اسلام آباد (جیوڈیسک) ملک میں دیسی اوریونانی دواؤں کی مینو فیکچرنگ اوراس طریقہ علاج کی رہنمائی کیلیے قائم ڈرگ ریگولیٹری اتھارٹی کوئی مثبت کردار اداکرنے میں یکسر ناکام ہو چکی ہے جب کہ شعبہ طب کے فروغ کے لیے قائم قومی طبی کونسل محض رسمی ادارہ بن کر رہ گئی ہے۔
ذرائع نے بتایاکہ اس وقت ملک میں 54 ہزارسے زائدحکیم اورطبیب دیسی طریقہ علاج کے تحت 70 فیصد آبادی کو علاج معالجے کی سہولتیں فراہم کررہے ہیں، حکیموں اور طبیبوں کو 2012 میں قائم ہونے والی ڈرگ ریگولیٹری اتھارٹی کے ماتحت کرنے سے دیسی دوا سازی کی صنعت لاوارث ہوگئی۔
ڈی آراے کے تحت حکمیوں کی چیکنگ کے لیے ڈرگ انسپکٹروں کی خدمات لینے کا فیصلہ کیاگیا جس پر تاحال عمل نہیں ہو سکا، اس طرح دیسی اور یونانی دواؤں کا نظام بغیر کسی اتھارٹی کے ہی چلایاجا رہا ہے۔
قومی طبی کونسل جووزارت صحت کاذیلی ادارہ ہونے کے ساتھ ساتھ دیسی دوائیں تیار کرنے اورحکیموں کی رجسٹریشن اورنئے کالجوں میںتعلیمی معیار کا ذمے دارہے کے ایڈمنسٹریٹر کی حیثیت خودسوالیہ نشان بنی ہوئی ہے۔ کونسل کے ایڈمنسٹریٹر حکیم رضوان حفیظ اپنی مدت پوری ہونے کے باوجود اس عہدے پر براجمان ہیںان کی طرف سے دیسی دواؤں کے معیار کی جانچ پڑتال کے لیے تیار کیا گیا۔
طبی فارماکوپیاابھی تک متنازع بنا ہوا ہے کیونکہ فارما کوپیا کا ابھی تک گزٹ نوٹیفکیشن نہیں ہو سکا۔ حکیم رضوان نے رابطے پر بتایا کہ کونسل کے انتخابات کو ہوئے 8 ماہ ہوچکے ہیں کیس عدالت میں ہے فیصلہ آنے پر نئی طبی کونسل تشکیل دے دی جائے گی۔
سپریم کورٹ کے احکامات کے باوجود شاہراہِ دستور کا ایک ٹریک نہ کھولا جا سکا
کراچی اسٹاک ایکسچینج میں مندی، چار سو پوائنٹس سے زائد کی کمی
