کراچی (اصل میڈیا ڈیسک) پاکستان کے سینئر اداکار و میزبان فیصل قریشی لائیو شو کے دوران ٹک ٹاکرز پر برس پڑے۔
سوشل میڈیا پر فیصل قریشی کی ایک نجی ٹی وی شو میں بطور میزبان ٹک ٹاکرز پر برسنے کی ویڈیو وائرل ہو رہی ہے۔
نجی ٹی وی شو کے دوران میزبان فیصل قریشی ٹک ٹاکرز کے ہمراہ سالگرہ کا گیت گانے میں مصروف تھے کہ اچانک ہی ایک خاتون ٹک ٹاکر نے ساتھی ٹک ٹاکر کو تھپڑ مارنے شروع کر دیئے۔
فیصل قریشی ٹک ٹاکر خاتون کی بد اخلاقی دیکھ کر لائیو شو کے دوران اپنا غصہ کنٹرول نا کر سکے اور مسکان نامی ٹک ٹاکر پر برہم ہوگئے۔
فیصل قریشی نے مسکان پر غصہ کرتے ہوئے انھیں ٹوکا اور یاد دلایا کہ پروگرام آن ائیر جا رہا ہوتا ہے۔
میزبان کا کہنا تھا کہ گیم کو اتنا مذاق بنا دیا ہے کہ آپ انھیں آن ائیر پروگرام کے دوران تھپڑ مار رہی ہیں، فیصل قریشی دوران شو ہاتھ میں موجود کارڈز غصے سے پھینکتے ہوئے ٹک ٹاکرز کو بدتمیز کہہ کر اسٹیج سے ہی چلے گئے۔
اسٹیج سے نیچے اترنے کے بعد فیصل قریشی کا کہنا تھا کوئی احساس نہیں اگر شو میں مہمان آجائے تو اس پر چڑھ جاتے ہیں اور ابھی سالگرہ کی مبارکباد دے رہے ہیں تو وہ ان کو گردن پر تھپڑ مار رہی ہیں۔ انھوں نے انتظامیہ سے سوال کیا کہ یہ بدتمیز جاہل لوگ کہاں سے لائے ہو؟
کراچی: جھگڑے پر پڑوسی نے محلہ دار کے قربانی کے جانور پر تیزاب پھینک دیا
طلاق کے بعد عامر خان اور کرن راؤ کا پہلا ویڈیو بیان سامنے آگیا
