فیصل آباد (جیوڈیسک) فیصل آباد کے وکلاء نے پی ٹی آئی کارکن کی ہلاکت کا مقدمہ سابق صوبائی وزیر قانون رانا ثناء اللہ کے خلاف درج ہونے کے خلاف آج ہڑتال اور عدالتوں کا بائیکاٹ کر دیا ہے۔
فیصل آباد میں 8 دسمبر کو ہنگامہ آرائی کے دورا ن پی ٹی آئی کے ایک کارکن حق نواز ہلاک ہو گیا تھا جس کے مقدمہ میں سابق وزیر قانون رانا ثناء اللہ کو بھی ملزم نامزد کیا گیا ہے۔
ڈسٹرکٹ بار ایسوسی ایشن فیصل آباد کی جانب سے بار کے ممبر اور سابق صوبائی وزیر قانون رانا ثناء اللہ کیخلاف درج مقدمہ کو بے بنیاد اور جھوٹا قرار دیتے ہوئے آج ہڑتال کی کال دی گئی تھی جس پر آج وکلاء نے مکمل طور پر عدالتی بائیکاٹ کر رکھا ہے۔
وکلاء کی جانب سے گذشتہ روز پولیو ورکر کے قتل کے واقعہ کی بھی مذمت کی گئی ہے۔
