کراچی (جیوڈیسک) وزیراطلاعات سندھ شرجیل میمن نے کہا ہےکہ کراچی کو 650 میگاواٹ بجلی کی فراہمی روکنا وفاق اور صوبے کے درمیان نفرت پیدا کرنے کی سازش ہے۔
انہوں نے کہا کہ چند وفاقی وزراء معاہدے کی توسیع کی راہ میں رکاوٹ بننے کی کوشش کررہے ہیں ایک میگا واٹ کمی بھی قبول نہیں کریں گے۔شرجیل میمن نے اپنے بیان میں کہا ہےکہ وفاقی حکومت کے الیکٹرک کے ذریعے کراچی کو ملنے والی 650 میگاواٹ بجلی میں کسی قسم کی کمی نہ کرے۔ ایک میگاواٹ کی بھی کمی کو کسی صورت قبول نہیں کیا جائے گا۔
چند وفاقی وزراء معاہدے کی توسیع کی راہ میں رکاوٹ بننے کی کوشش کررہے ہیں۔ شرجیل میمن کا کہنا تھا کہ وزیر اعظم وفاق اور صوبوں کے مابین نفرتیں بڑھانے کی سازش کرنے والوں کے خلاف ایکشن لیں۔کراچی ملک کی معیشت کا 70 فیصد ریونیو فراہم کرتا ہے۔
وفاق سے ملنے والی بجلی کے الیکٹرک مفت میں نہیں بلکہ وہی قیمت ادا کرکے خرید رہی ہے جسے دیگر صوبوں کو فراہم کی جاتی ہے۔ان کا کہنا تھا کہ کے الیکٹرک کو وفاق سے بجلی کی فراہمی میں کسی قسم کی کمی کا براہ راست فرق ملکی معیشت پر پڑے گا۔
لاہور :رہائشی کوارٹر میں آتشزدگی ، ریسکیو ٹیموں نے قابو پالیا
شمالی وزیرستان میں جیٹ طیاروں کی بمباری میں 35 دہشت گرد ہلاک
