اسلام آباد (جیوڈیسک) وزیر مملکت برائے پانی وبجلی عابد شیر علی نے کہا ہے کہ بجلی چوری میں ملوث عملہ خیر منالے اور سیدھا ہوجائے، ورنہ سیدھا کرنا آتا ہے، تبادلہ بلوچستان کر دیا جائیگا۔ اسلام آباد میں ذرائع سے بات چیت میں وزیر مملکت برائے پانی وبجلی عابد شیر علی کا کہنا تھا کہ وزارت کا حلف اٹھاتے ہی انہوں نے بجلی چوری کے خاتمے کے مشن پر کام شروع کر دیا ہے۔
ضرور کامیابی ملے گی۔ وہ محکمے کی کالی بھیڑوں کو بتانا چاہتے ہیں کہ وہ شیر ہیں۔ انہوں نے بتایاکہ بجلی چور عملے کا تبادلہ بلوچستان کر دیا جائیگا، سکھر الیکٹرک کے 6 اہلکاروں کا تبادلہ بلوچستا ن کیا جا چکا ہے۔ وہ بجلی چوروں کی فہرست لے کر جلد وزیر اعلی سندھ سے ملاقات کریں گے۔
لاہور، یوم انسداد ڈینگی کے موقع پر ٹان ہال مال روڈ پر ریلی
گوادر : کوسٹ گارڈز کی چیک پوسٹ پر حملہ، الطاف حسین کا اظہار مذمت
