بجلی اورگیس کی لوڈ شیڈنگ کے ساتھ ساتھ ملک بھر میں بجلی اور گیس چوروں کے خلاف کریک ڈان بھی زور شورسے جاری ہے۔ بجلی اور گیس چوری میں ملوث افراد کے خلاف ملک بھر میں کریک ڈان جاری ہے۔ لاہور میں ایف آئی اے نے لکشمی چوک کے ایک ہوٹل پر چھاپہ مارکر بجلی چوری کا سراغ لگا لیا۔ لاہور ہی میں ایف آئی اے نے بجلی چوری میں ملوث ایس ڈی او اور ایک لائن سپرنٹنڈنٹ کو حراست میں لے لیا۔
لاہورمیں ایس این جی پی ایل اور ایف آئی اے نے مشترکہ کارروائی کرتے ہوئے راوی روڈ پر ایک فیکٹری میں گیس چوری کا سراغ لگا کر کنکشن منقطع کر دیا۔ فیصل آباد میں فیسکو حکام نے بجلی چوری کرنے والا نیٹ کیفے میں بجلی چوری کا سراغ لگا لیا۔
گوجرانوالہ جی ٹی روڈ پر ایف آئی اے نے ڈیپاٹمنٹل اسٹور پر چھاپہ مارکر بجلی چوری کرنے پر دو ملازمین کو گرفتار کر لیا۔ مردان میں غیر قانونی بجلی چوری کرنے والوں کیخلاف ایف آئی اے کی ٹیم کے چھاپے جاری ہیں
پشاورمیں ہائی پاور ٹرانسمیشن لائن سے چلنے والا سی این جی پمپ کی بجلی کاٹ دی گئی۔ پمپ سے 14 کوارٹرز کو بھی بجلی فراہم کی جارہی تھی ۔ ہری پور میں بھی ایک ماچس فیکٹری میں سوئی گیس کی چوری کا سراغ لگا کر فیکٹری منیجر کو گرفتار کرلیا۔
اسلام آباد: دہشت گردی کا بڑا خطرہ، سیکیورٹی ہائی الرٹ
یوم شہادت علی: شہر شہر ماتمی جلوس برآمد ہونا شروع
