ڈنگہ کی خبریں 6.09.2013
Posted on September 7, 2013 By Geo Urdu سٹی نیوز
ڈنگہ : پاکستان مسلم لیگ ق حلقہ پی پی 113 سابق ناظم چوہدری اخلاق احمد رنیاں کاحلقہ پی پی 113 کا تعزیتی دورہ
ڈنگہ (محمد بلال احمد بٹ ) پاکستان مسلم لیگ ق حلقہ پی پی 113 سابق ناظم چوہدری اخلاق احمد رنیاں کاحلقہ پی پی 113 کا تعزیتی دورہ، تفصیلات کے مطابق چوہدری اخلاق احمد رنیاں نے موضع فتہ بھنڈ میں چوہدری محمد شفیع کی ہمشیرہ کی نماز جنازہ میں شرکت، موضع بھائو گھسیٹ پور میں چوہدری خالد کی بھتیجی، موضع نورجمال میں ندیم کولی، اعجاز کولی کی والدہ کی وفات پر اظہار تعزیت اور فاتحہ خوانی کی، بعدازاں موضع نورجمال میں میاں مہدی خاں سے حلقہ پی پی 113 اور بلدیاتی الیکشن کے حوالے سے اہم امور پر بات چیت کی۔ اس موقع پر چوہدری ناصر نورجمال، چوہدری افضال مراڑیہ اسماعلیہ، چوہدری اشران اور دیگر افراد بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انچارج پولیس چوکی ڈنگہ سٹی حافظ مشتاق کا ریلوے اسٹیشن ڈنگہ میں مخبر کی اطلاع پر چھاپہ، پچاس ولایتی بوتل شراب برآمد
ڈنگہ ( محمد بلال احمد بٹ ) ڈی پی او گجرات، ڈی ایس پی سرکل کھاریاں کی ہدایت پر ایس ایچ او ڈنگہ راجہ زاہد نعیم کی سربراہی میں پولیس چوکی ڈنگہ سٹی کے انچارج حافظ مشتاق نے نفری کے ہمراہ گزشتہ شام ریلوے اسٹیشن ڈنگہ میں مخبر کی اطلاع پر عامر مسیح، طارق پٹھان، طارق مغل کے گھر پر چھاپہ مارا، دوران تلاشی 50 ولایتی بوتلیں شرا برآمد کر کے مجرمان کو حراست میں لے کر ان کے خلاف مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر بھر میں کئی محلہ جات میں منشیات کا دھندہ دن بدن عروج پکڑ رہا ہے
ڈنگہ (محمد بلال احمد بٹ ) ڈنگہ شہر بھر میں کئی محلہ جات میں منشیات کا دھندہ دن بدن عروج پکڑ رہا ہے، جس سے نوجوان نسل تباہی کی طرف جا رہی ہے بار بار خبروں کی اشاعت کے بعد ڈنگہ انتظامیہ حرکت میں آگئی۔ ڈنگہ شہر بھر میں شام ہوتے ہی چاروں اطراف میں چوروں نے ڈنگہ کا ہولڈ سنبھال لیا۔ راہ گزرتے شہریوں اور گھروں میں گھس کر اسلحہ کے زور پر چوریاں اپنا مشن بنا لیا۔ گزشتہ دنوں بشیر بلہڑ کو رسیوں سے باندھ کر پچیس ہزار نقدی اور اسلحہ کے زور پر سرشام شہریوں سے نقدی و موبائل چھیننے کا دن بدن رواج بنتا جا رہا ہے، اور موٹر سائیکل چھیننے والوں کا بھی دھاوا عروج پر ہے۔ ڈنگہ کے شہری شام کے وقت اپنے گھروں سے نکلتے وقت گھبراتے ہیں۔ ڈنگہ پولیس کے گشت کے نظام بہتر نہ ہونے سے آئے روز وارداتیں ہو رہی ہیں۔ جبکہ ڈنگہ اور گردنواح میں گشت کا نظام بہتر نہ ہونے سے سڑکیں غیر محفوظ ہیں۔ دوران گزشت موبائل گاڑی، ہوٹلوں، اور اڈوں پر بیٹھ کر وائرلیس پر سب اچھا کی رپورٹ دے دیتے ہیں۔ عوامی سماجی حلقوں نے آر پی او گوجرانوالہ، ڈی پی او گجرات سے اپیل کی ہے کہ ڈنگہ پولیس شہر اور گردنواح میں گشت کا نظام بہتر کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ چوہدری سہیل خان آف سانتل،چوہدری کامران ناظم آف کھوکھرا شادی کے حسین بندھن میں بندھ گئے
ڈنگہ : ادارہ دی گرائمر سکول ڈنگہ میں ہر قومی دن کو ملی جوش و جذبہ سے منا کر نونہال وطن کو اپنے قومی ہیروز کے کارہائے نمایاں سے آگاہ کرتا ہے، عارف مغل
ڈنگہ (محمد بلال احمد بٹ) عارف مغل نے اپنے بیان میں کہا کہ اپنے ادارہ دی گرائمر سکول ڈنگہ میں ہر قومی دن کو ملی جوش و جذبہ سے منا کر نونہال وطن کو اپنے قومی ہیروز کے کارہائے نمایاں سے آگاہ کرتے ہیں، الحمد اللہ ہمارے ادارہ کے ہونہار ذہین طلبہ و طالبات کی تعلیم و تربیت دور جدید کے تقاضوں کو مدنظر رکھ کر کی جاتی ہے انہیں معاشرے کا سود مند شہری بنانا ہمارا مقصد اورمشن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : معرکہ 6 ستمبر 1965ء کے شہداء زندہ جاوید ہیں انکی لازوال قربانیاں ہمارے لئے مشعل راہ ہیں، مسز عارف مغل
ڈنگہ (محمد بلال احمد بٹ) معرکہ 6 ستمبر1965ء کے شہداء زندہ جاوید ہیں انکی لازوال قربانیاں ہمارے لئے مشعل راہ ہیں، مسز عارف مغل پرنسپل ادارہ کا تقریب سے خطاب انہوں نے کہا کہ فوجی اور لیڈر موت سے نہیں ڈرتا اور جو موت سے نہیں ڈرتا وہ کسی اور چیز سے بھی نہیں درتا، موت اللہ کریم سے ملاتی ہے تو یہ کیسے ممکن ہے کہ اللہ کے سپاہی جو ایمان کے سچے جذبوں سے سرشار ہو کر اپنے وطن اور قوم کیلئے اپنی جانوںکے نذرانے پیش کرتے ہیں،وہ موت سے ڈر جائیں،ہم اپنے بچوں کی جدید تقاضوں کے ساتھ تعلیم و تربیت کے ساتھ ساتھ انہیں اپنے قومی ہیروز کے کارناموں سے آگاہ کیلئے ہر قومی دن کو اس کی مناسبت سے منا کر انہیں اپنی اصل میراث سے آگاہ کرتے ہیں،آج کی نسل نے مستقبل میں وطن عزیز کی باگ دوڑ سنبھالنا ہے انہیں اپن اسلاف کا علم ہونا چاہیے آج ہم عہد کرتے ہیں کہ اپنے عظیم وطن پر آنچ نہیں آہنے دیں گے،اس کی حفاظت دل و جان سے کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ملک بھر میں 48 واں یوم دفاع پاکستان ملی جوش و خروش اور قومی جذبے سے منایا گیا
ڈنگہ (محمد بلال احمد بٹ) ملک بھر میں 48 واں یوم دفاع پاکستان ملی جوش و خروش اور قومی جذبے سے منایا گیا 1965 کے شہداء نشان حیدر حاصل کرنے والے شہداء کی یادگاروں پر پروقار تقریب کا اہتمام، چھ ستمبر یوم دفاع کے موقع پر میجر راجہ عزیز بھٹی شہید کے مزار پر فوج کے جوانوں نے اسلامی دی اور اعلیٰ آفیسرز نے پھول اور چادر چڑھائی اور ان کی روح کے ایصال ثواب کے لئے فاتحہ خوانی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی انتخابات 2014ء سے قبل کرانا ممکن نہیں، شیر افگن ایڈیشنل الیکشن کمیشن
ڈنگہ (محمد بلال احمد بٹ) باوثوق ذرائع کے مطابق ایڈیشنل سیکرٹری الیکشن کمیشن شیر افگن نے کہا ہے کہ بلدیاتی انتخابات 2014ء سے قبل کرانا ممکن نہیں انہوں نے کہا کہ چاروں صوبوں میں بلدیاتی انتخابات ستمبر 2013ء تک منعقد نہیں کرائے جا سکتے جبکہ ایک ساتھ بلدیاتی انتخابات کرانا بھی ممکن نہیں،ایڈیشنل سیکرٹری الیکشن کمیشن شیر افگن نے وضاحت کرتے ہوئے کہا کہ، سپریم کورٹ نے الیکشن کمیشن کو ستمبر 2013ء تک چاروں صوبوں میں بلدیاتی انتخابات کرانے کی ڈیڈ لائن دی تھی جبکہ 2014ء سے قبل بلدیاتی انتخابات کرانا ممکن نہیں الیکشن کمیشن کو بلدیاتی انتخابات کی تیاری سے 90 دن کا عرصہ درکار ہے۔ کہوہ ان سے لائسنس بنوائیں،جبکہ فلور ملوں نے پہلے ہی محکمہ فوڈ پنجاب سے لائسنس حاصل کر رکھا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ایل پی جی کی قیمتوں میں دس فیصد اضافہ سے گیس سلنڈر کی قیمت میں اضافہ ہو گیا
ڈنگہ (محمد بلال احمد بٹ) ایل پی جی کی قیمتوں میں دس فیصد اضافہ سے گیس سلنڈر کی قیمت میں اضافہ ہو گیا جس سے گھریلو سلنڈر کی قیمت میں 120 روپے جبکہ کمرشل سلنڈر کی قیمت میں 480 روپے اضافہ ہو گیا ہے جس پر عوامی حلقوں نے شدید احتجاج کیا ہے
