دبئی (جیوڈیسک)ورلڈ نمبر ٹو سوئیٹزرلینڈ کے راجر فیڈرر تیونس کے مالیک جزیری کو شکست دے کر دبئی اوپن ٹینس ٹورنامنٹ کے دوسرے رائونڈ میں پہنچ گئے ہیں۔
اے پی ٹی کلینڈر میں شامل دبئی اوپن کے افتتاحی راونڈ میں سوئس ٹینس سٹار راجرفیڈرر کا مقابلہ تیونس کے مالک جازری سے ہوا۔تیونس ٹینس سٹار نے میچ کا آغاز پر اعتماد انداز میں کیا اور ٹائی بریک پر پہلا سیٹ جیت کر ٹینس کورٹ میں موجود شائقین کو حیران کر دیا۔ فیڈرر نے دوسرے سیٹ میں اپنا روایتی کھیل پیش کیا اور مالک جازری کو مکمل آوٹ کلاس کرتے ہوئے سیٹ جیت کر مقابلہ برابر کر دیا۔
تیسرے اور فیصلہ کن سیٹ میں بھی فیڈرر چھائے رہے اور اپنے حریف کو تگنی کا ناچ نچا دیا۔فیڈرر نے فیصلہ کن سیٹ بھی جیت کرمیچ اپنے نام کر لیا۔ فیڈرر نے دو گھنٹے اکتالیس منٹ تک جاری رہنے والے میچ میں پانچ سات ،چھ صفر اور چھ دو سے کامیابی حاصل کی۔
ویسٹ انڈیز اور زمبابوے کے درمیان آخری ون ڈے کل کھیلا جائیگا
ارجنٹائن فٹ بال لیگ،ریور پلیٹ کی ٹیم نے ٹیگرے کو شکست دے دی
