اسلام آباد (جیوڈیسک) وزارت داخلہ نے عید الفطر کے موقع پر 5 سے 8 جولائی تک عام تعطیلات کا اعلان کردیا ہے جس کے تحت وفاق کے ماتحت اداروں کے ملازمین 2 جولائی سے 10 جولائی کے دوران صرف ایک ہی روز کام کریں گے اور باقی 8 دن آرام کریں گے۔
وزارت داخلہ نے وفاقی وزیر داخلہ چوہدری نثار علی خان کی جانب سے منظوری کے بعد ملک بھر میں 5 جولائی بروز منگل سے 8 جولائی بروز جمعے تک عید الفطر کی چھٹیوں کا نوٹی فکیشن جاری کردیا ہے لیکن سرکاری ملازمین 2 جولائی سے 10 جولائی تک صرف ایک ہی روز اپنے پیشہ وارانہ فرائض انجام دیں گے اور 8 روز آرام کریں گے کیونکہ 2 اور 3 جولائی کو سرکاری ، نیم سرکاری اور بیشتر بینکس میں ہفتہ وار تعطیلات ہوتی ہیں، پیر 4 جولائی کو لوگ اپنے اپنے پیشہ وارانہ امور سر انجام دیں گے جب کہ 8 سے 8 جولائی تک عید الفطر کی تعطیلات ہوں گی اور 9 اور 10 جولائی کو ایک مرتبہ پھر ہفتہ وار تعطیلات ہوں گی۔
نوٹی فکیشن کے اجرا کے بعد سرکاری اداروں کے بیشتر ملازمین نے اپنے حکام بالا سے پیر 4 جولائی کی بھی چھٹی منظور کرالی ہے جس کے بعد اب وہ مسلسل 9 دن آرام کریں گے۔ دوسری جانب اسٹیٹ بینک نے ملک کے تمام شیڈولڈ بینکوں کو ہدایت کی ہے کہ 2 اور 9 جولائی کو ہفتہ وار چھٹی کے بجائے عوام کو بہتر سہولیات کی فراہمی کے لیے اپنی شاخیں کھلی رکھ کر بینکاری کے امور سر انجام دیں۔
ںواضح ر ہے کہ عید الفطر کا چاند دیکھنے کے لیے مرکزی رویت ہلال کمیٹی کا اجلاس 5 جولائی کو لاہور میں منعقد ہوگا تاہم ماہرین فلکیات کا کہنا ہے کہ سندھ اور بلوچستان کے ساحلی علاقوں میں 5 جولائی کو ہی شوال المکرم کا چاند نظر آنے کے امکانات ہیں۔
بلوچستان میگا کرپشن، مشتاق رئیسانی کے ریمانڈ میں مزید 14 روز کی توسیع
القاعدہ میرے بدلے ایمن الظواہری کے خاندان کی چند خواتین رہا کروانا چاہتی تھی، علی حیدر گیلانی
