واشنگٹن (جیوڈیسک) امریکہ نے یوکرائن کی لڑائی میں ملوث ہونے کے باعث یو رپی یونین کی طرف سے روس پر عائد کی گئی نئی پابندیوں کو خوش آئند قرار دیا ہے۔ امریکی محکمہ خارجہ کی ترجمان جین ساکی نے کہا ہے کہ یورپی یونین کے وزارئے خارجہ کے اجلاس میں روس پر عائد اقتصادی پابندیوں میں اضافے کا فیصلہ اس بات کی عکاسی کرتا ہے کہ گزشتہ چند ہفتوں کے دوران روس پر عائد اقتصادی پابندیاں ناکافی تھیں۔
موجودہ حالات کے تناظر میں اقتصادی پابندیوں میں توسیع کا فیصلہ خوش آئند ہے۔ انہوں نے کہا کہ برسلز میں وزارئے خارجہ کے اجلاس میں کئے گئے فیصلے سے ظاہر ہوتا ہے کہ اقتصادی پابندیوں کا دائرہ مزید بڑھایا جائے گا جو کہ ایک مثبت پیش رفت ہے۔
انہوں نے کہا کہ امریکا کی طرف سے اقتصادی پابندیوں کا اگلا مرحلہ کب شروع ہو گا اور اس پر کیسے عمل درآمد ہوگا اوراس کا ہدف کون ہوگا اس کے بارے میں پیشنگوئی نہیں کی جا سکتی۔
بھارت کا بیلسٹک میزائل اگنی 5 کے کامیاب تجربے کا دعویٰ
افغان طالبان نے کابل ایئر پورٹ حملے کی ذمہ داری قبول کر لی
