فیصل آباد (جیوڈیسک) فیصل آباد میں پولیو ورکر کے قتل میں ملوث 6 ملزمان کو اسحلے سمیت گرفتار کرلیا گیا جبکہ امریکہ میں مقیم سہولت کار کے وارنٹ گرفتاری جاری کیے جائیں گے۔
پولیس لائن فیصل آباد میں سی پی او نے پریس کانفرنس کرتے ہوئے کہا کہ تھانہ پیپلز کالونی کے علاقے میں قتل کئے جانے والے پولیو ورکر سرفراز کے قتل میں ملوث 6 ملزمان کو گرفتار کر لیا گیا ہے جن سے 3 کلاشنکوف ، ایک لاکھ روپے ، پسٹل اور موٹر سائیکل برآمد ہوئیں۔
سی سی پی او کا کہنا تھا کہ ملزمان نے بتایا کہ انہوں نے فیاض عالم کے کہنے پر ماسٹر سرفراز کو قتل کیا جس کے عوض انہیں فیاض نے امریکہ سے 2 لاکھ روپے بھجوائے تھے۔
سی پی او کی جانب سے پولیس پارٹی کو ایک لاکھ روپے انعام کا بھی اعلان کیا گیا اور ان کا کہنا تھا کہ باقی ملزمان کی گرفتاری کے لئے چھاپے مارے جا رہے ہیں۔
آرمی چیف راحیل شریف 3 روزہ سرکاری دورے پر لندن پہنچ گئے
لاہور پولیس نے 6 سالہ بچے کے قاتل کو گرفتار کر لیا
