اسلام آباد (جیوڈیسک) سپریم کورٹ نے ای او بی آئی کرپشن کیس میں ایف آئی اے کو 27 جنوری تک حتمی رپورٹ جمع کرانے کا حکم دے دیا ہے۔
چیف جسٹس تصدق حسین جیلانی کی سربراہی میں سپریم کورٹ کے 3 رکنی بنچ نے ای او بی آئی کرپشن کیس کی سماعت کی، سماعت کے دوران عدالت عظمیٰ کی جانب سے رپورٹ کے بارے میں استفسار پر ڈائریکٹر ایف آئی اے نے بتایا کہ انہوں نے عدالتی حکم پر رپورٹ جمع کرادی ہے۔
جس پر چیف جسٹس تصدق حسین جیلانی نے برہمی کا اظہار کرتے ہوئے کہا کہ ایف آئی اے کی جانب سے ڈیڑھ صفحے کی رپورٹ جمع کرائی گئی ہے، جس میں کراچی، لاہور اور اسلام آباد میں ای او بی آئی کے اثاثوں سے متعلق تفتیش کا کوئی ذکر نہیں، رپورٹ کے نام پر عدالت کو ایک صفحہ پکڑا دیتے ہیں اگر کام نہیں کرنا تو بتا دیں۔
جیلوں پر حملے کی دھمکیاں مل رہی ہیں، منظور وسان
کراچی ٹارگٹڈ آپریشن جاری رہے گا، شرجیل میمن
