کوئٹہ(جیوڈیسک)بلوچستان کے زلزلے سے متاثرہ علاقے ماشکیل میں امدادی کارروائیوں میں سست روی کے باعث زلزلہ زدگان مختلف قسم کے مسائل کا شکار ہو گئے ،جبکہ علاقے کا انفراسٹرکچر تباہ ہونے کے باعث انتخابی مہم بھی معطل ہو گئی ہے۔
پاک ایران سرحد پر واقع بلوچستان کا زلزلے سے متاثر ماشکیل تحصیل میں امدادی کاروائیاں تو جاری ہیں مگراس میں سست روی کے باعث متاثرین زلزلہ کو مختلف قسم کے مشکلات نے گھیر لیا ہے،سیکڑوں متاثرین اب بھی شدید گرمی میں کھلے آسمان تلے زندگی گزار رہے ہیں۔
پینے کے پانی کا شدید بحران ہے کھانے پینے کی اشیا کی قلت جس کی وجہ سے متاثرین کی بڑی تعداد ہیضہ کی بیماری میں مبتلا ہو گئے، دوسری جانب زلزلے سے تحصیل ماشکیل کا انفرا سٹرکچر مکمل طور پر تباہ ہونے کے باعث علاقے میں انتخابی مہم معطل ہو گئی ہے، امیدوار اور ووٹرز اپنے کچے گھروں سے اب بھی بچا ہوا سامان نکال، نکال کراستعمال میں لانے کی کوشش کر رہے ہیں۔
انتخابی قواعد کی خلاف ورزی پر فیصل کنڈی کی عدالت طلبی
پیپلزپارٹی کی لوٹ مار سے ملک آج آئی سی یو میں ہے ،نوازشریف
