تلہار (نمائندہ) 19 نومبر اور 17 دسمبر کو دو بار ملتوی ہونیوالے انتخابات کے بعد 23 جنوری کو ٹائون کمیٹی تلہار کے 11 وارڈز اور یونین کونسل سعید پور اور پیر علی بھادر شاھ میں پولنگ منعقد کی گئی صبح سویرے ہی ووٹرز اپنے گھروں سے نکل کر پولنگ اسٹیشن کی طرف روانہ ہوئے جبکہ مختلف پولنگ اسٹیشنز پر پولنگ عمل دیر سے شروع ہونے کی وجہ سے ووٹرز کو پریشانی کا سامنہ رہا مذکورہ حلقوں میں پیپلز پارٹی، مرزا گروپ اور آزاد گروپ کے امیدواروں میں کانٹے کا مقابلہ ہے۔
جبکہ 30 پولنگ اسٹیشنز پر امن و امان کو برقرار رکھنے کیلئے 5ایس ایس پی اور ڈی ایس آر رینجرز سمیت پولیس اور رینجرز کی بھاری نفری تعینات کی گئی تھی ٹائون کمیٹی تلہار کے وارڈ نمبر 2کی خواتین پولنگ اسٹیشن میں الیکشن انتظامیہ کی غفلت کی وجہ سے ملنے والے مٹیریل میں سرکاری ووٹر لسٹ غائب ہونے کے باعث پولنگ 5گھنٹے تاخیر کے بعد ڈی آر او اور ضلع انتظامیہ نے پہنچ کرعام روایتی ووٹر لسٹ پر آر او کی تصدیق کے بعدپولنگ شروع کرائی جس پر امیدواروں نے شدید احتجاج کیا جبکہ وارڈ نمبر تین کی خواتین پولنگ اسٹیشن میں ایک بیلٹ پیپر بوک غائب تھا اوراور اسی پولنگ اسٹیشن پر الیکشن عملے اور پولیس کی ملی بھگت سے پیپلز پارٹی کی حمایت میں ٹھپے مارنے کے دوران مرزا گروپ کے ایجنٹوں نے شدید احتجاج کیا جس پر پولنگ کا عمل بند ہو گیا۔
Talhar Poling
صورتحال کافی دیر تک بگڑ گئی جس پر مرزا گروپ کے امیدواروں نے پیپلز پارٹی پر دھاندھلی کے الزام لگائے صورتحال کو کنٹرول کرنے کیلئے رینجرز کے افسران اور پولیس پہنچی حالات کو قابو کرنے کے بعد دوبارا پولنگ کا عمل شروع کرایا تمام علائقوں میںپولیس اور رینجرز کے باعث کوئی نا خوشگوار واقعہ پیش نہ آیا جس پر عوام نے جوانوں کو بھرپور خراج عقیدت پیش کیا پولنگ عمل مکمل ہونے کے بعد ووٹوں کی گنتی کا عمل جاری ہے۔ نوٹ: انتخابات کے غیر حتمی اور غیر سرکاری نتائج موصول ہو رہے ہیں جو بعد میں بھیجے جائینگے۔
معاشرے کی تباہی کی وجہ اسلام سے دوری ہے، مفتی محمد نعیم
ضلع دادو کے تاریخی شہر خیرپور ناتھن شاہ میں پیپلز پارٹی دو گروپوں میں تقسیم
