فیصل آباد (جیوڈیسک) چک جمھرہ میں بیٹے نے غیرت کے نام پر باپ اور ایک بہن کو قتل جب کہ دوسری کو شدید زخمی کردیا۔
فیصل آباد کے علاقے چک جھمرہ میں رضوان نامی شخص نے غیرت کے نام پر چھریوں کے وار کر کے اپنے 50 سالہ سوتیلے باپ اقبال اور 30 سالہ بہن سمیرا کو قتل کر دیا جب کہ دوسری بہن سائرہ کو شدید زخمی حالت میں الائیڈ ہسپتال منتقل کر دیا گیا جہاں اسے طبی امداد دی جا رہی ہے۔
واقعہ کی اطلاع ملتے ہی پولیس نے موقع پر پہنچ کر ملزم رضوان کو گرفتار کر لیا۔ پولیس کا کہنا ہے کہ واقعہ کا مقدمہ درج کر لیا ہے تاہم پوسٹ مارٹم رپورٹ آنے کے بعد ہی ملزم کے خلاف کارروائی عمل میں لائی جائے گی۔
لاہور میں طوفانی ہوائوں کے ساتھ بارش، موسم خوشگوار ہو گیا
ملک کی پہلی “ای” عدالت نے کام شروع کردیا
