فیصل آباد (جیوڈیسک) فیصل آباد میں گٹ والا کے قریب پولیس مقابلے میں ایک اہلکار جاں بحق اور تین ڈاکو مارے گئے۔
پولیس کے مطابق فیصل آباد میں گٹ والا پل کے قریب مدینہ ٹاوٴن پولیس نے ناکہ لگا رکھا تھا،ناکے پر موجود پولیس اہلکار نے موٹر سائیکل سوار تین مشکوک افراد کو روکنے کا اشارہ کیا تو انہوں نے پولیس پر فائرنگ کردی، جس کے نتیجے میں کانسٹیبل وارث علی جاں بحق ہو گیا۔پولیس نے تعاقب کرکے ملزمان کو گھیر لیا،جس پر تینوں ملزمان مارے گئے۔ملزمان کے قبضے سے ایک کلاشنکوف اور تین پسٹل برآمد ہوئے ہیں۔
پولیس کا کہنا ہے کہ مرنے والوں کی شناخت نہیں ہو سکی اور ان کی لاشیں پوسٹمارٹم کیلئے الائیڈ ہسپتال منتقل کر دی گئی ہیں۔
عمران خان کا الزام ثابت ہو جائے تو مستعفیٰ ہو جاؤں گا : ڈاکٹر جاوید اکرام
ملتان اور مظفر گڑھ کا زمینی رابطہ چھٹے روز بھی بحال نہ ہو سکا
