لاہور (جیوڈیسک) پاکستان تحریک انصاف کے چیئرمین عمران خان نے پریس کانفرنس کرتے ہوئے کہا عبدالعلیم خان کی انتخابی مہم کا آغاز کر رہا ہوں ۔ لاہور اور لودھراں کے دونوں حلقوں میں بھر پور انتخابی مہم چلائی جائے گی کیونکہ این اے 122 میں دھاندلی کو شکست دینی ہے۔
انہوں نے کہا میرے خلاف سپریم کورٹ کا کوئی ایسا فیصلہ نہیں کہ میں انتخابی مہم نہ چلا سکوں۔ پارٹی کا لیڈر ہوں اور منشور پہنچانا میرا فرض ہے۔ ملک کا وزیراعظم نہیں کہ مجھے انتخابی مہم چلانے سے روکا جائے۔ سپریم کورٹ کے فیصلے کے مطابق حلقوں میں جانے پر پابندی نہیں۔
کہتے ہیں لودھراں میں موسم اچھا لگ رہا ہے لیکن لاہور کیلئے الیکشن کمیشن اور آئی جی پنجاب کو خط لکھیں گے۔ ایس ایس پی سی آئی اے عمر ورک اور ڈی ایس پی لوگوں کو ڈرا رہے ہیں۔ حافظ آباد کے ڈی پی او کی (ن) لیگ کے لئے ووٹ مانگنے کی ویڈیو موجود ہے۔ پنجاب میں پولیس کو گلو بنا دیا گیا ہے۔
عمران خان نے کہا پنجاب میں کرپشن پر اب تک کوئی ایکشن نہیں لیا گیا اور انتخابی مہم میں لوگوں کو بتائیں گے کہ کیسے پنجاب کو لوٹا گیا۔ نندی پور پراجیکٹ 22 ارب سے 88 ارب تک کیسے پہنچا ؟ ۔ کرپشن پر شریف خاندان کے خلاف کیس کریں گے۔ عمران خان نے وزیراعظم کے کسان پیکیج کو پری پول رگنگ قرار دیا ۔ ان کا کہنا تھا چار اکتوبر کو الیکشن کمیشن کے باہر بڑا جلسہ ہو گا۔
فضائیہ کیمپ حملے کے شواہد افغانستان کو فراہم کریں گے: سرتاج عزیز
پشاور بیس حملے میں افغانستان ملوث نہیں، افغان صدارتی ترجمان
