فیصل آباد: پاکستان مسلم لیگ ن میئر رزاق ملک رانا ثناء اللہ خاں مسلم لیگ ن ڈپٹی شیخ محمد یوسف نے مسلم لیگ ن چیئرمین سی سی89 اعجاز الحق بیگ سینئر نائب صدر پی پی68 سیف الحق بیگ نے کہا ہے کہ نواز شریف نے مستعفی نہ ہونے کا اعلان کرکے قومی امنگوں کی ترجمانی کی انہوں نے لاہور دھماکے کی شدید مذمت کرتے ہوئے کہا ہے کہ دہشت گردوں کے ناپاک عزائم قوم کے مضبوط ارادوں کو متزلزل نہیں کرسکتے، ہماری حکومت دہشت گردوں کو شکست دیکر ہی رہے گی دہشت گرد آخری سانسیں لے رہے ہیں، ان کا کوئی مذہب نہیں۔ انہوں نے کہا کہ دہشت گردوں کا مقصد عوام میں خوف و ہراس پھیلانا مقصود ہے،لیکن پاکستانی قوم بہادر قوم ہے اور وہ دہشت گردوں کے سامنے سیسہ پلائی دیوار بنی ہوئی ہے انشاء اللہ ہم پاکستان سے دہشت گردی کا خاتمہ کرکے رہیں گے،دھماکوں میں ملوث ایک ہی لوگ ہیں لیکن مختلف ناموں سے دہشت گردی کی کارروائیاں کررہے ہیں جب تک ہم دہشت گردی کے خلاف جنگ جیت نہیں جاتے یہ جنگ جاری رہے گی۔انہوں نے کہا کہ دہشت گردی کے خلاف پاک فوج اور عسکری قیادت کی قربانیوں کو جھٹلایا نہیں جا سکتاسکیورٹی اداروں کے جوان اپنی جانوں کے نذرانے پیش کرکے قوم کو تحفظ فراہم کررہے ہیں انہیں جتنا بھی خراج تحسین پیش کیا جائے کم ہے۔
فیصل آباد( )انجمن تاجران سٹی (شیر گروپ ) چیئرمین امتیاز ربانی بلونے کہاہے کہ معیشت کے اچھے زاویئے میںہماری دفاعی ، سماجی ،معاشرتی ترقی کاراز پہناں ہے وطن عزیز میں طویل عرصہ سے سیاسی تھرتھراہٹ نے معیشت کو جھٹکے دیئے ہیں ۔ انرجی بحران صنعتوں ، چھوٹے کارخانوں اورعام آدمی کے معیارزندگی اورترقی کو نگل رہاہے حکومتی اقدامات سے انکار نہیں ملک وقوم کے خوشحال مستقبل کے لیے ہمہ تن معروف عمل ہے لیکن جب تک ملکی ریونیو زرمبادلہ میںکلیدی کردار کے حامل تاجروں ،صنعتکاروں کو بجلی وگیس اوردوسرے ٹیکسوں کے حوالے سے حقیقی اورفوری ریلیف نہ دیاجائے گا معیشت کی بہتری اورنئے پاکستان کاخواب تعبیر تک نہیں پہنچ سکتا جب تاجر اوصنعتکارمسائل سے باہر آئیں گے اور تمام لوازمات مہیا ہونگے تو قابل قدر ٹیکس خود بخود جمع ہوگا تاجروں، صنعتکاروںکی تجاویز اورمشاورت کوہر لمحہ مد نظر رکھاجائے اورانہی میں سے وزارت تجارت کا قلمندان دیاجائے کالاباغ ڈیم کی تعمیر ضرور کی جائے کیونکہ اسی میںہماری معیشت کی بہتری کاراز ہے بیرون ملک کمرشل اتاشیوں کو فعال کیاجائے ۔
فیصل آباد( )پاکستان مسلم لیگ (ن) سٹی کے نائب صدر وچیئرمین سی سی20 حاجی ہدایت علی انصاری نے کہا ہے کہ پرویز الٰہی کی کرپٹ اور اندھیری سیاست کا سورج کبھی طلوع نہیں ہو گا۔ عوام نے پرویز الٰہی کی سیاست کو گجرات کے قبرستانوں میں دفن کر دیا۔ پنجاب کی لیپ ٹاپ سکیم کو دیگر صوبوں اور ہمسایہ ملک میں بھی شروع کیا گیا ہے۔ پرویز الٰہی برادران اور ان کے حواریوں نے اپنے اور حکومت کرپشن کے ریکارڈ بنائے منفی ہتھکنڈوں سے اپنی مردہ سیاست چمکانا چاہتے ہیں۔ میٹروبس پرویز الٰہی کی چڑ بن چکی ہے تو اس افادیت کے کسی منصوبے تنقید کا کوئی موقع ہاتھ سے جانے نہیں دیتے۔ انشاء اﷲ مسلم لیگ ن آئندہ بھی الیکشن جیت کر حکومت بنائے گی۔ مخالفین دیکھتے ہی رہ جائیں گے۔ ملک کی تعمیر وترقی جاری رہے گی۔ مسلم لیگ ن ملک کی سب سے بڑی جماعت ہے۔پانامہ کیس میں انشاء اللہ میاں نواز شریف اور ان کا پورا خاندان سرخرو ہوگا۔ کرپشن کا الزام لگانے والے خو د پوری طرح کرپشن کی دلدل میں دھنسے ہوئے ہیں،۔ پوری قوم نواز شریف کے ساتھ ہے۔ مزید کہا کہ انشاء اللہ عام انتخابات میں ہوں گے اور اپنے وقت پہ ہی ہوں گے۔ اور مسلم لیگ (ن) ہی ایک مرتبہ پھر پورے ملک میں کلین سویپ کرکے ثابت کرے گی کہ وہ اس ملک کی سب سے بڑی جماعت ہے۔ کیونکہ گذرا ہوا کل بھی ہم تھے اور آنے والا کل بھی ہم ہی ہوں گے’انہوں نے کہا کہ عمران خان اور ان کے حواری شکست سے دوچار ہونگے۔زمانے کے ٹھکرائے ہو سیاستدانوں کو ساتھ ملا کر عمران خان کون سا نیا پاکستان بنانا چاہتے ہیں۔
فیصل آباد( )میئر فیصل آباد رزاق ملک’ نواز ملک’ رانا ثناء اﷲ وزیر قانون’ پاکستان مسلم لیگ (ن) سٹی کے نائب صدر مسلم لیگ (ن) چیئرمین سی سی147 چوہدری ارشد گجر نے کہا ہے کہ مسلم لیگ (ن) آئندہ الیکشن کارکردگی کی بنا پر ہی جیتے گی۔ مخالفین جمہوریت کے خلاف تنقیدی کا کوئی موقع ہاتھ سے جانے نہیں دیتے۔ ہمارے ترقیاتی کام ہی ہماری کارکردگی کا منہ بولتا ثبوت ہے۔ کارپٹ سڑکیں’ سکولوں کی اپ گریڈیشن’ بجلی کی فراہمی’ واٹر سپلائی سکیمیں پختہ نالی سولنگ اور دیگر منصوبہ جات این اے 85 اور پی پی71 کو مثالی بنایا جائیگا۔ جتنے ترقیاتی کام گزشتہ چار سالوں میں ہوئے ان کی ماضی میں مثال نہیں ملتی۔ عوام ان کی کارکردگی پر خراج تحسین پیش کرتے ہیں۔20کروڑعوام کی دعائیںمیاںنوازشریف کے ساتھ ہیںاوروہ قانونی اورجنونی جنگ میںسرخروہوںگے عمران خان کبھی نمبردارنہیںبنیںگے۔قوم میاںنوازشریف کے ساتھ ہے اوروہ پی ٹی آئی کاحقہ پانی بند کردے گی۔ ۔افسوس کی بات ہے کہ اپناحساب نہ دے سکنے والے وزیراعظم سے حساب مانگ رہے ہیںجوکہ سیاسی انتہاپسندی کی واضح دلیل ہے۔پاکستان کے باشعور عوام دھرنا پارٹی اور کرپشن زدہ سابق حکمرانوں کے تماشوں سے تنگ آ چکے ہیں۔ جھوٹ کے مصنوعی سہاروں پر بھروسہ کرنے والوں کی منفی سیاست کے دن گنے جا چکے ہیں۔ 2018 کے عام انتخابات میں عوام خوشحالی کے مخالفین اور ملک کی ترقی کے سفر کو سبوتاژ کرنے کی سازشیں کرنے والوں کی منفی سیاست کا جنازہ نکال دیں گے اور ملک کی بدلتی ہوئی تقدیر سے کھیلنے کی کوشش کرنے والوں کی سیاست ہمیشہ کے لئے دفن کردیں گے۔
فیصل آباد( )پاکستان مسلم لیگ (ن) ڈپٹی میئر امین بٹ اور سی سی1 وائس چیئرمین خواجہ اسد اعجاز منا نے کہا ہے کہ میاں نواز شریف آئندہ الیکشن میں بھاری اکثریت سے کامیاب ہونگے۔ مسلم لیگ (ن) فیصل آباد میاں نواز شریف کا گھر ہے۔ آج بھی فیصل آباد مسلم لیگ ن کا گڑھ ہے۔ مخالفین مسلم لیگ (ند کی اکثریت دیکھ کر بوکھلاہٹ کا شکار ہو گئے ہیں۔ 21 کروڑ عوام میاں نواز شریف کے ساتھ ہے لاہو رمیں ہونے والے بم دھماکہ کی مذمت کرتے ہوئے کہاہے کہ حکومت دہشتگردوں اور وطن دشمنوں کو سختی سے کچل ڈالے گی کیونکہ یہ انسانیت کے دشمن ہیں ‘ پاکستان مسلم لیگ ن لاہور میں ہونے والے المناک افسوسناک واقعہ کی پر زور مذمت کرتی ہے ‘ دہشتگرد کسی طرح بھی مسلمان کہلانے کے حقدار نہیں ہیں ‘ ضرب عضب آپریشن کے بعد آپریشن رد الفساد سے دہشتگردی کے واقعات میں کمی ہوئی ہے ۔ انہوںنے دہشت گردی کے خاتمے کے لئے افواج پاکستان کی کاوشوں کو سراہتے ہوئے کہا ہے کہ امن کا قیام ہی معاشرے کی ترقی اور اس کے مہذب ہونے کا ثبوت ہے۔ اس حوالے سے حکومت اور ریاستی اداروں نے گرانقدر خدمات سرانجام دی ہیں۔ انہوںنے کہا کہ افغانستان کے ذریعے بھارت اپنے ایجنٹ پاکستان بھجوا کر دہشت گردی پھیلا رہا ہے۔ افغانستان مسلمان ملک تو ضرور ہے مگر افسوس کہ یہاں کی ایجنسیاں اور حکمران بھارتی غلامی کے چنگل سے نکل نہیں سکے۔ بلوچستان میں ہونے والی بدامنی اور ہزارہ برادری کا قتل افسوسنا ک ہے، جس کے پیچھے افغان اور بھارتی ایجنسیاں ہیں۔انہوں نے کہا کہ افواج پاکستان نے قربانیاں دے کرے ملک میں امن قائم کیا ہے۔ آپریشن خیبر بھی ضرب عضب، راہ نجات اور ردالفساد کی طرح کامیاب ہوگا۔
افضل چوہدری نے سوسائٹی کے عبوری سیٹ اپ کا اعلان کر دیا
پیرمحل کی خبریں 26/7/2017
