اسلام آباد (جیوڈیسک) برطانوی ہائی کمشنر ایڈم تھامسن نے واضع کیا ہے کہ ڈاکٹر عمران فاروق کیس کی تحقیقات لندن میٹرو پولیس کا معاملہ ہے۔ اسلام آباد برطانوی ہائی کمشنر ایڈم تھامسن نے کہا ہے کہ دہشت گردی اور انتہا پسندی پاکستان اور برطانیہ کا مشترکہ مسئلہ ہے۔ پاک برطانیہ وزرائے اعظم کے درمیان ہونے والی ملاقات میں ایم کیو ایم کے رہنما الطاف حیسن کے معاملے پر کوئی بات نہیں ہوئی۔ ڈاکٹر عمران فاروق قتل کیس کی تحقیقات میٹرو پولیٹن پولیس کا معاملہ ہے۔
ان کا کہنا تھا کہ برطانوی وزیراعظم ڈیوڈ کیمرون نے پاکستانی ہم منصب اور افغان صدر حامد کرزئی سے آپس میں روابط بڑھانے پر بات چیت کی۔ ان کا کہنا تھا کہ برطانوی وزیر داخلہ آئندہ ماہ پاکستان کا دورہ کرینگے۔ دوسری جانب لندن میں عمران فاروق قتل کیس میں پیش رفت تیزی سے جاری ہے۔ پولیس کی کرائم ایجنسی نے لندن میں بیس سے زائد گھروں پر مشتمل جائیداد کی تحقیقات شروع کر دیں ہیں۔ یہ گھر دو اہم شخصیات کے نام ہیں۔
لندن میٹرو پولیٹن پولیس اور برطانیہ کی کرائم ایجنسی کی جانب سے جس جائیداد کی تحقیقات کی جاری ہیں اس کی مالیت بیس ملین پانڈ سے زیادہ ہے۔ دنیا نیوز نے بیس میں سے چھ گھروں کے دستاویزی ثبوت حاصل کر لیے ہیں۔ ذرائع کا کہنا ہے کہ برطانوی حکومت کو اس جائیداد کے بارے میں علم لندن میں دو گھروں پر چھاپوں کے دوران ہوا۔ دنیا نیوز کو ملنے والی دستاویزات کے مطابق یہ جائیداد شمالی لندن میں واقع ہے۔
ذرائع نے بتایا ہے کہ برطانوی پولیس اس حوالے سے بھی پوچھ گچھ کر رہی ہے کہ یہ بیش قیمت جائیداد خریدنے کے لئے رقم کہاں سے حاصل کی گئی۔ برطانوی قوانین کے مطابق کسی بھی جائیداد کی خریداری کے لیے یہ بتانا لازم ہے کہ رقم کن ذرائع سے حاصل کی گئی۔
کئی علاقوں میں تیز ہواوں اور گرج چمک کے ساتھ بارش کا امکان
توانائی بحران ختم کرنے کا وعدہ پورا کریں گے، شہباز شریف
