کراچی (جیوڈیسک) زرمبادلہ کی منڈیوں میں ڈالر کی قدر کو مخصوص سطح پر منجمد کرنے کے حکومتی فیصلے کے بعد انٹربینک واوپن کرنسی مارکیٹ میں امریکی ڈالر کی قدر میں اتارچڑھائو کی رفتار سست ہوگئی ہے۔
جس کا اندازہ اس امر سے لگایا جاسکتا ہے کہ انٹربینک مارکیٹ میں منگل کو روپے کی نسبت ڈالر کی قدر5 پیسے گھٹ کر 98.80 روپے پر آگئی۔ جبکہ اوپن کرنسی مارکیٹ میں اس کے برعکس روپے کی نسبت ڈالر کی قدر 5 پیسے بڑھ کر 99.45 روپے کی سطح پر آگئی۔
یاد رہے کہ گزشتہ چند ہفتوں سے انٹربینک مارکیٹ میں امریکی ڈالر کی قدر 98.50 تا 99 روپے جبکہ اوپن کرنسی مارکیٹ میں ڈالر کی قدر 99 روپے تا 99.90 روپے تک محدود ہے۔
مذاکراتی عمل فوری شروع کیا جائے وزیراعظم کا وزیر داخلہ کو ٹاسک
2025 تک برسر اقتدار رہے تو سندھ کو خود کفیل بنا دیں گے، قائم علی شاہ
