ڈنگہ کی خبریں 29.09.2013
Posted on September 30, 2013 By Geo Urdu سٹی نیوز
ڈنگہ : مذہبی عبادت گاہوں پر حملہ کرنے والوں کا کسی بھی مذہب سے تعلق نہیں، چوہدری وحید اکرم آف ہالینڈ
ڈنگہ (محمد بلال احمد بٹ) مذہبی عبادت گاہوں پر حملہ کرنے والوں کا کسی بھی مذہب سے تعلق نہیں، ان خیالات کا اظہارصدر مسلم لیگ ن ہالینڈ، معروف زمیندار، چیئر مین پاک نیدر لینڈ فرینڈ شپ ایسوسی ایشن چوہدری وحید اکرم آف ہالینڈ نے کیا، انہوں نے کہا کہ سانحہ پشاور پوری پاکستانی قوم کیلئے افسوسناک ہے، جس میں قیمتی جانیں ضائع ہوئیں، ہم اس واقعہ کی شدید مذمت کرتے ہیں، اور حکومت پاکستان سے مطالبہ کرتے ہیں کہ ان واقعات میں ملوث افراد کی گرفتاری کیلئے فوری اقدامات کیے جائیں انہوں نے ایک بار پھر پشاور میں دہشت گردی اور کوئٹہ، کراچی اور ملک کے دیگر شہروں میں زلزلے کے نتیجے میں شہید ہونے والوں کے لواحقین سے اظہار ہمدردی کیا انہوں نے ایک سوال کے جواب میں کہا کہ ہمارے قائد میاں نواز شریف کا دورہ امریکہ بہت زیادہ اہمیت کا حامل ہے۔ انہوں نے کہا کہ ہمیں یقین ہے کہ ہمارے قائد پاکستان کو ترقی کی راہ پر گامزن کرنے میں کامیاب ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : زلزلہ زدگان کی بحالی کیلئے حکومت سنجیدہ کوششیں کر رہی، میاں طارق محمود ایم پی اے
ڈنگہ (محمد بلال احمد بٹ) سرسید آف ڈنگہ پانچویں بار مسلسل ایم پی اے منتخب ہونے والے، مرکزی راہنما پاکستان مسلم لیگ ن، ایم پی اے حلقہ پی پی 113 میاں طارق محمود نے اپنے بیان میں کہا ہے کہ زلزلہ زدگان کی بحالی کیلئے حکومت سنجیدہ کوششیں کر رہی ہے بلوچستان کے علاقہ میں زلزلے نے جتنے بڑے پیمانے پر تباہی پھیلائی ہے اسے سمیٹنے اورمتاثرہ افراد کو دوبارہ زندگی کے دھارے میں لانے کے لیے طویل جدوجہد کرنا ہوگا۔ انہوں نے کہاکہ حکومتی ادارے زلزلے سے متاثر ہونے والے تمام مقامات میں نہ صرف پہنچ چکے ہیں بلکہ وہاں پر اس آفت کا شکار بننے والے افراد کی ہر طرح کی مدد کا عمل جاری ہے زلزلے نے جن گھرانوں کو بے یارو مددگار کر دیا ہے ان کو دوبارہ باوقار پاکستانی بنانا اور انہیں گھروں کیساتھ ساتھ روز گار فراہم کرنا حکومت کے علاوہ ہر شہری کی ذمہ داری ہے۔ انہوں نے کہا کہ صوبائی حکومت اور پاک فوج کیساتھ مل کر جس طرح اس عذاب سے لوگوں کو نکالنے کیلئے ہنگامی اقدامات کیے وہ اپنی مثال آپ ہیں انہوں نے کہاکہ حکومت کی کوششوں کا نتیجہ ہے کہ کراچی میں صورتحال بہتری کی طرف گامزن ہے انہوں نے حالیہ پشاور میں دہشت گردی اور زلزلے کے نتیجے میں شہید ہونے والوں کے لواحقین سے اظہار رنج و الم وہمدردی کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری بشارت علی دی ویگا سکول سسٹم یورپ کا ایک ماہ کا دورہ مکمل کرنے کے بعد وطن واپس پہنچ رہے ہیں
ڈنگہ (محمد بلال احمد بٹ) چوہدری بشارت علی سابق ایڈمنسٹریٹر دی ویگا سکول سسٹم ڈنگہ یورپ کا ایک ماہ کا دورہ مکمل کرنے کے بعد وطن واپس پہنچ رہے ہیں انہوں نے اپنے دورہ کے دوران ہالینڈ، فرانس، جرمنی ،اٹلی، سپین، پرتگال سمیت دیگر ممالک کا دورہ کیا اور اہم تعلیمی شخصیات سے ملاقات کیں۔ اسلام آباد ایئرپورٹ پر ان کا فقید المثال استقبال کیا گیا جائے بڑی تعداد میں دوست احباب انہیں قافلے کی شکل میں ڈنگہ لائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : یورپ میں تحریک انصاف اوور سیز کا کوئی بھی لیبر ونگ کام نہیں کر رہا ہے، یاسر قدیر سیکرٹری اطلاعات یاسر قدیر
ڈنگہ (محمد بلال احمد بٹ) تحریک انصاف فرانس کے سیکرٹری اطلاعات یاسر قدیر نے میڈیا سے خصوصی گفتگو کرتے ہوئے یورپ میں تحریک انصاف اوور سیز لیبر ونگ کے قیام کی تردید کی ہے اور کہا ہے کہ تحریک انصاف ایک مکمل ڈسپلن پارٹی ہے اور اس کی تمام تنظیمیں اپنے آئینی دائرہ کار کے اندر رہتے ھوئے کام کر رہی ہے اسی طرح پاکستان سے باہر موجود دیگر تمام ممالک کی تنظیمیں آفس برائے انٹرنیشنل افئیرز کے تحت کام کرتی ہیں اور بیرون ممالک میں کوئی بھی تنظیمی عھدہ یا تقرری صرف چئیرمین عمران خان، سیکرٹیری انٹرنیشنل افئیرز ڈاکٹر ہمایوں مہمند، آفس برائے انٹرنیشنل افئیرز یا سیکرٹری امور خارجہ ہی کرسکتے ہیں علاوہ ازیں یورپ میں موجود ہر ملک میں تحریک انصاف کی اپنی تنظیمیں کام کر رہی ہیں اس لئے لیبر ونگ پاکستان کے صدر زبیر خان کی یورپ میں کئے گئے یورپین کوارڈینٹر وغیرہ کے نوٹیفیکشن غیر آئینی و غیر قانونی ہیں اور تحریک انصاف ایسے تمام اقدامات کی مخالفت کرتی ہے اور یورپ میں خودساختہ بنائے گئے لیبر ونگ کو غیر قانونی قرار دیتے ھوئے تمام متعلقہ عہدیداروں سے اعلان لا تعلقی کرتی ہے اسی سلسلے میں ڈاکٹر ہمایوں مہمند نے آفیشل ویب سائٹ پر اپنا تفصیلی بیان جاری کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : شاہ قلی روڈ ،ڈنگہ تا لالٰہ موسیٰ ،تھانہ روڈ، ڈھلیان شریف روڈ، ٹوٹ پھوٹ کا شکار
ڈنگہ (محمد بلال احمد بٹ ) شاہ قلی روڈ، ڈنگہ تا لالٰہ موسیٰ، تھانہ روڈ، ڈھلیان شریف روڈ، ٹوٹ پھوٹ کا شکار چھوٹی بڑی گاڑیوں کو آمد رفت میں مشکلا ت کا سامنا کئی کئی دن بارشی پانی سڑکوں پر کھڑا رہنے سے بڑے بڑے شگاف پڑھ گئے۔ سڑکوں کی ٹوٹ پھو ٹ کے باعث نا صرف لاکھوں روپے مالیت کی گاڑیوں کو باقا بل تلافی نقصان پہنچا بلکہ اس روڈ سے اڑنے والی دھول اور گرد سے شہری سانس گلے اور جگر کی بیماریوں میں مبتلا ہو چکے ہیں جبکہ تھانہ روڈ ڈنگہ عرصہ دراز سے ٹوٹ پھوٹ کا شکار اور بڑے بڑے شگاف پڑ چکے ہیں اس سڑک کی حالت نہ گفتہ بہ حالت ہوتی جا رہی ہے مقامی باسیوں اور سماجی تنظیموں نے موجودہ ایم این اے اور ایم پی اے سے ٹوٹ پھوٹ کی شکار سڑکوں کی از سر نو تعمیر کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:پنجاب حکومت بجلی چوروں کا پیچھا کر رہی ہے جو ایک قابل تعریف اقدام ہے مگر غریب عوام کو ہزاروں کا بل بھیجنا زیادتی ہے، چوہدری اجمل ٹوپہ
ڈنگہ (محمدبلال احمدبٹ) سابق وائس چیئر مین بلدیہ ڈنگہ چوہدری اجمل ٹوپہ نے اپنے ایک بیان میں کہا پنجاب حکومت بجلی چوروں کا پیچھا کر رہی ہے جو ایک قابل تعریف اقدام ہے مگر انہی دنوں غریب لوگوں کو ہزاروں کے بجلی بل موصول ہو تے ہی ان کے ہاتھوں میں کرنٹ آ گیا۔ مگر غریب لوگوں کو کس گناہ کی سزا ہے؟ جو سالہا سال سے بڑی خاموشی کے ساتھ جائز نا جائز بل ادا کرتے آ رہے ہیں۔ اب تو بل دروازے سے اندر گرتا ہے تو گھر والے سہم جاتے ہیں جیسے جنگلی سانپ گھر میں گھس آیا ہو۔ نا جائز بلوں سے جمع ہونے والی آمدنی حرام ہے، جو بجلی کے نظام کو روشن نہیں بلکہ درہم برہم کر دے گی جیسا کہ حالات سے ظاہر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کا ناکارہ سیوریج ، بجلی کے لٹکتے تار، سٹریٹ لائٹس غائب، بدبودار گندہ واٹر سپلائی نظام معمول بن گیا
ڈنگہ (محمدبلال احمد بٹ) ڈنگہ کا ناکارہ سیوریج، بجلی کے لٹکتے تار، سٹریٹ لائٹس غائب، بدبودار گندہ واٹر سپلائی نظام معمول بن گیا۔70 ہزار سے زائد آبادی پر مشتمل شہر میں ناکارہ سیوریج سسٹم، بجلی کے لٹکتے ہوئے تار، سٹریٹ لائٹس کی عدم موجودگی، نالیوں اور گٹروں سے ابلتا ہوا پانی، پولیس ناکہ اور گشت کا نامناسب انتظام سر شام چوری و ڈکیتی کی وارداتوں نے شہریوں کا جینا حرام کر دیا۔ راتوں کو قبرستانوں اور شہر بھر میں آوارہ خونخوار کتے راہگیروں کو کاٹتے ہیں۔ سوئی گیس محکمہ نے شہر بھر کی گلیاں اکھاڑ کر ناکارہ کر دی ہیں مقامی بلدیہ ڈنگہ نے بھی زحمت نہیں کی کہ انہیں مرمت کر دیا جائے کوڑا کرکٹ نے لوگوں کا جینا محال کر دیا ہے جس کی وجہ سے مکین بیماریوں کا شکار ہونے لگے ہیں۔ ہسپتال RHC ڈنگہ میں ادویات نہ ہونے کی وجہ سے مریض بازاروں سے مہنگی ادویات خریدنے پر مجبور ہوگئے۔ لوڈ شیڈنگ کے دوران اور سٹریٹ لائٹس نہ ہونے کی وجہ سے شہر بھر میں اندھیرا چھا جاتا ہے مقامی سیاستدان توجہ دے کر مذکورہ بالا مسائل کا سد باب کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ایم پی اے میاں طارق محمود کی کاوشوں سے شیر گڑھ میں پرائمری سکول سے اپ گریڈیشن جسے گورنمنٹ گرلز مڈل سکول شیر گڑھ کا درجہ مل گیا
ڈنگہ (محمد بلال احمد بٹ) ایم پی اے میاں طارق محمود کی کاوشوں سے شیر گڑھ میں پرائمری سکول سے اپ گریڈیشن جسے گورنمنٹ گرلز مڈل سکول شیر گڑھ کا درجہ مل گیا ۔ شیر گڑھ میں عوامی سماجی حلقوں نے میاں طارق محمود کی کاوشوں کو سراہا۔ جبکہ اے ای او (گرلز) مس صابرہ سلطانہ نے گورنمنٹ مڈل سکول شیر گڑھ کا وزٹ کیا اور انہوںنے وہاں کی ہیڈ مسٹریس کو احکامات جاری کیے کہ وہ فوری طور پر SNE کے تحت چھٹی کلاس کی طالبات کو فوری طور پر داخل کریں۔انہوں نے سکول کا وزٹ کے دوران تمام سٹاف سے علیحدہ علیحدہ ملاقات اور طالبات سے تعلیم کے متعلق بات چیت کی۔ اس کے علاوہ مس صابرہ سلطانہ نے لاتعداد سکولوں کا دورہ کیااور انہوں نے تمام سٹاف کو ہدایت کی کہ سکولوں میں حاضری یقینی بنائیں تا کہ طالبات کا مستقبل مزید روشن ہو۔ کیونکہ طالبات دور دراز گائوں سے آ کر سکولوں میں تعلیم حاصل کرنے کے لئے آتی ہیں ہمارا فرض ہے کہ انہیں تعلیم کے زیور سے آراستہ کریں۔ کیونکہ کل کو انہی طالبات نے ڈاکٹر، ایڈووکیٹ، انجینئر بننا ہے اورملک کی باگ ڈور سنبھالنی ہے۔ آخر میں انہوں نے مزید کہا کہ غیر حاضری کرنے والی اساتذہ کے خلاف سخت ایکشن لیا جائیگا۔
