آج میں نے اپنے کالم کا موضوع پاکستان اور جنوبی کوریا کے وزرائے اعظموں کے حوالوں سے آنے والی دو خبروں کو بنایا ہے جس میں دونوں ممالک کے وزرائے اعظموں کی غیرت اور حمیّت کو سامنے لانے کی کوشش کروں گا، قبل اِس کے کہ میں اِس طرف جاؤں قارئین حضرات پہلے تو یہ سمجھ لیجئے کہ لفظ ”غیرت ”کے لغوی معنی کیا ہیں…؟ تو عرض یہ ہے کہ ” غیرت” (جو غ، ی، ر، ت سے مل کر۔غے، رت، بنا ہے ) اور]یہ فارسی زبان کا لفظ ہے۔
اِسم ہے اور۔مونث ہے[ اِس کے لغوی معنی تو” حمیّت ،لحاظ، شرم اور حیا ”کے ہیں ، اتنا تو سب ہی جانتے ہیں مگر اِس کے باوجود بھی اپنی زندگیوں میں اِس کا اظہار کوئی کوئی کسی کسی موقع پر ضرور کرتاہے مگرافسوس ہے کہ گزشتہ 67سالوں میں ہمارے یہاں اِس لفظ کی اہمیت احساس نہ تو کسی حکمران کو ہواہے اور نہ ہی کسی وزیرنے اپنی وزرا ت کی ناکامی پر کبھی اِس کا عملی مظاہرہ اپنی وزارت سے مستعفی ہوکر دیکھایاہے اورحکمرانوں کے حصے میں تو اِس کا اظہار کم توکیا کبھی بھی دیکھنے میں نہیں آیاہے مگر ایسا لگتاہے کہ جیسے ہمارے یہاں تو حکمران اِس کے عملی اظہارسے خوفزدہ رہے ہیں اور آج بھی ہیں جبکہ حا ل ہی میں جنوبی کوریا کے وزیراعظم نے اپنی غیر ت کا اظہارکرکے ہمارے حکمرانوں سمیت دنیا کے دیگر ممالک کے حکمرانوں کو ضرورسبق سکھادیاہوگااَب اگراِ س کے بعد بھی ہمارے حکمران بے حسی کا مظاہر کریں تو پھر اِن کے اِس رویئے پر کیا کہاجائے گا…؟اَب یہ فیصلہ آپ خود کریں گے۔
بہرحال اَبھی تو میرامقصدآپ کو یہ سب سمجھانے اور بتانے کا یہ ہے کہ میرے پڑھنے والوں کو میری تحریر اچھی طرح سمجھ آجائے اور پھر وہ خود یہ فیصلہ کریں کے ہمارے حکمران غیرت کے کس درجے پر ہیں ..؟اوردنیا کے دیگر ممالک کے حکمران اپنی ناکامی اور عوامی معیارپر پورانہ اُترنے کا احساس کرکے اپنے عہدوں سے مستعفی ہوکر اپنی خوداری اور غیرت کے معاملے میں کس مقام پرہیں توپھر اَب میں چلتاہوں اپنے آج کے کالم کے اصل موزو کی طرف ….تو عرض یہ ہے کہ سیول سے خبرراساں ادارے اے ایف پی نے خبر دی ہے کہ جنوبی کوریاکا سیول نامی وہ مسافر بردار بحری جہاز جس میں476افرادسواتھے وہ ڈوب گیااور اِس میں سوار476مسافروں میں سے صرف174افرادہی کو بچایاجاسکاہے اور اَب تک 188افرادکی لاشیں نکالی جاچکی ہیں جبکہ 144افراد تاحال لاپتہ ہیں اِس جہاز کے ڈوبنے کے سانحے پر حکومت کی جانب سے غلفت برتنے کا اعتراف کرتے ہوئے جنوبی کوریاکے وزیراعظم چنگ ہانگ ون مستعفی ہوگئے ہیں ،خبر ہے کہ جنوبی کوریاکے وزیراعظم کا کہناہے کہ بحری جہاز ڈوبنے پر حکومت کی غفلت کا معترف ہوں جبکہ اِنہوں نے جہاز ڈوبنے کی وجہ معاشرے میں پیوست بدعنوانی کو قراردیا،جنوبی کوریاکے موجودہ زمانے کے غیرت مندوزیراعظم نے کہاکہ حادثے پر معذرت خواہاں ہوں اُصولََ توبطوروزیراعظم مجھے اِس سانحے کی ذمہ داری قبول کرتے ہوئے ہی مستعفی ہوجاناچاہئے، اگرچہ ابھی اپنے مستعفی ہونے کے حوالے سے اعلان میں اُنہوں نے کہاکہ مجھے حادثے کے وقت ہی مستعفی ہوناچاہیئے تھاتاہم اِس وقت سانحے سے نمٹنازیادہ اہم تھا مستعفی ہو کر جانے سے پہلے امدادی کام کرواناذمہ دارانہ رویہ تھا،اِن کا کہنا تھا کہ حال ہی میں ڈوبنے والے بحری جہاز کے سانحے کے حوالے سے حکومتی اقدامات پر تنقیدکے پیش نظروہ اپنے عہدے سے مستعفی ہورہے ہیں ” اُن کی نظر میں عوام مقدم ہے وہ سمجھتے ہیں کہ جب عوام کو حکمرانوں کے رویوں اور اِن کی وجہ سے تکالیف پہنچے تو اِنہیں اپنی نااہلی اور غفلت کا اعتراف کرتے ہوئے فوراََ اپنا عہدہ چھوڑدیناچاہئے کہ ٹھیٹ بن کر صنعت ِ حکمرانی میں لگائے گئے پیسیوں کو دگناکرنے کے چکرمیں مُلک اور قوم کا ستیاناس ہی کر دیا جائے۔
جیسا کہ ہمارے یہاں ماضی میں بھی نااہل ونفسیاتی حکمران اپنی حکمرانی کے پانچ سال پورے کرکے چلے گئے ہیں اور موجودہ حالات میں بھی کچھ ایسے ہی نااہل حکمران ہم پر حکمرانی کررہے ہیں جنہیں دواور دوچار کے سواکچھ نہیں آرہاہے اگرچہ جنوبی کوریا وزیراعظم چنگ ہانگ ون کی اپنی نااہلی کے اعتراف کے بعد اپنے عہدے سے مستعفی ہونے کے حوالے سے کی یہ خبر بڑی اہمیت کی حامل ہے جس میں ہمارے حکمرانوں سمیت دنیاکے بہت سے ممالک کے حکمرانوں کے لئے بھی ضرورسبق موجودہے ،مگر سبق لینے والوں کے لئے یہ بہت ضروری ہے کہ وہ بھی جنوبی کوریاکے وزیراعظم چنگ ہانگ ون کی طرح غیرت مندہوں تو غیرت کا یہ سبق اُن کے لئے بھی بہترثابت ہوگا مگر جب کوئی ….غیر ت ہی تو پھر اُس کے لئے یہ سبق بھی کوئی حیثیت نہیں رکھتا ہے۔
اور اَب میں بغیر کسی تمہید کے آتاہوں اپنے مُلک کے اُس وزیراعظم کی جانب جنہیں مُلک کی ترقی اور خوشحالی کی فکردن رات کھائے جارہی ہے، اوریہ مُلک کو کرپشن اور چوری سے پاک کرنے کا عزمِ صمیم بھی خُوب رکھتے ہیں ، اِن کا یہ بھی دعویٰ ہے کہ یہ قومی اور سرکاری اداروں سے کرپشن کو ختم کرکے ہی دم لیں گے، گوکہ یہ مُلک سے کرپشن کو جڑہی سے ختم کرنے کا اپنا پکاادارہ رکھتے ہیں ، اور اِن کا ساتھ ہی یہ بھی کہنا ہے کہ جب تک قومی اِداروں سے یہ کرپشن کو ختم نہیں کردیتے یہ سُکھ کا سانس نہیں لیں گے، اِسی کرپشن کو تو ختم کرنے کے لئے ہمارے وزیراعظم میاں محمدنوازشریف نے قومی اداروں کی نج کاری کرنے کا اٹل فیصلہ بھی کررکھاہے، جس کے لئے حکومتی سطح پر ترجیحی بنیادوں پر اقدامات بھی تیزسے تیز تر کئے جارہے ہیں،اور نہ صرف یہ بلکہ بہت سے وفاقی اور قومی اداروں میں وزیراعظم اپنے من پسندافرادکی تقرری کے لئے بھی کمربستہ ہوگئے ہیں اور اَب تک بہت سے اداروں میں وزیراعظم نواز شریف اپنے پسند کے افراد کو اداروں کا سربراہ بناکر بھیج بھی چکے ہیں اور اِنہیں اداروں میں ڈاون سائزنگ اور نج کاری سے متعلق ڈکٹیشنز بھی دے چکے ہیںآج یقینی طور پر اِس قسم کے وزیراعظم کے دعوؤں اورا قدامات سے تو ایسالگتاہے کہ جیسے عنقریب نہ تو ہمارے مُلک میں کرپشن رہی گی اور نہ ہی قومی ادارے سرکاری ملکیت میں رہیں گے،چونکہ ہمارے وزیراعظم میاں محمدنوازشریف یہ بات اچھی طرح سے سمجھتے ہیں یوں تب ہی تو یہ ا پنے وزراء اورمشیروں اور اداروں کے سربراہان کے ذریعے گاہے بگاہے عوام کے ذہنوں میں اپنی یہ بات بھی زبردستی کی ٹھوسانے کی کوشش کرتے رہتے ہیں کہ مُلک کی ترقی اور خوشحالی کرپشن اور قومی اداروں سے پاک حکمتِ عملی میں پوشیدہ ہے، مگرعوام ہیں کہ ابھی تک اپنے وزیراعظم اور اِن کے وزراء کی اِس بات سے قطعاَمتفق نظرنہیں آتے ہیں، اَب ایسے میںعوام کا اپنے وزیراعظم میاں نوازشریف اور اِن کے وزیروں کی کسی بھی ایسی بات سے متفق نہ ہونے کی ایک بڑی وجہ یہ بھی سمجھ آتی ہے کہ وزیراعظم میاں نوازشریف مُلک سے کس طرح کرپشن کو جڑسے ختم کرسکتے ہیں…؟جبکہ اِن کی ناک کے نیچے ہی ایوان صدر اور وزیراعظم ہاؤس اور پارلیمنٹ، سپریم کورٹ، الیکشن کمیشن، پی ڈبلیوڈی، سندھ ہاؤس، موٹروے پولیس، شہری ماحولیات، نادرا، سی ڈی اے، ایف ڈبلیواو، پنجاب جیل ، ٹی ایم اومری، ٹی ایم او راولپنڈی، ٹی ایم اوسرائے عالمگیراوربلوچستان ہاؤس سمیت 18حکومتی اور قومی اداروں میں بجلی کے واجبا ت ادانہ کرنے پرکرپشن عروج پر ہو رہی ہے۔
Nawaz Sharif
جبکہ یہاں یہ امر یقینا قبل افسوس ہے کہ آج ہمارے وزیراعظم میاں نواز شریف جو مُلک کو کرپشن سے پاک کرنے کا تو بہت پکاارادہ کرتے ہیں مگرکیااَب تک ہمارے وزیراعظم کو اپنی ایک سال کی مدت پوری کرنے والی حکومت میں یہ کبھی بھی نظر نہیں آیا کہ” ایوان صدراور وزیراعظم ہاوس بجلی کے واجبات کی عدم ادائیگی کے بغیرکیسے روشن ہیں…؟ اَب کیا یہ وزیراعظم کی ذمہ دارانہ غفلت نہیں ہے…؟ اَب کیا یہ وزیراعظم نوازشریف کی غیرت اور حمیّت یہ تقاضہ نہیں کرتی ہے کہ یہ اپنی اِس غفلت کو تسلیم کریں اور مستعفیٰ ہوجائیں…؟وزیراعظم نواز شریف کی اِس غفلت اور لاپرواہی پر ایسے بہت سے سوالات ہیں جو عوام الناس کے ذہنوں میں پک رہے ہیں اور باہر نکل رہے ہیں کیاعوام کے اِن سوالات کے جوابات وزیراعظم نوازشریف دے پائیںگے اگرعوام کے سوالات کے جوابات نہیں دے سکتے ہیں تو براہ کرم اپنی نااہلی اور غفلت کو تسلیم کرتے ہوئے تُرنت اپنے عہدے سے مستعفی ہوجائیں اِس طرح اِن کا بھرم بھی قائم رہے گااور آئندہ کا پھر کوئی حکمرانی چانس بھی بن جائے گا۔
پاکستانی عوام جانتے ہیں کہ آج اگر میڈیاآزادنہ ہوتاتو عوام کو اِس کی بھی خبر نہ ہوتی کہ مُلک کو کرپشن سے پاک کرنے والے ہمارے وزیراعظم نوازشریف کا خود وزیراعظم ہاوس اور ایوان صدر کی بجلی واجبات کی عدم ادائیگیوں کے باعث کاٹ دی گئی ہے اور یہ بھی کسی حد تک خوش آئندہ امر ہے کہ پچھلے دِنوں اِ س کا اقرار خود وزیرمملکت برائے پانی و بجلی عابد شیرعلی نے اپنی پریس کانفرنس میں کرتے ہوئے کہاکہ بجلی کے واجبات کی عدم ادائیگیوں پر ایوان ِ صدر، وزیراعظم ہاوس اور پارلیمنٹ سمیٹ 18سرکاری اداروں کی بجلی کاٹ دی گئی ہے اور چوروں کے خلاف سخت ترین کارروائی عمل میں لائی جائے گی وزیرمملکت پانی وبجلی عابد شیر علی کی یہ شیرائی اپنی جگہہ کسی حد تک ٹھیک ہوسکتی ہے مگر پھر بھی اِس پر پاکستانی قوم اور عوام اِس مخمصے میں مبتلاہیں کہ وزیراعظم میاں نواز شریف اور وزیرمملکت برائے پانی وبجلی عابد شیرعلی کا یہ محض عوام کو کرپشن سے پاک مُلک بنانے کی لولی پاپ دے کربے وقوف بنانے کا کوئی بہانہ ہو سکتاہے اور وہ اِس طرح عوام کویہ بتانااورجتناچاہ رہے ہوں کہ عوام جان جائیں کہ جب بجلی کے واجبات کی عدم ادائیگی پر ایوانِ صدراور وزیراعظم ہاؤس ، پارلیمنٹ سمیت سپریم کورٹ اور دیگر 18سرکاری اداروں کی بجلی کٹ سکتی ہے تووہ عوام جو بجلی کے واجبات کی ادائیگیاں نہیں کرتے اِن کی بھی بجلی کاٹی جا سکتی ہے۔
آج عوام یہ بات بھی اچھی طرح سے سمجھتے ہیں کہ ایوانِ صدر، وزیراعظم ہاؤس ، پارلیمنٹ ، سپریم کورٹ اور 18دیگر سرکاری اداروں کی واجبات کی عدم ادائیگی پر بجلی کا کاٹناتومحض ایک ڈرامہ ہے کوئی بجلی وجلی نہیں کاٹی گئی ہوگی، مگریہ بتاکر حکومت کا اصل میں مقصد عوام اور صنعتوں اور کارخانوں کے مالکان کواِن کے واجبات کی عدم ادائیگی پرڈرانااور دھمکنا ہے تاکہ عوام اور فیکٹریوں کے مالکان 18 سے 20اور 22 گھنٹوں کی بدترین بجلی کی لوڈشیڈنگ کی ذہنی اور جسمانی اذیتیں برداشت کر کے بھی باقاعدگی سے اپنے بڑھے ہوئے بجلی کے بل اداکرتے رہیں مگر پھر بھی اِنہیں بجلی کی بدترین لوڈشیڈنگ کا سامنا رہے جبکہ اُدھر دوسری طرف ا یوانِ صدر، وزیراعظم ہاؤس، پارلیمنٹ ، سپریم کورٹ سمیت 18 دیگر سرکاری اداروں میں واجبات کی عدم ادائیگی کے باجود بھی اِنہیں نہ کبھی بجلی کی لوڈشیڈنگ کی اذیت برداشت کرنی پڑتی ہے اور نہ ہی یہ کبھی اندھیروں اور تاریکیوں کا منہ دیکھتے ہیںاوراُلٹا مزے کرتے ہیں۔
جبکہ یہ انتہائی افسوس اور حکمرانوں کے لئے اپنے عہدوں سے مستعفی ہونے کے ساتھ ساتھ فوراََ ڈوب مرنے کا بھی مقام ہے کہ یہ عوام کو بدترین لوڈشیڈنگ کی اذیتیں بھی دے رہے ہیں تو بجلی نہ دے کربڑھے ہوئے بل بھی بھیج رہے ہیں اور اُلٹاڈرااور دھمکابھی رہے ہیں کہ عوام نے بجلی کے واجبات ادانہیں کئے تو اِن کی بجلی کاٹ دی جائے گی اور بجلی چوروں سے سختی سے بھی نمٹاجائے گاجبکہ حکمرانوں کی یہ سینہ زوری بھی کسی بے غیرتی سے کیا کچھ کم ہے کہ یہ خود تو بجلی کے واجبات ادابھی نہ کررہے ہیں اور بجلی بھی پوری کی پوری حاصل کررہے ہیں….؟اَب کیا قوم اپنے حکمرانوں کے اِس بے حس روئے کو بغیرت پن سے بھی تعبیر نہ کرے تو کہوکہ پھراور کیاکرے….؟ آج عوام جو کرسکتے ہیں وہ یہ کررہے ہیں اور جو ہمارے حکمران کرسکتے ہیں یہ وہ کررہے ہیں…؟الغرض یہ کہ دونوں ہی اپنی اپنی جگہہ پر شاید….غیرت ہوگئے ہیں…؟تو پھر ایسے میں میرااور ہم سب کا اور مُلک کا اللہ ہی حافظ ہے…؟مگرپھر بھی میں ابھی نااُمیدنہیں ہواہوں اور اپنے رب سے دُعاکرتاہوں کہ شاید جنوبی کوریاکے وزیراعظم چنگ ہانگ ون کی طرح ہمارے حکمرانوں کو بھی اپنے اِس روئے پر غیرت آجائے اور وہ بھی غیرت مندی کا ثبوت دیتے ہوئے اپنے عہدے سے مستعفی ہوجائیں، مگر یہ اپنے مستعفی ہونے سے پہلے اپنے عوام کو بجلی کی بدترین لوشیڈنگ سے نجات دلاجائیں اور بجلی کی فراہم کا عمل بلاتعطل بناجانے کے اقدامات کرجائیں توقوم اِنہیں سلام پیش کرے گی ورنہ تو ویسے بھی دنیا بھر میں حکمرانوں پر جوتاکاری عام ہوگئی ہے اِن پر بھی عوام جوتا کاری کریں گے پھر مت کوئی یہ کہے کہ یہ سب کیا …؟ اور کیوں ہو رہا ہے…؟
Azam Azim Azam
تحریر : محمد اعظم عظیم اعظم azamazimazam@gmail.com
ہیں تلخ بہت بندہ مزدور کے اوقات
عابد شیر علی کا تاریخی قدم
