اسلام آباد (جیوڈیسک) نگران وزیرِاعظم ناصرالملک کے زیرِ صدارت وفاقی کابینہ کے اجلاس میں بڑے بڑے فیصلے، چاروں صوبوں کے آئی جیز اور چیف سیکرٹریز کو بدل دیا گیا، نئے چہرے تعینات ہو گئے۔
نگران حکومت کے آنے کے بعد ٹاپ بیورو کریسی کو بھی تبدیل کر دیا گیا ہے۔ آئندہ انتخابات کو شفاف بنانے کے لئے وفاقی کابینہ نے مختلف تقرریوں کی منظوری دے دی ہے۔
نگران وزیرِاعظم ناصرالملک کے زیرِ صدارت اجلاس میں ٹاپ بیورو کریسی میں تقرر و تبادلے کرتے ہوئے چاروں صوبوں کے چیف سیکرٹریز اور آئی جیز کو تبدیل کر دیا گیا ہے۔ اکبر درانی پنجاب اور اعظم سلیمان سندھ کے چیف سیکرٹری تعینات ہو گئے۔ نوید کامران کو خیبر پختونخوا اور اختر نذیر کو بلوچستان کا چیف سیکرٹری تعینات کر دیا گیا۔
چاروں صوبوں میں پولیس کے سربراہان کو بھی تبدیل کر دیا گیا ہے۔ کلیم امام کو پنجاب، امجد جاوید سلیمی کو آئی جی سندھ تعینات کر دیا گیا۔ محمد طاہر خیبر پختونخوا اور محسن حسن بٹ بلوچستان کے آئی جیز ہوں گے۔
لیگی رہنما کی درخواست خارج، سپریم کورٹ نے شیخ رشید کو اہل قرار دے دیا
پیٹرول کی قیمت میں 4 روپے 26 پیسے اضافہ کر دیا گیا
