لاہور (جیوڈیسک) ملک کے مختلف علاقوں میں بارش کی وجہ سے موسم میں بہتری کے باوجود بجلی کی طلب اور رسد ایک مرتبہ پھر 2 ہزار 100 میگا واٹ سے تجاوز کرگیا ہے جس کی وجہ سے کئی گھنٹوں کی لوڈ شیڈنگ سے عوام کا جینا دوبھر کر دیا ہے۔
ملک کے بالائی علاقوں اور شمال مغربی بلوچستان میں بارش اور ژالہ باری کے باعث موسم خوشگوار ہوگیا ہے تاہم اس کے باوجود بجلی کی طلب اور رسد کا فرق ایک مرتبہ پھر 2 ہزار مئیگا واٹ سے متجاوز کر گیا ہے۔
نیشنل ٹرانسمیشن اینڈ ڈسپیج کمپنی کے مطابق اس وقت ملک میں بجلی کی پیداوار11ہزار200 میگاواٹ جبکہ طلب 13 ہزار 300 میگاواٹ ہے، ہائیڈل کے ذریعے 4 ہزار830 میگاواٹ، آئی پی پیز سے5ہزار میگا واٹ، تھرمل کا بجلی کی پیداوار میں حصہ ایک ہزار370 میگاواٹ جبکہ ونڈ سے15میگاواٹ بجلی پیدا ہورہی ہے۔
بجلی کے بڑھتے ہوئے شارٹ فال کے باعث لوڈ شیڈنگ میں بھی ایک مرتبہ پھر اضافہ ہوتاجارہا ہے۔ لاہور سمیت پنجاب کے وسطی علاقوں میں 6 سے 8 گھنٹے جبکہ جنوبی پنجاب میں 10 گھنٹے تک لوڈ شیڈنگ کی جارہی ہے۔
سندھ اور خیبر پختونخوا میں لوڈ شیڈنگ کا دورانیہ 12 سے 14 گھنٹے تک ہے جبکہ بلوچستان میں بجلی کی بندش کا دورانیہ 18 گھنٹے تک ہے۔
کراچی سے مقبوضہ علاقوں کی طرح سلوک کیا جاتا ہے: الطاف حسین
ایجوکیشن وئوچرسکیم کے ذریعے مزدور بچوں کو مفت تعلیم اور کتابیں فراہم کی جائیں گی
