سبی (محمد طاہرعباس ) نقل کے خاتمہ کے دعوئے صرف اخباری اشتہارات تک محدود ،میٹرک کے پرچوں کے دوران قریبی فوٹو اسٹیٹ کی دکانیں کھلی رہیں نقل کی کاپیوں کی سرعام فروخت جاری۔
تفصیلات کے مطابق سبی میں جاری میٹرک کے امتحانات کے دوران امتحانی مراکز کے قریب کے تمام فوٹو اسٹیٹ کی دکانیں کھلی رہیں اور ان دکانداروں کو امتحان کے اوقات میں دکان بند کرنے کے احکامات انتظامیہ کی جانب سے جاری نہیں کئے گئے ،شہر کے کئی فوٹواسٹیٹ دکانوں پر پرچوں میں درج سوالات کے جوابات کی کاپیاں فروخت ہوتی رہیں۔
اس کے علاوہ امتحانی مراکز کے ارد گرد کئی لوگ امتحانات میں مصروف طلبہ کی مدد گار کی صورت میں کھڑئے رہے مگر انتظامیہ کی جانب سے ابھی تک ان فوٹواسٹیٹ دکانداروں اور امتحانی مراکز کے ارد گرد موجود افراد کے خلاف کوئی کاروائی عمل میں لائی نہیں گئی۔
چاکر روڈ بم دھماکہ میں ملوث ملزماں کی گرفتاری سمیت جشن سبی میں دہشت گردی کا پلان ناکام بنا دیا گیا
اہلیان کشمیر کی ہر طرح کی امداد ہمارا دینی اور ملی فریضہ ہے، ڈاکٹراحسان باری
