یورپین چیمپئنز لیگ : ریال میڈرڈ نے جرمن کلب شالکے کو زیر کر لیا

Posted on February 19, 2015 By Majid Khan کھیل

Cristiano Ronaldo

انگلینڈ (جیوڈیسک) یورپین چیمپئنز لیگ میں پلئیر آف دی ائیر کرسٹیانو رونالڈو کی ٹیم ریال میڈرڈ نے جرمن حریف کو دو صفر سے ٹھکانے لگا دیا۔ یورپین چیمپئنز لیگ کے رائونڈ آف 16میں دفاعی چیمپئن سپینش فٹبال کلب رئیل میڈرڈ اور جرمن فٹبال کلب شالکے کی ٹیمیں ان ایکشن ہوئیں۔

میڈرڈ ٹیم کے سٹار کھلاڑی کرسٹیانو رونالڈو نے میچ کے 26 ویں منٹ پر پہلا گول کر کے کھیل کا فاتحانہ آغاز کیا۔

کرسٹیانو رونالڈو نے سر سے شاندار ہٹ لگا کر فٹبال کو جال میں پہنچایا۔ رئیل میڈرڈ کی جانب سے سٹرائیکر مارسیلو نے 79 ویں منٹ پر گول سکور کرکے ٹیم کی برتری ڈبل کر دی۔

ایونٹ میں ناقابل شکست ٹیم رئیل میڈرڈ نے شالکے کو دو صفر سے مات دی۔ دوسری جانب چیمپئنز لیگ ہی میں ایف سی باسیل اور ایف سی پورٹو کے درمیان ہونے والا مقابلہ ایک ایک گول سے برابر رہا۔

ایف سی باسیل کے پلیئر گونزالیز جبکہ پورٹو کے سٹرائیکر ڈینیلو نے اپنی اپنی ٹیم کی جانب سے گول سکور کیا۔

by Majid Khan

Nasir Mehmood - Chief Editor at GeoURDU.com

پاکستان اور ویسٹ انڈیز کی کرائسٹ چرچ میں بھرپور پریکٹس پاکستانی پلیئرز کو تازہ دم بنانے کی کوشش شروع