کراچی (جیوڈیسک) عید قرباں کیلیے ٹماٹر کی طلب بھارتی ٹماٹر سے پوری کی جائیگی۔ درآمد کنندگان کے مطابق سندھ میں ٹماٹر کی فصل نہ ہونے کے سبب بلوچستان کے ٹماٹر فروخت کیے جارہے ہیں جبکہ پنجاب کے شہروں کی طلب بھارت سے درآمد شدہ ٹماٹر سے پوری کی جارہی ہے تاہم عید قرباں کے موقع پر ملک بھر میں ٹماٹر کی طلب پوری کرنے کیلیے بھارتی ٹماٹر کی درآمد تیز کردی گئی ہے، بھارت سے بڑے پیمانے پر ٹماٹر کی درآمد کے سودے ہوچکے ہیں اور آئندہ ہفتے 50 سے 60 ہزار ٹن بھارتی ٹماٹر کی پاکستانی منڈیوں میں آمد متوقع ہے۔
بھارتی ٹماٹر 70 سینٹ فی کلو قیمت پر منگوایا جارہا ہے، عید سے قبل کراچی کی منڈی میں بھی بھارتی ٹماٹر وافر دستیاب ہوگا۔ ٹماٹر کی طرح آلو کی طلب بھی درآمدی آلو سے پوری کی جارہی ہے تاہم بھارت سے درآمد محدود ہوچکی ہے اور ہالینڈ سے بڑے پیمانے پر آلو درآمد کیا جارہا ہے، ہالینڈ کا آلو ڈیمانڈ نہ ہونے کی وجہ سے تھوک سطح پر 38 روپے لاگت کے مقابلے میں 35 روپے فی کلو فروخت ہورہا ہے۔
ایف بی آر: انکم ٹیکس گوشوارے جمع کرانے کی تاریخ میں توسیع
بھارت میں پاکستانی جیم اینڈ جیولری کی نمائش کا فیصلہ
