فیصل آباد (جیوڈیسک) فیصل آباد میں بجلی کی لوڈشیڈنگ کیخلاف گزشتہ روز ہنگامہ آرائی کے بعد آج بھی حالات کشیدہ ہیں ،مظاہرین کی تلاش میں گھروں میں گھسنے اور شہریوں پر تشدد کے الزام میں چار پولیس اہلکاروں کو معطل کردیاگیا ہے۔ فیصل آباد میں گزشتہ روز بجلی کی لوڈ شیڈنگ کیخلاف کھرڑلیانوالہ میں شہریوں نے سخت احتجاج کیا اور احتجاج کے دوران مشتعل شہریوں نے فیسکو دفتر میں توڑ پھوڑ کی اور سامان کو آگ لگاد ی۔
مظاہرین نے پولیس کے لاٹھی چارج اور شیلنگ کا جواب پتھراو سے دیا جس سے 6 پولیس اہلکاروں سمیت 20 افراد زخمی ہوگئے۔ صورتحال کے پیش نظر آج کسی ناخوشگوار واقعہ سے نمٹنے کیلئے کھرڑلیانوالہ میں پولیس کی بھاری نفری تعینات ہے اورڈی سی او فیصل آ باد نجم احمد شاہ مذاکرات کیلئے علاقے میں پہنچ گئے ہیں۔
دوسری طرف وزیر اعلی پنجاب کی طرف سے مظاہرے کے دوران خواتین سے بدسلوکی اور تشدد کا نوٹس لیتے ہوئے 5 پولیس اہلکاروں کو معطل کرکے تحقیات شروع کردی گئی ہے۔
وفاقی کابینہ کا خصوصی اجلاس آج سہ پہر اسلام آباد میں ہو گا
حافظ آباد : الیکشن کمیشن نے این اے 103 انتخابات کو کالعدم قرار دے دیا
