قاہرہ (جیوڈیسک) سرحدی علاقے الشیخ زوید میں سیکیورٹی فورسز کے ساتھ جھڑپ کے نتیجے میں شدت پسند گروپ انصار بیت المقدس کے کم سے کم 8 جنگجو ہلاک ہوگئے ہیں۔
رپورٹ میں بدھ کو سیکیورٹی فورسز نے جزیرہ نما سیناء کے شمالی علاقے الشیخ زوید کے جنوبی علاقے میں شدت پسندوں کے ایک ٹھکانے پر حملہ کیا۔
جنگجوؤں کی طرف سے جوابی فائرنگ بھی کی گئی تاہم اس میں فوج کا کوئی نقصان نہیں ہوا۔ سیکیورٹی فورسز کی کارروائی میں انصار بیت المقدس کے آٹھ جنگجو ہلاک ہوگئے تھے۔
ذرائع کا کہنا ہے کہ سیکیورٹی فورسز نے تین مقامات ابو رفاعی، ابو طویلہ اور التومہ میں شدت پسندوں کے خلاف کارروائیاں کیں۔ اس موقع پر شدت پسندوں نے جوابی حملے کی بھی کوشش کی مگر فوج کی کارروائی میں آٹھ عسکریت پسند ہلاک اور سات زخمی ہوگئے۔
سیکیورٹی فورسز کا کہنا ہے کہ عسکریت پسندوں نے شہریوں کے گھروں پر قبضہ جما رکھا تھا۔ سیکیورٹی فورسز نے اس کی اطلاع ملتے ہی عسکریت پسندوں کے خلاف کارروائی شروع کی گئی۔
کارروائی کے دوران متعدد عسکریت پسند فرار بھی ہوئے ہیں جن کی تلاش جاری ہے۔
فائرنگ کے تبادلے میں ابو طویلہ کمین گاہ کے قریب ایک خاتون اور ایک مقامی شہری کے مارے جانے کی بھی اطلاعات ہیں۔
فرگوسن میں مظاہرے کے دوران فائرنگ کی آوازیں
بشارالاسد کی رخصتی کے موقف پر قائم ہیں: ترکی
