پیرس (زاہد مصطفی اعوان).ماحولیاتی تبدیلیوں سے متعلق اقوام متحدہ کی سربراہ کانفرنس میں شرکت کے لیے عالمی رہنماوں کی پیرس آمد ۔ امریکی صدر باراک اوبامانے پیرس پہنچتے ہی بٹاکلاں کلب کا دورہ کیا اور یادگار پر پھول رکھے۔
گرین ہاوس گیسوں کا اخراج محدود کرنے،عالمی درجہ حرارت دو سینٹی گریڈ سے نیچے لانے کی حکمت عملی تیار کرنے کے لیے پیرس میں عالمی کانفرنس شروع ہو گئی ہے ۔ماحولیاتی تبدیلیوں سے متعلق اقوام متحدہ کی کانفرنس میں شرکت کے لیے امریکا، بھارت، چین ، پاکستان سمیت 140 سے زیادہ ملکوں کے سربراہ پیرس آئے ہیں ۔200 سے زیادہ ملکوں کے ماہرین، نما ئندے اور اعلیٰ حکام بھی اس کانفرنس کا حصہ ہیں۔
یہ سربراہ کانفرنس تیس نومبر سے 11 دسمبر تک جاری رہے گی۔ کانفرنس میں شرکت کے لیے امریکا کے صدر براک اوباما پیرس پہنچے اور ایئرپورٹ سے سیدھے بٹاکلان کلب گئے۔ انہوں نے 13نومبر کے دہشت گرد حملوں میں مرنے والوں کی یادگار پر پھول رکھے اور کچھ دیر کے لیے خاموشی بھی اختیار کی۔
فرانسیسی صدر فرانسوا اولاند بھی صدر اوباما کے ساتھ تھے۔اس سے پہلے کینیڈا کے وزیراعظم جسٹن ٹروڈو اور چلی کے صدر مشل بیشلیٹ نے بھی بٹاکلان کلب کا دورہ کیا۔ یادگار پر پھول رکھے اور دہشت گردی کا نشانہ بننے والوں کو خراج عقیدت پیش کی۔عالمی ماحولیاتی تبدیلی کانفرنس سے دنیا میں ماحول کی تبدیلی کے اثرات پر بحث ومباحشہ ہو گا ۔اور سے ہونے والے نقصانات سے بچنے کے لئے اقدامات طے کئے جائیں گے ۔
پیرس میں ماحولیاتی کانفرنس کے موقع پر احتجاج کرنے والے 200 سے زائد مظاہرین کو پولیس نے گرفتار کر لیا
بھارت 10 برسوں میں کشمیر سے ہاتھ دھو سکتا ہے، سابق بھارتی مذاکرات کار
