ملکہ (عمر فاروق اعوان) یورپ سے اوورسیز پاکستانیوں کے دو چارٹرڈ طیارے این اے 107 کی الیکشن کمپین چلانے آئیں گے۔ یورپ کے نامور شاعر سینئر صحافی، بزنس مین مخدوم احسان قریشی یورپ کی نامور شخصیت این اے 107 گجرات سے پی ٹی آئی کے ا میدوار مخدوم احسان قریشی جلد پاکستان آئیں گے۔ یورپ بھر سے ان کے ہمراہ دو چارٹرڈ جہاز خصوصی طور پر آئیں گے۔ مخدوم احسان قریشی یورپ بھر میں وسیع حلقہ احباب رکھتے ہیں اور ان کے حلقے کے ہزاروں لوگ یورپ میں مقیم ہیں جو مخدوم احسان قریشی کی الیکشن کمپین چلانے کیلئے پاکستان آئیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ملکہ (عمر فاروق اعوان) گلیانہ اور گرد ونواح میں گلی محلوں میں قائم نجی تعلیمی اداروں نے لٹ مچا دی مختلف پیکیجز اس طرح دیئے جا رہے ہیں جس طرح گلی محلوں میں گھوم پھر کر سبزی بیچنے والوں نے ریڑھیوں پر سبزی سجا رکھی ہوتی ہے نجی تعلیمی ادارے خصوصیات اس طرح بیان کرتے ہیں کہ بڑے سے بڑے تعلیمی ادارے بھی ان کے سامنے ہیچ نظر آتے ہیں جب بچوں کو سکول میں داخل کروایا جاتا ہے تو ان کی حالت انتہائی پتلی ہوتی ہے نامور ماہرین تعلیمی کی نام نہاد سرکردگی کے دعوے کرکے معصوم عوام کو پھانسا جا رہا ہے جب کوئی لوگ ان کے آگے پھنس جاتے ہیں تو پھر پورا سال مختلف ہیلوں بہانوں سے اْن کی جیبیں خالی کرانے کے لئے پروگرامز منعقد کئے جاتے ہیں کبھی ٹیسٹوں کی مد میں، کبھی یونیفارم تو کبھی سپیشل ڈے کے نام پر بھی رقوم ہتھیائی جا رہی ہیں عوامی سماجی حلقوں نے محکمہ تعلیم کے ارباب اختیار سے اصلاح احوال کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ملکہ (عمر فاروق اعوان) ڈیرہ چوہدری عبد المالک کے نامور سپوت چوہدری آصف رضا کوٹلہ نے فیوچر پاکستان سکول منگلیہ میں خطاب کرتے ہوئے کہا کہ میاں نواز شریف کی حکومت ملک میں صحت اور تعلیم کے شعبے کی ترقی کے لئے دن رات کوشاں ہیں ،میاں نواز شریف اور میاں شہبا ز شریف نے سی پیک ہمار ے علاقے سے گزار کر ہمارے علاقہ سے بے روز گاری کے خاتمے کا پہلا قدم اٹھایا ہے ،ہم انہیں خراج تحسین پیش کرتے ہیں انھوں نے کہا کہ ملک سے بے روز گاری ،لاقانونیت ۔پسماندگی اور دہشت گردی کے خاتمے کے لئے وزیر اعظم کا موجودہ دور تاریخی ہے ۔جتنے کام اس دور حکومت میں ہو رہے ہیں اتنے کسی سابقہ دور میں نہیں ہو سکے ۔انھوں نے کہا کہ چوہدری عابد رضا ایم این اے اور ضلعی ناظم چوہدری محمد علی تنویر بھی اپنے قائد کے نقش قدم پر چلتے ہوئے ضلع گجرات میں ترقیاتی کاموں کے جال بچھا رہے ہیں ۔اس موقع پر خطاب کرتے ہوئے فیوچر پاکستان سکول منگلیہ کے پرنسپل راجہ محمد ابرار نے کہا کہ ہمارے علاقے کی خوش قسمتی ہے کہ ہمیں کوٹلہ برادران جیسے غریب پرور سیاست دان ملے ہیں ،ایسے حکمران علاقے کی خوش قسمتی ہوتی ہے ۔انھوں نے کہا کہ فیوچر پاکستان سکول منگلیہ نے تھوڑے ہی عرصہ میں اپنا لوہا منوایا ہے ۔ہم انشاء اللہ اپنے علاقے میں شرح خواندگی میں اضافہ کریں گے ۔ہم پاکستان کے فیوچر کو نامور طلباء دینا چاہتے ہیں ۔اس موقع پر ملک افتخار احمد اعوان ۔ملک اشفاق اعوان ،ملک ظہیر عباس اعوان ،عمر فاروق اعوان کے علاوہ بچوں نے والدین کی کثیر تعداد بھی موجود تھی ۔فیوچر پاکستان کی طر ف سے رزلٹ بھی سنایا گیا ۔چوہدری آصف رضا کوٹلہ ۔ملک افتخار اعوان ،ملک اشفاق اعوان۔اور ملک ظہیر اعوان نے اول دوم اور سوئم پوزیشن حاصل کرنے والے بچوں کو انعامات تقسیم کئے ،تقریب کے اختتام پر ریفریشمنٹ کا بھی خصوصی اہتمام کیا گیا تھا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ملکہ (عمر فاروق اعوان) تھانہ گلیانہ کے گائوں چک بختاور میں عظمت محمود وغیرہ نے محمد اختر کے گھر میں گھس کر ڈنڈوں سوٹوں کے وار کرکے اسے زخمی کردیا توڑ پھوڑ کی اور قتل کی دھمکیاں دی ہیں جبکہ تھانہ گلیانہ ہی کے گائوں میڑھ میں نامعلوم افراد نے محمد آصف کی بیوی سے ٹیلی فون پر بدتمیزی کی اور سنگین نتائج کی دھمکیاں دی ہیں پولیس نے الگ الگ مقدمات درج کرکے تفتیش شروع کردی ہے۔
لیہ کی خبریں 18/3/2017
خلق خدا کی خدمت کرنا ایک عبادت ہے، نعمان عبداللہ مراد
