لاہور (عرفان طاہر سے) سربراہ تحریک صراطِ مستقیم ڈاکٹر محمداشرف آصف جلالی نے اپنے بیان میں کہا ہے کہ پوری قوم دہشتگردی کے خلاف پاک فوج کے ساتھ ایک پیج پر ہے۔ تمام محب وطن قوتوں کے ساتھ ملکر دہشتگردوں کے ناپاک عزائم خاک میں ملانے کیلئے مثبت رول ادا کرتے رہیں گے۔
علماء کرام ومشائخ عظام ،اساتذہ،ڈاکٹرز،پروفیسر ز،معززین دہشتگرد عناصر کے خلاف عوام میں شعور اُجاگر کریں اور عملی طور پر میدان عمل میں آکر طالبان نما دہشتگردوں کے ناپاک عزائم ملیامیٹ کردیں ،انہوں نے کہا کہ ملکی سلامتی کیلئے کسی بھی قربانی سے دریغ نہیں کرینگے ،ہمارے اکابرین نے پاکستان بناتے وقت لاکھوں جانوں کے نذرانے پیش کیے۔اَب پاکستان بچانے کیلئے بھی ان کی اولادیں کسی بھی قسم کی قربانی دینے سے دریغ نہیں کرینگی۔ ضرب عضب آپریشن نے دہشتگردوں کو ذہنی طورپرمفلوج کردیا ہے،نقل مکانی کی آڑ میں دہشتگردددوسرے شہروں کا رخ کررہے ہیں ،کالعدم تنظیمیں دہشتگردوں کو تحفظ فراہم کررہی ہیں۔
نقل مکانی کی آڑ میں دوسرے شہر جانے والے دہشتگردوں کی روک تھام کیلئے اقدامات کئے جائیں ،کالعدم تنظیموں کے خلاف کریک ڈائون کیا جائے اور نام بدل کر کام کرنے والی تنظیموں پر مکمل پابندی عائد کی جائے ۔ آپریشن ضرب عضب کے باوجود ملک میں دہشت گردی کے واقعات حکومت کیلئے لمحہ فکریہ ہیں۔ حکومت محب وطن اہلسنت کو تنگ کرنے کی بجائے پوری توجہ آپریشن ضرب عضب کی طرف کرے۔ اہلسنت کے مکتبات ، آئمہ اور خطباء کی گرفتاریوں کی بجائے خودد کش بمباروں اور انکے سہولت کاروں کو گرفتا ر کرے۔
مجلس وحدت مسلمین پاکستان کے زیر اہتمام سانحہ شکار پور پر ملک بھر میں احتجاجی مظاہرے
دارہ صراطِ مستقیم پاکستان کے زیر اہتمام غوث الوریٰ کانفرنس جامع مسجد رضائے مصطفےٰ ہوگی
