکومت کو ایک ارب روپے کی سبسڈی کا بوجھ برداشت کرنا پڑ رہا ہے، قمر زمان کائرہ
ڈنگہ (محمد بلال احمد بٹ) پیپلز پارٹی کے سیکرٹری اطلاعات قمر زمان کائرہ نے شہباز شریف کی طرف سے کراچی میٹرو بس شروع کرنے کا اعلان کا خیر مقدم کرتے ہوئے کہا کہ انہیں حقیقت فراموش نہیں کرنی چاہیے کہ لاہور میں میٹرو بس رواں دواں رکھنے کے لئے ایک پنجاب حکومت کو ایک ارب روپے کی سبسڈی کا بوجھ برداشت کرنا پڑ رہا ہے۔کراچی میں یہ بوجھ کئی گناہ بڑھ جائے گا۔انہوں نے کہا کہ اس میں کوئی شک نہیں کہ عوام نے پیپلز پارٹی کو جھنجھوڑا ہے پیپلزپارٹی غلطیوں کی اصلاح کرنے والی جماعت ہے پیپلز پارٹی کی جڑیں عوام میں ہیں اور جو لوگ یہ سمجھتے ہیں اس کا خاتمہ ہو گیا ہے وہ احمقوں کی جنت میں رہتے ہیں۔انہوں نے کہا کہ نگران وزیراعظم میر ہزار خان کھوسو،وزیرخزانہ کو برطرف کر دیں یا وزارت عظمیٰ کا عہدہ چھوڑ کر گھر چلے جائیں کیونکہ وزارت خزانہ نے ان کے حکم پر بائیس ارب روپے جاری کرنے سے انکار کر دیا ہے۔قمر زمان کائرہ نے مستقبل کے وزیراعظم نواز شریف سے بھی درخواست کی ہے کہ وہ لوڈشیڈنگ کے طویل دورانیہ سے عوام کو ریلیف دلانے کے لئے نگران حکومت وہی اثر و رسوخ استعمال کریں جو انہوں نے منی بجٹ لگوانے کے لیے استعمال کیا۔ نگران وزیراعظم آئین سے مبرا منی بجٹ کسی کے کہنے پر دینے کے لئے تیار ہیں جس میں عوام کو کوئی اچھی خبر نہیں تو وہ غریب لوگوں کو سہولت بہم پہنچانے سے کیوں گریزاں ہیں۔نگران وزیراعظم کا مزید رہنا عوام کے لئے بے پناہ مسائل کے مترادف ہو گا اور لوگ ان کو برداشت کرنے کے لیے تیار نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : منگووال سرگودھاروڈپرراجیکی کے قریب سکول وین میں آگ لگنے سے شہید ہونے والی سکول ٹیچرسمیت 17معصوم طالب علموں کے نام
ڈنگہ (محمد بلال احمد بٹ) منگووال سرگودھا روڈ پر راجیکی کے قریب سکول وین میں آگ لگنے سے سکول ٹیچرسمیت 17معصوم طالب علم جاں بحق۔جبکہ چھ طلباء کو شدید تشویشناک حالت کے باعث ہسپتال منتقل کردیا گیا۔ تفصیلات کے مطابق بتایا گیاہے کہ منگووال کے پرائیوٹ سکول دی جناح کی سکول وین نمبریSGG-9076 کاڈرائیور محمدبلال ساکن گاکھڑ ہ موضع کنگ سہالی۔راجیکی اورکوٹ گھکہ کے دیہات سے نوعمر طالب علموں کولے کرمنگووال آرہا تھا کہ جونہی بدقسمت وین کوٹ گھکہ روڈ پر پہنچی تووین میں رکھے کھلے پٹرول کے باعث گاڑی کوآگ لگ گئی ۔جس کے نتیجے میں ثقلین۔ عبداللہ پسران ڈاکٹرریاض۔عبداللہ ریاض۔زہرہ ریاض،کنول فردوس پسران ریاض احمد(ٹریفک کانسٹیبل)۔سمیہ (لیڈی ٹیچر) دختر محمد نذیرسکناہائے راجیکی۔محمدحسنات ولدحفیظ۔ہاشم علی ولدخرم بٹ۔ ریان ولدسجاد۔طاہر۔ آفتاب پسران محمداعظم سکناہائے کوٹ گھکہ۔تیمور احمد ولد وقاص۔ عمارہ صائمہ دختروقاص ۔ایمان سجاد۔عائشہ سجاددختران سجاد وڑائچ ( امیدوار جماعت اسلامی حلقہ پی پی110) سکناہائے کنگ سہالی۔ علی حسن۔ وغیرہ موقع پرجاں بحق ہوگئے۔ مزید ہلاکتوں کاخدشہ ہے۔زخمیوں میںعبیرہ حفیظ۔ عمدادان۔ علی۔احمد سجاد۔حمیرہ۔ رقیہ۔ داود۔ماہ نور۔ پاکیزہ۔ آمنہ۔ احسان۔ احمد شیراز شامل ہیں۔ وقوعہ کی اطلاع ملتے ہی ریسکیو1122اورامدادی ٹیمیں موقع پرپہنچ گئی۔ آگ اس قدر شدید تھی کہ اس کے شعلے دور دور تک دیکھائی دئیے۔ متوفیان کی نعشیں جب راجیکی،کوٹ گھکہ،کنگ سہالی پہنچی توہرآنکھ آشکبارتھی۔ اورلوگ دھاڑیں مارکررورہے تھے۔ اوربچوں کے والدین پرغشی کے دورے طاری تھے۔اورعلاقہ بھرمیں سوگ کاسماں تھا۔جبکہ بدقسمت گاڑی کاڈرائیور محمدبلال موقع سے فرار ہو گیا۔ اورکنجاہ پولیس نے اس کے والد کو گرفتار کر لیا۔ یادرہے کہ ایک ہفتے میں یہ تیسراواقعہ ہے۔
شاہین چوک کے قریب پٹرول پمپ پرایک ہائی ایس کوآگ لگ گئی تھی۔جس میں تمام سواریوں محفوظ رہی جبکہ گاڑی مکمل طورپرتباہ ہوگئی تھی۔ ڈنگہ روڈبگنہ کے قریب بھی مرغوں سے لدھی ہوئی ایک گاڑی کوبھی اسی طرح حادثہ پیش آیاتھا اورتمام مرغے زندہ جل کرراکھ ہوگئے اورگاڑی مکمل طورپرتباہ ہوگئی تھی۔ جوکہ انتظامیہ کے لئے لمحہ فکریہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری پرویز الٰہی ایم این اے نے سانحہ منگووال کے بچوں کے تمام کفن دفن کے اخراجات ایدھی فائونڈیشن کو اد اکئے
ڈنگہ (بیوروچیف) سابق نائب وزیر اعظم چوہدری پرویز الٰہی ایم این اے نے سانحہ منگووال کے بچوں کے تمام کفن دفن کے اخراجات ایدھی فائونڈیشن کو اد اکئے چوہدری پرویز الٰہی اور چوہدری مونس الٰہی کا سٹاف سارادن ان کی ڈیڈ باڈیز کے ہمراہ رہا اور انہیں ان کے گھروں تک پہنچایا چوہدری پرویز الٰہی لمحہ بہ لمحہ ہدایات دیتے رہے اس موقع چوہدری شجاعت حسین اور چوہدری پرویزا لٰہی نے اظہا ر افسوس کرتے ہوئے کہا کہ اللہ تعالی یہ سانحہ والدین کو برداشت کرنے کی ہمت دے اور صبر دے ہم ان سب کے دکھ میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نواز شریف روشن پاکستان کا وعدہ ضرور پورا کریں ،چوہدری عثمان اسلم
ڈنگہ (محمد بلال احمد بٹ) عوامی مینڈیٹ کی بدولت جلد قائم ہونے والی مسلم لیگ (ن) کی حکومت انشاء اللہ عوام کو پتھر کے زمانے سے نکال کر حقیقی معنوں میں زندگی بسر کرنے کا حق دلائیگی نواز شریف روشن پاکستان کا وعدہ ضرور پورا کریں گے ان خیالات کا اظہار ممتاز مسلم لیگی و سیاسی وسماجی راہنما چوہدری عثمان اسلم نے صحافیوں سے کرتے ہوئے کیا انہوں نے کہا کہ عوام کی مصیبتوں اور پریشانیوں کے دن اب ختم ہوچکے ہیں مسلم لیگ (ن) کی حکومت قائم ہوتے ہی مسائل میں کمی شروع ہوجائے گئی انہوں نے کہا کہ نوجوان (ن)لیگ کا سرمایہ ہیں اور نوجوانوںکو تبدیلی کے نام پر بہکانے والے آج منہ چھپاتے پھر رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بجلی کے صارفین کو لوڈ شیڈنگ کی اذیت دینا شرمناک اقدام ہے، ڈاکٹر طاہر القادری
ڈنگہ (محمد بلال احمد بٹ) بانی تحریک منہاج القرآن ڈاکٹر طاہرالقادری نے کینیڈا سے نجی ٹی وی سے گفتگو کرتے ہوئے کہا کہ بجلی کی قلت اور لوڈشیڈنگ کو قیمتوں میں اضافے کا ڈرامہ قراردیا ہے اور کہا ہے کہ جن علاقوں میں سوفیصد بجلی کے بل کی ادائیگی ہورہی ہے ان علاقوں میں بجلی کی لوڈشیڈنگ کا نہ ہوناشہر کے دیگر حصوں میں کی جانے والی بدترین لوڈشیڈنگ کے ڈرامے سے پردہ اٹھانے کیلئے کافی ہے ، انہوں نے کہا کہ عوام متحد نہیں اگر عوام تعصب پسندی کو پس پشت ڈال کر متحد ہوکر نکل پڑیں تو بجلی کی لوڈشیڈنگ کا مسئلہ دوگھٹنے میں حل ہوجائیگا ،کے ای ایس سی کی نجکاری ختم اور مشرف دور میں لگائے گئے تیزرفتار میٹرکا مسئلہ بھی حل کیا جائے گا، عوام مہنگی بجلی ،بے جاٹیکسسز اور بل کی ادائیگی کے ساتھ بینک ملازمین کی تنخواہ بھی ادا کررہے ہیں اس کے باوجود بجلی کے صارفین کو لوڈشیڈنگ کی اذیت دینا شرمناک اقدام ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نئی حکومت امریکہ اور بھارت کے دبائو میں آئے بغیر ایران پائپ لائن منصوبہ جاری رکھے،چوہدری ندیم اصغر کائرہ
ڈنگہ (محمد بلال احمد بٹ) پاکستان پیپلز پارٹی کے راہنما اور سابق تحصیل کھاریاں چوہدری ندیم اصغر کائرہ نے کہاہے کہ نئی حکومت امریکہ اور بھارت کے دبائو میں آئے بغیر ایران پائپ لائن منصوبہ جاری رکھے ۔ امریکا کی جانب سے توانائی بحران میں مدد کی پیشکش کا یہ مطلب ہرگز نہیں ہونا چاہیے کہ جو اچھے اور مثبت منصوبے گزشتہ حکومت نے شروع کیئے ان کو روک دیا جائے۔ پاکستان کومخا لف قوتوں کے دبائو میں آئے بغیرتوانائی کا حل تلاش کرنا ہوگا۔پاک ایران گیس کی طرح چین کو گوادر پورٹ حوالے کرنے سے ملک کی معاشی تبدیلیوں میںخوشگواراضافہ ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ملک میں لٹیروں اور اندھیروں کا باب ہمیشہ کے لئے بند ہونے والا ہے، میاں طارق محمود ایم پی اے
ڈنگہ (محمد بلال احمد بٹ) مسلم لیگ ن کے رکن صوبائی اسمبلی حلقہ پی پی113میاں طارق محمود نے کہا ہے کہ ملک میں لٹیروں اور اندھیروں کا باب ہمیشہ کے لئے بند ہونے والا ہے، عوام نے 11مئی کو لٹیرے بھگا دیئے،مسلم لیگ ن عنقریب اندھیرے بھی مٹا دے گی، نواز شریف کی جرات ،حکمت اور دیانت والی قیادت تاریکیوں کو اجالوں میں بدل کرعظیم تر پاکستان کی منزل حاصل کرے گی ، ان خیالات کا اظہار انہوں نے صحافیوں سے گفتگو کرتے ہوئے کیا، انہوں نے کہا کہ قومی اداروں کے مردہ ڈھانچوں میں جان ڈالنے کے لئے مسلم لیگ ن کی ٹیم سچی نیت اور جذبہ ء حب الوطنی کے تحت کام کرے گی اور انتھک محنت کر کے ملک کا مقدر بدل دے گی،انہوں نے مزید کہا کہ انتخابی مہم میں انہیں عوام کی جانب سے ملنے والی عوامی پذیرائی ناقابل فرا موش ہے، عوام نے مسلم لیگ ن پر اعتماد کرکے ملکی ترقی وخوشحالی پر مہر ثبت کردی ، الیکشن میں بری طرح ہارنے والے شدت غم میں مبتلا ہو کر عوامی میندیٹ کی توہین کر رہے ہیں اور بلا ثبوت دھاندلی کا واویلاکرکے ا پنا غم غلط کرنے کی ناکام کوششوں میں مصروف ہیں، حقیقت یہ ہے کہ عوام کے ہاتھوں پٹے ہوئے ایسے عناصر کا کوئی سیاسی مستقبل نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سیدنا حضرت علی المر تضیٰ نے ہمیشہ نبی اکرم ۖ کے شانہ بشا نہ اسلا م کی تر قی و ترویج میں اپنا کردار ادا کیا،قاری رمضان سیالوی
ڈنگہ (محمد بلال احمد بٹ) ممتا ز عالم دین قاری محمد رمضان سیالوی نے اپنے بیان میں کہا کہ سیدنا حضرت علی المر تضیٰ نے ہمیشہ نبی اکرم ۖ کے شانہ بشا نہ اسلا م کی تر قی و ترویج میں اپنا کردار ادا کیا ۔دوران جہا د عظیم مجا ہد اسلا م ،کا تب وحی خلیفہ رسولۖ اور شفیق با پ کے طور پر آ پ کی ذات ہمیشہ مسلما نو ں کے لئے مشعل را ہ ہے ۔آ پ کی تعلیما ت پر عمل پیرا ہو کر مسلما ن عا لم کفر کا ڈٹ کر مقا بلہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مشرف کے مستقبل کی بجائے قوم کے مستقبل کے بارے سوچا جائے،محمد اقبال منج معروف ٹرانسپورٹر
ڈنگہ (محمد بلال احمد بٹ) مشرف کے مستقبل کی بجائے قوم کے مستقبل کے بارے سوچا جائے۔ لوڈ شیڈنگ کی وجہ سے عوام کام کر سکتے ہیں نہ آرام بے روزگاری نے لوگوں کو نڈھال اور بدامنی نے بے حال کر دیا ہے۔ ان خیالات کا اظہا رممتاز ٹرانسپورٹر وپراپرٹی ایڈوائزر محمد اقبال منج نے اپنی گفتگو میں کیاانہوں نے کہا زرداری کی سیاست اور صدارت سودے بازی اور سازشوں سے عبارت ہے وہ کام کرنے کی بجائے 5 سالہ مدت ملازمت پوری کرنے کا شوق پورا کر تے رہے۔وہ تحت لاہور کو فتح کرنے کی بجائے تختہ پر کھڑے ہیں۔تحریک انصاف اور زرداری نے خود کش حملہ کر کے پیپلزپارٹی کو دفن کر دیا۔انہوں نے کہا کہ تحریک انصاف پیپلزپارٹی کو نگل گئی۔جنوبی پنجاب کو صوبہ بنانے کا دعویٰ کرنے والوں کو عوام نے مسترد کر دیا ہے اور نواز شریف کو حیران کن ووٹ دئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں مسلسل 10,10گھنٹے مسلسل بجلی بند ،لوگ نمازاور پینے کے لئے پانی تک کو ترس گئے
ڈنگہ (محمد بلال احمد بٹ) گجرات بھر میں 22گھنٹے سے زائد لوڈشیڈنگ نے عوام اور بچوں کا جینا محال کر دیا ، جبکہ ڈنگہ میں مسلسل 10,10گھنٹے مسلسل بجلی بند ،لوگ نمازاور پینے کے لئے پانی تک کو ترس گئے دوسری طرف سورج کی بڑھتی ہوئی تپش نے لوگوں کو نہروں کی طرف منہ کرنے پر مجبور کردیا گرمی سے ستائے اور لوڈشیڈنگ سے تنگ لوگ نگران حکومت کو کوسنے پر مجبورہو گئے جبکہ نومنتخب حکومت اور نامزد وزیراعظم میاں نواز شریف سے اپیل کرتے ہیں کہ بجلی کی بحالی کے لئے اپنا کردار ادا کریں اور لوڈشیڈنگ کے عذاب سے بچایا جائے۔عوام نے انہیں مینڈیٹ لوڈشیڈنگ سے چھٹکارا حاصل کرنیکے لئے دیا ہے۔عوامی حلقوں کا مطالبہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انتخابات میں دھاندلی کے خلاف احتجاج کیلئے پاکستان تحریک انصاف سٹی ڈنگہ 2کے صدر ملک بابر اعوان کی قیادت میں ایک بڑا قافلہ ڈنگہ سے روانہ ہوا
ڈنگہ(محمد بلال احمد بٹ)انتخابات میں دھاندلی کیخلاف الیکشن کمیشن آف پاکستان کے آفس کے باہر احتجاج کیلئے سٹی ڈنگہ 2کے صدر ملک بابر اعوان کی قیادت میں ایک بڑا قافلہ ڈنگہ سے روانہ ہوا۔جس میں PTIکے کارکنوں ،عہدیداراںکی بڑی تعداد شریک ہوئی جس میں کارکنوں نے پلے کارڈ PTIکے جھنڈے اٹھا رکھے تھے جبکہ پلے کارڈ پر دھاندلی زدہ انتخابات نامنظور تبدیلی کا ووٹ تبدیل کیوں کیاگیا کہ الفاظ درج تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سانحہ منگووال پر نومنتخب ایم این اے چوہدری جعفر اقبال کا اظہار افسوس و رنج و الم
ڈنگہ (محمد بلال احمد بٹ) پاکستان مسلم لیگ ن کے نومنتخب ایم این اے چوہدری جعفر اقبال نے گذشتہ روز منگووال میں ہونے والے حادثے پر گہرے دکھ کا اظہار کرتے ہوئے میڈیا سے کہا کہ زندگی اورموت اللہ تعالی کے ہاتھ میں مگر گذشتہ روز ہونے والے حادثے نے پورے علاقہ کے غم میں نڈھال کر کے رکھ دیا،معصوم طلباء کی المناک شہادت پر میرا دل خون کے آنسو رو رہا ہے ڈرائیور طبقہ کی لاپرواہی سے کتنے ہی گھروں کے چراغ بجھ گئے،کتنی مائوں کے جگر گوشے ان سے ہمیشہ ہمیشہ کیلئے جدا ہوگئے،کتنے ہی معصوم فرشتوں کو انتہائی دردناک موت سے دوچار ہونا پڑا اور کتنے ہی گھروں میں موت کی سیاہ تاریکی چھا گئی اور صرف چند لوگوں کی غفلت نے گھروں کے گھر اجاڑ کے رکھ دیئے،ہم انشاء اللہ اس حادثے کے ذمہ داران کو کیفرکردار تک پہنچا کے دم لیں گے اللہ تعالی شہداء کے لواحقین کو قیامت کی اس گھڑی میں صبرو جمیل عطا فرمائے، ہم ان پر گزرنے والی قیامت کی ان گھڑیوں میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : باہمت خاتون ٹیچرسمعیہ نورین نے جرات کا مظاہرہ کرتے ہوئے سات بچیوں کی زندگیاں محفوظ بنائی وہ قابل تحسین ہیں،ٹیچر کی بہادر ی کو دیکھتے ہوئے اسے قومی ایوارڈ سے نوازا جائے، عوامی حلقے
ڈنگہ (محمد بلال احمد بٹ) جماعت اسلامی کے رہنما چوہدی سجاد احمد آف راجیکی کی ہمشیرہ اور خاندان کے پانچ افراد کی سانحہ منگووال میں شہادت پر جس صبروتحمل کا مظاہرہ کیا قابل تحسین ہے،چوہدری سجاد احمد وڑائچ کی ہمشیرہ بھی اس ویگن میں بچوں کے ہمراہ تھیں،آگ لگنے کے بعد ڈرائیور فوراً فرار ہو گیا،باہمت خاتون ٹیچرسمعیہ نورین نے جرات کا مظاہرہ کرتے ہوئے سات بچیوں کی زندگیاں محفوظ بنائی ،زخمیوں کو کھاریاں اور لاہور منتقل کر دیا گیا،زخمیوں کی حالت خطرناک بتائی جاتی ہے، لیکن خود شعلوں کی نظر ہو کر جام شہادت نوش فرمایا۔عوامی حلقوں نے حکومت وقت سے مطالبہ کیا کہ ٹیچر کی بہادری کو دیکھتے ہوئے اسے قومی ایوارڈ سے نوازا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : سسٹم میں آدھی سے زیادہ بجلی موجود ہے اور پھر بھی22گھنٹے کی لوڈشیڈنگ کی جا رہی ہے،آخر کہاں استعمال ہو رہی ہے
ڈنگہ (نیوز ڈیسک) آدھی سے زیادہ بجلی سسٹم میں ہونے کے باوجود ملک میں 22گھنٹے کی لوڈشیڈنگ ملک میں بجلی کی طلب تقریباً16ہزار میگا واٹ اور پیداوار دس ہزار میگاواٹ ہے جبکہ بجلی کا شارٹ فال چھ ہزار میگا واٹ کے قریب ہے،سسٹم میں آدھی سے زیادہ بجلی موجود ہے اور پھر بھی22گھنٹے کی لوڈشیڈنگ کی جا رہی ہے جبکہ اتنے شارٹ فال کے ساتھ6سے 8گھنٹے کی لوڈشیڈنگ ہونی چاہیے تھی ذرائع کے مطابق بجلی کی لوڈشیڈنگ میں اضافہ اس لئے کیا گیا ہے کہ وزارت خزانہ نے وزیراعظم کی ہدایت پر وزارت پانی و بجلی کو بائیس ارب روپے جاری نہیں کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ڈنگہ میں22گھنٹے کی لوڈشیڈنگ جبکہ تاجروں کی نمائندہ تنظیمیں مرکزی انجمن تاجران نے صدور نے چپ سادھ لی
ڈنگہ (محمد بلال احمد بٹ) ڈنگہ میں22گھنٹے کی لوڈ شیڈنگ جبکہ تاجروں کی نمائندہ تنظیمیں مرکزی انجمن تاجران نے صدور نے چپ سادھ لی،22گھنٹے کی لوڈشیڈنگ سے شہر کے تاجروں کا کام ٹھپ ہو کر رہ گیا ہے تاجر سارا دن بجلی کا انتظار کرتے رہتے ہیںلیکن تاجروں کی نمائندہ تنظیمیں اس معاملے میں ابھی تک خاموش ہیں اور اس معاملے میں کردار ادا کرنے سے قاصر ہیں۔
