سابق صدر اور ڈکٹیٹر کو ابھی صرف ایک جوتے کی سلامی پڑی ہے،روحیل اکبر
Posted on March 30, 2013 By Tahir Webmaster سٹی نیوز
تحریک تحفط پاکستان کے مرکزی جوائنٹ سیکریٹری اطلاعات روحیل اکبر نے کہا ہے کہ معروف صحافی نجم سیٹھی کا نگران وزیر اعلی پنجاب بننا صحافی برادری کیلئے اعزاز کی بات ہے جس سے صحافیوں کے حوصلے بلند ہوگئے ہیں اور امید ہے کہ وہ بھی صحافیوں کی فلاح و بہبود کیلئے کوئی کسر اٹھا نہیں رکھیں گے۔
اپنے ایک بیان میں انہوں نے کہا کہ سابق صدر اور ڈکٹیٹر کو ابھی صرف ایک جوتے کی سلامی پڑی ہے اور وقت گذرنے کے ساتھ ساتھ عوام میں اشتعال مزید بڑھے گا کیونکہ پرویز مشرف نے نہ صرف لال مسجد پر حملہ کرکے معصوم اور بے گناہ بچے بچیوں کو شہید کروایا۔
بلکہ محب وطن بلوچ رہنماء نواب اکبر بگٹی کو بھی شہید کروایا تھا جبکہ قوم کی بیٹی ڈاکٹر عافیہ صدیقی کو امریکہ کے حوالے کرنا اور محسن پاکستان ڈ اکٹر عبدالقدیر خان کے ساتھ روا رکھا جانے والا توہین آمیز سلوک بھی ناقابل معافی ہے۔
