دبئی (جیوڈیسک) گزشتہ روز دبئی میں اسلام آباد جیسا ڈراما ہوا، جسم پر دھماکا خیز مواد باندھ کے ایک عورت عدالت میں گھس گئی اور اپنے مطالبات پیش کیے۔ یہ تماشا تیرہ گھنٹے تک جاری رہا ۔پینتیس سے چالیس سالہ ایک ازبک خاتون دبئی پبلک پراسیکیوشن کی عمارت میں داخل ہوئی ساتھ اس کا بچہ بھی تھا، عورت نے استقبالیہ پر پہنچ کر دھمکی دی کہ اس جسم پر بم بندھا ہے جس پر عدالت میں بھگدڑ مچ گئی، ایک عینی شاہد کے مطابق عورت نے بیلٹ سے کوئی بھاری شے باندھی ہوئی تھی جو تاروں کے ذریعے ڈیٹو نیٹرسے جڑی ہوئی تھی۔
پولیس نے عمارت کو گھیرا اور مذاکرات کا سلسلہ شروع ہوا، بالآخر بارہ گھنٹے کی کوششوں کے بعد پولیس نے خاتون کو گرفتاری دینے پر آمادہ کر لیا، عورت اپنے بچے کی ولدیت کا مسئلہ حل کرانا چاہتی ہے جس پر اس کا شوہر کے ساتھ قانونی تنازعہ چل رہا ہے، حکام کا کہنا ہے کہ بچے اور عورت کے تحفظ کی خاطر ڈرامہ اتنی دیر چلتا رہا۔
ممکنہ امریکی فوجی حملہ ٹالنے کیلئے شام کا اقوامِ متحدہ سے رابطہ
امریکا نے شام پر ممکنہ حملے کیلئے تیاریوں کو حتمی شکل دینی شروع کر دی
